🦋 إسكريبتات شروق حسام 🦋

الجزء الثاني 🦋

بقلم شروق حسام 🦋

قمت مفزوعة وأنا بحط إيديا على بطني " ولادي. "

_" فريدة حبيبتي أنتِ كويسة؟ "

_" ماما ولادي كويسين؟ طمنيني عليهم اتكلمي حصل لهم حاجة؟ "

_" البقاء للّٰه يا بنتي ربنا خد أمانته في الولد وساب لك البنت. "

فريده بدموع " إنا للّٰه وإنا إليه راجعون اللهم أجرني في مصيبتي وأخلف لي خيرًا منها. "

_" حسبي اللّٰه ونعم الوكيل هم السبب اللّٰه لا يوريه يوم حلو في حياته. "

فريدة بتعب " خلاص يا ماما. "

دخل فريد بسرعة وراح ناحيتها ومسك إيديها " فريدة حبيبتي أنتِ كويسة؟ "

_" أنا كويسة يا حبيبي أنا عايزة أرجع بيتنا أنت عارف إنِ مش بحب المستشفيات. "

_" أنتِ بتقولي إيه يا فريدة؟ إزاي عايزة ترجعي للحقير ده بعد ما سابك وغدر بيكِ واتجوز عليكِ؟ "

_" عيب اللي أنتِ بتقوليه ده يا حماتي. "

_" أنا مش حماتك ياللي ماعندكش دم ولا نخوة. "

_" خلاص يا ماما أنا خلاص قررت واتتهي الموضوع وأساسًا فريد قال فترة وهيطلقها. مش كده يا حبيبي؟ "

فريد بتوتر من تغيرها " اه اه طبعًا يا قلبي هي فترة وهطلقها. "

_" هخرج اسأل الدكتور إنك تقدري تخرجي امتى من هنا ماشي يا قلبي مش هتأخر عليكِ. "

_" تمام. "

خرج فريد وقربت محاسن أم فريدة منها وهي بتقول لها بحدة

_" إيه اللي أنتِ عملتيه ده أنتِ بتخططي لإيه يا فريدة أنا عارفاكِ مش بتسكتِ على حقك وشكلك هتقلبي حياته 360 درجة للأسوء والصراحة هو يستاهل بس إنك ترجعي له لا أعملي أي حاجة غير كده اخلعيه أحسن من إنك ترجعي له. "

فريدة ببرود أعصاب " كنتِ دايمًا بتقولي لي أخد الحق صنعة وأهو أديني بنفذ كلامك بس بالعقل أنا هندمه على اليوم اللي فكر فيه يتجوز عليا منال اللي ماتساوش ضافري حتى سبحان اللّٰه الخبيثون للخبيثات والإتنين زبالة لايقين على بعض جامد. "

_" بكرا يجي ندمان ويبوس رجليا وإيديا ومش هسامحه أنا هوريه اللعب على أصوله ابن عمي الخاين اللي مالهوش أمان. "

_" وحياة ابنِ اللي مات لدفعه التمن هو ومراته وأمه اللي كنت بعتبرها أمي التانية وغدرت بيا. "

محاسن وهي بتحضنها " قلت لك قبل كده كتير يافريدة ماتعتبريش حد تاني أمك أنتِ كنتِ بتحبيها أكتر مني أنا بس اللي أمك أنتِ بنتي وأختي وصاحبتي كنت دايمًا بحسك مش معايا خالص وكنتِ بتقضي كل وقتك معاها. "

فريدة وهي بتبوس إيديها وراسها " حقك عليا يا ماما أنا آسفة واللّٰه آسفة ماكنتش أعرف إنها كده ومكنتش أعرف إنك زعلانة مني من النهاردة ماليش حد في الدنيا غيرك أنتِ وبنتي احنا التلاتة مالناش غير بعض. "