2013.
Umalingawngaw ang malakas na tunog ng bell sa buong open field ng eskwelahan tanda na tapos na ang lunch time.
Mabilis pa sa alas kwatrong nagsitayuan ang mga estudyanteng kumakain sa may damuhan at nakipagsabayan ng takbo sa mga taong papunta na sa kani-kanilang mga classroom.
"Sunny, tara na! Baka maunahan pa tayo ni sir," aya ni Coffee sa kaniya saka nagsimula na ring tumakbo.
"Saglit lang!" ani Sunny matapos ayusin ang mga gamit.
Kaagad niyang sinundan ang kaibigan ngunit hindi niya napansin ang paa ng lalaking nakasandal sa malaking puno na daraanan niya. Napahiyaw siya nang mapatid rito dahilan para maalimpungatan naman ito.
"Sorry," anila sa isa't isa nang magtama ang kanilang mga mata.
Pasulyap niyang sinilip ang lalaki ngunit hindi niya ito mamukhaan dahil sa suot nitong itim na sumbrero at face mask. Ngunit nalaman niyang 3rd year na rin ito kagaya niya dahil sa kulay ng suot nitong lanyard.
"Time na," paalala niya rito pagkatayo habang pinapagpag ang palda.
Dali-dali naman nitong kinuha ang mga gamit at tumayo. Ni hindi man lang siya nito nilingong muli bago tuluyang tumakbo papalayo.
Napadako ang tingin ni Sunny sa isang puting bagay sa damuhan.
"Teka!"
Mabilis niya itong pinulot saka nilingon ang lalaki para tawagin pero tuluyan na itong nawala sa bilang ng mga estudyanteng tumatakbo.
"'Yong mp3 player mo," nai-bulong niya na lang sa sarili.
ČTEŠ
Like Yesterday
TeenfikceHave you ever wished to go back in time when all was simple and you could easily smile? Sunny Severio does. At the age of 26, while living an ordinary life, she grew tired of her constant routine, making her crave the happiness that she had unknowin...
