🦋 إسكريبتات شروق حسام 🦋

الجزء السادس 🦋

بقلم شروق حسام 🦋

_" أنا موافقة أكمل معاك هات يا بابا قسيمة الجواز أمضى عليها. "

سامح بص لها بقلة حيلة وإداها الورق بهدوء.

هند مضت على الورق وشالت شهيرة " يلا.... "

منصور بغلاظة وأمر " سيبي بنتك هنا. "

هند بصدمة وهي بتحضنها جامد " يعني إيه؟ أنا ماقدرش أسيب بنتي وأبعد عنها. "

منصور بعدم اهتمام ووقاحة " هي فترة سنة أو سنتين أكون انبسطت منك فيهم بعدها ابقي هاتيها تقعد معانا. "

عفاف بتحذير خفي " ماتخافيش يا هند سيبي شوشو هنا مش هيحصل لها حاجة يعني دي مع جدها وجدتها. مش كده ولا إيه. "

هند فهمت قصدها إيه وإنها هتخلي كل الأذي بعدين لبنتها.

_" تمام. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد سنتين

فضلت بتعذب فيهم من بُعد بنتي عني ومن معاملة ولاد منصور ومن بخله حتى وأنا حامل بابنه اللي من لحمه ودمه.

بنتي كنت كل كام يوم بعد ما منصور يروح الشغل أروح أزورها من غير ما يعرف.

_" شوشو حبيبتي وحشتيني يا عمري. "

_" ما ما ما ما. "

هند شالتها براحة عشان الحمل ولسه بطبطب على شعرها شهيرة عيطت بوجع.

هند بخضة " بنتي حبيبتي بتعيطي ليه يا قلبي؟ "

بصت علي شعر بنتها واتصدمت " إيه ده؟ "

_" مــامــــا يا مـــامــــــا. "

_" فيه إيه يا بت؟ بتزعقي ليه؟ "

_" إيه اللي في راس شهيرة ده؟ إيه اللي حصل وأنا مش موجودة؟ "

عفاف ببرود " كنت بغسل السجاد من كام يوم ووقعت على دماغها اتفتحت فوديناها للدكتور خيط راسها وهي دلوقتي كويسة أهي قدامك زي القردة. "

هند بتعب " كل ده حصل في الأسبوع اللي تعبت فيه وماقدرتش أجي أنا استحملت معاملتك كتير وجيتي عليا كتير وقسيتي عليا بس كله إلا بنتي أنا هاخد بنتي وهمشي. "

هند وقفت بوجع وحست إنها هتولد " ااااااه إلحقــــــوني بــــولد اااااه "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في المستشفى

هند صحيت من البنج بعد ما ولدت قيصري.

هند بهذيان " شهيرة شهيرة عمر ابنِ هاتوا لي ابنِ. "

سامح بحب " حمد اللّٰه على السلامة يا حبيبتي. "

_" شهيرة فين؟ وابنِ فين؟ "