#ليته يعلم(أحببته منذ الصغر)

البارت ٤٢ الجزء الثاني

البارت ٤٢
#ليته يعلم( أحببته منذ الصغر)
معرف شون تجرأت وكتبت
رنا:ماريد اجي
صادق:تجييين لووو اكفررر بيووومج
خفت كلش من قريت رسالته بس ماكمت بقيت بمكاني
وره دقيقتين اجه للغرفة
جفلت لمن شفته
صادق:اني شكلتللللج
رنا:كاعد ادرس
صادق:تدرسين مو
رنا:اي
صادق:كدامي يلاا امشي
رنا:شنو تريد
بعد ماكملت كلامي ..صيح عليه
صادق:كدددددامي كللت
رنا:جيت جيت
طلع وطلعت وراه
فات للاستقبال
صادق:سدي الباب
سديت الباب.. صح جنت خايفه بس هم جنت حيل مزعوجه منه
قرب وجهه مني وجان يحجي بطريقه حاده حتى صوته مرعب
صادق:ليش ادك عليج اليوم ماتجاوبين
رنا:جنت بالامتحان
صادق: لازم حضرت جنابج ماطلعتي من الامتحان وشفتي المكالمات ؟؟؟
رنا:اي شفت
صادق:وليشش ماتصلتي؟؟!
معد اعرف شكله
رنا:موماعندي رصيد
صادق:رصييد مووو...شو قبل جنتي ترمشين عادي
رنا: ادري هس شنو تريد مني
صادق: اريد اكسر خشمج اليابس واعلمج شون تردين من احجي وياج وماتصدين
انحسمت من كال هيج
رنا:خشمييي اليابسسس مووو
صادق:ايييي
رنا: لحااااااااله خشميييي صااار يابسسس مووو .نسيييت نفسسسك شحجيييت وياي..خلي يصيرررر يابسسس احسسن...من جااان لييين خشمييي شحصصصلت
صادق:اني اعرف علتجج شنووو اعرف دماراتج وين تودييج
رنا:اييي اعرف زيين تعررف
صادق:سمعييينيي رناااا
رنا:منوو كال اريد اسمعك.. هاا منو كال
صادق:مااخذ اذنج غصباً عنج من احجييي تسمعيين
تعصبت كلش من كال هيج
رنا: دقيقه دقيقه..ترااا صحيييح يتيمه وماعندي أهل .هذا مويعنييي ابدددد تصييييراموور غصبا عنييي !!
صادق:يووووولييي لعددد احنه شننوو بالنسبه الج
شنووو ماعندي أهل...عيييييب هالكلااااام
رنا:اي هذا الصحيح
صادق:الضاهر احنه موبعينج ولاشايفتنا أهل مع الأسف عليج
مارديت علي من كال هيج
صادق:على كلا شوكت تخلص امتحاناتج
رنا:عليشش؟!
صادق: كاعد اسئل جاوووووبي
رنا: مامعلوم يجوز ماتخلص
باوعلي مخوزر كلشش
صادق:شقصصصدج ماتخلصصصص
رنا: واضح قصدييي
صادق:انتيييي ليششش هيييج  تسووووين.. ترااا نعلتيييييي والديييييه
رنا:لاتضل تصييح عليييه
صادق:ماتفهميييين بالحجي شسويلج
رنا: والله ماشفتك حجييت بهدوء ومافهمتتت كله صياااااح
كام يتنهد
صادق:موصارررلي كم يوم طاير وررراج اريد احجي وياااج تنهزميين...ياحبيبي يارناوي شوكت تخلص امتحاناتج ؟؟؟
رنا:عليشش؟!
صادق:خرررررب مووواكلللج ماتفهمين
رنا: تخلص أو ماتخلصص قابل شراااح يصير هاااا ..راح تخطبنييي وراها ترجع تهددني تنهييي كلشييي هم موووو؟؟
صادق:انيي نبهتتتج حتى تعدلين اسلوووبج وياي ماهددتج
رنا:هددددتنييي ونصصصصص.تراااا انيي موجاهل عنددددك
شوكت ماتريد تخلينيي طايره وشوكت ماتريد تنزلنيييي
مااااريد خطوووبه ولاشيييي
راح بصفحه وكال
صادق:هااا هيه هاااا هيه ياارنااا يلاااا روووحيي انكلعييي
رنا:لاتكوول انكلعيييي
صادق: اطلعييي انكلعييي عن وجهيييي
طلعت من الاستقبال بس ميته قهررر من أسلوبه وياي
جانت سراب تدرس حسن بالصاله
طبيت للغرفة وجنت مقهووووره ومحمووسه كلشش من أسلوبه وياي
جده:ها خلص عرسكم لوبعد
رنا:والله ابنججج خبلنننني
جده: اووف منكم اثنينكممم والله تعبتوني
اني ادري بنفسي ماقصرت وياه وحمسته بكلامي بس مع هيج هم كلبي مايبرد لان هو ماحجه وياي باسلوب حلو جان بس يزج ومتعصب
اباوع للكتب اريد اكمل درس بس خلاص ماضل اللي واهس
عفتهن ورحت فوك لغرفه سرى.ردت شوي اغير نفسيتي والتهي بغير شي
دكيت الباب كلت خاف علاوي موجود
سرى:منوو
رنا:اني
سرى:فوتي رنا
طبيت جوة جانت لابسه تراك نص ردن ومتممده عالتخت
سرى:هلا رنا تعالي كعدي
كعدت يمها عالتخت
سرى:شعجب صعدتي هنا.انتي ماتصعدين بالكوة
رنا:والله ضايجه وكلت اصعد وياج شوي
سرى:اي زين تسوين...خلي اطلع حبشكلات ونسولف
رنا:ماشي
طلعت من الكنتور كرز  وحلقوم وخلته يمي
سرى: سولفي رنا مبين عليج حيل ضايجه
هزيت راسي بمعنى اي
سرى:ليش شكو..خما هم صادق..اليوم كالب عالعيله كلها  . انتو شنو وضعكم اني لي هس ماعرف بضبظ
رنا:هو اني مداعرف شنو وضعنا.. حررت وياه
سرى: هو يريدج؟؟
رنا:علساس يريدني
سرى:ههه هاي شون
رنا:شمدريني هو مايتحاجه اصلا
سرى:صايرين يجدحون جدح هاي الفتره هو وفراس..هم اليوم من جنتي بدوام.جنت اشطف الطارمه وطب فراس مزعوج عليش تشطفن ومدري شنو
رنا:فراسسس كله من وراااه كل المشكله الصارت من وراه
سرى:اي والله حيل طوخها....عوفي موضوعهم اخبار دوامج شوكت تخلص امتحاناتج وتعطلين
رنا:زين دوامي..بعد باجر الخميس اخر امتحان عندي
سرى:اي زين يلا حتى تعطلين وتعاونيني هههه
رنا اي والله اعاونج ادري بيج تعبانه من الحمل..وهم اريد احف وجهي وحواجبي انضفهن .اريد شوي اهتم بنفسي
رنا:بس تخلصين نروح اني وانتي اكو مره يم بيت اهلي خوش تحف وتسوي الحواجب يخبلن
رنا:اني ماريد الح عليهن كلش
سرى:شلون ماتريدينهن تسويهن...
وره شوي اجه علاوي
علاوي:هاا رنا اليوم يمنا مومن عوايدج
رنا:راح اعودكم ميخالف  ....يلا اروح اني
سرى:بعد وكت ضلي
رنا :لا كافي هم عندي كعده من الصبح ودوام
سرى:ماشي
نزلت جوة غسلت وجهي وشربت مي وطبيت الغرفه
جانت سراب وحسن ومصطفى متمددين بالفراش..بس نور تنام فوك
فرشت فراش الي وتمددت
من تذكرت الصار كلبي انعصرر كلشش
حتى ماريد افكر لان هلكت من هالموضوع..نوب ارجع اكول زين شنو يعني من كال هاي هيه شنو معناها..يعني نهى كلشي من صدك؟! خما اني زودتها .بعدين اكول لالا هو اصلا ماحجه وياي باسلوب حلو بس يعرف يصيح.هو الغلطان مواني ..بقيت بكبريائي ونمت
كعدت ثاني يوم رحت لدوامي امتحنت كالعادة وطلعت من الامتحان باوعت رساله ع الخط (محولي رصيد ١٠) والله حرت بيييييك
رجعت حيل تعبانه اريد بس أنام.يلا باجر خميس اخر امتحان هانت هانت
نمت وكعدت بعد تالي العصر..صحصحت وبديت أدرس
جنت متونسه لان اخر امتحان واريد اخلص من كعدة الصبح والطريق....صار وكت العشه
واجت سراب صاحتني عالعشه
صراحه حوعانه وبنفس الوكت ماريد اكعد وياهم
ماكمت عاد اجت جده هم صاحتني رحت كعدت يم جده
هو ماجان موجود بس فراس وعلاوي والباقي موجودين
تعشيت وخلصت وغسلت المواعين عالسريع حتى ارجع ادرس
رجعت ادرس وجنت مندمجه كلشش بالدرس جان تجي جده وسرى يتبشبشن وسرى مبتسمه
حسيت بحلوكهن اكو حجي بس ماحجن شي
بعد شوي صاحتني سرى..جانت بالمبطخ رحت عليها
سرى: تعالي تعالي
رنا:شبيج
سرى:واحنه نكول شبي صادق البارحه يشب ناار
رنا:ليش شبي
سرى:علاوي كالي البارحه جايين جماعه يخطبونج
تفاجئت اول من سمعت
رنا:شنوو
سرى:اي البارحه الضهر جايين جماعه..يمكن بيت اخو اللي رحنه عليهم نتعشه
رنا:صدك تحجين
سرى:اي والله علاوي كالي..ماتشوفين انجن علينا
حسيت بمي بارد ثلج نزل على صدري
رنا:اهمممم هيج لعدد
ابتمست شوي  .رحت للغرفة
من جيهه انقهرت علي ومن جيهه اشتفيت بي جنت انتظره يجي حتى احمسو بزايد كلت مدام البارحه هيج كب عليه وماعلمني اله اليوم هم احرگو.اجت جده
جده:اي عيني اي طلع ابني متعوب من وراج
رنا:ليش عود
جده:جايينج خطابه وكلب الدنيا علينا يما يما يخاف تطيرين من ادينه
كمت اكول بداخلي ( كل عقلك متعصب لان اجوني خطابه..ليش اني معقوله أوافق!! ليش كلبي يتقبل بشر غيره خصوصا بعد ماعرفت بي يحبني ..هو مو بس مسيطر على كلبي.مستحلني كامل 💔💔
حضرت هدومي تافوت اسبح...بعد شوي سمعت صوت سيارته طبكت ..انتظرته يفوت
كل شوي اكول اروح لا ماروح.بلي خلي اروح
رحت وياريت مارحت ...
طبيت للاستقبال جان لابس تراك وكاعد ماسك جهازه
وكفت مقابيله
رنا:هاااا عود ليش ماكتلي
باوع عليه
صادق:شكلج؟
رنا:جاييني خطابه
صادق:وعليش اكلج
رنا:من حقي..انت موتعرف باالدين ؟من حقي لولا
رد عليه بخشونه
صادق: وهس عرفتي شتريدين ؟
رنا:رفضتهم مو
صادق:ليش تسألين.لازم ناويه توافقين
رنا:مامعلوم يجوز خوش ناس
جنت احجي هيج متعمده واريد اشوف رده فعله
صادق:حتى اذا توافقين اني ماوافق
رنا:وانت شعليك
صادق:اعتبار اني ولي امرج واني ارفض بكيفي
رنا:اهاا
باوع عليه باستهزاء
صادق: اكو وأحد ينطي مرته لغير ناس وبيده هم؟!!!
رنا:ترررا انيي مومررررتك
رنا:ايي راح تصييييرررين
رنا:يجووووز ماصيرررر
كلت هيج..
جان يمسكني من ايدي ويلويها كل قوته
معد اكدر متت وجع
صادق:شوفي رنا..لاتتجادلين وياي بهيج موضوع..ترا قسماً عضمآ اصيررر موخوش ادمي ويااااج
رنا:عوووف ايديييي
صادق:اكسر ايدج هم اذا بعد سولفتي وياي بهاالموضوع (يقصد الناس الي اجو يخطبوني)
نووب لوه ايدي بزااايد...حسيت حتى العصب التوه معد اكدررر.كمت اصيح
رنا:وخررررر اييييدددددك
صادق:اشششششش ولاكلمه
دمعت عيوني وكمت ابجي جان يعوفني
طلعت من الاستقبال ورحت للحمام ضليت ابجي..هاي اول مره هيج اخاف منه ويأذيني
باوعت على ايدي حمره كلش وتوجعنيي
جنت اسبح وابجي بنفس الوكت..شعور غريب اول مره يصير وياي ..ماعرف شون اشرحه الكم ..احسه صار وحش عليه هاي الفتره..(ياربي هذا شبي لايتناقش ولايتشاقه بهيج مواضيع ابددد)
اكو مشاعر حب ❤️رغم الخوف والرجفه اللي بيه لي هس من لوة ايدي بكل قوة 💔
طلعت من الحمام ورحت للغرفة..جنت ارجف من البرد مدري من التوتر ماعرف
مشطت شعري وتممدت بفراشي.احسس مسكتني الرجافيه
جنت متممدده بفراشي وارجف
كعدت الصبح تحضرت ورحت لدوامي
جان اليوم خميس واخر امتحان إليه . ايدي جانت شوي توجعني اكتب على كيفي
امتحنا اول محاضره وخلصنا..الله شكد طيبه
افتريت شوي ويه البنات ورجعت للبيت من وكت
اليوم كل الطلاب رجعو من وكت..وصلت البيت الساعه ١١ ونص تقريبا
طبيت جوة ذبيت الكتب وبدلت هدومي..واخيرا اا
رحت للمطبخ جانت سرى تسوي الغده
رنا:هلوو
سرى:هلا اجيتي
رنا:ايي..اكلج شوكت نروح لهاي المره اللي تحف
سرى:شوكت تريدين حتى اكول لعلاوي يودينا
رنا:اني اريد هسس معد اتحمل
سرى:وره الغده نروح
رنا:ماشي
اذن ضهر صليت ورحت حضرت الغده وياها
كعدنا نتغده وهو اجه
يااااااي رجعت تذكرت البارحه..يمااا شون شعوور
صارت عندي رهبه منه
بالكوة تغديت وهو كاعد مقابيلي نوب عاقد حواجبه
خلصت غده وسويت جاي..كلت لسراب تروح تصب جاي لان اني وسرى نريد نروح
تحضرت اني وياها واجه علاوي اخذ السويج من صادق
صادق:وين تروح
علاوي:اودي سرى ورنا
صادق:ووين
سرى:على أهلي
اخذنا علاوي ورحنا ..جنت حيل متونسه لان اليوم ماعندي دراسه ولاشي
رحنا يم اهل سرى اول شي كعدنا شويه وسلمنا
بعدين رحنا على جارتهم هي ام صالون بس صالونها صغير
بلشت بسرى اول شي بعدين بيه..شكد يوجع الحف كلشش
حفتلي كامل وخليتها تسويلي تنضيف بشره هم
نضفتلي حواحبي بطريقه حيل حلووة
طلعت يخبلن
كيفت من شفت النتيجه
خلصنا وسرى خابرت على علاوي واجه رجعنا للبيت
وصلنا ويه صلاة العصر
طبيت جوة تلكتنا نور وسراب
سراب: الله الله شنو هالتغيير انتي وسرى
نور:وليش ماخذتني وياجن
سرى: ماحسبالي تريدين تجين
نور:يلايلا مايحتاج
طبيت جوة اول شي سويته غسلت وجهي بالصابون زيين
باوعت بالمرايا كلش حلوة النتيجه مال الحف وتنضيف البشره وتعديل الحواجب..
كلت خلي اهتم بنفسي مدام عطلت..رحت على سرى اخذت الكابسه وكبست شعري ولفيته بالطوق ولبست فستان ربيعي لونه وردي حيل حلو
اجت جده:شنو هالجمال ايي تووج طلعتي مره ..حتى تخبلينه اكثر من ماهو مخبل عليج
رنا:هههه ليش
ضحكت على سالفه جده.. خليت كحل وحمره خدود بس
كلت (هي علگانه علگانه وين ماتصل خل تصل)
صارت الدنيا مغرب تااطلع من الغرفه وسمعت صوته..رجعت معرف ليش.. احس صارت عندي رده فعل قويه تجاهو ماعرف شنو هي ... مرات احس نفسي ماريد اشوفه اكو رهبه لي يمه خصوصا من اخر موقف ومرات فجأة احس نفسي اريده وأرغبه بشكل قووووي.
بقيت بالغرفه شوي بعدين طلعت .هو جان كاعد بالصالة مع فراس وحسن ومصطفى
عبرت ورحت للمطبخ
سرى:اكلج خلي نستعجل هس يخبصونا
رنا: وعليش خايفه شوكت مايصير يصير
سرى: ماتسكتين ناقصنا عاد خلينا متونسين مانريد مغثات
رنا:هم صحيح
رحت وديت الأكل اني وسراب..باوع  عليه كامل ..اني كبل رحت ورجعت للمطبخ ..
بقيت بالمطبخ ماريد اروح.عاد اجت سرى صاحتني
رحت كعدت يم جده.. اكلت شوي وكمت ماطولت
رحت غسلت وهو هم اجه . ارتبكت من شفته
باوع عليه وكال
صادق: روحي غيري لبسج
صفنت اول شي وكلت
رنا:ليش
صادق: روحي باوعي بالمرآيا وانداري وراح تعرفين ليش
كال هيج وراح..
رحت لغرفه سرى لان بيها مرايا جبيره مال الخشاب
انداريت وباوعت ماحيل ركزت اذا يبين شي
نزلت جوة وصحت سرى
رنا: اكلج سرى بي شي فستاني
سرى:شو انداري ومشي
مشيت شوي
سرى:اي ضيك من وره (لبا.....)يبين من تمشين
رنا:صدك
سرى:اي والله
انحرجت كلش ورحت غيرته ...
خابرت صابرين كتلها ساعه نوب هيج واجي عليج ابات يمج
صابرين:اي خوش انتظرج
رجعت كعدت بالصاله  وبقيت اكلب بالموبايل ومخليه سماعات.اتفرفر بالبرامج
اجه حسن يريد يباوع وياي بالموبايل كعد يمي
جانو اكو زلم بالاستقبال وهو وياهم . بعد شوي راحو
زاجه وكعد مقابيلي ع القنفات وماسك موبايله.اني جنت لافه رجل على رجل
حسن:عندج ألعاب
رنا:اي
حسن:انطيني العب شويه
رنا:هسس
اجه فراس وعلاوي وكعدو عالقنفات بالصالة
موبايلي يم حسن يلعب بي واني يمه اباوع وياه عاللعبه
اجه إشعار منه مكتوب:اكعدي عدل
باوعت علي باستغراب .رجعت باوعت على كعدتي جنت لافه رجل على رجل.ورجليه يبينن
عدلت نفسي بعدين كمت..(على كلشي مركززز شنو هذا....)
رحت تحضرت تاروح لصابرين..كلت لجده راح ابات
سرى: دقيقه اتحضر اجي وياج
رنا: ماشي استعجلي
راحت تحضرت وطلعنا سويه علاوي وصلنا
كعدنا نسولف وندردش ومتونسين كلش
صابرين:هلا سرى احجيلي عن حملج
سرى: والله متعبني كلش
صابرين:مبينه تعبانه يلا شسوين بس علما تعبر ال٤ اشهر تستعدل خالتج
سرى:ان شاء الله
تاخر الوكت واجه علاوي رجع سرى اني بقيت يم صابرين ابات يمها
راحت سرى وبقيت اني وره شوي دك صادق على صابرين
صابرين:هلا خويه......اي اي تبات يمي....ماشي هلا
رنا:شيريد
صابرين:مايريد شي سأل عليج كتله تبات كال ها هيه
صابرين نومت جهالها وفرشت فراش الي والها كعدنا بفراشنا وكمنا نسولف
صابرين:اي يلا جه سراج هس
رنا:شكو
صابرين:تعاي سولفيلي... اخبارج ويه صادق
رنا: ماكو شي..صاير متهستر عليه
صابرين:ليش
رنا: ماعرف يضل أعصاب . أصلا ماعرف شون اتعامل وياه
صابرين:شوفي رنا عوفج من كلشي... يجوز انتي تحبينه اي بس ماتعرفين كل اطباعه.. صادق حاد وغيور وعنده حدود مايحب أحد يتخطاها.. اني اكلج اياها من هس هو يحبج ويريدج هم بس اعرفي شون تتصرفين وياه لاتاخذين كلشي عناد.
رنا:يمعوده مامسويتله شي ترااا.
صابرين:موشغله تسوين شي.بس اني اعرفج عندج طكات عناد..هو يتخبل من هيج .. شوفي مثلا هس اني من تصير مشكله اعاند علاوي وفراس اي..بس صادق لاا هو يريد هو يحل الأمر خصوصا اذا شغله تخصنا مثلا اخت زوجه بنت..ويحسب حساب لكلشي ..هس اني اي شي يصير وياي من اريد استشير مافكر اروح لفراس أو علاوي..كبل اروح اله..اثق بقراراته لان يفكر لي بعيد
رنا:اووف طبعو صعب
كامت تحجيلي هواي عنه وعن طبعه..اني اعرف اغلب اطباعه واكو شغلات جديده عرفتها منه
وهي تحجيلي دمعت عيوني
صابرين:يولي شبيج دمعتي
رنا:احبوو
صابرين:يماا تحبووو يبووووي علييج .والله هو هم يحبج

كاعد نحجي وتاخر الوكت باوعنا الساعه صارت ١ ونص
صابرين: جوعانه
رنا:لا
صابرين:,خلي اجيب حب شمس
رنا:ماشي
راحت جابت حب شمس وكعدنا نكمل سوالفنا
دك الموبايل عليها
صابرين:ولج هذا صادق
استغربت ليش داك بهيج وكت
صابرين:هلا صادق.......هيان جايتك
ولج يم الباب اجه
احس صدري يريد يطلع من مكانه.....ييتببببع