مشهد قصير من بارت ٩١
ليته يعلم (أحببته منذ الصغر)
واحنه نحجي دك موبايله
صادق:الو
جنت اسمع صوت نور مثل كأنما تبجي
نور:عفيه بابا تعال
صادق:شاكو شبيج
نور......
صادق:سولفي شبيييج
نور:بابا هس خابرني صهيب يريد يخرب الخطبه....
صادق:شنو يخرب الخطبه شون يعني
نور :مادري هو هيج كالي
صادق:ماشي هس جاي
سد الخط منها
رنا:شكو
صادق: تكول يريد يخرب الخطبه معرف شنو
رنا:.......
دك على صهيب
صادق:الو هلا صهيب شونك...... اكلك شكو شسالفه شصاير بينك وبين نور......خير ان شاء الله باجر نتواجه ونتفاهم....هلا
رنا:شكو شكالك
صادق:.... ماكال شي... باجر احجي وياه وافهم شسالفه
رجعت نور دكت على صادق
صادق:هاا......اكلج لاتشلعين كلبيي..هس حجيت وياه باجر يجي وافهم السالفه منه لاتخبصيني عاااادد......قزز القرررت......بلا بچييي كااافيج..
سده من يمها
صادق: لاحول ولا قوة الا بالله...ابد ماخلص من همج
اكلج اني اروح هس ...بوحدهم بالبيت عود باجر اجي اخذج
رنا:ان شاء الله
راح صادق وانق بقيت افكر صراحه ضجت كلش لأن سمعت لهيج شي... اني اصلا اريدها تزوج بأقرب وقت حتى ارتاح منها.. نوب تخرب خطبتها وتضل على كلبي وترجع بزايد تحقد عليه... ابد ماتمنى هالشي
في بيت صادق)بعد ماوصل صادق للبيت تلكته نور تبجي
صادق: تعاي احجيلي ليش كالج هيج
نور:ماكو شي .. صار بينا حجي وخلاف بسيط البارحه.. واليوم يكلي اريد اخرب....
نمت وكعدت الصبح.. نزلت ونزلت قصي وياي
خليته بالصاله...ورحت غسلت . بعدين رحت للمطبخ سويت ريوك
سرى: لازم صادق راح بالليل
رنا:اي راح...خابرته نور تبجي تكول صهيب عساس يريد يخرب الخطبه
سرى :شنو شنووو
رنا : اي والله
سرى: شنو السبب ماعرفتي
رنا:لا ماعرفت.. صادق خابر على صهيب كاله باجر نتواجه ونتفاهم يعني اليوم..عاد راح صادق بالليل واليوم تبين
سرى:اها....موخوش خبر والله
رنا:ان شاء الله ماتخرب
في بيت صادق) الساعه ١٠ ونصف صباحا
صادق جان ينتظر صهيب..ونور كل الليل مانايمه بس تفكر وتريد يجي الصبح حتى ابوها يحجي ويه صهيب ويحل المشكله
اندك الباب طلع صادق فتح الباب لصهيب سلم عليه وطب وياه للاستقبال
صادق:اي ....احجيلي شسالفه ليش تريد تخرب ..شنو اللي صار بينكم ... اني كتلك من البداية بنتي عرمه وكتلي عادي موصعب علي هالشي
صهيب:....... اي صحيح........
صادق:احجي
صهيب: اني ردت يمكم وانت تدري
صادق جان يسمع ويهز براسه
صهيب:وخطبت وانطيتني مره واني كلش فرحان بهالشي .اول البارحه بالعرس اختي حجت ويه نور هيج حجايه عابره...يعني على مود امي ...كالتلها ان شاء الله يوم الج ولصهيب. وتجين يمنا وتدارين امي
صادق:ايي
صهيب:موخوش رد راده..كايله اني ماداري احد يادوب اداري نفسي
كلش خجل صادق من كلام بنته
صهيب:عاتبتها كتلها ليش هيج تكولين...كالتلي اي هذا الصحيح اني مالي علاقه من هس اكلك
صادق:........
صهيب: شوف صادق...صح اني من اريد ازوج..اريد مره اليه مواجيبها خدامه ولاعلى مود تداري احد... بس اني ابنها الصغير اللي بالبيت وامي اصلا بأي لحظه نفقدها..فمن ازوج شي اكيد هم اريد من مرتي تعين امي لان هي ماتكدر لاتكوم ولاشي
صادق:اكيد اكيد
صهيب:ومن خلال حجيي ويه نور ابد ماقدرت هالشي ولاحتى مثلا كالت اشاقه وياهن اوشي. ..بالعكس اصرت على موقفها...واني صراحه چزت نفسي من حجت هيج وياي....صدكني ماريد اخرب لأنو اريد مره بس تخدم امي لاوالله... بس اذا مرتي من هس تكلي هيج وماتقدرني ولاتخلي خاطر اللي زحمه كلش استمر وياها فأتمنى تفهم موقفي.....
نور جانت واكفه يم باب الاستقبال تحاول تسمع شنو يحجون...شغلات سمعتها وشغلات لا ......
صادق:والله ياصهيب القرار الك اني ماكدر الح عليك بشي...بس الك مني...احجي وياها واربيها هم...ترا نور بعده صغيره ماتفهم كلش بهالامور...
صهيب: لامايحتاج تحجي وياها... وصراحه موبس هالسبب اللي كتلك علي.... اني وصلني حجي هواي عن نور
صادق: شنو وصلك
صهيب :وصلتني سوالف وأمور....يمكن اني ماجان اصدك لوما....
صادق:لوما شنو....ومنو وصلك ؟
صهيب:اللي وصل الي الحجي منكم وبيكم.......يتببع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
#ليته يعلم(أحببته منذ الصغر)
Romanceقصه تتحدث عن فتاة عمرها٢٠ تعيش في بيت عمها بعد أن توفي أبوها وأمها.فوقعت في حب ابن عمها الذي يبلغ من العمر ٤٠ عاما
