🦋 إسكريبتات شروق حسام 🦋

الجزء الخامس 🦋

بقلم شروق حسام 🦋

بعد سنة ونصف

كنت أطلقت من خالد وارتاحت منه وهو خلف ومراته جابت عصام بعد سنة في نفس يوم عيد ميلاد بنتي اللي كان سايبها ومش بيسأل عليها بس أنا هكون ليها الأب والأم وهو عمل كل ده عشان يقهرني بس أنا مش شاغلة بالي بيهم أصلًا وحاليًا هي حامل في العيل التاني يلا اللّٰه يبعدهم عني.

و ماما ماسلمتش من كلامها الجارح بعد ما اطلقت ده غير تنقلي من شغل لشغل عشان الأقي شغل كويس إشتغلت حرفيًا كل أنواع الشغل لحد ما استقريت في مصنع كريستال مش بتاع الزيت بتاع الكريستال بجد هـااا بس كل التعب ده مش مهم المهم دلوقتي بنتي شهيرة أحلى حاجة حصلت لي في حياتي بنت قلبي.

كنت بجهاز عشان أروح الشغل وفاجأة لقيت ماما داخلة عليا زي الاعصار.

عفاف بحدة " هاتي الفلوس اللي معاكِ أخوكِ عايز يخرج مع صحابه. "

_" بس ياماما أنا الفلوس اللي معايا على القد تكفي طلبات شهيرة وطلبات البيت بالعافية. "

عفاف بنرفزة " مش مهم بنتك اعملي لها أي حاجة طلباتها كترت أوي وأنا مش ناقصة وجع دماغ أخوكِ أولى. "

هند لسه هتتكلم عفاف ما إديتلهاش فرصة وفتحت شنطتها وخدت منها الفلوس وسابتها ومشيت.

هند بتنهيدة وجع " ياربِ أعمل إيه دلوقتي الحمد للّٰه ربنا كريم وهيرزقني من وسع. "

هند شالت بنتها وبدأت تلاعبها " شوشو حبيبة قلب ماما خليكِ هادية وماتزعليش تيتا وجدو ماشي يا قلبي. "

شهيرة ضحكت في وشها بطفولية.

هند باستها بقوة كذا مرة " يالهوي على الحلاوة إيه القمر ده يا ناس؟ "

_" هروح الشغل بقي وخليكي هادية يا شوشو هتوحشيني يا حبيبتي. "

هند نزلت شهيرة وإدتها لباباها.

_" خلي بالك عليها يا بابا عشان هي شقية وبتتحرك كتير. "

_" ماشي يا هند ماتقلقيش دي نور عيون جدها. "

_" أنا ماشية عايز حاجة. "

_" لا عايز سلامتك. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في المصنع

هند بابتسامة " صباح الخير يا بنات. عاملين إيه؟ "

آلاء بمشاكسة " صباح الورد يا قمر أنتِ. جاية متأخر دقيقة ليه؟ وحشتينا كل ده تأخير؟! "

_" هههه آسفة يا أبلتي غصب عني. "

_" نفس حوار كل يوم بردوه. "

هند بتنهيدة تعب " اه أعمل إيه بس؟ الحمد للّٰه. "

_" هند تعالي على مكتبِ عايزك. "

_" حاضر يا أستاذ مختار. "

آلاء بقرف " يخربيت شكلك ملزق مش راضي يحل عنك سنانه بتقع وبيفكر بطريقة مقرفة زي شكله أستغفر اللّٰه العظيم يا رب. "