အခန်း ၃၆ (အပိုင်း ၂)
ဇီဒန်းရဲ့သူငယ်ချင်းတွေက ထိုင်ခုံနေရာ ယူထားပြီးသား ဖြစ်နေတယ်။ သူတို့သုံးယောက် အတူတကွ ရောက်သွားချိန်မှာ အထူးသဖြင့် ချန်ယန်နဲ့ ရှဲ့ရန်ကို တွေ့တဲ့အချိန်မှာ အားလုံးရဲ့မျက်လုံးတွေက အံ့အားသင့်နေပုံရတယ်။
တကယ်တော့ ဒီလိုစုံတွဲပေါင်းစည်းမျိုးကို တွေ့ရဖို့က ရှားပါးလွန်းတယ်လေ။ လူနှစ်ယောက်ထဲက ဘယ်တစ်ယောက်ကိုပဲ ကြည့်ကြည့် လူကိုသေစေနိုင်လောက်အောင် ချောမောလွန်းတယ်။
ရှဲ့ရန်နဲ့ချန်ယန် ဝင်ထိုင်ပြီးတာနဲ့ သူတို့ဘေးက တစ်ယောက်က ရှဲ့ရန်ကို စီးကရက်တစ်လိပ် လှမ်းပေးလိုက်တယ်။ ရှဲ့ရန်က ယဉ်ယဉ်ကျေးကျေး ငြင်းဆိုလိုက်တယ်။ "ငါ ဆေးလိပ်ဖြတ်ထားတယ်"
ထို့နောက် အဲ့လူက ချန်ယန်ကို ဆေးလိပ်သောက်တက်လားလို့ မေးလာပြန်တယ်။
ချန်ယန်ကလည်း ခေါင်းခါလိုက်တယ် "အိမ်မှာ ကလေးတစ်ယောက်ရှိတယ်၊ အဲ့တာကြောင့် ဆေးလိပ်မသောက်ဘူး"
တကယ်တော့ ချန်ယန်က ဆေးလိပ်သောက်တတ်တဲ့ အလေ့အထ မရှိဘူး။
"မင်းမှာ ကလေးရှိတာလား? ဘယ်လို ပုံလေးလဲ၊ မင်းမှာ ဓာတ်ပုံတွေ ရှိလား"
ထိုလူက စီးကရက်ကို ပြန်ယူပြီး မီးညှိနေရင်း ပေါ့ပေါ့ပါးပါး မေးလိုက်တယ်။
"အင်း" ချန်ယန်က သူ့ဖုန်းကို ထုတ်လိုက်ပြီး ကလေးရဲ့ဓာတ်ပုံကို ဖွင့်လိုက်ပြီး ဇီဒန်းရဲ့ သူငယ်ချင်းလို့ ယူဆနိုင်တဲ့လူကို သူ့ဖုန်း လှမ်းပေးလိုက်တယ်။ ထိုလူနဲ့ သူ့ပတ်ဝန်းကျင်မှာ ရှိနေတဲ့ အခြားသူတွေက ဓာတ်ပုံကို ငုံ့ကြည့်နေကြတယ်။
"သူက ချစ်စရာကောင်းလွန်းတယ်"
"နောက်တစ်ခါဆိုရင် အတူတူကစားဖို့ ခေါ်လာပါလား"
ဓါတ်ပုံတွေကို ကြည့်ပြီးတဲ့နောက်မှာ တစ်ဖက်က ဖုန်းကို ချန်ယန်ဆီကို ပြန်ပေးလိုက်တယ်။ ချန်ယန် ဖုန်းကို လှမ်းမယူရသေးခင်မှာ ဇီဒန်းက သူ့ဖုန်းကို လှမ်းယူလိုက်တယ်။
"ငါ့ကို ကြည့်ခွင့်ပေးဦး"
ကောင်လေးရဲ့ဓာတ်ပုံတွေကို ကြည့်ပြီးတဲ့နောက်မှာ ဇီဒန်းက ချန်ယန်ဆီကို ဖုန်းပြန်ပေးလိုက်တယ်။
VOUS LISEZ
သူ့သားရဲ့ဖေဖေက အချမ်းသားဆုံးဘီလျံနာ
Roman d'amourHis Son Has a Richest Billionaires Dad Unicode: နှစ်တစ်ဝက်စာလောက် ခြိုးချန်ချွေတာပြီးတဲ့နောက်မှာတော့ ချန်ယန်တစ်ယောက် ဇိမ်ခံအပျော်စီးသင်္ဘောပေါ်မှာ ခုနစ်ရက်လောက် ပျော်ပါးဖို့ စာရင်းသွင်းလိုက်တယ်။ လမ်းမှာ စီအီးအိုတစ်ယောက်နဲ့ မတော်တဆ ဆုံမိသွားတယ်။ မကြ...
