#ليته يعلم(أحببته منذ الصغر)

تكمله البارت ٩١

تكمله البارت ٩١
ليته يعلم ( أحببته منذ الصغر)
صهيب :وصلتني سوالف وأمور....يمكن اني ماجان اصدك لوما....
صادق:لوما شنو....ومنو وصلك ؟
صهيب:اللي وصل الي الحجي منكم وبيكم
صادق: منو قصدك؟
صهيب: ......ماريد اذكر الإسم.
صادق:شنو ماتريد تذكر...كول منو كالك
صهيب:اني مادور كال وكلت...اريد افضها وهاي هيه .
صادق:ترا اني ماراح اجبرك...هذا شي يعود الك بس اني اريد اعرف منو وصلك الحجي
صادق لح على صهيب بس ماكاله منو
صادق:يعني انت صدكت كبل من اجه شخص وكالك كم حجايه
صهيب كام يفرك بوجهه وتوتر
صهيب:اني اترخص هس
طلع صهيب من الاستقبال ونور جانت موجوده
نور:هاا شنو هس تريد تنهي كلشي من صدك ..ليشش
صادق زج على نور
صادق:فوووتي جووووة
نور:.....

طلع صهيب من البيت..
نور راحت على صادق
نور:هااا شنوو راح يصير هسس؟
صادق: شنوووو راااح يصير يعنييي.....راح يخرب من وره سوالفج اللي ماحسبتي الهن حسااااب...وانتي ليششش هييج حاجيه وياه وويه اختته هااااااا...عقلج ويييين ...اي رجال يسمع هييج شييي يعووف خطيبته ..
نور:........ والله ماحسبالي هيج راح يزعل
صادق: والقرآن انتييي فلاصاحييه شنووو ماحسبالي
ليشش تضلييين مسسسوده وجهيي ماتحسبيين حساب للشي اللي تسوينه لو تكولينه. ليششش..والله حرت وياج حرررت

نور جانت تبچي ومقهوره كلش
وصادق باله وتفكيره يم الكلام اللي كاله صهيب ويريد يعرف منو وصل الحجي اله
بعد نص ساعه ماتحمل..اتصل على صهيب
صادق:الو.....اكلك... ضروري تكلي منو اللي وصلك الحجي...هاي مال تكول منكم وبيكم وتهد حيا ابطني وتروح ابد ماقبل....اريد تحجيلي الصحيح
صهيب:ماشي ولو اني ماردت اسوي مشاكل بينكم اجتني رسايل من حساب... جان مكتوب بي هواي حجي وسوالف...لمن سألت منو انتي..اللي فهمته انو هي مرتك...كالت حتى تصدك أنو اللي كاعد اكوله صحيح..وهم كالت عندي ادله على كلشي كتبته
صادق:... دقيقه دقيقه...شوفني الرسايل
صهيب: راح ابعثلك سكرينات....افتح نت
صادق:فاتح

دز صهيب سكرينات للمحادثات
صهيب:اني مابغايتي تصير مشاكل بينكم بس هذا اللي صار وياي
صادق:........
صادق جان يقرأ وعقله وتفكيره متشتت من اللي ديقراه واللي سمعه
حساب بإسم بنت جديد ....ومكتوب بالاخير عفيه لاتكول لصادق انو اني كتلك ترا يطلكني والله
صادق:خير ان شاء الله..سد الخط منه وحفظ السكرينات
راح لبيت اهله

في بيت العم سالم) الساعه ١٢ ونص
جنت مستغربه لان صادق مااجه الصبح اخذني...هو كال اجيج من وكت.. بعدين كلت يجوز ملتهي بشغله نور
رحت كعدت بغرفه مها وقصي بحصني
مها:البارحه يمكن سمعت صوتكم انتي وصادق بالليل لواني متوهمه
رنا:اي نقاش حاد شوي وفضت
مها:اي زين اذا فضت
رنا:بس ادعي تفض شغله نور هم وماتخرب خطبتها
مها:يااااا وليش تخرب
حجيتلها لمن نور خابرت صادق
مها:يبووووي شنو فلم هندي هالنور لازم تحمض على كلبج
رنا:ان شاء الله تنحل
مها:ان شاء الله