#ليته يعلم(أحببته منذ الصغر)

البارت ٢٨

البارت ٢٨
ليته يعلم ( أحببته منذ الصغر)
رنا:بس قسما عضمآ اذا مااخذ صادق كدامجن واكسسسر خشوووووومجن
ولاء:تاخذذذذذذين منوووووو انتيييييي
رنا: اله اخليجن تشوفن الووجه الثاني لرنا
كامت على حيلهااا وكالت
ولاء: شوفي اكلج لاعود عساس لكيتي حجه تاتسوين التريدينه هو انتي هاي غايتج من زمان لوماني جنت واكفه بوجهج
رنا:بعد ماكو شي يكف بوجهي لاانتي ولاغيرج ولاعندي شي اخسررره اصلا...
حسيتها معد تكدر وجها صار احمر تريد تاكلني خلت ايدها على خصرها وكالت
ولاء:بحررررمانج ...تنششششوف شون تاخذينه
رنا: اسهل منها ماكووو بكلمه مني اخلي ياخذني ويدشرج
ولاء:هههههه لو بكلمه وحده جان اخذج من زمان..موبنت عموووو ويتيييمه وجدددام عيونوو.شووو دوورر غيرج
رنا: ايي جان الله عاميي بس هس مفتح عيونو ومومهممم الراااح المهممم الجاااي
كتلها هييج وطلعت
رجعت للغرفه وهم اجتني العبره من بقيت اباوع لهدوم علي اجه صادق وشافني ابجي باوع ع الهدوم وعرف ليش
تعصب على علاوي
صادق:ادرررري عقلك وييينه تجيبهن كدامهاا
علاوي: خما جبتهن عليهااا كتلها اخذييهن..
صادق:غيييير تحسسب حسااب شبلاااك
اخذت هدومي من الجنطه وطبيت للحمام
سبحت.. حسيت نفسي ارتاحيت شوي
طلعت للغرفة
جده:تعاي كعدي يم الصوبه الجو بارد
كعدت يم الصوبه جنت انشف شعري وامشطه
اجت سرى
سرى:نعيما
رنا:ينعم  عليج
سرى:شونج اليوم.. قهرتينا كل الليل تبجين بس من نمتي كلنا ارتاحينا
رنا: الحمد لله على كل حال
اجه صادق وكال
صادق:اني راح اروح للدوام وامر بطريقي اخذلج اجازة اسبوع
ياببنايه القسم مالتج
رنا:الثانيه
راح واني بقيت بالغرفه..اجن نسوان سملن عليه
بعد اسبوع  من المعاناة والايام الصعبه التعيسه جنت كل شويه تهيج عندي المواجع أهدى وارجع اتذكر وابجي ومرات انهار...
حالياً راح احجيلكم عن الجانب الآخر من حياتي
ولاء ورحاب موجودات بس معاقبات حتى من غرفهن مايطلعن بس وكت الحاجه وماخذين الموبايلات منهن  ونور اكثر وكتها فوك بغرفتها قليل تنزل فراس وصادق ينامون بالاستقبال جنت مكضيه وكتي بالغرفه وصادق جان من يرجع من دوامه اول شي يجي يحجي وياي ويطمن عليه واكثر المرات جان أسلوبه  وياي موبس تعاطف عليه لا .جانت لهفته وانجذابو ليه واضحه بدون مايدري بنفسه.
بهذاك اليوم اجت صابرين كالت راح ابقى كم يوم يمكم بالكوة قنعت محسن
المهم صادق ماشفتو هواي اليوم اجه الصبح بس شويه وراح
جده فطوم: اكلك فراس صادق وينه شو ماكو اليوم اكو ناس من غير منطقه اجو سلمو وسألو عليه وهو ماموجود
فراس:ماعرف يجوز طالع
صارت الدنيا ليل الساعه تقريباً صارت ٩
اجه صادق
جده:هلا بوليدي وينك اليوم شو مختفي
صادق:موجود
جده:مادري ماشفتك
صادق:شونج اليوم رنا
رنا:على الله
طلع من الغرفه
بس حسيته موطبيعي
بساعه ١١ هيج
تااطلع بره للحديقه.. لان من اتذكر علي وانقهرر كلش احس نفسي اختنكت عاد اطلع بره
طلعت شفته كاعد ع الكرسي بس ماشافني
رجعت فتت جوة
باوعت علي من الشباك جان مخلي ادينه على راسه ومبين مهموم ويفكرر
بعدين تمددت بفراشي وجانت صابرين يمي كامت تشاقي ويه بنتها حتى تضحكني
اجت جده كعدت مقابيلنا وتتنهدد
جده:لاحول ولا قوة الا بالله
صابرين:شبيج يوم
جده: صادق
صابرين:شبيي
جده:يريد يطلك
صابرين:هااا
جده:شفته محتار كلشش سألته شبيك .كالي يوم مامرتاح
ويمكن راح اطلك ولاء
فد برد كلبي من سمعت هيج حجي
حتى آلمي خف
رنا:تستاهل هو هذا المفروض يصير من بدايه
صابرين:دقيقه يوم يعني هس هو تايطلك اكيد لو يريد يطلك
جده:هو محتار يكول جزت نفسي منها معد اتقبلها
اووف على وليدي عبالك مامحضوض بالنسوان
صابرين: الأحق بالطلاك هي رحاب.لان هي اللي خربتها هي ام البلاوي
فد اشتفيت من عرفت ناوي يطلكها
كلت بداخلي خلي يطلك اليوم كبل باجر
ثاني يوم الصبح كعدت  رحت للدوام جان هذا اول يوم اداوم بي بعد وفاة علاوي 💔 من رحت للجامعه تذكرت اخر يوم من جنت مداومه ورجعت للبيت المستأجر هم كلش تاثرت وانقهرت رحت للقسم صديقاتي سلمن عليه وعزني..خلص الدوام ورجعت للبيت نفس الوضعيه والاحزان الماتنتهي
بساعه ٤هيج اجت ام ولاء وام رحاب
جانن بالصاله ويه جده واني بالغرفه اسمعهن لان الغرفه موبعيده ع الصاله
الضاهر سامعات خبر أو شي ماعرف بالضبط
ام ولاء:شونج ام صادق
جده: الحمد لله
ام ولاء: وين صادق نريد نحجي وياه
جده:هس يجي
اجت رحاب جان تحضن امها وتكوم تبجي.ولاء ماتسترجي تجي تسلم على امها تخاف من صادق
ام رحاب:لاتبجيين كلشي واله حل صبري
ام رحاب:شنو هاي السالفة بله مخلين وفات اخو رنا براسهن
جده:لان هنا مخابرات الولد وشكال مسمعاته حجي لعد هو يعوف شغله ويطلع لحاله لوما غاثاته
ام رحاب: بس هذا مو ذنبهن ..هو انددعم قضاء وقدر
ام ولاء:هنا غلطن من خابرن الولد اي صحيح بس ترى هم ماخابرنا لحالهن بنتي جانت تشكي تكول ماخذه عطره وضامته يمها تكول ومن راحت هي واخوها اشوف اتصالات بينهم
جده:ترى جان يخابرهم يسأل على وضعهم وهما ولد عمو قابل شنو يعني
ام ولاء: يااا أم صادق بنص الليل شافت مكالمه منها
شعدها تدك علي بنص الليل .ترى بنتي حقها تغار وحقها كلشي تسوي محد تقبل هيج شي على زوجها
كاعد يحجن وطب صادق . رحاب كبل راحت لغرفتها
صادق:سلام عليكم
ام رحاب: وعليكم السلام...صادق ترى احنه مانقبل بهاي الحاله لايطلعن من البيت ولاموبايلات وحتى علينا مايجن
شنووو عبيييد عدكمممم
صادق:هذا الموجود.
ام ولاء:لا والله قابل شنووو ماعدددهن أهل لو زاتينهن عليكم.
صادق:انتن تعرفن زين شنوو سسون تاعاقبناهن.
ام رحاب:بس هذا قضاء وقدر خما هنا دعمنو .انت تعرف بالدين ميصير هيج تخلونها براسهن
ام ولاء:حجتكم انو مخابرات ع الولد موو..اي مره من تغار على زلمتها وتشوف مكالمات بنص الليل راح تروح تخابر لو على ابو البنت لو على اخوها ...واذا حجتكم اتهمت البنت بعرضها.ليش مو هي نفسها اتهمت رحاب بعرضها قبل فتره لونسيتو شو حضرت جنابكم ماسويتو شي وياها وانت اول الناس دافعت عنهااا ورجعتها للبيت
صادق:انتي جايه تحاسبيني لوشنووو
ام رحاب:مو احاسب بس مزودينها حيل ترا
صادق:قليل هذا.اصلا حيل زين بعدني ماطلكت
ام ولاء: وماتطلكككك ذاك الطريق روح طلك هاااي عوود عساس انت الجبيير والملاا وتعرف بالدين.كبل تحجيي بالطلاك..اشووو فلاتبقى عدكم هس اخذهاا وياي
صادق: روووحيي اخذييهاا تسوين فضل هو بكل الاحوال راح تجيكم وتبقى يمكممم
راحت على غرفت بنتها وسحبتها للصاله تريد تاخذها وياها
ام ولاء: امشيييي وياااي امشييي شعندج هناا بهالمذله
صارو شرفاء براسنااا.. طلعت صحيح بس تريدلك حجه حتى تطلك تاترروووح تاخذ بنت عمكك
صادق:اكضبي لسااااانج ياحرررمه
ولاء:يوووم انيي ماريد ارووح عوفينيي
ام ولاء:تجييين وغصبااا عننننج اشوو امشيي كدامي ضاله هنا على شنووو
ولاء:ماروووح يوووم شبيييج
جنت اباوع عليهن من يم الباب ومشتفيه اكثر وأكثر..
ام ولاء تسحب بيها وهي تبجي ماتقبل تروح
ام ولاء: انتيي شنوو ماتحسسين يكول زين بعدني مومطلك يعني يريد يطلك واصلا موصل هالسالفه لابوج امشششي يلاا
ولاء:لااااالاا مارووح اني غلطت صحيح واستاهل
جده فطوم: والله انتيي تريدين تهجمين بيت بنتتج
ام ولاء:هو اصلا مهجوووم ..بنتيي مدددلله عنديي مابقيها هين بعدددد
صادق: تشيلين حمل عني اذا اخذتيهااا..واني ماراح اطلكهاا جدامج راح اخلي الج خاطرر.بس بعد ماترجع لهنااا وان شاء الله اطلك رسمييي
ولاء:يوووووم ماريد ارووح ولااريد اتطلك عوفينيي
ام ولاء:ياماتسستحيين كل هذا الكلام وبعدج تريدين تبقيين امشييي
سحبتهاا واخذتها وياها وراحن
اووف شكد برد كلبيي ومحتاجه هالشي كلشش اصلا
صابرين:يماا يماا علگت.لو بس هاي العوبه رحاب تنكلع جان زين..هاي خطاتج الله كريم
طلعت ولاء من البيت وفرحت بهالشي كلت يوم الرحاب ان شاء الله
صارت الدنيا مغرب وهم كلبي نعصر على علي كلت اروح اصلي بلكي شوي أرتاح
رحت اتمسح تاصلي جان صادق بالصالة
صادق:هلا رناوي اخبارج
رنا: الحمدالله
صادق:الله كريم شويه شويه تسهل الأمور صوت
هزيت راسي بمعنى اي
صادق:مشتاك للجاي مالج اللي يصفي الراس
رنا:بس اصلي اسويلك
رحت صليت ودعيت لعلاوي بالرحمه والمغفره.ودعييت من كل كلبي انو الله يصبرني ويقويني
خلصت صلاة ورحت للمطبخ خدرت جاي
كمت اكول بيني وبين نفسي
صبيتله الجاي وانطيته اله
صادق:غطي صدرج
جفلت من كال هيج .باوعت نصه طالع
صادق:بلوزتج هاي دلع غيريها
رنا:هس اغيرها
رحت للغرفه بس خجلانه
غيرت هدومي كامل..
كلت بيني وبين نفسي (خلي بس يطلكها رسمي ويصير خير)
اجت صابرين :ررنا راح نسوي عشه اني وسرى شنو تريدين نسوي
رنا:بكيفجن
صابرين:كولي انتي شنو مشتهيه لان اكلج اخر فتره موشي
تردين نسوي دولمه
رنا:سسون دولمه اي
صابرين:خوش
راحت صابرين وسرى يسون دولمه
رحت ع الواهس وياهن لام مليت من الغرفه
سرى:تعالي كعدي ويانا
كعدت وياهن وكامن يلفن دولمه
سرى:يعني هس هاي هيه صادق يطلك ولاء
صابرين:كال لأمها اني راح اطلك رسمي.يعني مبينه
اجه علاوي صاح سرى بشغله.طلعت علي
باوع صادق علينا وكال
صادق:هاادولمه اليوم موتعرفوني ماكلها ليش تسوونها
صابرين:اي رنا رادت دولمه
صادق:سويلها سويلها شتريد سويلها.
كال هيج وراح
صابرين: بس يطلكهاا كبل راح ياخذج من هس اكلج
ابتمست شوي وكلت بكلبي( وغصبااا عنوو هم)
رنا:عوفي هالموضوع مووكتو
صابرين:ادري مووكتوو..بس هذا الراح يصير
خلصنا لف دولمه وصبينا العشه جان تجي تكعد رحاب ويانا وعبالك ماكو شي.صادق ماجان موجود ع العشه يم صديقو جان
جده:تعاي بنتي كعدي يمي اكلي
رنا: مايحتاج
طبيت جوة لغرفتي وصابرين لحكتني
صابرين: ليش كمتيي حتى يصفالها الجوز.بالعكس ياغشيمه كومي اكلي ويانا وفوتي بعينها
رنا:ماريد اشوفها
صابرين:مانصحج بهالشي
رنا:وهي عليش اجت مو رجلها هاجرها عليش كعدت مقابيلو
صابرين: كل عقلج تحجين تريدين تقنعيني فراس لحد الان مانام وياها
بس بكيفج...هس اجيبلج هنا تاكلين
جابتلي صحن دولمه اكلت شوي وكمت لكيتها ماكو راجعه لغرفتها كعدت ع القنفات وسرى سوت جاي النا
انتظرته  يجي حسيت نفسي  اريد احجي وياه لان من احجي وياه ارتاح وكلش جنت فرحانه لان ولاء راحت
بقيت انتظررره بس تأخر شوي
رحت لغرفه جدة..حسيت بشعور غربه يمكن لأن تاخر وماجه والبارحه ماحجيت وياه ولاشفته
رجعت تذكرت علاوي ...صاار شعور غريب محنه على حزن على شوك مادري بس شي ينعل ابو الكلب موبس يوجعه
انتظرت جده تطفي الضو حتى ابجي براحتي ماريد ابجي كدامها وقهرها
طفت الضوه وكمت ابجي بصوت ناصي بقيت ابجي
سمعت صوت السياره اجت
فتح باب الغرفه بهدوء طب لي جوة باوعت علي بس ماكلش واضح شكله لان الضو طافي بس ضوه الصاله عاكس
دنك مقابيلي
صادق: ها كاعده....ليش تبجين
رنا:اشتاكيتلك
صادق:يولي اني ٢٤ساعه مشتاكلج
رنا:ليش تأخرت
صادق:الجماعه مسوين تعليله وتاخرت
رنا:ماشي
صادق:مانمتي ابد
رنا: لا
ردت افتح موضوع ولاء وشوكت يطلكها بس سكتت كلت لا
صادق:اكلتي دولمه
رنا:اي شوي
صادق:اني افوت أسبح ونام لان هدومي ريحه جكاير من وره الجماعه
رنا:ماشي
طلع
واني رجعت لفراشي اله شفته وحجيت وياه تارتاحيت.فعلا شكد يأثر بيه.وجوده صوته طريقه كلامه أسلوبه
هيج شي مختلف يعني اخوته كلهم مومثله ابد
حتى بالكعدات لمن تصير قضايا يجون يستشيرونه لان عنده قدره يقنع وياثر ع المقابيله
كعدت ثاني يوم رحت للدوام .
في استقبال العم سالم )ساعه ١١
العم إبراهيم:صادق انت لاتستعجل وخصوصا انت تعرف هيج قرار لازم واحد يتريث بي ويستخير الله
صادق:صعبه حيل صعبه
ابو ولاء: اني جيت عليك وكتلك امسحها بوجهي بس يمكن ماعندي خاطر يمك .بنتنا رايدتك وماتريد الطلاك.غلطت وانت ماقصرت عاقبتها
العم إبراهيم:عبرها ياصادق عبرهاا لخاطر الكبار
ابو ولاء:اني حتى امها تكاونت وياها ورزلتها كتلها لاتدخلين بنتج متعديه
العم إبراهيم:انطي الموضوع فچا شويه
هما مايريدون يخسرونه كنسيب وهيج شي متباهين بي يم الناس
رجعت من الدوام كبل غسلت وصليت ورحت لغرفه جده
صابرين: اليوم اجو ابو ولاء وعمي ابراهيم اللي ما نشوفه بس وكت الفواين
رنا:شيريدون
صابرين: يردون بنتهم ترجع
رنا: وصادق شكال
صابرين:اني ماحجيت وياه بس كايل لماما اني قافل عالطلاك بس  ابوها وعمي ابراهيم كاعد يلحون علييه
واليوم بس يفتر ومايتحاجه يمكن حاايررر لأن كاعد يضغطون علي
كلت بكلبي( ولاتحتار ولاشي)
كل اليوم وصادق مامتواجد هواي ويانا جنت اشوفه من الشباك بس كاعد بالحديقة ومرات يفتر
بنص الليل كعدت تاروح للمغاسل شفته يصلي بالاستقبال
ثاني يوم جان مصادف عطله كعدت الصبح كاعدين اني وجده وصابرين نتريك بالغرفه
صابرين:هس مافهمنا شراح يصيرو صادق أفندي مايحجي كلشي النا غير نفهممم
جده:كعدت الفجر لكيته قايم الليل .شكد مايفكرر خطيه
رنا:هوو يفكرر زياده مالها داعي هالكد
جده فطوم:انتن تكولن هيج بس هو الشغله تخصوو ويحس بالمسؤليه
صابرين:وينه هو اريد احجي وياه
جده فطوم:راح للدوام
الضحى الساعه ١٠ ونص
اجت صابرين وعيونها لي كدام
صابرين: لج اجتت اجتتت
رنا:مني
صابرين:ولاااء رجعت
رنا:شرجعهااا
صابرين:اخوها جابهاا
انصدمت من سمعت هيج
طلعت اشوف..جانت لابسه جبه
ولاء:وبين صادق
جده فطوم:بالدوام
طبت على غرفتها وسدت الباب
اني معد اكدر اكول هاي شجابها وهي اذا شافها صادق شراح يسوي
جده فطوم:مالنا دخل ينجازون هي وياه
صارت الدنيا ضهر واجه صادق اول ماطب
صابرين:اكلك حتى ماتتفاجئ بس ولاء جوة بالغرفه
هو هم انصدم وخوزر عيونه وفات للغرفه وسد الباب
اني وجده وصابرين وسرى جنه بالغرفه كاعدين
اني متت اريد اعرف ليش جت وشراح يحجون
في غرفه صادق)
صادق:شوووو رجعتي منو جااابج
ولاء تبجي وتحجي
ولاء:خليت عبود يجيبني.... صادق اني ماريد اطلك عفيييه انيي ماكدر بدونك . والله اصير خدامه ألك بس لاتعوفنيي
اني غلطت اي وكله من رحاب هي ورطتنيي....
كامت تبوس ادينو
صادق:لاتسوين هييج يمعوده
كام يتنهد ويفرك لحيته
ولاء:والله اني ماردت يصيرر هيج لاخو رنا والله ونقهرت علي حييل وحسيت بالذنب ومتندمه حيييل بس عفيه لاتطلكنيي وشتريد اسويلك
صادق:اخر فرصه انطيج ياولاء لخاطر اهلج وجيت ابوج...بنت خالتج مالج اي علاقه بيها ابدددد
ولاء:صااار صااار ابد مادخل بشي ولاسوي شي مايرضيك
(اني  بالغرفه بعدني ويه البنات)
سرى:اشو لاصوت لاشي شسالفه
صابرين:وللج هذني امهات دروووب وفنووك اني اعرفهن
جده:لاتضلن مدخلات اذا هو راد يرجعها بكيفوو
بعد شوي طلع صادق من الغرفه وراح للاستقبال
صابرين:يماا متت اريد اعرف شصاار
عبر الوكت ووولاء بغرفتهاا واني ضايجه كلشش من الوضعية .ماعرف شكوو
بالليل وكت العشه  صادق ماتعشه
وولاء بعدها موجوده
خلصنا عشه جان تطلع ولاء تلم المواعين ع السريع
وتغسلهن وتشطف الطارمات
اني بمدي اكلها
فتت الغرفه  شفت سراب وصابرين وجده يحجن
صابرين:اشووو هاي كامت تشتغل ولاعبالك اكو شي
جده:بلكت الله هداهم
سراب:شطفت الطارمه وحتى الصحيات مسكتهن جلف وهي ماجانت تنضفهن اصلا
اني اسمعهن وداخلي يفور اكول (يعني شنو معناها هاي التصرفات شو رجعت والوضع طبيعي)
بعد شوي طب صادق
صادق:هااا الأمور
جده: والله ياابني انت تعال احجيلنا الاخبار يمك
صابرين: راح تطلكها لوشنو
هز راسو بمعنى لا
اني بذيج اللحظه حسيت بالخذلان💔
صابرين:ها شعجب
جده فطوم:اي زين بلكي الله يهداها
ماحجيت ولاحرف اني بقيت مدنكه
طلع من الغرفه واني بداخلي غضب جبيير علي
فرشت فراش تانام.انحصرت تاروح للمغاسل
شفتها تنضف بالصاله
باوعت عليه بس ماهتمت ليه بقت تنضف
رجعت فرشتلي فراش  ونمت بس نومه مغثااات
رحت للدوام.صراحه ماجنت اريد ارجع عكس من جانت هي ماموجوده
رجعت للبيت غسلت وبدلت نمت وكعدت المغرب
رحت اغسل وجهي باوعت ولاء واكفه ع السنك وتسوي عشه
طبيت الغرفه بس ميته قهرر اريد احجي ويه صادق أريد انفجرر
اجت صابرين
صابرين:ووولج لو شايفه اليوم
رنا:كووولي شكووو
صابرين:ولاااء صايره نعااال شايفه نعال اللاستيك نفسه بضبط
رنا:يعنيي شنووو
صابرين:كاعد تسوي كلشيي حتى تكسبووو وتكسسسب امي هم
ولج كعدت الصبح صادق تايروح للدوام حتى قندرتو هي لبستو إياها اله كاللها مايحتاج
رنا: ادري وصادق شبيي  شوو رجعها بكل سهوله
صابرين:منو كالج بكل سهوله..ابوها جه يتوسل والله يعلم شحجت وياه ورجعها
طلعت صابرين واني ميته قهررر اريده بس يجي
كمت اذكرر الصار كله وبالاخير هييييج
طب صادق كالي:تعالي تعشيي
رنا:ماريد اتسممم
طب جوة وسد الباب
صادق:شبيج
رنا: ماتعرف شبيييه مووو
صادق: بعدين افهمج
رنا:لاتفهمنييييي كلشششششي.يلاروووح ماريد اسمع سوالفك حتى تقنعنييي
صادق :اريد بس واحد يخلي نفسه بمكاني بعدين يحجي
رنا:انت تعال خلي نفسك بمكاااانيي وبعدين احجي
صادق:مخلي نفسي بمكانج  وأكثر منج كاعد أفكر
رنا:جذذذذب كله جذذذذب ماتفكر بسس برووحك
صادق:يولي اني مافكر بس برووووحي انتيي ناكرره الجميل
رنا:لاتعيييرنيي بجميلك
جنت احجي كل هذا الكلام من نار غيرتي وكلبي المكسور
صادق:ماعييرر انيي ماعيييرر تعرفيني ماعير اي بشر موعاد انتيي
رنا: رووووح يمهااااا رووووح ..من  تنااامون بحضن نسوانكممم تنسووون كلشييي
تقرب لي عندي
صادق: ولج ووورب محمد اني مييت عليييج ..
رنا:مبيييين.اسمعني زيين اني مابقى بهالبيت وهذني موجودات كلتلي اصبري وصبرررت
صادق:اخذذج لبيتيي
رنا:شنوو تاخذني لبييتك مومرتك هم موجوده لوتخليي مرتك هيين وتاخذني هناك بصفتي شنوووو
صادق:اخذذج ثانيييه افهمييي
انفعلت من كال هيج لأن جنت مفكره يطلكها اول شي
رنا:ثاااانيييه مووووووو ثانيييه موووو  بعد كل هالمعانااااة الله ياخذذذذك حقييييييرررررر
سد اثميي بقوة
صادق:اشششششش لاتغلطييين.....يتتتتبع