#ليته يعلم(أحببته منذ الصغر)

البارت ٦٣

البارت ٦٣
ليته يعلم (أحببته منذ الصغر)
صح جان يوم صعب وتاذت نفسيتي كلش بي..بس هو عرف شون يصلحه ومانمت اله واني مرتاحه
كعدنا على صوت الموبايل ماله دك .....رد عالرجال بعدين سده وكام...باوعت عالساعه ٩ ونص
اني بعدني حيل نعسانه واريد اكمل نومتي..
هو طلع من الغرفه واني رجعت نمت
بعدين كعدت على صوت الجرارات مال التخت
فتحت عيني..اخذ المحفظه والسويج من الجرارات.باوعت الساعه ١١ الأربع
صادق:ها غلاي
رنا.....
صادق:بعدج ماشبعتي نوم
رنا:لا
صادق: ماشي ارجعي نامي لاتكعدين
رنا:وين تروح
صادق:عالدوام...ماجان عدنا شي..بس خابرونا هس اكو لجان لازم اروح
رنا: ها
صادق:ديلا كملي نومج..نتواجه من ارجع
رنا: ماشي
رجعت نمت.... كعدت على دكت الباب
رنا:منو
حسن:انزلي تغدي
رنا:جايه
نزلت غسلت ورحت للصاله كعدت وياهم
سرى:صح النوم .
جده: صادق وينه
رنا: بدوام
جده:ليش اجلتي العرس
رنا:......
جده:ماتردين
رنا:مااجلنا هواي اسبوع الخ
جده:والله ماعرف شحجي يلا تنجازون
تغدينا ورحت غسلت المواعين
اجت سرى
سرى:هاا تعالي احجيلي
رنا:شحجي
سرى:شو نايمه فوك البارحه وماكعدتي للضهر..احجي احجي لازم ماصبرتوو للعرس
رنا:لا والله ماصار شي..بس نمنا
سرى:چذب ..تريدين تقنعيني اممم
رنا:والله العظيم شبيج.كلشي ماصار
سرى: عجب الاخ صادق سيطر
رنا:اي ليش مايسيطر عادي
سرى:مادري
كملت المواعين ورحت عزلت البيت ونضفته..
هما راحو نامو.واني كعدت بالصالة جنت ماسكه موبايلي واراسل صديقاتي ..
طب فراس للمطبخ بعدين رجع سألني
فراس: صادق وينه
رنا:بدوام
طلع موبايله من جيبه وراح
بعد ساعه هيج اجه صادق ..
صادق:ها حلو
رنا: وأخيرا جيت
صادق:ليش
رنا:هيج .اصبلك غده
صادق:لا متغدي.فراس وينه
رنا:جوة بالاستقبال
راح للاستقبال..واني رحت بغرفه جدة تمددت.بقيت متمدده لحد اذان العصر. صليت
وره شوي كعدت سرى
رنا: اكلج خلي نشطف البيت
سرى:اي يرادله شطف.
رنا:واني عليش اكلج هو انتي شحالج..هس نشطفه اني وسراب
رحت صحت سراب وشطفنا البيت اني وياها ماخلصنا للمغرب..وسرى سوت العشه
بهذا الوكت صادق وفراس جانو ماموجودين بعدين خابرو كالو سون عشه اكو رجال راح يجي وياهم
اجو وكت العشه ..صبينالهم العشه
بعد ساعه هيج الرجال راح...اني طلعت للطارمه سمعت صادق وفراس يحجون بالاستقبال
صادق:والله  ياخوي بكيفك انت ..هذا الشي راجعلك بالكامل
فراس جان ساكت
بعدين كال
فراس: مادري اني محتار
حسيت اكو شي بينهم بس ماعرفت شنو
اني رجعت كعدت بالصاله ويه جده والبنات
بعد شوي اجه صادق كعد ويانا
جده:ها وليدي اخبارك اليوم ماشفناك
صادق:والله دوام وطلعت كم شغله
جده: جان هس باجر عرسكم..بس ويييين.
صادق:اي والله صحيح
باوع عليه بنضره
رجع كال
صادق: يلا مگضيه...وين حسن
سراب: جان بره يلعب
صادق:لايضل داشر بره .
جده:شكو علي خلي يلعب .هو هس معطل من ترجع المدراس يرجع يركد بالبيت
صادق: ميخالف حتى لايتعلم...وعلاوي وينه
سرى:بعده مارجع من شغله
صادق:شعجب تأخر
سرى:عدهم صيانه الاجهزه
صادق: خير ان شاء الله
صعد فوك واشرلي بمعنى الحگيني
صعدت وراه
صادق: ها حياتي  شونج
رنا: يعني
صادق:ليش يعني
رنا:ماشفتك اليوم هواي
صادق:اوف  يضيمي..
رنا:ليش تكلي يضيمي .. يعني شتقصد
صادق:الها اكثر من معنى حسب الموقف وحسب حالتي
رنا: اها
صادق:بس انتي ضيمي
رنا :هه
صادق:اني هم مشتاكلج كلش واريد احجي وياج
رنا: صحيح مثل ماكالت امي.جان باجر عرسنا
رنا:اهووو تضلون تعيدون السالفة
صادق:لاتكولين اهووو
رنا:هس  تأجل اسبوع بس يعني شنو
صادق: ماشي ماشي
حجيت بمياعه
رنا: أصبر للثنين الجاي شكو عليك
صادق:على هذا التميع مال هس اخذج
رنا:ههههه
صادق:فديت اليضحك ..خلصي الشغل العندج وتعالي هم نتعلل ونام مثل البارحه
رنا:اليوم مكدر انام هنا هم ماترهم..
صادق:يمعوده عادي شبيج
رنا: لالا..هم اليوم سرى صچمتني ..ماعرف احس ماراهمه
صادق:شعليج بيها
رنا:هي ماقصدها شي.بس.اني انحرجت
صادق:تضلين تنحرجين..يلا ماشي لاتباتين هنا...خلي نتعلل وبس
رنا:اوك
صادق:جبانه
رنا:اي...
بقيت اتعلل وياه ونحجي
رنا: صدك شكو بينك وبين فراس . احس بينكم شي
صادق :شون يعني
رنا:اكو سالفه مثلا
صادق:لا ماكو شي شغله عاديه
رنا:هااا.ماشي
تاخر الوكت وصارت الساعه ١ وربع كلش نعست
صادق:كمتي تضربين صفنات
رنا:اي
صادق: انزلي نامي
رنا......
صادق:يلا يروحي انزلي
نزلت الغرفه..كبل نمت بدون ماحس على نفسي
كعدت ثاني يوم جان الوضع طبيعي...
قبل اذان المغرب بشوي هم صادق اخذ نور..بس لي هس مانعرف وين دياخذها ..وره ساعه رجعو..صعدو فوك قفل الباب ونزل انطه المفتاح لسراب
بالليل سبحت وحضرت هدومي ..حتى باجر اروح اخذ النتيجه مالتي من الدوام
الاستقبال جان مليان زلم وهوسه كلش
دكيت عاى صادق
صادق:هلا
رنا: تعال لغرفه جده
صادق:هس جاي
ماطول واجه
صادق:ها غلاي
رنا:اكلك باجر اروح للدوام اخذ نتيجتي...خابر ابو الخط يجي ياخذني
صادق: بساعه شكد تروحين
رنا: مايحتاج اروح من وكت... يعني بساعه ٩ هيؤج اطلع عادي..هو بس اخذ النتيجه
صادق: لازم ماينشرون النتائج بالكروب
رنا:لامايقبلون.اله الطالب يروح بنفسه
صادق:عادي اني اوصلج بطريقي وارجعج..هم اروح عندي شغل بس لاتتاخرين اكثر من ال٩
رنا:خوش
صادق:يلا حياتي اني ارجع هس
رنا:ماشي
ثاني يوم كعدت الصبح  بساعه ٨ خليت القوري عالنار
وحضرت الريوك بالصاله..وصعدت فوك
فتحت الباب
جان بعده نايم
رنا: صادق صادق
صادق:ها
رنا:اكعد سويت ريوك جوة..
صادق: ساعه شكد
رنا:٨وربع
صادق:حضريلي الحمام
رنا:محضر مابي شي
كام تريك وياي..وفات يسبح ..واني رحت تحضرت
هو هم طلع تحضر...
كعدت جده
جده:ها وين تروحون
رنا:نروح للدوام اخذ نتيجتي.وصادق هم عنده شغل
صادق:يلا رنا امشي
طلعنا من البيت..
جنت متونسه لان رايحه وياه
صادق:من تشوفين نتيجتج خابريني
رنا:ماشي
وصلني الكليه وراح
طبيت جوة تلكني صديقاتي
رحت وياهن نشوف النتائج
شفت نتيجتي الحمدلله ناجحه..واني اصلا جاوبت زين جنت متوقعه هالشي
كبل خابرته
رنا:الو.. ابشرك نجحت
صادق:عفيه عفيه
رنا:اي الحمد لله ...شوكت تجي تاخذني
صادق: والله بعد شوي اتاخر
رنا:هاا ماشي.. انتظرك
صادق:هس  ابقي ويه صديقاتج واني عود اخابرج
رنا:تمام
سديته من يمه ورحت للكافتريا ويه صديقاتي
زهراء: الحمد لله وأخيرا نجحنا وخلصنا
هدى:اي رنا اخبارج...حليانه
رنا:زينه الحمدلله
زهراء: شوكت تزوجين
رنا:عساس البارحه هههه
هدى:هاي شون
رنا:اي والله..ان شاء الله الثنين الجاي
زهراء :اهاا بيها الخير
رنا:معزومات من هس اكوللجن.
هدى: ماعتقد اكدر اجي
زهراء: اني يجوز اجي
رنا: ليش...هي شغله كم ساعه ليش ماتجن
هدى:نحاول ان شاء الله
بعد نص ساعه دك عليه
صادق:ها وين أنتي
رنا:بالكافتريا
صادق: يلا تعالي
سديته وطلعت اتمشى..جو حار جان كلش بهاي الفتره  من صعدت السيارة ومشتغل تبريد.ارتاحيت
صادق :ها يروحي الوضع
رنا: زين الوضع
صادق:بمناسبه نجاحج..ماراح اجيبلج هديه ولاشي.بس الي تريدي اطلبي
رنا:اي شي يعني
صادق:ايي
رنا:امممم أفكر
صادق:فكري على راحتج
بقيت افكر بس مااجه بوكتها شي معين على بالي
رنا:مادري محتاره
صادق:موشرط هس تكولين شنو تريدين.. بأي وكت عادي
رنا: ماشي
وصلنا البيت.طبينا جوة
بعد ماصلينا وتغدينا اني كبل رحت لغرفه جده نمت
كعدت العصر.. بساعه ٦ هيج كاعدين بالحديقة اني وسرى طب صادق وعلاوي... صادق معصب ويحجي
صادق: مايصيررر علاوي شبيك
علاوي:ماكتله شيي  هذا الصحيح هو اخذها بغير طريقه وضاج
صادق:ياخذها بغير طريقه ماياخذها مالي دخل بس سالفتك للرجال عيييب ماراهمه هو هم امه توفت.والله العظيم بزعت واني اعلمكم
علاوي:هسس ياخووويه ليش هالكد ضجت قابل شصار.ومايزعل مشكلته طبه الف مرض
صادق: شنووو ليشش ضجت.الرجال خابرنيي يكلي ليش هيج اخوك يججي ومبين مقهور
علاوي: واذا خابرك...هما ببس يريدون سالفه تايخابرون فد قوميه تسوي من الحبه كبه..
لي هس مامفتهمين كلشيي
فاتو جوة وبعدهم بنفس النقاش
جده:خيركم شبيكم
المهم بعد نهايه النقاش.. جده دايما تنحاز لصادق بأي سالفه تقريباً... هي هم تحب علاوي هواي لان الصغير.بس مع هيج تكف ويه صادق
علاوي:انتي تضلين تدافعين عنه ..حتى لو تتأكدين هو الغلطان واني الصح راح تصيرين وياه خوش تفريق عندج
زعل وراح لغرفته.وبقت جده تحوس تريد تراضي
تعشينا وهو ماجه تعشه ويانا
بعدين جده ودتله عشه للغرفه بس مارضى ياكل طلعت جده من الغرفه مقهورة
جنت اغسل مواعين وسرى وياي
سرى:شبي خطيبج .اني فهمت السالفه..عاديه مابيها شي ليش هو هالكد يتحسس
رنا:ليش شنو هي السالفه
سرى:هذا الزلمه راح للمحل تاياخذ جهاز..وهو آخر جهاز ماخذه بعد ماموفي حسابه علاوي كايله انت بيك خير وفي القديم وموقبلان ينطي جهاز
الجهاز تقصد بي الموبايل.لان علاوي يشتغل بمحل موبايلات ويه صديقه
سرى:الزلمه مخابر على صادق وزعلان ..يكول صادق بهدلني عبالك شوف شكلت
رنا: اها..والله ماعرف
سرى:حيل ضايج علاوي حتى ماتعشه
بعد ماخلصت شغلي رحت للاستقبال جان كاعد ماسك موبايله وفراس بصفحه
كعدت يمه
رنا:ها شكاعد تسوي
صادق: ماسوي شي وانتي
رنا:نفسك...اني عرفت السالفة من سرى..اشوف مابيها شي.يعني علاوي من حقه يكول هيج
صادق:.......
باوع عليه وصفن
صادق :اهاا..وبله شنو العرفتي
رنا: أنو الرجال راد يأخذ جهاز وهو بعده مامنطي سعر الجهاز القديم
صادق:لالا السالفة موهيج وبس.شوفي المايعرف السالفة بتفاصيلها ينطي حكم بكيفه..لاياروحي موبس هيج
رنا:لعد
صادق :هذا الرجل من المنطقه نعرفه...يكول اني ابد ماماخذ جهاز وماننطي..ماخذ الكل بيت اهله من عدهم وموفيهم...اصلا اني اعرفه خوش انسان وعنده كلمه ومصداقيه..بس صادفت أمه توفت وماكدر ينطي..وراد جهاز ثاني وكاله انطيك اياهم سويه ... ترا عيب يكله انت بيك خير انطي فلوس القبله...شصار شدعوة
رنا:وهو ليش يخابرك انت..سالفته ويه علاوي مووياك
صادق:شون ليش يخابرني..اني اخو الچبير وأعرفه ويعرفني....يلا انتي هم بعدج صغيره
رنا:وين صغيره  ترا افهم كلشي واعرف 
صادق: متاكده
رنا:ايي
صادق:اهمم خير ان شاء الله
رنا:صدك حساب نور الهدى مني..دازتلي طلب صادقه وانت وياها اصدقاء مني هاي؟!
صادق:صديقتي
رنا:شنو
صادق:اي صديقتي.وعلاقتي بيها حيل قويه هم. سالتني عليج واني انطيتها حسابج وافقي على طلبها
انصدمت شوي ماستوعبت كلامه
رنا:صدك تحجي
صادق:اي صدك
رنا:.......
صادق:شبيج صافنه ..مابينا شي بس صداقه حلوة واحجيلها همومي مرات وهي تسمعني
رنا: والله
صادق:اي والله
رنا:....من شوكت تعرفه
صادق:من زمان كلش
احس كلبي كام يدك سريع معد اكدر..شعور يموت
رنا: انطيني موبايلك
صادق:شلج بي
رنا:انطيني اشوف العلاقه القويه وين واصله
صادق:اي عادي هاچ الموبايل
جنت ارجف من مسكت الجهاز
طبيت عالماسنجر.. كتبت اسمها بالبحث..كمت اخربط بالكتابه بالكوة كتبته صح
طبيت عالمحادثه بينهم سوالف وبصمات
واخر رساله منها قبل شوي
چنت اكلب باالمحادثه بس مامركزه شنو مكتوب من التوتر البيه.. بس قريت مكتوب:ها شلونك
فتحت البصمه وسمعت صوت :هاا اخباركم موعساسس تمرني شوو ماجيت
طلع صوت صابرين
صادق:هههههههه
مي بارد نزل على كلبي وبنفس الوكت غوركت عيوني
رنا:ليش هيج تسوي
صادق:هيج ردة اشوف رده فعلج
رنا:عذذة
صادق:وجع ههههه
رنا:شكد خبيث
صادق:هاا شصار بيج
رنا: كلشي صار
صادق:ههه شبيج تردين تبجين
رنا:لامابجي
صادق:يولي وين اكو صداقه بين مره ورجال شصدكتي
رنا: مادري بس صدكت والله
صادق:ههه ...مسويه حساب فيس  وراسلتني وسألت على حسابج وكل شوي يدزون لايك ماعرف هي ماعرف جهالها.
رنا:اي زين سوت
بقيت اباوع علي وبعدني محموسه منه.هو بس يبتسم
هي قبل عدها واتساب تراسله منه.فمااجه ابالي ابد انو صابرين..
بس شعور الغيره موحلو ابد مكروه كلش 💔
بالليل قبل النوم شفتهم يحجون سويه صادق وعلاوي يعني مابينهم زعل الحمد لله..
ثاني يوم بعد ماكعدت ونضفت سوينا كبه تمن اني وسرى
اجه ابالي ادز صحن لمها
صار وكت الغده .رفعتلها صحن
ورحت على حسن جان كاعد بالصاله ويلعب بجهاز ابوه
رنا: حسن كوم ودي هذا لصحن لبيت مها
حسن: خلي اكمل اللعبه
انتظرته شوي ورجعت علي
رنا:يلا ودي هس يبرد
حسن:كاعد اللعب بعدين اودي
رنا:شنوو بعدين ودي هس يلا
حسن:اهوو عوفيني
سرى صبت الغده هي وسراب
اجه صادق وفراس
رنا: ديلا عاد برد الاكل والله
صادق: شكو
رنا:داكله يودي الصحن لمها مايقبل
زج علي
صادق:كووووم...جيبي الموبايل..يلاا امشش ودددي
اخذ الصحن وراح يركض
كعدنا نتغده ..شوي تأخر مارجع بساع
جده:شوو مارجع....لو مخليتي يتغده احسن
رنا:من زمان كتله هو ماقبل يودي
صادق:صاير ادبسزز مايمسع الكلام
بعد شوي اجه
جده:هاا شو تأخرت
حسن......
صادق: تعال اكعد هنا
اجه كعد بس جان خامس(ساكت)
رنا:انطيته لمنو
حسن:.....
صادق:شبيك ماتحجي
حسن:مانطيته لاحد...... وكعت وانكسر الصحن
رنا:صدددك
سرى:لاااا
صادق: تدري ليش....لو رايح بساعتها جان مانكسر... اله صيحت عليك ورحت تركض ووكع منك
حسن........
رنا:يلا مامشكله
عبر الوكت.. واجه وكت العشه
جنت أفرغ العشه اني وسرى.
اجه فراس
فراس: ارفعي صحن لصديقتج لان عالغده مارهمت
صفنت شوي من كال هيج
رنا: ماشي
جنه مسوين مگلوبه
دزيتلها صحن ويه حسن.. هالمره كبل راح ووصيته يمشي على كيفه
استغربت بداخلي لان هو فطن لهذا الشي
تالي الليل فرشت فراش بغرفه جده
بس جده جانت موباالغرفه..صعدت فوك سمعت صوتها تحجي ويه صادق
جده:كافي عاد طولتها شمايكون بنتك هاي.. مايصير تبقى محبوسه
صادق:ماطولتها ولاشي..اني انجاز
جده: موزين تبقى بالغرفه مقفول عليها.خاف بيوم تنهار وتسوي بنفسها شي
صادق: كلشي ماتسوي.واذا تريد تسوي مشكلتها
جده:هالله هالله بيها عاد...لاتسمع حجي الغير وتتبعها
صادق:ياااحجيي الغييير يووم شبيج أنتي..ترا اني مامشي بكلام احدد.اني اعرف شداسويي..سدي الموضوع
نزلت جوة.. وتمددت بفراشي
جنت افكر اكول هي اول وتالي راح تطلع من الغرفه..ياترى شنو ممكن تسوي نوب.. صراحه اني بعدني خايفه منها 💔
المهم عبر اليوم .وثاني يوم صادف الخمي
اجت صابرين العصر..مبينه جانت شوي ضايجه واجت تغير جو.هي بيتها موكلش بعيد عنا
كعدنا بالحديقة اني وياها والبنات
صابرين: امي والولد وينهم
سرى: عمتي يم جارتها هي وسراب والولدطالعين بس فراس موجود ..
رنا:جهالج وين
صابرين:عفتهم يلعبون بره..اكلج سرى بيا شهر هس
سرى:طبيت بالسادس
صابرين:خير ان شاء الله ..
رنا:انتي غيرتي موعد الحجز مال صالون
صابرين:اي خابرتها كالت عادي
رنا:والفستان شون
صابرين:اوو نسيت..لازم نروح نشوف لو نحجز غيره همزين ذكرتيني
رنا:باجر لازم نروح
صابرين:اي باجر نروح ماضل مجال وهم تاخذين الشغلات الكسرتيهن...صدك انتي راح تسوين شيرة مو
رنا:اي طبعا...وهم اريد وحده تعاوني..اريد اسوي كل جسمي
صابرين: اني اعرف اسوي اللي بس لغيري ابد مادبرها.مره تاسوي لحماتي ماكدرت
سرى:حتى اني نفس الشي
رنا:يبوو شون لعد .اني اريد اسوي كل جسمي ولهذا ردت وحده تعاوني احسن
صابرين:انتي اصلا جسمج مومشعار عليش كامل
رنا: واذا لازم اسوي كامل
سرى:اي طبعاً لازم
صارت الدنيا مغرب وره الصلاة اجه صادق وعلاوي
صادق:ها انتي هنا
صابرين:لا ابيتي اني
صادق:هه عود تقلديني
صابرين:لا وين اكدر اقلدك..
صادق:ها رنا وافقتي عالطلب مال صابرين
كال هيج بضحكه
رنا:اي وافقت
صادق: ماكتلج صابرين نصبت عليها .انتي مودزيتي طلب لرنا.. كتلها هاي صديقتي المقربه
صابرين:هههههههه اي هو انت هم صديقي المقرب عندج اعتراض ياخانم
صادق:اخذت الموبايل مني وجها صار اصفر تخربطت انتهت...لو ماسمعت البصمه مالتج
صابرين:هههههههه.. المفروض تتفق وياي واني انعم  صوتي ونرعصها ههههه
صادق:تموت والله ههههههه
جنت اباوع عليهم مبتسمه ومحموسه منهم
صادق: بس باوعي عليها ههه
رنا:اي كافي عاد لاجلبتو
صابرين: لاتخافين صادق ماعنده هاي سوالف ابد
رنا:هو اني تخبلت لان اللي اعرفه ماعنده.منين طلعت هاي مادري
صابرين:اهمشي لاتتعاركون قبل الثنين حتى مايتاجل
صادق:مايتأجل لو يتلبسها جني ماتتاجل هالمره
صابرين:هههههههه
رنا:هههه
صابرين:بيها الخير يارب
بعد شوي راحت صابرين
ثاني يوم الصبح رحنا اني وصابرين لمحل الايجار
هذا الفستان لكيناه محجوز
حجزت فستان جديد ماملبوس..بس احلى بعد من ذاك.لان جايبين بضاعه جديده .وهم رجعت اشتريت نفس المكياج والشغلات اللي كسرتهن💔
صابرين:شوفي شون كل تأخيره بيها خيره.هذا الفستان أحلى بهواي
رجعنا للبيت وصابرين راحت لبيتها
العصر صادق اجه وكال
صادق: خابرني عمي راح يجون يتعللون
رنا:صدك اي خوش
صادق:صرتي تكيفين على بيت عمج ابراهيم مووو
رنا:اي اكيف طبعاً
صادق:اهااا.اعرف أعرف ليش
رنا:ههههه
صادق:شون ضحكه حلوة اني اكيف على ضحكتج هاي
رنا:اني اكيف على كلشي بيك ❤️... بالليل اجه عمي ابراهيم  وفهميه وهيفاء وحنان
كلش فرحت بجيتهم
بعد ماسلمت عليهم ..عمي والولد كعدو بالاستقبال
واحنه بالصالة ..شفت ميلاد كبرانه ومحلوة صايره تنگرط
عمه فهميه:احنه انتظرناج السبت كلنه باجر تجين
بعدين صادق مخابر على عمج كايله الاسبوع الخ
رنا:اي غيرنا الموعد.. جان اكو شغلات ناقصه واجلناها....
شكد صرت انحرج من هالسؤال ..
جده:والله مادري شبلاهم فجأة اخرو
حنان:اي وانتي كملتي تحضيرات
رنا:اي مكلمه ماعندي شي
هيفاء:على ياصالون حجزتي
ذكرتلها اسم الصالون
هيفاء: هذا حيل خوش صالون.البنات الليي يشتغلن بي شغلهنن يجنن
بعد شوي صعدت اني وحنان وهيفاء للغرفه حتى يشوفنها ويشوفن شنو اخذت
حيل عجبنهن الشغلات اللي اخذتهن
هيفاء أكثر شي مركزة عالمكياج والداخليات
حنان:حليتي شغله الشيره ..اخذتي جاهزة لوبالبيت تسويها
رنا: اعرف اسويها وهم عندي جاهزة.بس ردت وحده تعاوني بيها صابرين وسرى مايعرفن
حنان:يحضي عندج هيفاء هي اختصاصها الشيره هههه
هيفاء:اي اي من تجين علينا اني اسوي وياج واساعدج
رنا:صدك.بس شون اني راح اجي قبلها بيوم.. نلحك
هيفاء:ليش ماتجين باجر احسن..حتى الأحد نحتفل بيناتنا مونلتهي بالشيره
حنان:هم صحيح قبلها بيومين ليش يوم..كولي لصادق باجر يجيبج
رنا:امممم اشوف اكله بلكي يقبل ..
حنان:اي قنعي..حتى نسوي حفله بسيطه بيناتنا
واهمشي من تجين جيبي التحتاجينهن..اللي راح تلبسينهن بالعرس
حبيت الفكره كلش.لان اني ماسويت ولاحفله ولا اي طقوس أو شي يحسسني اني مخطوبه 💔
نزلنا جوة كعدنا شوي وره ساعه كامو تايروحون
طلعت وياهم للطارمه اني وجده
اندارت عليه هيفاء
هيفاء:مثل ماكلنالج باجر تعالي ..قنعي
رنا: احجي وياه واشوف
طلعو.. صادق وفراس جانو يم الباب
طبينا جوة اني وجده
انتظرت صادق يفوت واصعد فوك احجي وياه
بعد شوي صعدت فوك..هم عزلت الغرفه ورتبت التخت.لان شوي تلخبط وكت طلعت الغراض
وره شوي هو اجه
صادق:انتي هنا.دورتلج جوة
رنا:اي جنت اعزلها
خله جهازة عالشحن
رنا:اكلك
صادق:كولي
رنا:ليش ماباجر اروح على بيت عمي
صادق: باجر؟؟شنو حنيتي من شفتيهم...لاماتروحين باجر بعد باجر تروحين
عرفت ماراح يقبل
رنا: عفيه
صادق: زين ليش
رنا:اتفقت ويه البنات ع كم شغله نسويهن.وهم مثل حفله بسطيه بينا
صادق:اي عادي بعد بأجر من تروحين سويهن
رنا:يجوز مانلحك...عليش بنفس اليوم ونتعب
صادق:ماعرف منين طلعتيلي بهاي السابقه مال تروحين باجر
رنا:صدك انت موكتلي هديه نجاحج اي شي تطلبينه اسوي
هذا هو طلبي
صادق: والله انتي ماينكدرلج..ماشي ماشي اوديج باجر بس بالليل
رنا:لا عفيه العصر وديني
كيفت من قبل...
ثاني يوم العصر حضرت شكو شي ممكن أحتاجه هناك واخذته وياي
سرى: تروحين هس
رنا:اي
جده: وعليش مستعجلين..جان باجر رحتي
رنا:لا اني ردت اليوم
بساعه ٥ طلعنا ...جنه بالطريق .اني حيل فرحانه ومتونسه
جان ماسك ايدي وهو هم متونس مثلي
صادق:جبتي موبايلج والشاحنه
رنا:اي بالجنطه
وصلت بيت عمي إبراهيم
نزلت جوة..وهو طب للربعه
تلگتي عمه فهميه وهيفاء وحنان
هم هنا جانن فرحانات لمن اجيت
كعدت وياهن ..وفتحت الشال..جو بعد بي حر.صح مشتغل تبريد بس هم حارة
جابن عصير بارد وكيك
هيفاء: جبتي غراضج..
رنا:اي جبتهم نزلهم قيصر
عمه:فوتتهن بالغرفه هيفاء: حلو صبغ شعرج
رنا:اي حلو.اني اختاريته
هيفاء:وره العشه ابدي بيج.. اليوم انتفج نتف
رنا:اوووف هههه
بعد شوي اجه قيصر
قيصر: صادق بره يصيحج
طلعت للطارمه
صادق:ها حب...اني أروح هس..اي شي تحتاجينه خابريني
رنا: ماشي....
جان ضايج شوي
صادق :الله يصبرني لبعد باجر.. يعني اله تجين اليوم..
رنا:هو اليوم خلص شبقى
صادق:ام لسان تعرفين تردين
رنا:ههه
صادق:ديلا اني اروح
رنا: ماشي
طلع واني فتت جوة
عبر الوكت وبالليل هيفاء سوت شيرة جديده
اني بالمطبخ كاعده عالطاوله
هيفاء:سويته تجنن خليت وياها ليمون
رنا: عاشت ايدج
حنان: صدك رنا..شصار بينج وبين دلال بنت خاله منتهى
رنا:طولت لسانها وانطيتها عقابها
حنان:امي كالت هي هم جانت يمكم
حجيتلها الموقف
حنان: لامايصير هيج تكول متعديه كلش
رنا: حتى تعرفين انو إني ماضربتها لحالي ....
بعدماصارت الشيرة وبردت طبينا للغرفه اني وهيفاءوقفلت الباب
هيفاء: خلي ابدي من اديج ..انزعي فستانج وابقي بالأتك
بدت هيفاء تسويلي
توجعت بالبدايه بعدين عادي ماحسيت
وهي تسويلي اندك الباب
هيفاء:منوو
حنان: اني
هيفاء:شتريدين
حنان:افتحي الباب وسكتي
فتحت الباب وطبت حنان كعدت ويانا
حنان: ها وين وصلتن
هيفاء: خلصت اديننها راح ابدي برجليها
حنان:اي زين...حيل حلو جسمج رنا ..
هيفاء : اي حلوو.. ماراح اخلي ولاشعرايه اسويج ورقه بيضه
حنان: شيريد بعد ابن خالي
كامن يتشاورن هي وهيفاء ويضحكن
رنا:سولفن سولفن
هيفاء:هههه دنكول الله يساعدج بيومها ..راح تنسحلين
رنا: لا لا ماراح انسحل عادي
حنان:اي مبين عليج.وتحجي بثقه
رنا:اي.. أصلا هو راح يكون كلش حباب وياي
هيفاء:هو كالج مو
رنا:ايي
كامن يضحكن
حنان:هم احنه هيج كالولنا هههههه
هيفاء:ههههه .هما شيسون يطمنونا حتى نكع بالفخ
خفت من حجن هيج....
هيفاء: شوفي خطيه وجها انكلب.. مانريد نخوفها
طلعت حنان.
وبدت هيفاء تنطيني نصايح بهالموضوع
عالبعد قلقت...لو موفاتحات الموضوع احسن الي
المهم تاخرنا علما خلصت جسمي..واني سويت لنفسي باقي المناطق
فتحت سبحت...فد ارتاحيت..صح اني مابيه شعر هواي بس مع هيج راحه وخفه كلش
طلعت من الحمام ورجعت للغرفة
رنا:عاشت ايدج هيفاء...تخبل النتيجه
هيفاء:تسلمين...هس كبل روحي نامي وارتاحي
رنا:هو هم هيج...
طفيت الضوه وتمددت بفراشي.ونغم نايمه عالتخت
مسكت الموبايل باوعت لكيت داك عليه
رجعت دكيت علي
رنا:هلاو
صادق:ياهلا وغلا بروحي شونج
رنا:زينه.انت شونك
صادق:اني زين بس مشتاكلج
رنا: اني هم مشتاكتلك كلش
صادق:دكيت عليج ماجاوبتي
رنا:اي جنت مشغولة
صادق:بشنو
رنا:امممم.سويت شيره
صاد:اكلج ترا اني اكلج اكل بدون شيره
فد ضحكت من كال هيج..خربت ضحك
صادق:هشش نصي حسج هس عمي يكعد
رنا:لا بعيدين ..شكاعد تسوي انت هس
صادق: اني بالغرفه هم قبل شوي راحو ربعي
رنا:اي زين.البيت شونهم
صادق: تسألين عالبيت علىساس صارلج شكد
رنا:اي واذا
صادق:تراهم زينين
رنا:خوش
صادق:اليوم حسن نايم يمي
رنا:ها شعجب
صادق:جه عليه حلمان معرف شنو خايف..نومته يمي
رنا:خطيه
صادق:اي غلاي وبعد شون وضعج
رنا:حيل زينه
صادق:اي عفيه
حجينا بعد شوي نمت مادري بروحي
كعدت الصبح..وجان حيل كلبي مرتاح وشعور حلو احس بي
لفيت الشال وطلعت للهول..جانت عمه وهيفاء يتريكن
هيفاء:هلا بالعروس..تعاي تريكي
رنا:بس اغسل واجي
غلست ورجعت كعدت وياهن
عمه فهميه:كملتن البارحه كامل
رنا:اي كامل
هيفاء:معنوياتج شونها
رنا: تمام تمام
هيفاء:اليوم نرتب حفله تجنن ...راح تجي ماما وخواتي
حنان:هم اني راح ادز على ماما والبنات
اجه ابالي مها..بعد ماخلصن ريوك رحت دكيت عليها
رنا:شونج مهاوي
مها:هلابيج انتي شونج.. والله قبل شوي كلت تادك عليج..تروحين على عمج اليوم
رنا:اني يمهم...بلكي تجين اليوم حنسوي حفله بيناتنا
مها:حلوو..بساعه شكد
رنا: بالليل ب٩ هيج
مها:خوش راح اجي
رنا: جيبي خواتج وياج
مها:ماشي
وهم خابرت زهراء وهدى
زهراء كالت راح اجي اليوم لان بيتهم طلع موبعيد على بيت عمي إبراهيم..دليتها المكان.بس هبه كالت ماكدر عود بعد باجر بعرسج اجي
بعد شوي  خابرت صابرين  وكلتلها تعالي هنا وجيبي سرى وسراب وياجن اذا بيها مجال وماجانه احد .
صابرين:ايي عيني اي تسوين من ورايا...متفقه ويه جناين برهومي واني مادري
رنا:هههه لا والله مو هيج..هنا فطني وكت اجو علينا بالليل
صابرين:خوش كلاوات اني الج بس اجي صبريلي..
رنا:صدك اكلج.. الفستان منو راح يجيبه..
صابرين:كلت لعلاوي يجيبه..
عبر الوكت . صارت الدنيا عصر
حنان: بالغرفه الجبيره نسوي الحفله
هيفاء:ايي طبعا ... الديجي الصغير وينه
حنان:يمكن بقى يم اهلي...هس ادز قيصر يجيبه
هيفاء:دزي شتنتظرين
راحت هيفاء دزت قيصر يجيب الديجي
رحت دكيت على صادق
صادق:هلا عمري..هس ردت ادك عليج
رنا:هه شونك
صادق:زين انتي شونج شوين ماسوين
رنا:ماسوي شي .. البنات ديحضرن
صادق:اي زين اهمشي تتونسين
رنا:متونسه والله
صادق:هو هذا الاريده
رنا:بس والله مشتاكتلك
صادق:ايييه انتي ردتي تروحين وتضلين يومين..شوفي شيصير بيج
رنا:ههه راح تضل تذكرني
صادق:اي اذكرج
رنا: البنات خلي يجن هنا بالليل
صادق:انشوف..حسب الوضع هنا
رنا:اي ميخالف خل يجن
صادق:ان شاء الله
سديته من يمه
وهيفاء وحنان زينن الغرفه ورتبنها..خطيه ماقصرن سون اجواء حلوة
هيفاء:امشي نروح نشوف شنو تلبسين
رحت اني وهيفاء للغرفه..طلعت ٣ فساتين جبتهم وياي..
واحد وردي وثاني ماروني وثالث ازرق غامق على حبري
بس الحبري يعني صاير تقريبا جوة الركبه بس مغطيها
وربع ردن ..ومن وره شوي مفتوح من فوك.بي خيوط حرف اكس..
هيفاء:جربيهن كلهن
جربتهن كلهن حلوات
هيفاء:البسي الحبري احلى
رنا:بس كصير هذا
هيفاء:اي واذا..هو بس احنه نسوان ماكو احد غريب.راح تجي امي وخواتي واهل حنان..
رنا:هم صديقتي واختها راح يجن
هيفاء:والله احلى شي هذا واصلا موكصير كلش حتى الركبه مغطيها. واحنه بس بنات عادي والله...
اقتنعت بكلامها
رنا: ماشي هاي هي راح البسه
هيفاء:اني امكيجج واختي تسوي شعرج
رنا: تعرفين مو
هيفاء:من تشوفين نفسج بالمرايا وره ماخلص عود كولي..
رنا:حلوو....بس ماريد شعر مرفوع
هيفاء:لوترفعينه احسن حتى تبين رسمه الفستان من وره
رنا:لا ماريد مرفوع.. لان باجر التسريحه راح تكون مرفوعه هس اريده مفتوح وشي بسيط
هيفاء:ماشي.. تعرف هي كلشي تعرف
رنا:خوش... شوكت تجي اختج
هيفاء:هس اخبارها ..اكوللها تجي هس
خابرت اختها وكالت شوي واجي
اجت عمه فهميه
فهميه:صبن عشاجن من وكت
حنان: خليته عالنار ماضل شي يصير
ماطولت واجت اخت سرى.سلمت عليها
هم كلش حبابه نفس هيفاء
صبن العشه وره اذان المغرب مباشره
تعشينا ورحت غسلت..كبل طبينا لغرفه هيفاء
سوتلي شعري اختها..وهي بدت تمكيج بيه
طبعاً اني كلش اضوج من المكياج الزايد..مع العلم حلو عليه وشفت هالشي بعرس وخطوبه علاوي...فكتلها خلي وسط
هيفاء: لاتضلين تلحين اني انجاز...المهم النتيجه تعجبج
وهي تمكيجني..مرات الواحد يمر لحظه إدراك..نص ساعه وخلصتني..
عجبني كلش بس لون الحمره ماحبيته
رنا:غيري لون الحمره
هيفاء:بالعكس حلو ليش اغيره
رنا: مادري ماعجبني
اخت هيفاء:خلي مشمشي
غيرت اللون وعجبني أكثر
شعري سوته مثل ماكتلها حيل حيل حلو طلع
اذن عشه واجو عيله عمى منى اهل حنان
هيفاء:يلا هس البسي الفستان
حنان وهيفاء هم خلن مكياج وسشورن شعرهن
هيفاء: اني كلت لسراج حدكم الربعه لحد يجي لي جاي.واذا لكيتولكم ديره وطلعتو بعد احسن
لبست الفستان وباوعت بالمرايا ...كلش حبيت الشغل مع الفستان طلع احلى بعد
هيفاء:وربي سندريلا
اجت عمه فهميه وحنان
فهميه: ماشاءالله ماشاءالله تخبلين
حنان:اي والله حيل حلوة طالعه..عاد لويجي صادق ويشوفج
رنا:ماعتقد يجي
عمه فهميه: باجر يشوفها خما اله اليوم....
حنان:اي والله خاف اذا جه ياخذها بطريقه هههه
رنا:ميه بالميه
هيفاء:ياحذاء تلبسين
رنا:هس اطلعه
لبست حذاء لونه فضي وسط موكلش عالي
اجن خوات هيفاء وامها
عمه فهميه:اذا خلصتن تعالن للغرفه
دكيت على سرى
رنا:ها سرى شونج..شوكت تجين
سرى:هلا..احنه  هم اليوم جنا مخبوصين وهس متحضرين بس اكو جماعه هنا علاوي كال شوي ويروحون ويجيبنا
رنا:هس وكت الجماعه.
سرى: ربع زلمتج غيير
رنا:يلا المهم لاتتاخرن..وحتى اذا يبقون تعالن
سرى:نجي نجي مانطول
سديته ودكت عليه مها
مها:هلا رنا اكلج وين صاير بضبط بيت عمج..هس بطريق اني وخواتي وأخوي وياي
رنا:شوفي راح انطي الموبايل لواحد من الولد يدليكم
انطيت الموبايل لحنان كتلها انطي لقيصر يدليهم علبيت
حنان:ماشي..وانتي اطلعي ترا البيت صار هوسه
رنا:هس طالعه
طلعت من الغرفه
جانت عمى منى وبناتها كاعدات بالهول
سلمت عليهن ..بس يباوعن وصافنات
فاطمه:شنو هالجمال اليوم
عمى منى:ليش وين صابرين والبنات
رنا:بعد مااجوو.شوي ويجون
هم سلمت على خوات هيفاء وامها
اجت حنان
حنان:تعالي صديقاتج اجن..وهاج موبايلج
اخذت الموبايل وطلعت سلمت عليهن
حيل فرحت بشوفتهن كلش كلش
مها: يعمري رنا طالعه گمر
رنا:تسلمين مهاوي
رنا:تعالن جوة
طبينا للغرفة
هيفاء شغلت الديجي وكل شوي تشغل اغنيه حايره
دكت عليه زهراء
رنا:هلا زهراء حبيبتي وينج انتظرج
زهراء:اني يم الباب تعااي
رنا:ماكدر اطلع اني...فوتي جوة جايتج
طلعت للهول واجت زهراء
زهراء:يما يما فديت الاناقه والشياكه والنزاكه..الف مبروك يروحي
رنا:ههه يعمري خجلتيني يبارك بيج ظ..امشي نفوت جوة
طبيت وياها للغرفه
زهراء جانت لابسه بنطرون وستره .. عمى منى وبناتها بس يباوعن متفاجئات..هي عادي تلبس هيج حتى بدوام
كعدت وياهن..وكلش جنت متونسه بهذا اليوم
زهراء:وخطيبج وينه مايجي
رنا:لا مايجي
زهراء:ليششش .نريد نشوفه
رنا:باجر تشوفينه
زهراء: حرامات مايجي اليوم
رنا:هو أصلا مايحب هاي سوالف كلش
مها:صدك اخته صابرين وجنتكم وينهن
رنا:ششوي ويجن..هس اخابرهن
دكيت عليهن كالن بطريق احنه
رحت للغرفة ماجان اكو احد سديت الباب ودكيت كاميرا بالبدايه رفض عرفت اكو احد يمه
وره اقل الدقيقة رجع دك عليه
فتحت كاميرا حتى اشوفه.وهم اشوفه نفسي
صفن شوي
صادق:شنو هذا يضيمييي
رنا:شنو يعني باوع
صادق: شو افتري
افتريت
صادق: اجي اخذج
رنا:ههههه
صادق: والقرآن انتي تتعمدين تحرگين بيه.باجر اني ألج اصبريلي
رنا:هههه لابله
بقه صافن عليه
صادق:فستانج گصير لااحد يشوفج من الولد
رنا:لا ماكو أحد من الولد لاتخاف
صادق:خوش
رنا: زين ماتكدر تجي
صادق:والله ياروحي ماكدر.. جماعه هنا وفراس ماموجود حتى اعوفهم واجي..
رنا:اممم
هيفاء علت صوت الديجي
هيفاء:يلا كومن نركص شكو كاعدات
زهراء:اي والله اني بعد ماتحمل
مها:هههه
كمت اني وياهن... زهراء ماشاءالله طلعت خبره بالركض
هي وفاطمه تكابلن ..
اجت صابرين وسرى وسراب
صابرين من شافتني كبل كرصتني
صابرين: هاي شون طالعه..وينه وينه ويشوفج
رنا:ههه حتى اني اريد اشوفه
سرى:منو سوالج مكياج
رنا: هيفاء
سرى:حيل حلو.
رنا:صدك صابرين جبتو الفستان
صابرين:اي جبناه خليته يم عمه فهميه
رنا:خوش..شونج سراب
سراب:زينه الحمدلله
رنا: منو جابكم
سراب: علاوي
رنا: صادق بالبيت
سراب:اي ويه جماعته
صابرين:يلا اني اريد اركص من كل كلبي اليوم
صابرين كامت تركص..ابد ماتعرف متنا ضحك عليها
وتهز كل قوتها
غيرت الاغنيه هيفاء مرتين وانحمست
صابرين:ماتعرفن تشغلن اغاني ..هس اني اشغل وخرن وخرن
راحت ربطت الديجي بجهازها.
هيفاء طفت الضوه وشغلت النشره اللي تشتغل عالسريع
باوعت عليه صابرين وغمزتلي
صابرين:راح اشغل اغنيه أسمعها
رنا:شنو هي
صابرين:هس تسمعينه
شغلت اغنيه (اجيبك للدرب كتلك اجيبك)
ضحكت من سمعتها وهي جتلت روحها بالركص..ويه زهراء وفاطمه وهيفاء
بقيت وياهن بعدين كعدت يم سرى
رنا: اكلج ليش جده ماجت
سرى:ماتكدر تعوف البيت..واصلا تعاركت اليوم هي وصادق
رنا:ليش شصار
سرى:على مود نور جانت متعصبه.كالت كافي عاد..هو كاللها لاتدخلين.رادت تفتح الباب الها وهو تخبل
رنا:خما كبرت المشكله
سرى:يعني صارت لغوة بينهم وهي انقهرت وكامت تبجي وعافته
ضجت من سمعت هاالسالفه
سرى: مفروض ماكلج وتبقين متونسه
رنا:الله كريم... كومي ويانا
سرى:اي وبطني كدامي
رنا:هم صحيح
اجت عمه فهميه جابت عصير وكيك
تونسنا كلش
صارت الساعه ١١
عمى منى وبناتها راحت.وزهراء هم
محسن خابر على صابرين واجه اخذها وسرى وسراب رجعن وياها
بعد ربع ساعة هيج...دك عليه صادق
رنا:هلاو
صادق:وين انتي
رنا: جوة
صادق:تعاي اشوفج وارجعي
رنا:ليش وين انت
صادق:هس راح اطب للربعه.قيصر كال ماكو احد
رنا:ماشي جايه.......يتببببع