🦋 إسكريبتات شروق حسام 🦋

الجزء السادس 🦋

بقلم شروق حسام 🦋

_" أنا موافقة أكمل معاك هات يا بابا قسيمة الجواز أمضى عليها "

سامح بصلها بقلة حيلة وإداها الورق بهدوء

هند مضت علي الورق وشالت شهيرة " يلا .... "

منصور بغلاظة " سيبي بنتك هنا "

هند بصدمة وهي بتحضنها جامد " يعني إيه أنا مقدرش أسيب بنتي وأبعد عنها "

منصور بعدم إهتمام ووقاحة " هي فترة سنة أو سنتين أكون إنبسطت منك فيهم بعدها أبقي هاتيها تقعد معانا "

عفاف بتحذير خفي " ماتخافيش يا هند سيبي شوشو هنا مش هيحصل لها حاجة يعني دي مع جدها وجدتها مش كده ولا إيه "

هند فهمت قصدها إيه وإنها هتخلي كل الأذي بعدين لبنتها

_" تمام "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد سنتين

فضلت بتعذب فيهم من بعد بنتي عني ومن معاملة ولاد منصور ومن بخله حتي وأنا حامل

بنتي كنت كل كام يوم بعد ما منصور يروح الشغل أروح أزورها من غير ما يعرف

_" شوشو حبيبتي وحشتيني يا عمري "

_" ما ما ما ما "

هند شالتها براحة عشان الحمل ولسه بطبطب علي شعرها شهيرة عيطت بوجع

هند بخضة " بنتي حبيبتي بتعيطي ليه يا قلبي "

بصت علي شعر بنتها وإتصدمت " إيه ده "

_" مااامااا يا مااماا "

_" فيه إيه يا بت بتزعقي ليه "

_" إيه اللي في راس شهيرة ده إيه اللي حصل وأنا مش موجودة "

عفاف ببرود " كنت بغسل السجاد من كام يوم ووقعت علي دماغها إتفتحت فوديناها للدكتور خيط راسها وهي دلوقتي كويسة أهي قدامك زي القردة "

هند بتعب " كل ده حصل في الأسبوع اللي تعبة فيه ومقدرتش أجي أنا إستحملت معاملتك كتير وجيتي عليا كتير وقسيتي عليا بس كله إلا بنتي أنا هأخد بنتي وهمشي "

هند وقفت بوجع وحست إنها هتولد " ااااااه إلحقوووني بووولد اااااه "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في المستشفي

هند صحيت من البنج بعد ما ولدت قيصري

هند بهزيان " شهيرة شهيرة عمر إبنِ هتولي إبنِ "

سامح بحب " حمد الله علي السلامة يا حبيبتي "

_" إبنِ فين وشهيرة فين "

_" الممرضة بتجهزه وهتجيبهولك وشهيرة قاعدة في البيت مع خالها ياسين الصغنن "

_" طب الحمد لله أنا...أنا عايزة أشوفه دلوقتي هتولي إبنِ "

هند خلصت كلام لقت الممرضة داخلة وهي شايلة إبنها

_" تعال في حضني ياحبيب قلب ماما "

_" الحمد لله يارب إجعله بار صالحًا بي وقرة عين لي وإحفظه ليا هو و أخته "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد 7 سنين
قبل رمضان 2013 بأيام

_" أنا زهقت دي مبقتش عيشة "

منصور بنرفزة " وأنا كمان قرفت منك أنتِ وعيالك سيباهم طول اليوم في البيت عاملين إزعاج وأنتِ خارجة تتسرمحي "

هند بسخرية " إتسرمح !!! هو إنِ أشتغل بقي سرمحة يابجحتك يا أخي ده أنت بتبخل علينا في الجنيه هو فيه واحدة بتأخد مصروف من جوزها 10 جنيه ياريته حتي بيقضي طلباتنا "

_" أنا شغال وشغلي مرتبه علي القد إحمدي ربنا غيرك مش لاقي الجنيه "

_" ههههه علي القد اه ما أنا عارفة "

_" يا ترضي وتعيشي زي ما أنتِ يا أطلقك وإمشي أنتِ وعيالك "

_" موافقة "

_" موافقة علي إيه بالظبط "

_" موافقة إنِ أطلق "

_" تمام أوووي كده و النهاردة قبل بكرا هنطلق "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد ساعتين

كنت خارجة من عند المأذون وأنا حاسة إن وأخيرًا حريتي رجعت لي

عفاف بحدة " عجبك كده يا هند بعد كل ده تطلقي ولتاني مرة ومعاكِ عيلين "

_" الحمد لله يا حبيبتي أنا راضية وكمان .... "

_" مش هقدر أخليكِ تعيشي معايا أخوكِ بيتجوز ومصاريفه كتير "

هند بوجع حاولت تخفيه " كنت هقولك أنا لقيت شقة في منطقة بعيدة وهسكن هناك آلاء صاحبتي القديمة من المصنع جبتهالي كتر خيرها "

_" سلام ياحبيبتي خلي بالك علي نفسك وعلي بابا وأخواتِ "

عفاف مردتش عليا وسابتها ومشيت

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدت أيام

فضلت أدور علي شغل يكون قريب من البيت عشان شهيرة وعمر لأن مفيش حد هيأخد باله منهم

لحد ما لقيت إعلان في الجريدة إن مطلوب مربية أطفال لرجل الأعمال معتز الأباصيري والحلو إن فيه إقامة وهقدر أخد ولادي معايا بس معرفش هيسمح بده ولا لأ

هند إتصلت علي آلاء تيجي تأخد بالها من شهيرة وعمر علي ما تيجي وجهزت نفسها بسرعة شوية وكانت آلاء وصلت

_" خلي بالك عليهم يا لولو وعلي نفسك سلام "

_" سلام ياقلبي ربنا معاكِ "

_" يارب سلام "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد فترة طويلة

كانت هند واقفة علي الناحية التانية من الطريق قدام فيلا جميلة جدًا في الشيخ زايد

هند بصت للفيلا بعدم إهتمام علي الرغم من جمالها بس ما إنبهرتش بيها لإنها فاقدة الشغف

هند بتنهيدة " إن شاء الله أتقبل "

هند بصت يمين وشمال وجت تعدي الطريق ....

#قسوة_ثم_عوض
#شروق_حسام