🦋 إسكريبتات شروق حسام 🦋

الجزء الثاني 🦋

بقلم شروق حسام 🦋

مدثر بقوة خلتها تكش على نفسها من الرعب " أنتِ تخرسي خالص وماتتكلميش وكل اللي أقوله يتنفذ بالحرف الواحد وطلاق مش هطلق وروحي اضربي راسك في أتخن حيطة. "

_" ودلوقتي يلا غوري من وشي مش عايز المحك النهاردة تاني. "

جواهر أول ما سمعت كده جريت وراحت على أول أوضة قدامها.

_" معلش يا ابنِ ماتزعلش من كلامها هي لسه مش متعودة علينا بكرا.... "

_" مش عايز أتكلم دلوقتي يابابا لو سمحت أنا طالع أنام تصبح على خير. "

_" وأنت من أهل الخير. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد شهرين

حرفيًا كانوا أسوء شهرين في حياتي من الكارثة اللي دخلت حياتي كل يوم بتعمل فيا مقالب لدرجة إنِ دخلت المستشفى مرتين بسببها.

_" اااااه. "

_" هههههه أحسن تستاهل. "

مدثر بوجع " تاني ياجواهر تاني أنتِ مش بتحرمي أنتِ كنتِ آخر مرة هتموتيني محروق من مواهبك في المطبخ. "

_" المرة دي هتموتيني متزحلق. "

_" حرام عليكِ يا شيخة مش مصدق امتى أخلص منك وارتاح. "

جواهر وهي بتطلع له لسانها " هفضل قاعدة على قلبك لحد ما أخد فلوسي وأمشى وأنا اللي مش عايزة أشوف وشك تاني. "

_" اه ياضهري اه حسبي اللّٰه ونعم الوكيل فيكِ روحي من قدامي. "

جواهر بسخرية " ابقى حاسب بعد كده يا دودي. "

اتصنم مكانها للحظات وهو بيسمع الدلع اللي كانت سندس دايمًا متعودة تناديه بيه.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_" أنا تعبت يا بابا تعبت مدثر بقي بعيد عني أوي مابقاش مدثر حبيبي اللي كان بيحبني وبيخاف عليا بقيت عادي بالنسبة له. "

_" ياسندس يابنتي أنتِ بس هتلاقيكِ حاسة كده بسبب إنه اتجوز غيرك. "

سندس بدموع " لا يابابا مش إحساس ولا حتى توهم أنا متأكدة متأكدة إن مشاعره بدأت تميل ناحيتها. "

_" من وقت ما اتخطبنا وإحنا ماتكلمناش غير هم مرتين. عارف يعني إيه مرتين؟ مدثر كان بيرن عليا في اليوم بس فوق ال50 مرة دلوقتي بقيت ولا فارقة معاه. دي آخرة إنِ وافقت اتخطب له من غير من أبوه يعرف أو حد من أهله يعرف. "

_" مابقاش زي الأول هو خلاص ضاع مني. "

عزت خدها في حضنه بقوة " حقك عليا يابنتي أنا غلطان إنِ وافقت إنك تتخطبي لواحد متجوز حقك على قلبي بس حبك الظاهر ليه هو اللي مانعني أرفض. "

_" الحق مش عليك الحق عليا أنا إنِ رضيت بالوضع ده وأنا هصلح غلطتي. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

على الناحية التانية
كانت معدية من قدام أوضة سامي لكنها وقفت وهي بتسمعه بيقرأ قرآن.

_" تعالي يابنتي اقعدي جنبي. واقفة عندك ليه؟ "

_" احم مافيش سمعتك بتقرأ بصوت حلوة فالصوت شدني. "

_" كنت بقرأ قرآن. تحبي تقعدي معايا وتسمعيني وأنا بقرأ؟ "

_" ماشي لو مش هضايقك يعني. "

_" لا مش هتضايقيني تعالي اقعدي جنبي. "

سامي كمل تلاوة بهدوء وخشوع لحد ما وصل للآيه 257 من سورة البقرة

_{اللَّهُ وَلِيُّ الَّذِينَ آمَنُوا يُخْرِجُهُمْ مِنَ الظُّلُمَاتِ إِلَى النُّورِ وَالَّذِينَ كَفَرُوا أَوْلِيَاؤُهُمُ الطَّاغُوتُ يُخْرِجُونَهُمْ مِنَ النُّورِ إِلَى الظُّلُمَاتِ أُوْلَئِكَ أَصْحَابُ النَّارِ هُمْ فِيهَا خَالِدُونَ}.

عيون جواهر دمعت وبعدين انهارت في العياط.

سامي بخضة بعد ما صدق " في إيه ياحبيبتي؟ بتعيطي ليه؟ أنتِ كويسة؟ "

جواهر بتقطع " هو ممكن...ربنا يسامحني على كل اللي عملته....في حياتي؟ "

سامي طبطب على شعرها بحنية " ربنا غفور رحيم وبيقبل توبة عباده. "

_" علمني كل حاجة في الدين ياعمي عايزة لداتعلم كل حاجة. "

_" أول حاجة تسيبي الشغل اللي كنتِ بتشتغليه. "

_" أنا.....أنا سيبته من فترة ومش عايزة ارجع له تاني أنا بس....بس كنت بهدد مدثر عشان يديني الفلوس عشان عايزة.....عايزة أسافر. "

سامي بصدمة " تسافري عايزة تسيبيني وتسافري بعد ما لقيتك بعد كل السنين دي عايزة ترجعيني وحيد تاني مش كفاية أخويا ومراته سابوني ماكانش ليا غيرهم في الدنيا أنا اه عندي مدثر وإخواته بس لسه بحس بالوحدة. "

_" يا عمي أنا مش قصدي ده كان من فترة أنا دلوقتي مش هسيبك ولا هبعد عنك. "

_" عارفة أبوكِ كان أخويا الكبير أبونا وأمنا ماتوا وأنا كنت في الثانوي عانيت كتير في حياتي وبعد موتهم بقى هو أبويا وأخويا وصاحبي بقي يشتغل ويعتني فيا لحد مابنينا الشركة و الإمبراطورية دي. "

سامي بدموع وابتسامة في نفس الوقت " وأمك كانت سكرتيرته في الشركة حبها من أول نظرة وراح في نفس اليوم اتقدم لها وهم الإتنين بقوا أمي وأبويا التانين. "

_" بس خلاص أنا اتكسرت لتاني لمرة لما سابوني ومشيوا حسيت باليتم ساعتها يعني ولا أب ولا أم ولا أخ ولا حد معايا ولا حد. "

جواهر مسكت إيده بقوة " أنا ومدثر عيلتك وعمرنا ما هنسيبك. "

خلصت كلامها وهم الإتنين هيعطوا في حضن بعض.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

كان نايم على السرير بيحاول يخفف وجع ضهره لحد ما موبايله رن وكانت سندس كان هيكنسل عليها بس أتراجع و رد.

_" ألو. "

سندس بجمود " مدثر عايزة أقابلك بكرا في كافية (_____) "

_" بس أنا... "

_" من غير بس لازم أقابلك ضروري في موضوع مهم لازم أقولهولك. "

قبل ما حتى مدثر يرد سندس كانت قفلت السكة في وشه.

#جواهر
#شروق_حسام