🦋 إسكريبتات شروق حسام 🦋

الجزء الرابع 🦋

بقلم شروق حسام 🦋

بعد أسابيع

صحيت هند من النوم بتعب وهي حاسة بأعراض إغماء وإنها عايزة تستفرغ.

هند بصدمة " مش...مش معقول أكون حامل بالسرعة دي؟ "

هند جريت بسرعة على التويلت عشان تتأكد عن طريق إختبار الحمل.

بعد شوية كانت باصة في الإختبار اللي طلع إيجابي وشدت في شعرها بقسوة " إزاااي؟ إزاي بالسرعة دي كلها؟ ااااااه ياربي أمتي أرتاح بقي؟ "

هند بجنون " لأ لأ أنا لازم أروح المستشفي أتأكد أكيد الإختبار ده نتيجته غلط اه اه غلط أنا عارفة. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

في المستشفى

هند بأمل " ها يا دكتور باسم النتيجة إيه؟ مش حامل صح. "

باسم بحزن " مدام هند أنتِ حامل في الأسبوع الأول. "

هند بأنفاس ثقيلة ودموع " أنت متأكد إنِ حامل أنا واللّٰه مش زعلانة بس كان نفسي ابنِ أو بنتي يجوا في ظروف أحسن و يكون ليهم أب كويس الحمد للّٰه ياربِ الحمد للّٰه اللهم أرزقني الصبر. "

باسم حزن جواه لأنه عارف خالد صاحبه بيعمل في مراته إيه اتنهد وقال " هكتب لك على شوية أدوية تنتظمي عليهم وأهم حاجة الراحة ثم الراحة ثم الراحة أنتِ لسه طالعة من حالة إجهاض مابقلكيش وقت وماكنش ينفع تحملي بالسرعة دي بس الحمد للّٰه كلها أقدار ومكتوبة. "

هند بتعب " حاضر يا دكتور أنا ماشية عن إذنك. "

بص لأثره بحزن ودعي إن ربنا يوفقنا ويريح قلبها.

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

خالد بنرفزة وزعيق " كنتِ فين يا هانم؟ وإزاي تخرجي من غير إذني؟ هي سايبة ولا إيه؟ كنتِ بتقابلي حبيب القلب ولا إيه؟ انطقي يا وسخة يا بنت الكلب. "

هند بجمود " أنا حامل "

خالد بصدمة وتوتر شديد " ح....حامل إزاي؟ أنتِ....أنتِ. "

_" قصدك عشان لسه طالعة من إجهاض مصطفى ماتقلقش أنا بموت بسببك وبسببك حملت تاني مش هقول غير حسبي اللّٰه ونعم الوكيل ودعوة المظلوم عند ربنا حاجة كبيرة. "

كملت بسخرية " ههه وبالنسبة لأوهامك وإنِ بخونك فأنا روحت كشفت عند صاحبك دكتور باسم وابقي حتى إساله أنا داخلة أنام. "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

تاني يوم

هند صحيت من النوم بتعب وإرهاق على أصوات عالية في البيت كأن في فرح فيه.

هند باستغراب " خالد فيه إيه؟ إيه اللي بيحصل هنا؟ "

نسرين حماتها باستحقار " تعالي يا هند سلمي على ضرتك المحامية سهر. "

هند بجمود " إزيك يا سهر؟ يا رب يكون البيت عجبك. "

نسرين بصدمة " أنتِ إزاي كده؟ "

هند بسخرية " قصدك أنا إزاي كده ما اتصدمتش من جوازه؟ أحب أقولك أنا كنت حاسة ومتأكدة إنه هيعمل الحركة دي طلعاته الكتير معاها في الشارع ولمحته كذا مرة واقف معاها وأجي أسأله يقول زبونتي في المحل فعادي يعني هو أصلًا مش فارق معايا اتجوز ولا لأ لأنِ بقرف منه وكمان أنا كده كده هتطلق. "

خالد بعصبية " أنا مستحيل أطلقك أنتِ هتفضلي مراتي لحد آخر العمر. "

هند بسخرية " تؤ تؤ تؤ صدق صعبت عليا يا حرام. "

كملت بغضب " عايزني أفضل معاك عشان تكمل عليا أنت وأهلك أنتم خلتوني عاملة زي الخدامة أكل وغسيل ونظافة وياريت حتي عاجب ده أنت فضلت تضرب فيا من غير رحمة لحد ما مصطفى راح مني ودلوقتي أنا حامل ماكملتش العشر أيام ومش مستعدة أخسر ابنِ أو بنتي اللي جاي فياريت تطلقني من سكات وإلا هفضحك في البلد كلها وأسوء سمعتك أكتر ما هي متساءة أصلًا هههههه. "

خالد بجبروت " عايزة تطلقي يبقي اتنازلي عن المقدم والمأخر والقايمة والعدة وتطلعي من البيت ده بالهدوم اللي عليكِ. "

_" تمام أوي كده. "

لسه هتدخل تجيب حاجة تلبسها عشان تمشي مسك دراعها بقسوة " قلت بالهدوم اللي عليكِ خلي المنطقة كلها تتفرج عليكِ يا وسخة. "

_" إتفــــــو عليك عيل ناقص ماتستحقش إسم راجل حتى ديوث. "

لسه هيرفع إيده عشان يضربها سبقته بخطوة وعملت اللي هو كان عايز يعمله فيها وضربته " ده قلم صغير بصبرك بيه على المر اللي هيحصلك وبكرا ابنِ أو بنتي اللي في بطني لما يكبر ويبقي ليه منصب عالي هيردلك الصاع صاعين وولادك اللي هتخلفهم هتتكسف تمشي في البلد منهم كما تدين تدان وبكرا تفتكر كلامي كويس واللي في بطني هتتمني بس إنك تقرب منه وتكلمه ومش هتعرف. "

_" والنهاردة قبل حتي بكرا تكون جايب المأذون عشان نتطلق ومش عايزة أشوف خلقتك تاني وكل حاجة هتنازلك عنها. "

خالد اتعصب ومسكها جامد من دراعها وطردها بر.ه

واحدة من الجيران شافتها فدخلتها عندها بسرعة وإدت لها لبس من بتاع بنتها.

_" شكرًا يا أم زياد كتر خيرك. "

_" ولا يهمك يابنتي خلي بالك على نفسك وأعرفي إن ربنا مش بيسيب حق حد اتظلم. "

_" عارفة أنا متأكدة وواثقة إنه هيجيب لي حقي. "

#قسوة_ثم_عوض
#شروق_حسام