🦋 إسكريبتات شروق حسام 🦋

الجزء الثالث 🦋

بقلم شروق حسام 🦋

بعد 6 شهور

عرفت في الوقت ده إن سبب خناقة خالتي وماما إن خالتي اللي بعتبرها زي أمي التانية وأكتر اتكلمت عليا كلام زي الزفت هي وابنها وإنِ ماشية على حل شعري وفلوسي كلها حرام، وإنِ بصيع ويلف في الشوارع.

بالنسبة لعبير فسرقت علبة الدهب من حقدها فيا لأن دكتور وائل جارنا كان معجب بيا وعايز يتجوزني بس هي كانت بتحبه وعايزة تتجوزه غصب عنه وهو كان رافضها فمن غيرتها سرقت دهبي.

ودلوقتي قاعدة في الكوشة في الشارع قدام بيت خالد بفستان فرحي اللي عبارة عن فستان عادي جدًا مايتقالش عليه حتي إنه فستان، ولا ليه أي علاقة بفساتين الأفراح لا من قريب ولا من بعيد.

خالد بهمس " ما تضحكِ شوية يا هند المعازيم هيقولوا إنك مغصوبة عليا. "

كمل بغمزة ووقاحة " وكمان الليلة ليلتنا يا قلبي المفروض تكونِ مبسوطة عشان هتبقي مع خلودة حبيبك. "

هند في سرها بقرف " يـــع كتك القرف في شكلك الزبالة ده محسسني إنِ مش مغصوبة عليك إتفـــــو عليك مقرف. "

_" سرحتي كل ده فين يا حب؟ ده الفرح خلص وأنتِ مبوزة. "

هند ماردتش عليه وفضلت باصه قدامها بهدوء.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد شوية

خالد باستعجال واضح " يلا روحي اجهزي بسرعة يا هند مافيش وقت. "

_" ماتقربش مني أنا بقرف منك وماكنتش عايزاك أصلًا وماما هي اللي جبرتني عليك. "

خالد بسخرية " ما أنا عارف عادي يا قلبي بكرا تحبيني المهم اجهزي عشان عايز حقي. "

_" للدرجة دي مش هامك الكلام اللي قلته؟ "

_" ويهمني ليه وأنا عارفه أساسًا أقول لك الكبيرة كمان أمك هي اللي قالت لي اتجوزك لأنها كانت طمعانة في عيلتزا وفكرت إنك لما تتجوزيني هتبقي هانم وهتتطلعوا من البيت الزبالة اللي أنتم عايشين فيه هههههه وأنا عارف كل حاجة من الأول بس قلت ليه لأ أتسلي شوية ببنتها اللي عايزة تتاكل أكل دي. "

_" ومن غير حتى ما تدخلي تجهزي أنا هاخد حقي دلوقتي. "

خالد فضل يقرب منها لحد ماقدر ياخد اللي هو عايزه وهي مشمئزة منه ومن اللي حصل.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

تاني يوم

هند صحيت من النوم على الحمام عمالة تفرك في جسمها وهي حاسة إنها هتتقيئ من كتر ما هي قرفانة من اللي حصل.

خلصت خالص ولبست وراحت عشان تجهز الفطار مالقتش أكل.

خالد ببرود " أنتِ بتعملي إيه عندك؟ يلا انزلي لماما عشان تعملي لها الفطار هي وإخواتِ. "

_" أنا تعبانة ومش هقدر أنزل. "

_" ماليش فيه تنزلي وتعملي الأكل وبعدين شوفي هتغوري تروحي فين. "

هند بقهر " حاضر. "

ومن اللحظة بدأ عذابي التاني بعد جحيمي مع خالد وضربه ليا أيام كتب كتابنا.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد 8 شهور

كنت في عذاب كل يوم طبيخ ونضافة لعيلته كلها من أول أمه وأبوه لحد ولاد إخواته وماكانش عاجب بردوه وكل ده وأنا بطني قدامي مترين من الحمل غير الضرب والإهانة والشتيمة.

خالد بغضب " أنتِ يا حيوانة فين الغدا؟ ليه لحد دلوقتي ماعملتهوش؟ كل يوم قاعده فاضية ومش بتعملي حاجة ولا تكون إيديكِ إتكسرت يلا قومي إتزفتي إعملي الغدا. "

هند بتعب " فيه إيه؟ بتزعق ليه يا خالد؟ كنت بغسل هدومك. "

خالد اتعصب ووقعها على الأرض ونزل فيها ضرب في جسمها كله وما اهتمش بحملها " بقي أنتِ تردي عليا أنا يا بنت الكلب يا حيوانة؟ "

هند بخفوت قبل ما يغمي عليها " خلاص مش قادرة ابنِ بيروح. "

خالد بخوف " هند هند أنتِ مُتي ولا إيه؟ يا مصيبتك يا خالد هند فوقي بقي بطلي تمثيل. "

خالد مالقاش منها رد راح شايلها بسرعة وخرج بيها على المستشفى.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في المستشفى

_" طمني يا باسم هي لسه عايشة؟ "

دكتور باسم بغضب " أخرس خالص إيه اللي أنت عملته في مراتك وابنك ده يا خالد؟ ابنك مات بسببك ومراتك جسمها كله كدمات وكان عندها نزيف داخلي وربنا ستر ووقفناه هي بنات الناس بقي يتعمل فيهم كده يا صاحبي اتقي اللّٰه شوية دي وصية الرسول وهتتحاسب عليها. "

خالد بعد اهتمام " المهم إنها تفوق عشان أنا زهقت من قعدة المستشفى. "

باسم بتحذير " لو اللي حصل ده اتكرر تاني يا خالد هتشوف مني وشي التاني وتصرف مش هيعجبك لما أتصل بالبوليس ويقبض عليك إيه رأيك بقى إتعدل أحسن ما أعدلك. "

خالد بخوف لأنه عارف صاحبه كويس وإنه مش بيهدد وخلاص لأ ده بينفذ " حاضر خلاص خلاص مش هعمل كده تاني. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

شوية وهند صحيت من المخدر وحطت إيديها على بطنها بدموع " مصطفى أنت روحت فين ياحبيب قلب ماما؟ معقول خدوك مني يا روحي؟ أنت يا حتة من قلبي. "

هند بأنفاس تقيلة " إنا لله وإنا إليه راجعون اللهم أجرني في مصيبتي وأخلف لي خيرًا منها. اللهم أنت المأمول لأحسن الخلف وبيدك التعويض عما تلف فإفعل بنا ما أنت أهله يا كريم فإن تفكيرنا أصغر من أن يسع كرمك وإن أرزاقنا عليك وآمالنا كلها مصروفةٌ مُعلّقة بك يا الله. "

#قسوة_ثم_عوض
#شروق_حسام