عشقني ليل الصعيد

حلقه رمضانيه الحلقه ال١٦ ج٣

الحلقه ال١٦ ج٣
كان حضنها بتملك وهي مش فاهمه سبب التملك اللي زاد عن كل مره
طبطبت عليه وقالت: مالك يا حبيبي..
ليل؛ عاوز انام في حضنك خليني معاكي...
سلمى: مش من عوايدك تيجي في حضني كل مره ببقى انا في حضنك
ليل: معلش..
سلمى: تسلم ايدك على الهديه حلوة اوي...
مردش وكان بيتمتم بأدعيه في سره...
سلمى: هو انت كنت بتعيط ليه..
ليل: حلمت حلم وحش..
سلمى: عن ايه...
ليل: مش هقولك..
سلمى: ليه هو عن ايه
ليل: ينفع تسكي وتنامي
سلمى: خلاص مش عاوزه اعرف...
اتعدل واخدها في حضنه وقال: اوعدك مش هزعقلك تاني والله ولا عمري هزعلك ولو اتخانقنا مش هسيب فرصه للزعل حتى وهصالحك بالحب...
ابتسمت وقالت: انا مكنتش زعلانه من حاجه اكتر ما كنت زعلانه من حوار اليمين ده...
باس دماغها وقال: ينقطع لساني قبل ما اقولها ويقولك كلمه تزعلك تاني
سلمى بلهفه: بعد الشر عليك..
ابتسم وهي قالت: ينفع طلب
ليل: طبعا
سلمى: متحلقش دقنك...
ليل: ليه...
سلمى: انا بحب شكلك بدقنك وشنبك الصراحه ولايق على تسريحه شعرك وعلى شخصيتك بدوبني كدا...
ضحك وقال: خلاص ياستي مش هحلق اشطا كدا..
سلمى: اشطا يا حبيبي
بعد ايام..
يوم ١٩ رمضان..
قبل معاد شغل ليل كان نايم وهي بتتأمله
سلمى: انت ازاي حلو كده... يخربيت حلاوة اهلك يا شيخ... والله ما خساره فيك البوسه وقربت تبوسه بعدت وقالت؛ لاء احنا في رمضان وهيقول عليا مش محترمه وقليله الادب... قاطعها صوته وهو بيقول: لاء مش هقول حاجه اخلصي وادهالي بقى هموت عليها...
سلمى: في رمضان... في رمضان..
ضحك واتعدل وباس دماغها وقال: صباح الخير يا بسمه صباحي يا كل شيء احبه في هذا الكون...
سلمى: صباح الخير يا قلبي...
ليل: ما تخلصي بقى وادهالي
سلمى: لاء...
ليل: مش هبص هغمض عيني...
سلمى: احنا في نهار رمضان يا باشا...
ليل؛ باشا؟! استغفر الله العظيم... اومال كنتي هتدهالي ازاي...
سلمى: مش مهم بقى... يلا عشان تروح شغلك..
حط ايده في نفس المكان اللي كان فيه دم في حلمه وقال: لما تحسي ان في حاجه قوليلي...
سبها وهي قالت: نفسي اعرف سبب انك لازم تمسكها كل يوم...
ليل: كدا..
سلمى: مش هتقولي بردو اي اللي حلمت بيه خلاك تعيط كدا..
ليل: لاء مش هقولك...
سلمى: طيب يلا... تعرف اني بحبك اوي اوي..
مسك خدودها وقال: انا عارف الاسطوانه دي عاوزه اي
سلمى: طب سيب خدودي بتوجعني كدا...
ليل: تعرفني نفسي اكلهم كدا
سلمى: بس بقى...
بص لهدومها وكانت لابسه بجامه باللون الازرق قربها منه وقال بمشاكسه: ياحلاوتك انت في الازرق يا جامد...
ضحكت بدلع وقالت؛ بجد حلوة..
ليل: طبعا مش انتي اللي لبساها..
سلمى: انت مالك قلبت على عبد الغفور البورعي كدا ليه
ضحك ليل وقال: البيت كله حفظه حرام عليكي كل ما نفتح التليفزيون وتشوفيه تزعقي وتعيطي عشان نسيبه...
سلمى: الاه يا ليل مش بحبه
ليل: طب ما تجربي تحبيني ونحب بعض كدا وخلينا مع نفسنا بلا عبد الغفور البورعي بلا فاطمه مش عارف اي.. ضحكت بدلع ولفت اديها حولين رقبته وقالت بدلعها المعتاد اللي بيبقى ليه هو بس: ما احنا مع بعض اهه ومش بنحب غير بعض...
ليل: انا عاوز المغرب يأذن.. ضحكت عليه وقالت: طب يلا عشان هتتأخر
ليل: فكك فكك ما تولع الشركه كانت شركه ابويا يعني... ضحكت اكتر وقالت: لاء شركتك انت..
ليل: طب هاتي بوسه..
بعدته وقالت بمرح ولغه عربيه فصحى: ليل إن وقفت أمامي مره أخرى سأدعسك تحت قدمي...
قربها اكتر وقال وهو بيقلد لغتها الفصحى:ألم يخبرك أحد أنني أحب الأقدام... شلها وحطها على السرير وأكمل بلغة فصحى: لذا ان دعستني بقدمك، سأقبلها لك... وكمل بلغته العاميه: يا سلام يا خواتي على اللي بتكدب عليا وبتقرا روايات بردو..
سلمى: ما انا بحبها يا ليل...
ليل: ما انا حبتها..
سلمى: هي ايه دي
ليل: الروايات...
ابتسمت بحب وقالت؛ انت قريت الروايه اللي كنت بقرأها مش كدا
ليل: اه... مش بيبقى نفسك تعيشي أجواء زيهم...
حضنته وقالت؛ انا بحبك اوي..
ضمها بإشتياق وقال: وانا اوي ووحشاني اوي...وقرب وهمس:مشوفتيش مصحفي فين..
سلمى: لاء وكلمت نفسها: كويس اني خبيته مش هيلاقيه
ليل بهمس: انا كسبت علفكره... شهقت وبعدته بسرعه وقالت: احلف
ليل: والله وقربت أختمه للمره التانيه..
بصت في الأرض ورفع وشها وقال: مرات ليل الجندي عنيها متنزلش في الأرض أبداً تفضل عنيها وراسها مرفوعه ديما...
سلمى: حاضر...يعني هتعمل كدا تاني...
ليل: اه... هو انا موحشتكيش ولا ايه..
مردتش وقالت: طب ينفع نتكلم في الحوار ده...
ليل: إحنا ما بينا إتفاق وأظن يا حرمي المصون اننا مبنرجعش في إتفقاتنا
اتملت عنيها بالدموع وقالت: عشان خاطري بلاش...
ليل: حبيبي مالك في ايه وبعدين ده لسه بدري محسساني اني بقولك حالا...
سلمى: يعني ممكن تغير رأيك
ليل: طبعا... اتنهدت براحه وهو كمل: مستحيل...
سلمى: طب ليه... راح نحيه الحمام ومردش..
بعد وقت..
طلع ووقف قدام المرايا وهو بيربط الكرافت بتاعته... قربت تربطهاله وقالت: طب ليه..
ليل: عشان وحشاني...
سلمى: اللي انت عاوزه... باس دماغها وقال وهو بيطمنها: متخافيش انا بهزر..
سلمى: بجد..
ليل: اه..
سلمى: طب كنت عاوزه اطلب منك طلب صغنن اد كده
ابتسم وقال: قولي يا قلبي...
سلمى: مش احنا هنروح الصعيد بليل..
ليل: المفروض..
سلمى: طب ينفع اشتري للولاد حجات العيد من هنا ومن هناك نجيب الباقي زي الترنجات وكدا..
ليل: أنت تؤمر يا ملبن من عنيا بعد الفطار هننزل ونجيب اللي عوزاه... اعمل حسابي على كام..
سلمى: يعني تلت خمس تلاف جنيه بس...
ليل بصدمه: تلت كام ياعنيا.. انتي بتتكلمي جد..
سلمى: الحاجه غاليه اوي تعرف في طقم عاجبني اوي بس غالي حبتين
ليل بحب: ميغلاش على سلومه حبيبتي...الطقم شكله اي بقى
سلمى: بص هو بنطلون اب... قاطعها وقال: بنطلون ايه ياعنيا...
سلمى: والله البنطلون حلو عجبني اوي... طلعت صورته من تليفونها واول ماشافه قال وهو بيجز على سنانه: انتي ناويه تنزلي بيه
سلمى ببسمه: اه عجبك..
ليل؛ ده يتلبس في بيتنا يا حبيبتي مش بره والناس تبص على جسمك
سلمى: ده انا هلبس حاجه طويله من فوق
ليل؛ عوزاني امشي معاكي واقول للناس اتفرجوا على المزه اللي معايا
ضحكت وقالت: لاء طبعا
ليل: اعملي حسابك اللبس ده مش هيتجاب فاهمه
نفخت وقالت؛ حاضر...
ليل بهدوء: بصي يا قلبي حرام انك تلبسي ضيق صح ولا لاء
سلمى: صح بس انا عجبني اوي...
ليل: ممكن تجيبيه وتلبسيه في البيت
سلمى: هلبس جينز في البيت
ليل: خلاص يبقى ما تجبهوش اصلا وجيبي حاجه تانيه
اضايقت وهو قال: حرام انتي هتتحسبي وانا هتحاسب وبباكي هيتحاسب عليكي واحنا مش عاوزين نبقى زي المتبرجات...
اقتنعت وقالت: صح انا مش عاوزه ابقى زيهم...
ليل: يبقى نجيب حاجه على زوقي زي كل سنه مش زوقي حلو
سلمى: اه...
ليل: يبقى اتفقنا...
مسك اديها بحب وقعدوا وقال: انتي اه لبسك واسع وكل حاجه واول مره تطلبي بنطلون بس نفسي في حاجه
سلمى: ايه هي
ليل: تلبسي الحجاب الشرعي..
سلمى: نفسي والله البسه بس انا حاسه اني مش مستعده ليه وشكلي هيبقى وحش بيه
ليل:اولا: عمر الاناقه والموضه ماكانت باللبس القصير يا حبيبتي... ثانيا: الحجاب ما بينقصك جمال يا أميرتي بالعكس بتبقى اجمل والاهم بترضي ربك... ثالثا: الحجاب بيحقق رضا الله عنك وعن اي ست على الكون وربنا أمرنا وحثنا على طاعته في أوامره ونواهيه، وربنا أمر الست بالحجاب وجعله فرض لكل مسلمه وقال في كتابه: (وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ) ويقول -سبحانه-: (وَلَا تَبَرَّجْنَ تَبَرُّجَ الْجَاهِلِيَّةِ الْأُولَى)ويقول -سبحانه-: (يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ) والستات مأموره بستر نفسها ومتكونش متبرجه وبيحقق صدق الإيمان لهن وطهارة لقلوبهم ويقول -سبحانه-: (وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ)...
فكرت وأقتنعت بكلامه وهو شاف من نظرتها انها اقتنعت ابتسم وباس دماغها بحب وقال: تمام يا عشقي انا نازل...
سلمى: تمام يا حبيبي...
في المشتشفى عند اسماعيل...
كان في صوت اطفال بيعيطوا طلع بغضب وقال بزعيق؛ فين دكتورة الزفت...
كانت وصلت وسمعته واضايقت وقالت: حضرتك مينفعش كدا انك تتكلم عليا كدا..
اسماعيل بغضب؛ شرفتي يا هانم وسايبه العيال بيعيطوا...
ورده: علفكره دي مش طريقه وانا متأخره عشر دقايق بس
اسماعيل: لو عاوزه تشتغلي في مستشفى السعدني تلتزمي بالقواعد..
اضايقت وزعلت وقالت؛ طب شكرا لحضرتك اتفضل على مكتبك وانا هشوف شغلي...
بصلها شويه وقال: على مكتبك...
دخلت مكتبها وهي مضايقه وبدأت تكشف على الأطفال
بعد وقت...
اتفتح الباب ودخل اسماعيل وبصلها وهي بتلعب مع طفل صغير وبتلعب معاه بالكور الصغيره
اسماعيل؛هو ده كشف ده...
وقفت وقالت؛ اظن حضرتك ان ده شغلي والولد خايف من الحقنه فبطمنه بس...
بصلها شويه واتنهد وقال: انا مكنش قصدي ازعقلك بس الدوشه والولاد بتعيط وانا مبحبش العيال الصغيره...
ورده؛هما طلبوا من حضرتك ان مكتبك يتنقل الدور اللي فوق حضرتك اللي رفضت واصريت انه يبقى قدام اوضة الكشف بتاعت الاطفال...
سكت اسماعيل وقال: عادي حبيت ابقى هنا..
ورده: اللي انت عاوزه...
وقف قدامها وقال: مش عاوزك تزعلي...
بصتله وابتسمت وقالت: محصلش حاجه يا دكتور...
طلع وهي اتنهدت ورجعت لشغلها...
في شركه ليل...
كان قاعد واخواته ومعاهم ابراهيم قدامه...
ليل: يعني كلهم مأجمعين انهم عوزين لبس عيد...
سليم: اه انا شايف كدا..
زين: قلبي مش مرتاح للرباعي السخيف ده حاسس ان معمولنا كمين..
ليل بحده: مراتي مش سخيفه يا زين ولم نفسك
زين: يا عم ما انا بقول على مراتي بردك
ليل بحده: مراتي خط احمر حتى لو بهزار..
زين بتريقه: مراتي مش سخيفه...
ليل؛ والله ما هعمل حساب انك اكبر مني وهنفخك
زين: تنفخ مين يا بشمهندس انا الرائد زين سليمان الجندي..
بص ليل لسليم وفهمه سليم وهو حرك راسه بالموافقه باللي هيعمله ليل في زين...
بعد وقت..
كان زين متعلق في النجفه اللي في السقف وسليم وليل وابراهيم بيكملوا كلامهم..
زين: ينقطع لساني قبل ما يضايقك بمراتك ياعم نزلني...
اتجاهله وقال: هنفطر عندك يا ابراهيم انهارده وطبعا الاربعه هيعملولنا كمين كالعاده فعملوا حسابكم هتنزلوا تشتروا لبس العيد ليكم ولمراتتكم ولولادكم عشان ميتنكدش عليكم وده اولا ثانيا عشان في الصعيد مش بيعجبهم حاجه ثالثا: بعد الفطار تبقوا جاهزين عشان ننزل
كلهم: تمام يا ليل...
زين: طب اي مش هنزل...
ليل: عشان تحرم تضايقني...
زين؛ انا اسف ياعم...
نزله وليل قال: يلا كله يمشي..
زين: عشان يخلالك الجو وتقعد تحب في مراتك مش كدا..
ليل؛ تصدق اني غلطان اني فكيتك...
ضحكوا وليل قال: والله العظيم لو ماطلعتوا من مكتبي مش هكون مسئول عن تصرفاتي..
زين: مبخفش منك على فكره واعلى ما في خيلك اركبوا..
سليم: اسد يلا في اي
ليل: خمس ثواني لو مطلعتوا.. مكملش كلامه لما زين قال: هنطلع والله... وطلعوا التلاته يجروا... وهو ضحك عليهم...
معداش ثواني ودخل ابراهيم وقال: كنت عاوز اتكلم معاك...
ليل: عارف تعالى..
قعد وقال: ليليان...
ليل: ملها...
ابراهيم: احنا اتخانقنا... مكملش كلامه لما ليل هجم عليه وقال بغضب:نعم يا روح امك اتخانقت مع اختي لاء وزعلتها كمان...
ابراهيم: طب اهدى بس وهفهمك...
قعد قدامه وقال؛ اتزفت احكي...
اتنهد وقال؛ مايا...
ليل؛ ملها ست زفته...
اتنهد وهو بيفتكر اللي حصل...
فلاش باك...
كانت نايمه وهو حضنها وقال: هو انتي يا لي لي بطلتي تحبيني...
لفتله وقالت: لاء طبعا انا مش بس بحبك انا بموت فيك وانت عارف كدا كويس...
ابتسم وقال؛ طب بتبعدي عني ليه مش انتي ليليان اللي اعرفها...
مسحت على وشه بدلال وقالت بتعب؛ والله يا هيما ليان تعباني وسليمان عشان ثناويه فتعبان وتاعبني معاه..
ابرهيم؛ لو على سليمان عارف وكمل بقلق: ملها ليان هي فيها حاجه
لفت وشها بزعل وقالت؛ مزعلاني بحسها بتبعد عني مش زي ما كنا زمان طريقتها واسلوبها عارفه انها مراهقه بس مش كدا..
طبطب عليها بحنان وقال: عارف ومقدر يا حبيبتي...
حضنته وقالت: انا مش عارفه من غيرك كنت هعمل اي..
كان هيتكلم قاطعه تليفونه واللي كان جمبها..
بعدت وبصت في الاسم وكان مكتوب مدام مايا...
ليليان بغيره: مين مايا دي..
ابراهيم: دي واحده بنعمل معاها شغل انا وليل....
ليليان؛ وهي حلوة بقى..
ابراهيم: حبيبي انا مبركزش في القرف ده انا اتجوزت اللي بحبها يبقى مش هشوف غيرها...
ليليان؛ طب رد على المكالمه...
فتح المكالمه ومايا قالت بدلع: هاي بشمهندس ابراهيم
بلع ريقه من نظرات ليليان اللي كانت هتولع من الغيره
ابراهيم: اهلا يا مدام في حاجه ولا ايه
مايا: هو ليل اقصد بشمهندس ليل عامل اي
ابراهيم: كويس بس في حاجه ليه
مايا: اصل وحشني اوي ومش بيرد عليا
ابراهيم: افندم
مايا؛اقصد الشغل اللي مابينا..
ابراهيم؛ اظن ان ليل خلص الشغل اللي ما بينكم... وهو مش بيرد عليكي عشان اكيد مشغول بعياله ومراته واكيد شوفتي مراته مش كدا
مايا: اه فكراها... طب ابقى خليه يكلمني...
ابراهيم: ان شاءلله...
مايا؛ وانت كمان بعيد عني ولا بتسأل ولا بنتكلم...
قالت كدا وليليان قالت بدلع وهي قاصده تسمعها: بس بقى يا ابراهيم بطل بقى...
ابراهيم بغباء؛ في اي...
ضربته في كتفه وقالت بدلع: علفكره انت واحشني اوي اوي...
بصلها ومايا كانت قفلت
ابراهيم؛ حلوة الحركات دي..
ليليان بحده وزعيق؛ اي المياصه دي والدلع ده ومالها بيك وب ليل وبتسأل عى اخويا ليه
ابراهيم: براحه يا حبيبتي هي ملهاش علاقه بيا اصلا وعلاقتها ب ليل انها معجبه بيه وهو مش مديها ريق خالص..
ليليان؛ طيب انت حر...
باك..
ابراهيم: من سعتها وهي طريقتها متغيره معايا...
ليل؛ حقها يا ابراهيم مش مراتك...
ابراهيم: ما انا مضايق..
ليل: ليليان حساسه ورقيقه وبتتصالح بكلمتين حلوين...
ابراهيم: طيب...
خبط الباب ودخلت السكرتيره وقالت: بشمهندس ليل مدام مايا بره...
نفخ بضيق وقال: خليها تتفضل...
دخلت مايا وقالت بدلع: اخس عليك يا بشمهندس كدا متكلمنيش كل الفتره دي..
ليل؛ واكلمك ليه...
اتحرجت وابراهيم قال: طب عن اذنكم انا..
طلع ومايا قعدت وقالت: خلاص كدا معقول مش هيبقى في شغل مابينا...
ليل: والله انا مش شايف ان في حاجه تستحق الشراكه وانا مبحبش اشارك حد في شغلي ومجهودي...
مايا؛ طيب... اخبارك اي...
نسيبهم ونروح عند سلمى...
كانت طالعه من المستشفى وهي فرحانه وقالت: الحمد لله ده مطلعش حمل انا كده ارتحت...
اتنهدت براحه ووقفت عربيه وركبتها...
عند ليل...
ليل: بصي يا مدام الشغل اللي بتتكلمي عليه ده انا شغال مع بنك وبناخد منه زي ما احنا عايزين وحكايه ناخد من البنك بتاعك ده انا ماضي عقد مع بنك تاني ومش هينفع افضي الشغل اللي بيني وبينهم
مايا: بس يا ل... مكملتش كلامها لما اتفتح الباب ودخلت سلمى واول ماشافها ليل وقف واتحولت ملامحه من الضيق للفرحه بصتله مايا وسلمى شافتها ونفخت بضيق وقالت في نفسها؛ ايه اللي جاب القرف دي هنا بقى...
قرب منها وقال: حبيبتي انتي كويسه...
كانت متبعاهم وسلمى قالت بتعب مصطنع: بطني يا ليل مش قادره
ليل بخوف: مالك يا حبيبتي في ايه حصل ايه...
سلمى: كنت كويسه والله مش عارفه اول ما دخلت الاوضه بطني وجعتني...
شلها ومايا اتصدمت وهي لفت اديها حولين رقبته وهو حطها على الكنبه اللي في المكتب وقال: لو تحبي تفطري عادي...
سلمى: لاء انا كويسه بس معدتي بس... حط ايده على بطنها وبدأ يتمتم بأدعيه...
بصتلها ولقتها مش طيقاهم قربت اكتر من ليل وقالت؛ والله يا حبيبي انا كويسه ده وجع بسيط
ليل: انا بخاف عليكي يا حبيبتي...
ضحكت بدلع وقربت من خده وباسته وقالت؛ وانا بحب خوفك عليا..
ابتسم ومايا اضايقت وقالت؛ بضيق: انا ماشيه...
مشيت وبعدته وقالت؛ الوليه دي بتعمل اي هنا...
ضحك وحضنها وقال: نزلتي من غير ما تقوليلي ليه..
سلمى: كنت عملالك مفجأة....
ليل: طيب يا حبيبتي... وكمل بلهفه:حاسه بإيه دلوقتي لسه تعبانه تحبي تروحي تكشفي دلوقتي قومي يلا
سلمى: لاء والله انا كويسه.... بس مقولتليش كانت عاوزه منك ايه
ليل: كانت عاوزه ترجع الشغل تاني وانا رفضت...
سلمى: طيب...
نام على رجليها وهي قالت؛ انت هتروح امتى..
ليل: لو تحبي دلوقتي معنديش مانع
سلمى: لاء بسألك عادي اصل البنات طلبت مني حجات للأكل وكنت قريبه منك فقولت اعدي عليك...
ليل؛ والله يا حبيبتي لسه شويه انا كنت هتأخر اصلا على الفطار
سلمى: للدرجادي..
ليل؛ اه اومال مين هيهتم بالشغل لما نبقى في الصعيد...
سلمى: طيب يا حبيبي... حضنته وقالت؛ هستناك..
ليل؛ كلي ومتستننيش ونا هحاول اجي بدري شويه...
سلمى: حاضر ياقلبي...
كانت هتبعد شدها وقال: هاتي واحده زي ما عملتيها قدام مايا...
ضحكت بدلع وقربت منه وهو قربها وكان لسه هيبوسها اتفتح الباب بعدوا عن بعض وهو بص لإبراهيم بشر
ابراهيم بحرج: احم الورق ده عاوز يتمضى
ليل وهو بيجز على سنانه: مكنش يستنى شويه...
سلمى: طب عن اذنكم... مشيت وليل مسكه وقال: انا الاقيها منك ولا من الاربعه اللي عندي في البيت
ابراهيم؛ والله مكنت اعرف انها هنا... سابه ورجع كمل شغله...
على الفطار..
في شقه ليليان..
كانوا كلهم متجمعين خبط الباب وشوق فتحت وكان يوسف وحازم اللي كانوا في الكليه بص يوسف لشوق وهي لفت وشها بضيق وقالت؛ اتفضلوا... دخلوا وقعدوا ويوسف مبطلش نظراته لشوق اللي متجهلاها..
خبط الباب مره تانيه وليليان فتحت وكان ليل حضنته وقالت: حمدالله على سلامتك يا قلب اختك
بص ليها وكانت مضايقه وبص لإبراهيم اللي جمبه واللي كان غيران عليها ابتسم وضم ليليان وقال: حبيبت قلب اخوكي.. وبعدها عن حضنه وزقها على ابراهيم وكانت هتقع مسكها ابراهيم بسرعه بصوا لبعض ومعداش ثواني وكان سبها...
جريوا التوأم على ليل وهو حشنهم بحب ابوي وكذلك ابراهيم اللي جريت عليه ليان وقالت بدلع: بابي اي رأيك في الفستان بتاعي...
ابتسم وقال: حبيبت قلبي هو جميل بس ضيق شويه لو كان واسع كان هيبقى احلى...
ليان: ماشي بعد الاكل هلبس الاوسع..
زهره: اومال فين ورده..
سليم بقلق؛ بكلمها مش بترد عليا...
خبط الباب وفتح سليمان وكانت ورده..
سليم: كنتي فين يا ورده..
ورده: الطريق كان واقف يا بابا ومكنتش عارفه اجي...
سليم: تمام يا حبيبت...
قعدوا على السفره وبصوا الاربعه لبعض بنظره ذات معنى...
لاحظهم ازواجهم وابتسموا ابتسامه جانبيه...
ضحى: احنا هنتحرك امتى كدا يا زين...
زين: بعد السحور ان شاءلله نكون اتسحرنا ويادوب هنشرب بس...
سلمى: اخبار الامتحان اي يا ولاد طمنوني...
فراس: والله يا طنط كان حلو اوي
ضحى: ياريت يا ابو كحكه...
ضحكوا وهو اتقمص وبصت للتوأم وقالت: وانتم يا اخرت صبري
تميم: الحمد لله كان سهل
تيام: كان سهل بس مش اوي الصراحه
تايم: الحمد لله يا ماما كان حلو اوي خلصته في ربع ساعه..
زين: االواد ده جاي غلطه في العيله دي... ضحكوا كلهم وهو عدل نضارته...
ليليان: ليان حبيبت ماما عملت اي
ليان:كان صعب اوي يا مامي..
ابراهيم: ما حبيبت بابا لازم تذاكر عشان لو جابت درجات حلوة ليها عندي هديه اما ايه...
ليان بفرحه: بجد يا بابا...
مسح على شعرها وقال: بجد يا قلب بابا
بصلهم ليل وبص لسلمى ومال عليها وقال: انا عاوز بنت مليش دعوة
بصتله ومردتش وكملت اكلها...
بص ليل ليوسف اللي عينه على شوق اللي سرحانه...
طبطب عليه وقال: كل يا ابني..
ابتسم بوجع وقال: حاضر...
بعد الاكل...
كانوا قاعدين كلهم ماعدا ليليان وسلمى اللي في المطبخ...
ليليان: هنقولهم امتى يا سلمى...
مردتش وليليان كررت السؤال ومردتش
ليليان؛ ما تردي عليا يا سلمى..
سلمى: ملكيش دعوة بيا انتي فاهمه
ليليان: ليه انا عملت اي
سلمى بغيره: حضنتي ليل وقولتيلو قلبي ليل بتاعي انا انتي فاهمه
ليليان: اها هو ده اللي مضايقك وضحكت وقالت: حبيبتي انا اخته
سلمى: مهما كان انا بغير عليه لما كان بيحضن امه ولما بيحضن بنات اخواته مش هغير عليه من اخته...
ضحكت وقالت؛ خلاص معلش مش هكررها تاني... انا بس كنت بضايق ابراهيم لانه بيغير بردو..
سلمى: ايوة لاحظته..
ليليان وهي قاصده تضايقها؛ حضن ليل جميل اوي انا عرفت ليه انتي مش بتقدري تستغني عنه ومبتخليش حد يشاركك فيه...
مسكتها من هدومها وقالت بغيره وغضب: لو قربتي من ليل تاني يا ليليان انا مش هكون مسئوله عن تصرفاتي ليل بتاعي انا وحضنه ليا انا كل حاجه فيه بتاعتي هو ملكي انا بغير عليه من اي حد يقرب منه لانه ملكي انا...
ضحكت وقالت؛ طب اهدي اهدي يا مجنونه انا بهزر...
سابتها وقعدت ليليان تضحك
ليليان: مقولتليش هاه حمل ولا لاء
سلمى: الحمد لله مطلعش حمل وطلع مجرد تعب عادي ومعدتي تعبانه شويه بس...
ليليان؛ ليه كده ده انا كان نفسي تبقي حامل
سلمى: ليه
ليليان؛ عشان العب مع نونه..
سلمى: احملي انتي
ضحكت وقالت؛ وانتي متحمليش ليه مش بتحبي ليل
اتكسفت وقالت: علفكره مش معنى اني بحبه لازم كده
ضحكت وقالت؛ لسه بتتكسفي منه يا سلمى...
مردتش وليليان قعدت تضحك عليها وعلى وشها اللي اتحول للون الاحمر...
سلمى: علفكره انتي رخمه زي اخوكي
ليليان؛ اه عارفه...
سلمى: وبعدين احمل اي وعيالي كلها كام سنه ويتجوزوا وهبقى تيتا
ليليان: عادي يا حبيبتي ده رزق..
اتنهدت وقالت؛ يلا يختي نطلعلهم الشاي ونتي شاوري لضحى وزهره يجوا يقفوا جمبنا اشطا
ليليان؛ اشطا..
طلعوا وكل واحده ماسكه صنيه فيها شاي ليهم فكلهم يعشقوا الشاي...
حطوا الشاي وشاورت ليليان لضحى وزهره وهما قاموا ووقفوا جمب بعض وربعوا اديهم وكلهم بصولهم
سليم: مالكم
ليليان؛ اتكلمي يا ضحى
ضحى: اتكلمي يا سلمى
سلمى: اتكلمي يا زهره
زهره: اتكلمي يا ليليان
ليليان: لاء ميصحش ومرتات اخواتي الكبار هنا... اتكلمي يا ضحى
ضحى: لاء لاء سلمى هتتكلم دي مهما كان بردو اكبر مني
سلمى: اتكلم وزهره موجوده
سليم بغضب: اخلصوا عوزين ايه
ببصوا لبعض وسلمى قالت بتعلثم وخوف من نبره سليم؛ احنا... احنا... كنا عاوزين.. يعني اننا ننزل نشتري لبس العيد
سليم: وانتي بتهتهي ليه
مالت على زهره: انا خوفت من سليم يا بنتي
زهره: هو كدا بس والله طيب
سليم: ما تتكلمي يا بنتي
زهره: هننزل يعني ولا لاء...
بصوا الاربعه لبعض وابتسموا وقال ليل: اجهزوا كلكم نازلين نجيب اللي عوزينه...
نطوا الاطفال بسعاده وفرحت البنات وصراخهم بفرحه ملت الشقه جريت ضحى وزهره على زين وسليم تحضنهم ماعدا ليليان وسلمى قام ليل ووقف قدامها وقال: مش هاخد حضن ولا ايه
سلمى: ما تخلي ليليان تحضنك... ضحك وشدها لحضني وقال؛ ده انتي العشق يا بت...
سلمى: وحضنتها ليه وتقولها قلبك ليه مش انا قلبك...
ليل: متخانقه مع ابراهيم وقولت اصالحهم بطريقتي
سلمى: مش على حسابي...
ليل؛ طب خلاص متزعليش ما انتي في حضني اهه
بصت ليليان لإبراهيم اللي قرب منها وقال: هتفضلي زعلانه كتير
ليليان: اه
حضنها وهي حاولت تبعده لكنها معرفتش وحضنته وقالت: انا زعلانه منك...
ابراهيم: حقك عليا يا ست البنات...
مسك كل واحد منهم ايد واحد من مراته وبصلها بحب وكل اللي قاعد بيسقف عليهم ويصفروا بمشاكسه...
بعد وقت...
كانوا واقفين كلهم...
ليل: احنا كدا خلصنا من الصغيرين دلوقتي الكبار هتشتروا اي يا شباب
فهد وسليمان ودياب: قميص وبنطلون
ليل: تمام... وبص ليوسف اللي باصص لشوق وحمحم وقال: ها يا يوسف هتجيب اي
يوسف: هه اي حاجه يا عمي
حازم بهمس ليوسف: ركز وسيبك منها شويه...
اتنهد وقرب من شوق وقال: هتجيبي اي يا شوق
نفخت بضيق وقالت: يوسف خليك مع الشباب احنا واقفين وقفة بنات هنا...
اضايق وقال لورده: حبيبتي انتي محجبه وميغركيش التريند والموضه بتاعت السنه دي بتاعت البنات اللي بيلبسوا ضيق على طرحه ومفكرينها حجاب انتي متربيه وعارفه دينك هاتي واسع
ورده: حاضر يا حبيبي اكيد انت عارف ان اخلاقي متسمحش بكده...
باس دماغها وقال: ربنا يبارك فيكي يا حبيبت اخوكي...
كانت واقفه ليان بتتصور قرب سليمان منها وقال: نزلي البلوزه شويه
مجسمك اوي...
ليان: ملكش دعوة بابي عارف
سليمان؛ هو مش انتي المفروض تلبسي الطرحه ولا ايه
ليان؛ ملكش دعوة انا حره
سليمان بغضب: هو اي اللي انتي حره...
ليان؛ بابي موافق
قرب ابراهيم منهم وقال: في ايه بتزعقوا ليه
سليمان: انت يا بابا مش شايف لبس ليان عامل ازاي وجسمها محدداه ازاي..
بصلها وكانت لابسه بنطلون ضيق جدا وبلوزه لحد وسطها وشعرها مفرود
ابراهيم: ايه ده صح يا ليان انا ازاي مشوفتكيش انتس ازاي تلبسي كدا
ليان: يا بابي ما انا حابه شكلي كدا
ابراهيم بزعيق وغضب؛ حابه اي انتي فرحانه ونتي كدا يعني..
قرب منهم حازم وقال: اهدى يا عمي صوتك في الشارع عالي
ابراهيم؛ انت مش شايف لبسها يا ابني مش ليا حق ازعق
بصلها وخلع الجاكيت بتاعه ولأن جسمهم مختلف هيبقى طويل عليها وقال: بعد اذنك يا عم ابراهيم خلي ليان تلبسه هيبقى طويل عليها
اخده منه وقال: البسي لحد ما نروح وهتصرف معاكي
نفخت بضيق ولبسته وكان طويل عليها وكانت ربحة حازم فيه وكانت جذابه جدا والبرفان اللي بيحطه علطول...
كانوا متبعين اللي حصل وليل كان مركز وابتسم وسلمى قالت: هو ده حازم البارد
ليل: شكله كدا... وكلم نفسه: يا دي الوقعه السودا
سليم: انا ممكن اقعد في الكافيه اللي جمب المحل اللي هتشتروا منه وهاخد التوأم وفراس ولما تخلصوا تعالوا هنا...
ليل؛ انا هقعد معاك...
زين: وانا كمان...
ضحى: يعني احنا هنعمل اي
زين؛ بصوا احنا هنقعد مع الولاد عشان هما خلصوا ومش هنقدر نتحرك بيهم لأن ماشاء الله عددنا كبير فإحنا هنقعد هنا وانتو شوفوا هتقسموها ازاي
زهره: انا هاخد ورده ونجيب ليها لبس من عند المحل المخصص للمحجبات
شوق: وانا كمان ياطنط
ليليان: وست ليان ناويه تجيب منين واللي هي عوزاه اي
ليان؛ انا في ستايل عجبني اوي يا مامي
ابراهيم: المهم يبقى محترم..
اضايقت وابراهيم قال: انا هاخد الشباب ونشتريلهم من المحل اللي جمبكم وانتو تاخدوا البنات تمام كدا
ليليان؛ تمام..
سلمى: وانا بقى هروح مع مين..
ابتسم ليل وقام ومسك اديها وقال: مش هتروحي في حته غير معايا
زين: ياعم بطل تلزيق بقى
ليل؛ اقسم بالله يا زين هقلع اللي في رجلي وعلى دماغك
حط ايده على وشه يكتم ضحكه وهما ضحكوا...
سليم؛ كدا اتفقنا يلا روحوا...
اتحركوا وليل قال: انا وابراهيم هنبقى مع الشباب وانتو خليكم مع البنات
ليليان: تمام يا خويا
بعد وقت...
كان واقف حازم بيختار تيشيرت شبابي وقف جمبه توأمه يوسف وقال: حلوة الحركه اللي عملتها مع ليان
حازم: ماشي
يوسف: من امتى يعني
حازم؛ عادي
يوسف: هو انت... مكملش كلامه لما قال بحده: لاء يا يوسف ليان اختي مش اكتر ومش عشان عملت كدا يبقى بحبها..
يوسف؛ خلاص بسأل في ايه..
كان ليل سامعهم وقال: ههاه خلصتوا اختارتوا
فهد: حلو ده يا بابا
ليل؛ حلو يا ابني
سليمان: وده يا خالو
ليل؛ جميل والله عندكم زوق..
في جهة تانيه..
ورده: طنط سلمى نقيلي طقم حلو اصل ماما مركزه مع شوق وليان وطنط ضحى وسيباني
سلمى: وانا روحت فين ماهما خلوني نعاكي عشان احنا محجبين زي بعض وصحاب مش كدا
ورده:صح
سلمى: انتي في دماغك حاجه معينه
ورده: اه عاوزه لون اسود
سلمى:اشمعنا؟
ورده: كدا معنديش اللون ده
سلمى: على ما اظن انك بتكرهي اللون ده
سكتت وسلمى قالت؛ اللي عوزاه بصي انا
انا شايفه ان اللون الاسود والبيج هيبقوا حلوين على بعض علشان تفتحي الاسود ولأنك جايبه كوتشي ابيض...
ورده: طيب ماشي
سلمى:  جربي كدا... اخدت الهدوم وكانت هتدخل تقيس لكن وقفها صوت وكان...
يتبع...
السلام عليكم ورحمة الله وبركاته ❤
حبايب قلبي كل سنه وانتم طيبين 🌜🌺❤
اسفه على التأخير أتمنى الحلقه تعجبكم وانتظروني في حلقه جديده سلام🌺🌺🌺🌺