#ليته يعلم(أحببته منذ الصغر)

البارت١٩

البارت ١٩
#ليته يعلم ( أحببته منذ الصغر)
وصلنا وطبيت جوة وياهم احس كلبي انعصر.وكفت بالطارمه
جدة فطوم :فوتي بنتي
رنا: ماريد افوت
صادق:رناااا.شبيج ياعيني شبيج توكلي بالله
طبيت جوة شفت علاوي وسرى
اجت سرى سلمت عليه
علاوي:هلا رنا شونج
رنا: الحمد لله
اجت سراب ونور
سراب:ياااا وأخيرا رجعتي اشتاكيتلج كلش
جدة فطوم:تعالي بنتي فوتي لغرفتج وجيبي غراضج
طبيت للغرفه رغم اني مشتاكتلها بس احس بإحساس غريب.
خليت غراضي بمكانهن وبقيت بالغرفه اجت نور للغرفه
نور :ها رنا شونج
رنا:زينه.انتي شونج
نور: الحمد لله
سلمت عليه وطلعت
نور اكيد تعرف انو كلامي كله صحيح بس ماراح تعترف على رحاب
ضليت بغرفتي ماطلعت ولحد الان ماشفت لارحاب ولاولاء ولافراس
واصلا ماريد اطلع وشوفهم.
صارت الدنيا ليل واني بعدني بغرفتي.انحصرت اريد اروح التواليت
تااطلع جان اسمع صوت فراس.كبل رجعت
بقيت بالغرفه محصوره.
حتى اني صرت احس نفسي مذنبه💔
مرات اكول المفروض أضل اله الكي دليل وافضحها لان الصار وياي موقليل ابد وبعدين من اذكر الصار اكول لا مالي دخل طبهم مرض ان شاء الله ماتسوي موعلاقه وحده علاقات تنجاز.هو اله مايجي يوم وتنكشف والله يردلي حقي
ضليت محصوره.بعدين اجت سرى
رنا:اكلج اريد اروح للمغاسل
سرى:اي عادي تعالي
رنا:منو بالصلاه
سرى:عمه فطوم وفراس وصادق
رنا:يبوو
سرى:شعليج بيهم امشي وياي
رنا:مادري مستحيه .ماعرف ماريد اشوفه
سرى:يعني شنو تبقين هيج .
رنا:بلكي يروح لغرفته
سرى: وباجر وعكبه شون اول وتالي تشوفينه
رنا:خل انتظر شويه
سرى: براحتج
بعد شوي اجت سرى
سرى:يلاا تعالي ماكو احد
رحت وياها ع السريع للمغاسل من تاارجع شفت رحاب بوجهي
رحاب:ها بومه رجعتي
رنا: شتريدين مني
رحاب: ماريد شي منج حاليا.بس اياج اياج تفكرين تجين حولي أو تراقبين اوشي
رنا:ليش تخافين اراقبج.موعساس ماعندج شي
رحاب: الضاهر بعدج وكحه وموراحه
رنا: لازم صرت نفسج
رحاب:امشي فوتي جوة لغرفتج انكلعي من كدامي
مشيت وعفته طبيت لغرفتي.وره شويه سراب جابتلي عشه
اكلت شوي وشبعت.طلعت كتبي ودرست وبقيت بغرفتي
صارت الساعه ١١
اجت جده تاتنام وشايله وياها دولكه مي
جدة فطوم:هاي مي خاف تعطشين لان ادري بيج ماتريدين تطلعين
رنا:اي زين
نمت بالكوة احس كلشي حواليه غريب عني.صح اني رجعت بس اكو حدود هواي واكو حواجز
نمت وكعدت الصبح تااطلع اغسل باوعت من الباب ماكو احد
رحت امشي جان اشوف فراس هو هم جان يغسل
من شافني خوزر عليه وعبرررر
رحت غسلت وكلت بلكبي ايييه ايييه والله بالمكلوبي الدنيا
غسلت ورجعت الغرفه
كعدت جده وراحت للصالهاني بقيت بالغرفه
اجت سراب جايبتلي ريوك
رنا:تسلمين حبيبتي
سراب:اكلج رنا.يعني هس انتي راح تبقين هيج ما تطلعين من الغرفه الا وكت الحاجه
رنا:اي
سراب:الى متى
رنا: ماعرف والله
سراب: شكد ضجت عالصار وياج وخفت ماترجعين
رنا:هو لو اكو مكان اروح علي ماجان رجعت بس شسوي الله كريم
سراب: بس هذا هم بيتج
رنا:لا متوهمه ....يلا مكضيه
تريكت وسراب شالت الصينيه وطلعت
وره شوي طبت الغرفه ولاء
باوعتلي بطريقه ولاعاجبها رجعتي ابد
ولاء: اكلج شنو حضرت جنابج بس تعرفين تاكلين لاشغله ولاعمله.لاتحسبين عود صارت هاي الشغلة حتى تكضينها بغرفتج وماتسوين شي واحنه نخدمج
رنا:اني ماكايله لأحد تعال اخدمني
طبت الحيه الأخرى رحاب
رحاب: ماشاءالله صينيه تروح وصينيه تجي.مو خدم يمج احنه.مثل الخوش ادميه تشتغلين .ومن هس مواعين الغده عليج اني بعد ماغسلهن
حالج من حالنا تكومين تشتغلين بالبيت
رنا: لاحول ولا قوة الا بالله من الصبح شكولات زفره
ولاء:الزفره انتييي
رحاب تباوع على ولاء وتكول:والله محد انطاها وجه غير زلمتج....عود لاتحسبين رجعج هنا تتقوين بي.
رنا:اي عادي اتقوى بي موابن عمي ليش بيها شي
اني كلت هيج شو ولاء انجنت
اجت عليه وعيونها تطلع نار وشرار
ولاء:تتقوييين بمنوووو وووولج غير اطلع عيونج موحذرتتتتج اسمه ماتجيبينه على لسانج فهمتييي
سكتت مارديت .بس بمدي ارد ردود قويه
طلعن من الغرفه.
حقيرات حركن كلبي وطلعن.
كمت طلعت من الغرفه وبديت اشتغل
مو لان خفت منهن لا بس ماريد اصطدم وياهن اريد أتجنب المشاكل ماريد يكولون هم رجعت وهم كال وكلت واني اعرف اخر شي البييت وضعه مكركب
طلعت عزلت البيت وكنسته.صار وقت الغده
صبيتلي غده ورحت لغرفتي اتغده
وكت الغده والعشه اكل بغرفتي ماكل وياهم
تغديت ورحت وديت المواعين ع المطبخ
رحاب:اغسلي المواعين لاتنسين
شكد اكرها
غسلت المواعين عالسريع ورجعت لغرفتي فتحت الكتب وكمت ادرس.جنت مندمجه حيل بالدراسة لان مابقى هواي ع الامتحانات
طب صادق
صادق: هااا الأمور
ابتسمت وكلت:زينه
صادق:اي عفيه.خما أحد ضوجج أو سمعج كلام
رنا:امممممم
صادق:شنو اممم
رنا:لع
صادق:لع حلوة هاي لع... مع الوكت شوي شوي يرجع الوضع طبيعي
رنا: صحيح
صادق: اخبار دراستج
رنا:زينه .مابقى شي على امتحاناتي
صادق:اي درسي زين ولاتلتهين.حتى تطلعين معدل
رنا:ههه بشنو التهي..ماكو شي التهي بي
صادق:المهم ادرسي زين وطلعي خوش معدل
رنا:اي والله اريد معدل.بلكي اروح تمريض أو تحليلات
صادق:ان شاء الله.يلا اني اروح انام لان تعبان وهس رجعت من الدوام
رنا:ماشي
طلع من الغرفه واني هم رحت لفيت راسي ونمت
كعدت العصر .وهم كالعادة شغل ودراسه
وكل مااشوف الحيايه اروح بغير مكان لان اكره شوفتهن
صادفت مره صبينا العشه وتاروح لغرفتي اتعشه فراس صاحني
فراس:تعاي رنا أكلي ويانا
استغربت من كالي هيج.رحت تعشيت وياهم والوضع جان طبيعي بس رحاب ضاجت كلش وحتى تعصبت على ابنها وضربتو.
وره يومين اشتهيت بالليل بطاطا كلي وبيدنجان
رحت طلعت وكمت اكلي جان تجي رحاب وولاء للمبطخ
رحاب:كاعد تسوين اكل اي خوش.ارفعي بصفحه لفراس لان جوعان
كالت هيج وراحت
فعلا ان لم تستحي فافعل ما شئت
يعني بكل صلافه هيج تكلي وتروح.
رفعلته بصفحه ورحت لغرفتي اكل
جت الامتحانات يعني بعد ٣ايام امتحاني الأول
جنت ادرس بالغرفه اجت عليه رحاب
رحاب:كومي اغسلي المواعين
رنا:كاعد ادرس عندي امتحان
رحاب:لاتتحججين بالدراسة كلما كلنا شي كلتي دراسه
رنا:داكلج امتحان نهائي
رحاب: مشكلتج يلا كدامي امشي ع المطبخ
رنا:ماروح وماغسل اي شي
رحاب: داكلللج امشي اغسليهن
رنا:روحي عني عاد
كاعد نحجي وصوتنا على
اجه صادق وجده ع الصوت
صادق:شبيجن شكو
رنا:ترى رحاب بزعتني تريدني اغسل مواعين واني عندي امتحان ودراسه
صادق:انتي بيج شي . البنت عدها امتحانات ياشغل يمعوده
رحاب:بس ترى هي هم عايشه هنا المفروض تتشغل
صادق: ميخالف بس تخلص امتحانات عود تشتغل
راحت رحاب ووجها معبس
اني كمت احوس وضجت كلش
صادق طب الغرفه وسد الباب
صادق:شكو هالكد توترتي خليها تولي
رنا:ايي خليها تولي اي اي مبين
صادق:شكو شبيج
رنا:بيه وجععع
صادق:احجي عدل وياي
رنا:كله صوجك انت
صادق:اني شعليه يابنت
رنا:كتلك مارجع هناااا.اله ترجعني
كومي سوي كومي غسلي عبالك خدامه الخلفهن اني
صادق:اي لاتشتغلين واذا يريدن شغل من عندج تعاي كوليلي
رنا:بهالسهوله الحجي عندك..اوف اوووف
صادق:رنا لاتكبرينها عاااااد
رنا:لامااكبرها بس صوجك والله.عاد اليجي ينطي أوامر فوك راسي
صادق:هاي تاليها صوجي مو... فوك ماردت اساعدج وكاونت الكل على مود ترجعين مع الأسف عليج
كال هيج وراح
عرفت انو زعل مني
ضجت كلش وبعدين تندمت لان هيج كتله
انحمست وماعرف شسوي
من وكتها وهو مثكل وجها مني يعني مايحجي وياي هواي
جت الامتحانات ورحت امتحنت اول امتحان اسلاميه الحمد لله جاوبت زين لان سهل
وبقيت ادرس واروح امتحن والحمد لله جاوبت بكل امتحاناتي بس بالفيزياء موهاالكد.يعني عندي أخطاء باقي المواد بس موهواي
خلصت اخير امتحان الحمد لله ورجعت للبيت هلكانه
من طبيت جان صادق بالاستقبال .شافني بس ماسألني على امتحاناتي ولاكال اي شي
فد ضجت .فتت لغرفتي طلعت هدوم وفتت سبحت
بهاي الفتره الدنيا صيف وحاره حيل
طلعت من الحمام لكيته مقابيلي واكف وشايل كارتون انطاه لابنه حسن .يمكن جايبله لعبه
باوعت علي.باوعلي وكبل دار وجها
حيل ضجت من
اني رحت نمت ماكعدت للمغرب لان صار فتره مانايمه زين بسبب الامتحانات
كعدت لكيت بس جدة والبيت هدوء
رنا:ها وين الباقي شو سكته
جده فطوم: راحو يتونسون .
رنا:وين راحو
جده فطوم:والله صادق كال اخذ العيله اونسهم مدري ع المنتزه مدري ع مدينه الالعاب مادري بضبط .وفراس هم اخذ رحاب وابنه وياهم
رنا:وشعجب محد كالي ولااخذوني وياهم
جدة فطوم: والله كلت لصادق انتظروا رنا تكعد واخذوها وياكم شو كال مايحتاج وراحو
من كالت هيج جده
علكت بنار ومتت قهررر وانحمست كلشش
بقيت افتر بالبيت وماعرف شسوي.
المفروض اني اطلع اليوم واتونس لان خلصت امتحاناتي صار معرف شكد موطالعه ومتونسه من وكت السالفة الصارت
صارت الساعه ١٢
واني وجده بالصاله.جان اسمع صوت السيارة
عرفت اجو
طبو كلهم يضحكون ومتونسين
وطب صادق بأس راس جده وكعد يمها
اني ساكته بس ضايجه كلش منه
كامن يسولفن ويضحكن
نور:لج اني تخربطت باللعبه العاليه معد اكدر كمت اصيح
ولاء:هههههه كمتي تبجين موبس تصيحين
رحاب:اني ماسكه فراس كل قوتي حتى عضيته
كلهم كامو يضحكون
ولاء:انتي زين فراس صعد وياج بالالعاب اني بالكوة قنعت صادق يكعد وياي بذيج اللعبه الهادئه جانت حيل طيبه
بقو يحجون ومتونسين
واني بطارف عيني اباوع على صادق .
من يشوفني اباوع كبل يباوع بغير مكان يتعمد يضوجني
سرى:صدك رنا ماخذناها ويانا
رنا:مايحتتااج لان مايحتتاااج.
كلت هيج لان هو كال مايحتاج.اهمشي انتو تونسو
سرى:لاليش جان تونستي ويانا
رحت لغرفتي
بس محموسه حيل يعني الهالدرجه هو ضاج من سالفتي
رحت للمطبخ تااشرب مي جان اشوفه بعده كاعد بالصاله هو وجده بس
من شافني
صادق: سويلي جاي
رنا: خلي مرتك اسويلك
جدة:يولي موعيب هيج تردين
صادق:خليها يوم خليها
رنا:اني بس للخدم مخليني هنا.ماستاهل اتونس.لو ضيم لو شغل
رحت للمطبخ جان يلحكني
صادق: مايحتاج لاتسوين شي
رنا:انت ليش هيج تسوي وياي
صادق:شسويت ليش
رنا: تعرف زين شسويت...من ذاك اليوم وانت انكلبت عليه
صادق:اي تستاهلين
رنا:ليش شكلت حتى استاهل وهيج تعاقبني
صادق:هذا موعقاب هذا جزء بسيط لرد على كلامج اليه
رنا:موقصدي اضوجك بكلامي بس تعصبت وهيج طلعت مني....أسفه
صادق:بعد وكت.جنت منتظرج تعتذرين بساعتها. تاخرتي كلش
رنا:ايييه ايييه هاي هيه بقت عليك
صادق:شقصدج
رنا:واضح قصدي
تااطلع بس ماخلاني
صادق:يلا هاي هيه سامحتج
رنا:ومنو كاال اني مسامحتك
صادق:هلا شو كلبتي عليه
رنا: اي طلعتو تونستو وتكول مايحتتااج رنا تجي
واني اليوم خلصت امتحاناتي مفروض اني اطلع
صادق: تددللين
اجت ولاء
ولاء:هاا انت هنا....جنت ادورلك
صادق:اي كلت لرنا تسويلي جاي
ولاء:وليش ماكتلي اني
صادق:انتي جنتي بالغرفه
عبرت من يمها بكل ثقه وماهتميت الها
فتت لغرفتي وجده جانت موجوده.تمددت بفراشي
جان تفوت عليه
ولاء:اكلج عمى كولي لبنت حماج تصير ادميه وتعوف صادق احسن الها لااسوي شي موصاير والله ولاتكولون ماكلتي
جده فطوم:ياستار لييش شعدها رنا ويه صادق
ولاء:سئليها هس سئليها
رنا:انتي شكاعد تخربطين
ولاء: شعندج وياه بالمطبخ قبل شوي هاااا
صادق:هو كالج تاسويله جاي
جده فطوم:بلي صحيح هو كاللها سوي جاي
ولاء:وعليش واكفين سويه بالمطبخ
جده: ولاء روحي لغرفتج وعيب هالسوالف تالي الليل
ولاء:اني حذرت بعد
كالت هيج وراحت
وره يومين جنت اشطف الطارمه العصر جان يدك عليه علي
علي:ها رنا شونج
رنا:بخير انت شونك
علي: الحمد لله فتحيلي الباب
رنا:يابابا
علي:باب البيت اني مقابيلكم
باوعت ع الباب ورحت اركض
فتحت الباب اله من شفته كبل حضنته ونزلت دموعي
ماشاءالله صاير شكد حلو وكبران
علي:عليش تبجين شجاج
رنا:ليش ماكتلي راح تجي
علي:هيج ردت افاجئج
رنا:مشتاكتلك حييييل....فوت جوة فوت
طب للاستقبال
واجت جده وعلاوي سلمو علي
بعدين اجه صادق وفراس..هم. سلمو علي وكعدوو وياه
جنت طايره من الفرح بها اليوم.
احس اهلي كلهم اجو مو بس هو
دزيت حسن يجيب ببسي وبقلاوة
رحت كعدت وياه
علي:اي اخبارج
رنا: الحمد لله زينه انتظر النتائج
علي:جاوبتي زين عاد
رنا:اي الحمد لله ...خما ترجع بسرعه
علي: اسبوع هيج وارجع ....بالكوة اخذت اجازة من الشغل
رنا:اي عفيه لاترجع بساع
رحت للمطبخ تاسويله عشه ولاء جانت موجوده
اجه صادق للمبطخ:شنو تريدين تسوين عشه حتى اجييب مسواك
رنا:جيب لحم ودجاج وخضروات اريد اسوي نواشف
صادق:ماشي...
طلع صادق جان تكول
ولاء: اي عيني ليش لا لحم ودجاج بعد اكو شي نسيتي
كلشي براس رجلي
مارديت عليها
سويت عشه مرتب اله.دولمه وكبه وتمن ولحم ححمس ودجاج شوي
اجت رحاب
رحاب: ماشاءالله.يوميه مانشوفج تطبخين اليوم لان اخوج شاده الهمه
رنا:اي طبعا غير اخوي موجود
كملت العشه وصبيته الهم بالاستقبال

وسويت جاي وحضرته.كملو عشه
علي:عاشت ايدج موطبخ ضييم.من زمان مشتهي اكل البيت بزعت من المطاعم
رنا: بالعافيه عليك
تعللنه واجه وكت النوم فرشتله فراش بالاستقبال
وبقيت احجي وياه للساعه ٣ تقريباً
اخر شي نعست كلش ورحت تاانام جان أشوف صادق
صادق:ها بعدج كاعده
رنا:اي بقينا نحجي
صادق:ماشي روحي نامي
رحت لغرفتي وكفت يم الباب واباوع علي جان يتمسح تايصلي
وهم رجع كلبي يحن💔 ركزت كلش بتفاصيله اباوع على شعره وعلى لحيته وشون يغسل وشون يذكر الله
شكد ما كلبي وجعني اله خليت ايدي على كلبي
رحت نمت كعدت ثاني يوم وهم كلش فرحانه بجيت اخوي
سويت ريوك اله
رحاب: اي ماشاءالله صارو اثنين
فهمت قصدها
رنا:انتي ماالج علاقه نصير اثنين لوعشره موبيتج هذا
رحاب:ههههه ترى انتي خاطر هنا خاف ماتدرين
رنا:والله انتي ماتستحين
طلعت من المطبخ ورحت للاستقبال وديتله الريوك
اباوع على اخوي واجت سالفه رحاب أبالي
كلش ضجت .يعني فعلا البشر اذا ماكو ام واب يبقى ضايع
بنفس بالليل.جنه متفقين نجيب دومينا ونلعب ونتعلل
حضرت تعليله وجبت ببسي وكيك وحب شمس
شايلتهن تاوديهن للاستقبال جان اشوف علي كاعد يلبس حذائو تايطلع
رنا:وين تاتروح
علي:على اربيل
رنا:وين وين بهاليل اكو شي
علي:ماكدر اضل بعد
رنا:بس فهمتي شكووو
اجه صادق وفراس
صادق: وين تاتروح علاوي شعندك تطلع هس
باوعت علي الدمعه بطارف عينه
علي: ماكدر ابقى أبيت وأهل البيت يسمعوني حجي واحس نفسي ثكيل يلا اني رايح
صادق: دقيقه دقيقه منو سمعك حجي
علي: مايحتتاج اكول
فراس: شكو علاوي منو مسمعك حجي
علي:انتو ادرى
كال هيج وطلع
احس نكزت وكلبي ورررر...... يتبببع