الجزء الأخير 🦋

3.2K 75 2
                                    

بقلم شروق حسام 🦋

_" لا إستني وإيه لزمته أستني 24 ساعة أنتِ طالق يامنار "

_" بالثلاثة "

_" بس "

_" مبسش عشان أنا عمري ما هفكر أرجعلك تاني حتي لو فيه فرصة مابينا "

سليم ببرود " أنتِ طالق بالثلاثة طالق طالق طالق "

_" ورقة طلاقي توصلني علي بيت أهلي القديم وربنا يسعدك مع اللي إتجوزتها "

_" مش عايزة تعرفي أنا إتجوزت مين "

منار بقوة وبرود " صوفي بنت عمك "

سليم بصدمة " عرفتي منين !!! "

منار بسخرية شديدة " كنت دايمًا بشوفها بتبص لك من تحت لتحت وساعات وأنتم بتهمسوا لبعض كنت بكذب نفسي وبقول يابت دي بنت عمه وبيعتبرها زي أخته بس أنا طلعت غبية مش مشكلة ده كان درس ليا ومش هنساه "

سليم لسه هيمسك إيدها بعدت لورا

_" سليم أنت دلوقتي طليقي وما يحقلكش تقرب مني وتمسك إيدي "

_" أمي هي اللي أجبرتني أتجوزها عشان الخلفة وأنا كنت عايز أخلف فضعفت قدام رغبتها "

_" طول عمرها أمك ما بتحبنيش ما أعرفش ليه مع إنِ والله العظيم كنت بعاملها بما يرضي الله بس كانت دايمًا بتحرضك عليا "

_" علي العموم الكلام ده ملهوش منه فايدة ولا هيقدم ولا هيأخر ياريت ورقة طلاقي توصلني في أسرع وقت ومش عايزة أشوف وشك تاني "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد سنتين

في يوم كنت مع مصطفي جوزي عند الدكتور أصل أنا حامل في الشهر ال7 ربنا عوضني بمصطفي وببنتي اللي الجاية بعد كل اللي عيشته مصطفى كان زميلي إتعرفت عليه وأنا بشتغل في تصميم الديكور وحببني فيه لدرجة كبيرة بعد ما كنت رافضة الجواز تاني

خلصت كشف والدكتور طمني علي بنتي وإحنا خارجين من أوضة الكشف شوفته!

شوفت سليم كان قاعد وفي ايده عيل صغير لسه مولود

شافني وإبتسم وجيه ناحيتي " منار ! "

_" إزيك يا منار أخبارك إيه "

_" أنا كويسة الحمد لله "

_" بتعملي إيه هنا "

منار بإبتسامة حلوة وهي بتحط إيديها علي بطنها " الحمد لله ربنا عوضني بمصطفي وبنتي لمار "

إبتسم مصطفي وسلم علي سليم " إتشرفنا بيك "

_" الشرف ليا يا أستاذ مصطفي "

_" إبنك ده صح "

سليم بندم باين في عيونه " لا بنتي منار الصغيرة "

بصت منار لجوزها بتوتر بس إبتسمت وهي بتقول " أومال صوفي فين مش معاك ليه "

_" صوفي تعبانة شوية من الولادة فما بتخرجش كتير "

_" ألف سلامة إبقى سلم لي عليها إحنا مضطرين نمشي دلوقتي مع السلامة "

فضل باصص لها بحزن وندم وهي ماشية هو اللي وصل نفسه لهنا بس بعد إيه هو ندم بس بعد فوات الآوان

مشيت أنا ومصطفي وأنا ماسكة في إيده بقوة

_" لسه بتحبيه يا مناري ؟ "

_" لا حبي إنتهي ليه يوم ما إتجوز غيري عشان الخلفة وطلقني وباعني في ثانية "

بعدين سندت رأسي علي كتفه " بس حبي ليك غير بعد ما حبيتك عرفت يعني إيه الحب الحقيقي "

باس رأسي وهو بيقول " ربنا يخليكِ ليا يامنارتي أنتِ ولمار أنا بحبك "

_" وأنا كمان بحبك "

_" طب يلا نروح بسرعة عشان نلحق حلقة المحقق كونان "

_" اه صح يلا بسرعة كده هيفوتنا "

_" قلت لك إن أنا بحبك صح "

_" اممم علي حسب "

منار وهي بتطلع له لسانها " أنا بحب كونان أكتر هههه "

_" بقي كده شوفي مين هيجيب لك حاجات حلوة تاني "

منار وهي بتبص له بعيون بتلمع " أنا بحبك أكتر من أي حاجة في الدنيا ربنا يخليك ليا وميحرمنيش منك "

_" وأنا بموت فيكِ "

تمت

#ندم_بعد_فوات_الأوان
#شروق_حسام

🦋 إسكريبتات شروق حسام 🦋حيث تعيش القصص. اكتشف الآن