#ليته يعلم(أحببته منذ الصغر)

البارت ٩٤

البارت ٩٤
ليته يعلم ( أحببته منذ الصغر)
نور: اصلا انتووو كلكمم ماتريدوووني... حتى انت بابا من جانت دلال تسوووي اي شيي ويه رناا تكلب الدنيا وتروح لاهلها تفضحهم كلهممم...حتى اخر مره وكت مهااا كلكم تخبلتوو ووصلتو كلشي لاهلهااا...شمعنى وكت انيي محد سوى اي شي ولااهتميتووو خلف الله على سراب كالت لأخوتها وبردت كلبيي.....

اني وكع كلبي من كالت هالكلام باوعت على سراب خطيه انخطف وجها...صادق وعلاوي صفنو
صادق:شنو خلف الله على سراب كايله لاخوتها
نور:اي لو ماهي كالت
صادق باوع على سراب
صادق:المن كايله انتي ؟؟؟
سراب:..........
صادق:جاوبي مو كاعد احجي وياج ؟
سراب: ........
سراب جانت خايفه كلش حتى ماتكدر ترد على أبوها
شافها ساكته ماردت..عرف انو الكلام صحيح
ضربها راشدي بقوى
اني هنا تدخلت
رنا:هي حجت لعمى منتهى وعمتي كالت لولدها
صادق:اهاا يعني انتي تدرين.. ماشاءالله هاي بكيفجن تسوون من ورايا
رنا:.......
عيط علينا
صادق:شنوووووو انيييي هنااااا شحجيييت شكلتتتتت ..موكلت لحد يتدددخل ...شنووو ماحاسبات حساااب اكو زلم تتصرررررف
نور:بس شووو انتو كلشي ماسويتو
نوب بزايد تخبل من كالت هيج نور
صادق:ووووولج خبله انتييي منووو كااال عفت الموضوع انييي منووو كااال

علاوي: مايصير تتصرفن من كيفجن مفروض ماتخابرن احد ولاتحجن شي
صادق:بسطيه اني الجن كدامي عالبيت يلاااااا
جده:اصبر وليدي وين تروحون
صادق:يلااا امشششن
رحت اخذت قصي... وجده تحجي ويه صادق تهدي
بس هو حيل معصب حتى صدره صار احمر من كد الانفعال
صعدنا بالسيارة...وكل الطريق متعصب ويحجي ماسكت ولاهدأ
صادق:نوور لسااانج قسماً عضمآ الا اگصه الج واعلمج شون تحجين وتحترمين الاكبر منج......وسراب خانم على أساس اكول فقيره ماشاء الله ماشاء الله خوش بنات عندي اني ....
كلنا ساكتين ماردينا ... رجع باوع عليه
رنا:وانتي ضلللييي ضمييي عليه ولاتحجيييين ...ضلييي قبيسي وختختيييي
رنا:..........

صادق:اننننتنننن شكوووو بهاااي السوالف شكوووو
لاحوول ولاااقوة الااا باالله خررررب... شوكت واحد يرتااااح مااادري
وصلنا البيت..اول ماطبينا جوة صاح سراب
صادق:تعاااالي

هو طب للربعه وهي لحگته
في الربعه)
صادق:اريد تحجيلي الصحيح...انتي حجيتي ويه عمتج لو ويه منو بضبط ....بدون جذب
اني رحت على نور
رنا:ليش حجيتي هااا ليش موخطيه اختج
نور:اني ماحجيت حتى اخرب عليها..
رنا:لعد شكووو سولفتي ..موتعرفين زين اذا عرف صادق راح يتخبل!!

نور:.......ترا اني البيه مكفيني والله
عفتها وطلعت من الغرفه
شفت سراب طلعت من الربعه ودموعها صب
اني طبيت لغرفتي....بعد شوي اجه صادق للغرفه
صادق:ليش تجذبين عليه
رنا:بشنو
صادق:بشنو مو
رنا:........
صادق:تدرين بسراب مخابره اركان وضميتي عليه وفوك هذا تحذبين تكولين حجت ويه عمتي
رنا:.........
سكتت بعد ماعرف شكول
صادق:انتي تدرين شنو يعني بنتي تسوي هيج واكو من يغطي عالسوالف........هاي استهانه بالرجال اللي موجود بالبيت معناها......اذا سراب زعطوطه وسوت هيج من باب انحازت لاختها....انتي ليش ماكتيلي
رنا:يعني شكلك مثلا...اجي اكلك بنتك خابرت الولد وهيج وهيج سوت
صادق:اييي طبعاا تبلغيني بأي شي يصير هنااا
رنا:وانت تعرف شنو معناها وشيصير اذا اكلك ؟؟؟
صادق: شيصير يعني اكثر من الصار
رنا:هس اكلك قصدي.....ترا اني شماكون بنظر بناتك مرت اب.....من يصير هيج موقف واني اشوف سراب واجي اكلك.. شي أكيد انت راح تعاقبها.. وتعرف هالشي شراح يولد...راح تكوم تكرهني لان راح اكون بنضرها فتنت عليها وفضحتها ونيتي موزينه وياها ...واني صراحه ابد ماناقصني احد يكرهني بعد....نور مكفيه وموفيه ...
من كتله هيج حسيته استوعبني  اكثر بس بقى بموقفه وعناده مع العلم هو فهم عليه كلش زين
صادق: لووو شمايييكون وشماااايفكرن اني لازم أعرف بكلشي يصيررر...اني رجال البيت هناا واني اللي انصرف موغيري
رنا:ان شاء الله