🦋 إسكريبتات شروق حسام 🦋

الجزء الأخير🦋

بقلم شروق حسام 🦋

فريد بصدمة وهو بيضربها بالقلم " الحق مش عليكِ الحق عليا إنِ بعت الغالي بالرخيص بعت الذهب بالفلصو. "

_" أنا إزاي أصلًا قدرت أسامحك بعد ما اتجوزتي أخويا؟!! "

_" أنتِ طالق طالق بالتلاتة يا غلطة عمري طالق طالق طالق. "

منال بجنون " لأ لأ أنت ليا أنا وبس فلوسك وحياتك ليا. "

الشرطي بصرامة " يا عسكري خد المتهمة على الحبس. "

_" استني عشان تعرفي إنِ أحسن منك أنا جبت أهلك من الصعيد عشان يربوا ولادك يا منمن. "

_" بس دول ولاد أخويا. "

_" مابسش ياحبيبي أهلهم أولى بيهم وهم هيعرفوا يربوهم أحسن مننا. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد ساعة
في شقة فوزية أم فريد.

_" إيه اللي حصل يا ولاد؟ ومنال فين؟ "

_" أنا طلقت منال. "

_" يالهوي ياخيبتك السودا في ابنك يافوزية أنتم محسودين. "

_" الحمد للّٰه إنِ كشفت حقيقتها دي سرقت دهب مراتي وكانت هتبعيه ودلوقتي هي في السجن. "

فوزية سمعته بصدمة وهي مش قادرة تتكلم

فريدة بسخرية " وكمان إيه محسودين دي أنتِ المفروض تقوليها ليا أنا وفريد بعد ما اتجوز عليا ولا أنتِ رأيك إيه يا مرات عمي. "

_" الأستاذة اللي أنتِ فضلتيها عليا وجوزتيها جوزي عشان ولادها أو ولاد ابنك التاني بمعنى أصح سرقت الدهب وماكنتش أصلًا بتحب ابنك كانت واخداه زي كوبري للفلوس وعشان تحقق مصالحها. "

_" كان في مثل بيقول خيرًا تعمل شرًا تلقى بس أنتِ أذيتيني بس في الآخر ابنك هو اللي اتأذى يعني شرًا تعمل شرًا تلقى وخيرًا تعمل خيرًا تلقى. "

فريد بزعيق " فريدة إيه اللي أنتِ بتقوليه ده اعتذري لماما حالًا. "

_" بس.... "

_" من غير بس يلا اعتذري. "

فريدة بتمثيل الحزن " أنا آسفة يا ماما حقك عليا. "

خلصت كلام وبعدين سابتها وطلعت على شقتها.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد ساعة دخل فريد الأوضة وهو مكشر وزعلان.

فريدة بدلال مصطنع " إيه يا بيبي كل ده؟ إتأخرت عليا ليه؟ "

ماردش عليها وراح خد شاور وغير هدومه بعد ما خلص راح نام على السرير وإداها ضهره.

فريدة وهي بتبوس خده " أنت لسه زعلان مني أنا ماكنتش أقصد أجرح ماما في الكلام وكمان أنا إتأسفتلها. هي لسه زعلان مني؟ " ( ياجبروتك ياشيخة ياجبروتك )