البارت ٣٩(الجزء الثاني)
#ليته يعلم (أحببته منذ الصغر)
صادق: ادررري انتيييييي وين عقلللج ليشش رحتي ومااستشاريتيناااا
جده فطوم: على كيفكم وياها.ترا اني كتلها تحجي ويه البنت مااراحت لحالهاااا
فراس:يوووم ابددد لاتفكريين بيه اني انجاززز بنفسيي
صادق:وانييي شكممم مررره كايلج اي شي تجيين تكوليليييي ليش كببببل سمعتي ورحتي
بقو يحجون ويلوومون بيه خصوصا فراسسس
جنت مدنكه راسي لان ماعرف شنو ارد
رنا:تراااا اني مارحت خطبت خطبه رسميه موقصدي والله.بس جده كالتلي .حتى كتلها خاف فراس مايقبل كالت اني اقنعه
فراس: يوووم ابد لاتدخلين بهالموضوع
جده:على كيفك يابا اني ابالي حتى ترتاح احسن من ماتضل وحدك
صادق:رنا ها هيه فوتي جوة
طبيت جوة بس حيل جنت مزعوجه.لان جنت متونسه وهيج صار وياي
بقو يحجون بالحديقة بنفس الموضوع
بعد شوي اجت جدة
جدة فطوم: لاتضوجين رنا..اني ماحسبالي هيج قافل فراس ع الزواج
رنا:شوون ماضوج ياجده..ترا بهدلوني وحسسيت نفسسي مذنبه.واني مالي دخل بشييي
اجه فراس وسمعنا
فراس:بس انتي المفروض
اجه صادق
صادق:ها هيه فراس كافي ماصار شي..هي تحجي مع صديقتها وتتثول السالفة
فراس:المهم يووم موضوع زواج معرف شنوو ماريد طاريه بعد
جده:مثل ماتريد ماجيب طاري بعد..
طلع فراس وبقى صادق
صادق:يوم ترى ابنج حاليا ميت تفكير براسه.اتركي سالفه زواج هس..وانتي رنا لاتسوين شي اذا ماتتاكدين من عندي
رنا:ماجنت حاسبه حساب هيج راح يصير.لو ادري ولا أتدخل ابد
صادق:يعني هس فرضا البنت وامها اقتنعن ويحسبن الولد يدري وماعنده اشكال..شلون راح يكون الموقف
جده:اني كلت احجي وياه وأقنعه
صادق:ترى موجاهل حتى تقنعينه . ابنج زلمه هو مسؤل عن حياته
يلا ماصار شي حصل خير
رجع باوع عليه
صادق:وانتي شبيج طنگرتي . رجال تعصب ومن حقه
رنا:موبس هو تعصب حتى انت
صادق:ماجنت مفتهم السالفة زين..
طلع من الغرفه
واني ضجت لان جنت متونسه كلش وخربت ونستي
اجت سرى تسأل شكو ومعرف شنو..عاد جده حجتلها السالفة
بعد مااخذت وكت ويه نفسي واني ضايجه ..كمت طفيت الضوه وتمددت بفراشي
نمت وكعدت رحت للدوام ..خلصت امتحاني
ورحت افتر ويه صديقاتي
زهراء:اكلج رنا منو هذا اللي اجه قبل كم يوم ورحتي وياه
رنا:ابن عمي
هدى:ابن عمج ؟! يمكن شفته قبل فتره باداره الشريعه مو هو يداوم هناك لو اني متوهمه ؟
رنا:اي هو يداوم هناك
زهراء:شعجب اجه اخذج
هدى:شبيج هي عايشه يمهم
زهراء:ايي صحيح تذكرت . هو هذا نفسه اللي كلتي طلك مرته قبل فتره
رنا: اي هو
زهراء:بس والله كشششخه..اني لو عندي هيج ابن عم ابد مافوته من ايدي
هدى:بس ترا اكبر منها
زهراء:واذا اكبر هو هذا المطلوب..اصلا عمره كلش حلوو اني احب هيج فرق كلش
جانن يحجن واني اكول بداخلي (عساس اني ردت افوته من ايدي مثلا.تچلبكت باديه ورجليه بي ولي هس اعاني)
رجعت للبيت جان سكته وهدوء
طلعتلي هدوم وفتت سبحت.طلعت من الحمام مشطت شعري
جان يطب صادق للغرفة
صادق:ها اجيتي
رنا:اي
صادق:تنامين هس مو
رنا:اي انام ليش؟
صادق:كلت نطلع مدام الجو حلو .بس خليها بغير مره
كون ماعندج دوام يصادف
رنا:اي الجو كلش حلو..يلا خلي نطلع هس
صادق:لا خليها بيوم عطله حتى هم اخذ حسن والبنات ويانا
رنا:ماشي
صفن عليه شويه
صادق:يلا مشطي شعرج ونامي
رنا: تمام
مشطت شعري ونمت .كعدت المغرب صليت
وطبيت للمطبخ
سرى:همزين كعدتي..عفيه رنا سوي عشه انتي.ترا صايره كلش اكره المطبخ وخصوصا ريحه الاكل
رنا:ماشي هس اني اسوي انتي روحي لغير مكان
سويت عشه مگليات واكباد.وعاونتني سراب بالسلطه
صبيت العشه وتعشينا .رحت غسلت المواعين وكملت شغلي بالبيت
بعدين رحت ادرس..صارت الساعه ٩ ونص
سمعت صوت رعيد قوي..اجه حسن يركض
حسن:كامت تمطرر
جده: سبحان الله من دفى الجو مطرت...هاي امطار ابار
طلعت للطارمه اني وسرى وسراب جان مطر ززخ قووي
صادق جان بالاستقبال وطلع
صادق: ماشاءالله
باوعت علي وابتسمت
هو بقى يباوعلي.راح الرعيد وبقى بس مطر خفيف
طبت سرى وسراب جوة
اجه يمي
صادق:يلا امشي
رنا:وين
صادق:البسي اي شي عالسريع .بس لاتكولين لاحد
رنا:ماشي
رحت عالسريع لبست ستره فوك الفستان اللي جنت لابسته ولفيت شال واخذت موبايلي وطلعت
للأسف شافتني سرى من طلعت
طلعت لكيته يم الباب
صادق:يلااا
طلعت وياه بالسيارة ..شغل السياره وطلع
شغل اغنيه حسين الجسمي(بحبك وحشتيني بحبك وانتي نور عيني.ده وانتي مطلعه عيني بحببك موت)طبعا هو مايسمع اغاني ابد.بس يعجبه اغاني حسين الجسمي مرات يسمعها
الجو اصلا طيبه بس مطر ناعم ينزل ع الجام مال سياره
كميه المشاعر ماتنوصف واحد يحس نفسه طاير..ياريت لوهاي اللحظات الحلوة المليانه مشاعر بگد حبات المطر وأكثر ماتخلص..
جان يباوع عليه بنظرات مليانه هياام 💔 بقينا نفترر
لحد الساعه ١١ ورجعنا
طبيت جوة وابتسامتي مدري وين واصله
تلكتني سراب
سراب:هاا وين جنتي
رنا:طلعت بشغله
سراب:انتي وبابا مو
رنا:اييي..امم.رحنا لصابرين هيج ردت اشوفه
سراب:هلا جان اخذتوني...بابا صالحها لولا
رنا: لا بعدها زعلانه
سراب:لي هس؟ماخوش
عفته وطبيت للغرفه
جانت جده بفراشها ونور والجهال نايمين
من فتت وحست عليه جده عاد تعدلت
جده:هات وين جنتي انتي وصادق
رنا:طلعنا نفتر شويه بالسيارة.بس خاف تسئلج سراب كولي راحت لصابرين لان هيج كتلها
جده:يلا يلا مابقى شي وتصير شغلتكم علني.لاتقبين ولاشي
اليوم حجه وياي من جنتي بدوام
رنا:اي شنو حجه
جده فطوم:جنتي بدوام واجه سأل عليج كتله بعد مارجعت.حسيته كلش يحوم هالفتره حوالييج.
كالي ان شاء الله راح اعقد عليها وأخذها
من كالت هيج جده..اني شگد جنت متونسه تضاعفت الفرحه معد اگدر
بس كلت بداخلي شعجب ماگالي هالشي.يلا مومهم المهم راح اخذه وارتاح واستقرار
تمددت بفراشي وكمت اكلب بالموبايل دزلي رساله
صادق:سويلي چاي
كبل كمت هو اني اصلا اريد اروح اله
سويت جاي وصبيتله ورحت للاستقبال جان جافراس گاعد مكنك قريب علي .عاد انطيته الاستكانه ورجعت
هو هم راد نگعد ونحجي بس ماكدرنا
رجعت لفراشي وبالكوة نمت من الفرحه والتفكير بالشغلات الحلوة
كعدت الصبح ورحت لدوامي امتحنت ورجعت كالعاده
رحت للاستقبال تاحجي وياه قبل مانام بس مالگيته جان ماموجود
عاد رحت نمت وره ساعتين هيج كعدتني جده
جده:رنا كومي سوي عشه ترى سرى بغرفتها وشحالها صاير عدها هبوط
رنا:هس كاعده
تعدلت وكمت على حيلي.غسلت وصليت ورحت للمطبخ
كمت اسوي عشه.سمعت صوت الولد والسياره وصوت حسن ومصطفى
سرى:هااا البارحه وووين رحتووو وماتعلمون
رنا:هه هيج افتريناا
سرى:اممممم
باوعت جان علاوي واالجهال يم الباب وسياره صادق موجوده
طب صادق جوة جان مشتري بايسكل لحسن ولمصطفى
جانو الجهال مكيفين وفرحانين كبل راحو يلعبون بالشارع
بعدين شفته يحجي ويه فراس هم حسيتهم يتبشبشون
كملت العشه وصبيته
جده:وين سرى خلي تنزل تتعشه
علاوي:ماتريد
جده:ليش
علاوي:تكول ماشتهي
كعدنا نتعشه ودك الموبايل على صادق
صادق: وعليكم السلام ياهلا......اي والله.......خلي نتواجه أحسن....شوكت ترجع من دوامك.....خوش من تجي يصير خير
سد الموبايل
فراس: يعني ها هيه راح تبيعه
صادق:اي
جده:شبييع
صادق: بيتي
نور:شنووو ليشش تبيعه بابا
صادق:اعمر بيت قريب من هناا.ماريد بعيد .اني راح اكضيها رايح جاي.عليش اروح بعييد
جده:اي اذا تعمر قريب علينا احسسسن
صادق:هو اني هيج اريد
اني جنت منتظره يفتح موضوع الزواج وياي لان هو حاجي لجده
خلصنا عشه ورحت غسلت المواعين عالسريع حتى ادرس لان هم عندي امتحان باجر
المشكله ماليه واهس بدراسه ابد كل بالي بغير شغلات
رحت للغرفة باوعت على موبايلي شفت مها متصله علي
صراحه مارجعت لارمشت ولاشي عليها.عفت الموضوع تماماً بعدين فتحت الكتب وكعدت اقره وادرس
اجت جده وخابرت على صابرين
جده:شونج بنيتي..... الحمد لله شون جهالج......والله ترانا زينين بس ناقصنا جيتج....مدري ليش هالعناد اوف منج
فعلاً اني كلش مشتاگه لصابرين وجيتها علينا.متعوده عليها لازم تجي حتى نفسيتنا
بقيت اقره لحد ما تعبت و تركت الكتب
كمت افكر اكول ليش مافتح الموضوع وياي لي هسس!؟
عبر الوكت وتمددنا بفراشنا كلنا وطفينا الضوه
من غفيت اتصل عليه
رنا: هلا
صادق:وين انتي
رنا:بفراشي
صادق:تعالي اريد احجي وياج
رنا:فراس وينه
صادق: ماموجود .تعالي
كمت ع السريع ورحت للاستقبال من شفته اكيد لازم ابتسم وهو هم
كعدت يمه.وكلبي يدك هواي
رنا:وين انت اشو مختفي
صادق:اي اليوم طلعنا شغل هواي باللجان
رنا:ماشي
صادق: اكلج شوكت تخلص امتحاناتج
رنا:بقى ٤ مواد يعني أسبوع الخ تخلص
جان مصادف هذا اليوم أربعاء
صادق:اي زين...حتى تهيئين نفسج
عرفت شيقصد
رنا:لشنو
صادق: بس تخلص امتحاناتج راح افضها ترا..اعقد عليج
صح اني جنت اعرف هو راح يحجي بهالموضوع بس من كال الي بنفسه.الامر يختلف تماماً يعني شي يجنن بالنسبه ليه❤️
صادق:اني ردت هاليومين لان بعد مابيها مجال صبر أكثر.بس كلت خلصي امتحانات اول حتى ماتتشتتين
ابتمست كلش بس مارديت
صادق:احجي ليش ساكته
بقيت مبتسمه وهزيت راسي بمعنى ايي
رنا:زين اكلك من منو راح تخطبني
صفن اول مره بعدين ضحك
صادق:ماراح اخطبج اني..كبل راح اعقد عليج ..
رنا: زين شنو تتوقع رده فعل بناتك
صادق: عادي يتعودن.واصلا هنا اكيد.عدهن تخمين انو اني راح اخذج.ماكو استغراب بالموضوع
رنا:اي هم صحيح
جنت متحمسه كلشش واحجي وياه
اجه فراسس فتح الباب
اني كبل كمت ورحت الغرفه
ياربي شلون راح انام اليوم شون راح اركز باجر بامتحاني
جنت احجي هيج ويه نفسي ودكات كلبي مدري وين تريد تصل
لل٣ تايالله نمت.كعدت بالكوة ع صوت المنبه
ماندل دربي كل شوي اتيه شغله
رحت لدوامي والحمد لله جاوبت.وشي اكيد اريد بس ارجع للبيت.. سبحان الله عكس الفتره اللي وكت خطب بيها ولاء جنت ماريد ابد ارجع للبيت بمدي اضل بدوامي 💔
المهم خلصت دوامي ورجعت للبيت...كبل فتت سبحت
الحمد لله اليوم خميس باجر ماعندي دوام ..
ردت انام بس تاخر الوكت صارت الدنيا مغرب تقريبا لان سبحت وتاخرت
عاد كلت مابيها مجال نومه خلي اكوم اسوي العشه خطيه سرى من صارت حامل تضوج كلش من المطبخ وريحه الاكل
عاد صحت سراب تعاوني ورحنه اثنينا نسوي العشه
سويت العشه هو ماجان موجود..رمشتله رجع خابرني
رنا:هلا وين انت
صادق:هلا بروحي ...والله خارج طالع جماعه الديوان مال الوقف دازين علينه
رنا:ماشي.لان تاصب العشه كلت اخابرك
صادق:ارفعيلي عشه اني ماراح ارجع هس
رنا:ماشي ... هلا
رفعلته عشه وسديته
تعشينا وشلت العشه.خليت سراب تغسل المواعين
واني رحت شطفت البيت كله
هستوني خلصت.رحت بدلت هدومي كامل ورتبت نفسي
رحت كعدت بالصالة اني وجده وسرى
اجه فراس متعصب كلش
فراس:ويين امييي.ارتاااااحن هسس ارتااااحن
اجت جده على صوته
جده:شكوو شبيك فراس
فراس:من وره سوالفججججن خلييتنييي بموووقف خايسسس
جده:شنوو من مووووقف
فراس:ام صديقه هاااي الافنددديه..تلكتنييي بالشارع وكامتت تحجي وياااي تكليي ان شاء الله ننطييك مررره بس اقنننع ابوهاا لان شوووي رافض على مود عندك ولدددد
اني معد اگدر من كال هييج
جده:بسسس على كييفك هددددي
فراس:لاتكوليييين هددديي
جان يحجي ومتعصب واجه صادق..اني ابد ماردته يجي بهذا الوكت ابدد💔
طب جوة وسمع صوت فراس متعصب ويحجي
جان يباوع باستغراب
صادق:خيركم شكووو
فراس:وووين اكوو خييررررر.خررررب يومجججن ع هاي السالفه يعننيي ناقصني اني
حجاله السالفة بالكامل..
صادق:والله اني بس من هاي جنت خايف .. ادري وانت شگلتلها
فراس:كتللهااااا انيي مارييد ازوووج هاي رنا بكيفها تسولف..المره وجهااا كام ينطيي اللوااان..ارتااااحن هسسس
بقه يحجي ويلوم بيه.جنت ساكته مارديت شي بعدين انفجرت
رنا:تراااا انييي ماسوووولفت بكيفييي...خليييتهااا براااسي عااااد
فراس:ايييي لان انتيي الرحتتيي.طبعا كيفتي لان صديقتج
رنا:ماااارحت لحالي ميييت مررره كلللت ولا كيفت ولاشييي
صادق: دقيقه دقيقه.اني موكتلج انتي احجي ويه مهاا ولفي السالفه
رنا:مااااحجيييت وياهاا
صادق:ليششش ماكتيييلهااا .غيييير ترجعييين تحجييين وياهااااا.جااان ماحجت امهااا وياه لو كايلتلهاااا
فراس:بسس تعرفييين تسوووين البلووووة وتعوفينهاا
رنا: ماسوووويت اي بلوووة. تزوج اولاااا مشكلتتتك
باوعت على جده وكلت بكل عصبيه
رنا:بعددددد خلاااص لاتدخليييني بأي شييي يخصصص وددددلج نهائيااااا....لاتسسسسوي خيييير شررر مايجيييك
صادق:رناااااا
رنا:شنوووو رناااا شنوووو
صادق:فوتي جوة (يقصد الغرفه)
رنا: رجاءا لاتحسسوني مسويه فددد. شييي جبييير ومعرف شنووووو
صادق:فوووووتي جووووة كتللللج
رحت للغرفه وبكل عصبيييه طبكتتتت الباب حتى الشباك مال الغرفه انفتتتح
لحگني صادق وعيونه ناااار
صادق:ليشششش تسسسسدين الباب هييييييج ادبسزززز
رنا:كاااافيكممم عاااد خبصتوووني بسالفه موبجلدييييي
صادق:سسددددي حلكككج كتللج فوتي جوة انييي انجااااز ويااااه
نوب رجع فراس هم يحجي ومتعصب
اني هم كلششش تعصبت وحجييت
رنا: فعلاً البشررر لوشمايسوووي بي الله مايتعضضضض
صادق انجن من كلت هيييج
صادق:يوووولي مووووداااكلج سددددي حلككككج
رنا:يعني شنوو ماحجي شي ولاااررد
صادق:لاتخلينييي اتندم على قراراتي وياااااج وانهيي كلشييي والله
كال هيج ودار ضهره وطلع
من كال هييج اني فقدت كليآ وانهاريت.معد اشوف شي ضربت الباب برجلي كل قووتي
جده وياي بالغرفه
رنا: تنهيييييي كلشييييي مووووووو ..بجهنننننننممممم انهييييي كلشييييي..اصلاااا صووووجييي اننييييي ..كله من وراااااي استتتتتتاااااهل
جده:وووولج كافي عفيييه اسكتيييي
رناا:ووووخررري عنيييي الله ياخذكمممممم .ولدددج گواوييييد وحقرااااء وابببينج وماااااايخااااااف الله بيااااا عباللللك لعبه يمه انيييي بسسس بحرمااانك بعددد تسووووي هييج ويااااااي.ابدددددد لاتصليييي بعدددد ولاتسووووي نفسسسك تخااااااف الله ..
جنت احجي بصوت عالي ومنفعله كلشش حتى جنت ارجف من قهري وانفعالي ابد ماانسه هالشعور احس كلبي يريد يطك ويطلع من مكانه .كال كلام حرگني حرگ وراح💔.مااعرف اذا جان بعده موجود يسمع اولا ماعرف
اجت نور
نور: كافيججج تحجين على بابا
رنا:وووووووليييي من وجهييييي لااخليييييي قهرررري بييييج
نور: انجبييييي وووولج
جيت عليها ودفعتهااااا
جده:وووين ابووووج وووووينه
نور اخذت الموبايل من جده تاتدك عليي
سحبت الموبايل من ايدهااا وضربته بالگاع
رنا:لااااااتدكييييين عليييييي لاتدكيييييين لايييجييي ماااااريد اشووووفه ابددددد
كمت اشهك وابجييي حسيت كلبي يريد ينشلع من مكانه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
#ليته يعلم(أحببته منذ الصغر)
Romanceقصه تتحدث عن فتاة عمرها٢٠ تعيش في بيت عمها بعد أن توفي أبوها وأمها.فوقعت في حب ابن عمها الذي يبلغ من العمر ٤٠ عاما
