#ليته يعلم(أحببته منذ الصغر)

البارت ٧٨

البارت ٧٨
ليته يعلم ( أحببته منذ الصغر)
جان اكو شباك مال المطبخ بدايه البيت.. عدلت شعري وباوعت على نفسي ..بدون زياده..كلش حلوة طالعه
طبيت جوة .
تلكتني فاطمه بنت عمى منى وجنتهم
سلمن عليه.. فاطمه جانت بس تباوع عليه
جنتهم: تعاي للهول كلها هناك
طبيت جوة ..تلكتني حنان
حنان:هلاااو رنا شونج شخبارج
سلمت عليها وباوستها
حنان:شنو هاي صايرة كيكه
رنا:ههه
باوعت جده وصابرين واكفات...
شافتني صابرين هم اجت سلمت عليه
صابرين: والقرآن ماعرفتج سمنانه وحليانه
صابرين:تعاي وياي تعاي
رحت وياها...
سلمت على جده
جده:هلا بيج
حسيت سلامها ثگيل..انقهرت كلش بداخلي 💔
هم سلمت على سراب
كعدت عالديوان ..اجت سرى كعدت يمي وسلمت عليه
سرى:يما هاي التعزل هيج يصير حالها بسرعه..حيل مليانه رنوش
رنا:ماعندي هموم الحمد لله
سرى:الف الحمدالله..ولو مكانج فارغ بالبيت
رنا:خلي يفرغ اهمشي اكون مرتاحه
سرى:باوعي مقابيلج باوعي
باوعت
نور ودلال واكفات عالحايط بالاخير
دلال صفنت عليه بعدين سحبت نور وشاورتها
عرفت زين كالتلها عليه
ثواني ونور باوعتلي
نور تباوع عليه بشكل موطبيعي ..تريد تاكلني بنظراتها
دلال تشاور بيها كل شوي
جنها صخله
بنص الهوسه..جناين عمى ومنتهى كاعدات ..سحر وتهاني وسناء
تهاني:كالو حامل
رنا :اي
سحر:شو اني صارلي سنه ونص من تزوجت راجعت كل الدكتورات وماحبلت شو هاي باول شهر حبلت...جا شبيهم زلمنا هههههه
تهاني:هههههههاي..
صابرين: اي موذاك اليوم عدنان يكله انت مثل الواي فاي بسرعه تكنك
سحر:اي والله
تهاني: موبس هيج خل اقهرج بعد..نوب عازللها بشقه هم
سحر: ماشاءالله..والله ميت مشكله اني ودلال واني عمتي منتهى ومنين يحضي...
صح جاملتهن وضحكت.بس بداخلي قريت المعوذات
جانت اكو مره ماعرفها كاعده يمهن سألت سناء جنت عمى منى
المره: ليش منو هاي ماعرفه
سناء: شبيج هاي رنا بنت اخو منى..هاي اليتيمه ..خطيه الوحيده البقت من أهلها
المره:اها خطيه..منو ماخذها
سناء:ماخذها صادق ابن اخو منى يعني يصير ابن عمها..يجي هنا مرات اذا تعرفينه..
المره: دقيقه دقيقه هذا المتدين لو اني متوهمه
سناء:ايي عفيه هو
المره:ابني يعرفه ...والله خوش رجال ...بس ماشايف هالبنت اني
سناء:ماتطلع هواي بس وكت المناسبات تجي
تهاني:اكلج رنا....منين اخذتي فستانج .. حيل حلو و نازك
رنا:ماخذته بنفسي ماعرف..
ماردت اكول صادق جابلي اياه.بس لحت عليه
تهاني:لعد منين
رنا: صادق جابه
سحر :يخبل خوش ذوق عنده
سحر: بحياتي ماجابلي شي ضياءافندي...
المهم بقن يحجن هواي..بعدين شغلن الديجي وكامن يركصن
اني جنت كاعده بمكاني واباوع عليهن
صابرين كالعادة ماتعرف.ركصها يضحك..
دلال تتعمد تجي تركص مقابيلي
ماهتميت الها ابد ولاباوعت عليها..
اعرف زين دتستفزني بحركاتها..بس مانطيتها مجال
بعد شوي حنان جابت ( حنى ) توزعها علينا
وصلتني
رنا:لا ماريد
حنان:ليش
رنا:ماحبها
بنص الهوسه وهاي ...اجت عيني على نور
كلت خلي اروح اسلم عليها..كل خلي ابادر بشي لخاطر صادق..هو بكل الاحوال اني بوحدي وهي بوحد
رحت وكفت يمها
رنا:شونج نواره
نور:زينه
حسيتها استغربت من سلامي
رنا: شخبارج
نور:ماشي الحال..بابا وينه
رنا: راح يم صديقه
نور:ماشي
عفتها ورجعت كعدت بمكاني..
المهم جانت الأجواء زينه يعني ماشي الحال..بس جده موهالكد وياي
صارت الساعه تقريبا ١١ هيج ..دك عليه
صادق:هلا بروحي..اكلج اني بطريق راح اجي اوصل البيت بعدين اخذج
رنا: ماشي
رحت كلت لسرى راح يجي صادق ياخذجن تحضرن
وكفت يم باب المطبخ
نور ودلال وجده وعمى منتهى  وصابرين كلهن جانن بالحديقة كاعدات
بعد شوي دك عليه
صادق:وينهن خل يطلعن
رنا: كاعدات بالحديقه هس اكوللهن
صادق:منو موجود..
رنا:عمى منتهى وجده والبنات
صادق:هس نازل
طب جوة..سلم عليهن
صادق:يلا امشن اوصلجن للبيت
نور تدق بجده
جده: البنات يبقن هنا مايروحن يباتن
صادق: مايحتاج
عمى منتهى:باجر العرس مالها داعي يروحن خليهن يباتن..هو باجر جايات جنايات
قنعنه بالحجي.. عاد كال هاي هيه
اخذ جده وصابرين وسرى وراح
بقت دلال ونور وسراب كاعدات بالحديقه.واني لبست العبايه والشال
انتظرته يرجع
بعد شوي ..فتح الباب
صادق:يلا امشي
رحت يمه..باوع عليهن.
راح يمهن حجه ويه سراب بصفحه بعدين اجه
طلعنا بالسيارة..
صادق:هاا الامور
رنا:زينه زينه
صادق:خما صار منا منا
عرفت شيقصد
رنا: لالا ماصار شي...اليوم حجيت ويه نور
صادق:اها عجب... مومن عوايدج
رنا:كلت اسلم عليها
صادق:خير ان شاء الله..
وصلنا الشقه.طبيت جوة.حسيت روحي مشتاكه الها
كبل طلعت ملابس نوم وفتت سبحت
طلعت.وطبيت للغرفه..هو جان متمدد مكنك
مشطت شعري وتعطرت... خليت مرطب جسم وادين
تمدت بمكاني وشغلت المسلسل..
جانت أجواء حلوة ومريحه كثير اللي
حضني ونمنا
ثاني يوم هم تحضرت للعرس.. ماقصرت بكشختي...لبست فستان هم اخذته من جهازي..عندي هواي ملابس جنت بعد مولابستهم
هالمره رحت للصالون خليته تمكيجني وتسويلي شعري.. كتلها بس ارفعي وخلي كم خصله نازلات..شي بسيط وحلو
رحنا للعرس... قبل مانزلت من السيارة كالي اوصيج مالج علاقه بوحده ابد عليج بنفسج وبس تونسي وهاي هيه..هزيت راسس ابتمست وكتله هاي هيه..نزلت هم جانت الأجواء حلوة وهاي..ماصار اي شي يزعجني..
وره العشه مباشره.. حسيت نفسي تعبت واريد ارجع اتمدد
دكيت على صادق كتله تعال اخذني...كال اني موجود هس اجيج
وكت تااطلع..صاحتني جده
جده:ها شو تاتروحين من وكت
رنا:شوي تعبت
جده:وين صادق
رنا: موجود هس يجي ياخذني
وكفت وياها بالطارمه..وهو اجه.. جان واكف يم الباب هو وفراس وعلاوي
من شافته جده..اخذته بصفحه وكامت تحجي وياه
جده: ليش ماترجع للبيت
صادق:انسي هالسالفه خليني مرتاح
كامت تبجي
جده: راح اموت من وراك
صادق: استغفر ياربي...ليش تحجين هيج ليش اله تقهريني يعني
فراس وعلاوي كامو يحجون وياها
صادفت بهاليوم خميس..
صادق:باجر اجيكم ان شاء الله
طلعنا اني وياه.. رجعنا للشقه