#ليته يعلم(أحببته منذ الصغر)

البارت ٥

البارت ٥
ليته يعلم (أحببته منذ الصغر)
جنت اباوع علي وصافنه
باوع عليه وصاحني
صادق:تعاي كعدي يم الصوبه شعندج بالبرد
رحت كعدت يم الصوبه صرت مقابيله
هو بقه ماسك جهازةة مره يخابر ومره يكلب بي
بعدين حسيت كعدتي مالها داعي كمت صعدت كلت كافي وراي دوام
طبيت الغرفه البنات متمددات بفراشهم
خليت كتبي بالجرارت وحضرت هدوم المدرسه وتمددت وفكره تروح وفكره تجي اخر شي نمت
كعدت الصبح باوعت الساعه ٨الا عشر دقائق
تخبلت كمت ع السريع وكعدت سراب.لج سراب كومي كومي شوفي الساعه شكد وكعدي حسن خلي يروح للمدرسه
سراب هم تدرس بأول متوسط.بس نور تاركه دراسه وحسن بخامس ابتدائي
سراب:يماااي
كامت بسرعه تحضرت واني هم ع السريع بدلت
تحضرنا ع السريع الساعه عبرت ال٨
سراب:راح اشوف بابا اذا موجود هو يوصلنا لان راح نتاخر بزايد اذا مشي
رنا:اي والله اني هم عندي امتحان يومي زاد اول درس
نزلنا ع السريع
واصلا لكيناه متحضر عند شغل بالمكتبه تايطلع
سراب:بابا وصلنا بطريقك ترى تأخرنا كلش
صادق:يلا امشوو
صعدنا بالسيارة ووصلنا للمدرسه
طبيت لكيت بادي اول درس وديمتحنون بالكوة قبلت المدرسه تخليني افوت
خلصت دروسي ورجعت للبيت
طبعا موكلش بعيدة علينا المدرسه فرجعت مشي
طبيت للبيت سكته هدوء.وصابرين راجعه لبيتها
بس شفت جدة وفراس كاعدين
جدة: ها جيتي كالت نور كاعدين متأخرين
رنا:اي والله بس الحمد لله لحكت امتحاني.شعجب شو سكته البيت
جدة:اي والله صابرين رجعت وصادق راح للدوام واصلا خابرني كبل شوي كال ماراح يرجع صديقه عازمه ع الغدة
رنا:هاا ماشي
جدة:روحي صبيلج غدة
رنا:هس بس اغسل واصلي
رحت بدلت وصليت ونزلت حميتلي الغدة
ورجعت كالعادة للغرفه تمددت ونمت ماكعدت لاذان المغرب شكد ماحسيت نفسي تعبانه.
نزلت جوة لكيتهم ملتمين بالصاله والصوبه يمهم
طبعا صادق عنده اخوة اثنين فراس وعلاوي واخت وحدة صابرين مزوجه..كاعدين وكاعدة جدة وياهم
طبعا اكثر لمتنا بالصاله ودايما بيها تدفئه بالبرد أو تبريد بالصيف وتصير الكعدة والأكل بيها متعودين يعني.عمو سالم يبقى بالاستقبال أو بغرفه جدة لان هو مريض وجبير بالعمر
كعدت وياهم
جدة فطوم:ابني فراس ترى مايصير هيج لحد الان مارجعت مرتك صار  اسبوعين حردانه
فراس مزوج وعندة ولد عمره ٣ سنوات .وعلاوي بعده اعزب عمره ٢٠ ويحب بنت خاله وكلنا نعرف بهالشي وهي هم تحبه
فراس:خليها بعد حتى تتربى
جدة:لخاطر ابنك خطيه رجعها
صادق: فراس خويه عيب المره تطول يم أهلها زعلانه.ماترهم النه رجعها
فراس: ارجعها اني.بس أريدها تتأدب وتعرف شون تحجي وتحترم
صادق:لا كافي ميجوز. شلون كلبك ينطيك كل هالايام ماتشوف ابنك.جان يحضن ابنو حسن ويبوسه
جدة:خلي ورة العشه نروح نرجعها..
فراس بقى ساكت ماحجه شي
صادق باوع على فراس وابتسم كاله هااا شتكول
فراس ساكت جان يباوع على صادق وهو هم ابتسم
صادق:هههه هاي هيه هس اخابرهم
جدة فطوم كيفت وكامت تضحك وتلاعب بحسن لان قرروا يروحون يرجعون رحاب
طبعا فراس ورحاب دايما مشاكل متعودين عليهم كل فتره مشكله.هو يحبها وهي هم تحبه بس دايما هي تعاند بي وتكبر المشكله
المهم تعشينه وقررنا كلنا نروح وره العشه
ع السريع لميت المواعين وغسلتهم
ورحت صعدت تااتحضر
لكيت نور وسراب هم كاعد يتحضرن
طلعت جاكيت طويل جوة الركبه وبنطرون وياه
لبستهم وطلعت المكياج خليت شي خفيف
اجت نور ووجها معبس
نور:شسالفه وين البلوز الاسود مالتي
سراب:يمكن شفتهم بالغساله
نور:صدك تحجين.ليش لي هس مانغسلن الهدوم
سراب: ماعرف .
نور:وليش حضرت جنابج رنا لي هس ماغاسلتهم
رنا: اني غلست قبل يومين ماعرف ماشفته
نور:اللي يعجبج تشوفي واللي ميعجبج تثولين بروحج
رنا:شهالحجي عيب عليج
نور:لا هذا الصحيح.تحسبين ماعرف بخباثتج
رنا:كل عقلج تحجين.اسكت احسن
نور:لان ماعندج رد .وهذا الصحيح
تعصبت حيل
رنا: شوفي عاد من يوم ورايح انتي تغسلين هدومج مدام هيج تحجين ومن صدك راح اصير خبيثه بعد
نور:هههه عساس انتي شلونج .بعدين غصب عنج تشتغلين موحضرت جنابج عايشه هنا وتريدين كلشي ماتسوين
رنا:والله اني أبيت عمي مو ابيتج انتي.ومالج دخل بيه بعد
وبكيفي اشتغل اولا
شو بس كلت هيج هاي تخبلت وكامت تعيط
سراب:ولج نور كافي هس يسمعون صوتنا ويجون
نور: انجبيييي ولج ماكو شي بكيفج مثل خوش ادميه تشتغلين وتغسلين هدومي زاد واعلى مابخيلج اركبي
حقييييرة
رنا:انتي الحقيييرة
جان تروح تشيل التحفيه وتضربها ع الكاع كل قوتها وتفلشت
اني هناا فقدت اعصابي  كمت جربتها من شعرها
وضربتها برجلي وهي هم كامت تضرب بين
وسراب تاحجز بينا
جان تفوت جدة فطوم وفراس وصادق......يتبع