Sheʼs Temporary Teacher Of Section Gang

Chapter 18

Kung kanina ang tahimik ng mga estudyante rito, ngayon nag-iingay na naman sila na para bang nakakita ng artista.

“Jax, diligan mo ako!”

Napalingon ako sa sumigaw. Si Kyrie iyon na tinutukso ng mga kaibigan.

Baʼt ka magpapadilig? Halaman ka ba?

Gusto kong mapairap. I still havenʼt forgotten what she did to me. Parang gusto ko rin kalmutin ang mukha niya dahil sa dinami-rami ng lalaki rito, estudyante ko pa talaga ang nilalandi niya! 

Mabuti na lang hindi siya pinansin ni Jaxon, ni hindi man lang siya nito tinapunan ng tingin dahil diretso itong lumapit sa bakanteng lamesa kasama ang teammates. Pang lima lang ang rectangular table kaya pinagdugtong nila ang dalawang mesa para magkasya silang lahat. They compressed the banquet chairs before sitting there.

Dumako ang tingin ko sa table ng mga Section Gang. They were eating and talking in silence, sometimes catching a glimpse of Jaxon having fun with his teammates. I even heard Josiahʼs rant that he called Jaxon a fake friend. 

Wala namang ginagawang masama si Jaxon, normal naman na makihalubilo siya sa mga kapwa niyang manlalaro lalo naʼt may practice sila ngayon sa basketball. Hindi lang siguro maiwasang magtampo ang mga kaibigan niya dahil parang mas pinipili niya ang mga iyon kaysa sa kanila.

I wonder kung ganʼon din ba sila sa future girlfriend nila? Are they the type who get jealous when their loved ones is with someone else? I canʼt imagine that, especially since they hurt women and arenʼt interested in relationships. 

Bumaling ako kay Eunice na nakatutok sa cellphone. Every time she watches K-drama and K-pop music videos, umiilag ako kasi nanghahampas siya kapag kinikilig. Hindi ako makarelate kasi hindi naman ako mahilig dʼon. 

“Whoʼs that on your wallpaper?” I asked her, pretending to be interested.
I tried to focus on something just to avoid Henryʼs gaze on me.

“Si Chen Feiyu. Asawa ko!” kinikilig niyang sabi habang hinahampas ako sa braso. Kaya ayaw kong tumabi sa kanya kasi nananakit ang babaeng ‘to!

“Korean din?” Sinubukan kong sumulyap kay Henry at naabutan kong nakatitig pa rin ito sa akin. Even though their table was a little far from us, I could clearly see him staring at me.

Ako ba talaga ang tinitingnan niya o nag delulu lang ako?

I looked behind to confirm if he was looking at someone there, kaso sa tabing lamesa namin ay puro mga lalaki ang naroon.

Muli akong napabaling sa kanya at pinandilatan siya ng mata. Ngumuso naman siya at nag-iwas ng tingin sa akin.

“Hindi. Chinese-American actor. Mahilig din kasi akong manood ng C-Drama... ang guwapo niya, ‘no?”

Napatitig ako sa larawan na iyon at bahagyang napaismid. “Badboy looks.” Parang si Braxton. Pero mas guwapo ito kaysa kay Braxton na mukhang adik.

“Ganyan ang type ko.”

“Hoy, kayong dalawa! Dapat gawang pinoy ang tinatangkilik niyo hindi mga banyaga! There are many handsome actors here in the Philippines at marami ring magandang palabas!” sabad ni Sofia.

“Nanonood din naman ako paminsan sa TV kaso nakakaumay dahil pulos kabit ang pinapalabas,” sabi ni Eunice. “Ikaw, Brielle?” Paling niya sa akin.

“Napanood ko na lahat ng pelikula ni Fernando Poe Jr,” pagmamalaki ko pa. Syempre sa YouTube ko lang napanood, hindi ko naman naabutan ang kapanahunan niya.

Sumimangot siya. “Puro action naman ‘yon!”

“Thereʼs also romance in his movie... iyong pelikula nila ni Sharon Cuneta.”