ទីប្រឹក្សាបេះដូង
ឃើញគេឡើងទៅខាងលើតាំងៗបែបនេះគេក៏សើចញ៉ោះថែមដំបូងថាលាក់ចរឹកតែមើលទៅលាក់លែងបានហើយ បើអាល្អិតម៉ូម៉ូគេខឹងគួរឲខ្នាញ់ថ្នាក់នេះ។
"បងប្អូនគេនេះចរឹកគួរឲស្អប់ដូចគ្នា"
ជីមីននិន្ទាដោយការខឹងចិត្តព្រោះកាលពីមុនក៏ដោយសារអាទង្វើបែបនេះហើយទើបគេលង់ងងឹតងងុលឲគេលួងលោមរត់តាមគេត្រុកៗដូចឆ្កែម្ដងហើយម្ដងទៀត
"ម៉ែដោះថាម្នាក់នេះយ៉ាងម៉េចដែរ"
មកមើលឯក្រោមវិញស៊ូហ្កាញញឹមនិយាយជាមួយម៉ែដោះទាំងភ្នែកសម្លឹងទៅទ្វារបន្ទប់អ្នកខាងលើ នៅជាមួយគេត្រឹមមួយថ្ងៃនាយមានអារម្មណ៍ថាបេះដូងដែលក្រៀមស្វិតជាយូរក៏មានអ្នកយកអាសារជួយប្រោសព្រំឲ។
"គួរស្រឡាញ់ណាស់ អ្នកប្រុសចាប់អារម្មណ៍គេឬ តែមើលទៅគេដូចជាស្អប់អ្នកប្រុសណាស់"
ពេលឮសម្ដីម៉ែដោះនាយគ្រាន់តែញញឹមឆ្លើយបាទនាយចាប់អារម្មណ៍គេទាំងដឹងហើយថាគេស្អប់មុខខ្លួនតែនាយមិនមានបញ្ហាអ្វីទេ នាយនឹងព្យាយាមឲគេស្រឡាញ់នាយឲបានហើយនឹងត្រូវតែដឹងដូចគ្នាពីមូលហេតុដែលគេស្អប់យ៉ុនហ្គីបងប្រុសភ្លោះរហូតរាលដាលស្អប់ដល់ទាំងគេ។
ព្រឹកថ្មី
ព្រឹកនេះនាយកំលោះស្លៀកពាក់ចេញមកយ៉ាងសង្ហា នាយកំលោះចុះមកលោតតិចៗហួចយ៉ាងក្រលួចជាភ្លេចតាមបែបមនុស្សសប្បាយចិត្ត។
"ម៉ែដោះ មូមូគេភ្ញាក់ឬនៅ"
នាយងាកមើលឆ្វេងស្ដាំមិនឃើញជីមីនទើបចាប់សួរខ្លាចថាគេមានបញ្ហាអីព្រោះនេះក៏ថ្ងៃហើយមិនឃើញមនុស្សសោះ។
"អូហ៍!អ្នកប្រុសតូចអង្គុយលេងនៅឯទោងក្បែរកញ្ចុះចាស៎"
ជីមីនភ្ញាក់តាំងពីព្រលឹមស្រាងៗព្រោះវាជាទម្លាប់គេទៅហើយ ភ្ញាក់មកក៏ជួយការងារម៉ែដោះព្រោះក្រែងចិត្តម្ចាស់ផ្ទះគេ។
"ម៉ែដោះកុំភ្លេចឲគេទៅសម្អាតបន្ទប់ខ្ញុំផង"
នាយដើរទៅហួសបន្តិចទើបនឹកឃើញងាកមកប្រាប់ម៉ែដោះទាំងស្នាមញញឹម និយាយរួមតាំងពីយប់មកដល់ពេលនេះនាយនិយាយអ្វីក៏ញញឹមដល់បែបនោះគាត់ចង់ខ្លាចវិញតើ។
YOU ARE READING
ទីប្រឹក្សាបេះដូង(ឈុតសេរី:ទឹកឃ្មុំព្រៃ)
Actionផ្កាយVsព្រះចន្ទ=ឈឺចាប់ ចុះបើ ផ្កាយVsប្រមុខកោះផ្កាយវិញ=???