البارت ال٢٢
وكان فرح بسيط على البحر وكان في يخت كبير عليه اسمها نزلت دموعها بفرحه وهو مسك اديها وقبلها بحنان وهو قال: بتعيطي ليه هي المفجأة وحشه
سلمى: لاء المفجأة حلوة اوي مش وحشه خالص دي تحفه انا بس بعيط عشان فرحانه وانا شيفاك بتعمل كل حاجه حلوه عشان تفرحني
ليل بحنيه وهو بيمسح دموعها: وانا عندي كام سلمى عشان افرحها... وشاور ل شاب من اللي كلمهم وشغل الشاب اغاني وهو بدأ يرقص وهي بتضحك عليه وبتسقف كان اي حد عالبحر كان بيسقف وبيباركلهم
راجل كبير في السن: الف مبروك يا ابني ربنا يباركلك فيها
بعد وقت..
ليل: متشكرين يا جماعه... ومسك اديها وركب اليخت معاها واتحرك بيه وقال وهو شايفها بتبص عالميه: متخافيش من الميه... اعملي حسابك هننزل غصب عنك
سلمى ببسمه: ماشي
ليل: قومي غيري هدومك هتلاقيها في الاوضه جوه
سلمى: مش هتأخر... وجريت عالاوضه وقعدت تنط من السعاده وتقول: حاسه نفسي في روايه من اللي بقراهم.. بس دي احلا من اي روايه
فتحت الدولاب لقت هدوم ليها غير اللي جابتهم ابتسمت واخدت فستان واسع وطويل ودخلت الحمام
بعد وقت...
طلعت من الحمام عدلت شعرها وحطت ميكب وطلعت وهي متردده لقته مديها ضهره حضنته من ضهره وهو ابتسم ولفلها وبصلها بحب: اي الحلاوة دي..
سلمى: انا كنت خايفه اطلع كده تزعقلي
ليل: مفيش حد هنا احنا بس وبعدين احنا دخلنا جوه اوي فمحدش هيشوفنا خدي راحتك
سلمى: حاضر... احنا فين
ليل: في الغردقه
بصت للبحر وقالت: حلوه اوي
اخدها في حضنه وقال: عاوزك تنسي الماضي يحبيبتي الماضي عمره ماهيرجع تاني فمتتعبيش نفسك ونتي بتفتكري في حجات قديمه توجعك وبس ركزي دلوقتي فيمستقبلنا وحياتنا وفهد وانا....
سلمى: حاضر... ينفع توطي شويه
ليل: حاضر يا قصيرة
نزل لمستواها وهي باست خده وقالت بهمس: انا بحبك يا احلى واحن بابا في الدنيا
ليل بصدمه: بابا وكمل بفرحه: انتي قولتي بابا
سلمى: اه يا بابا
شالها وقعد يلف بيها وهي كانت بتضحك وقالت: خلاص يا حبيبي
وقف دوران وفضل شايلها وفرق الطول مابينهم كبير لفت اديها حولين رقبته وبصت في الارض وقالت: هو انا قصيرة اوي كده
ليل بضحك: اه... وقعد يتغزل فيها وهي بصتله ببسمه
ليل: هو انتي بتحلوي ولا انا بيتهيألي
اتكسفت وهو ضحك وقال: تعرفي اني بعشق كسوفك...
سلمى بكسوف: نزلني....
ليل: ده عندها
سلمى: يعم نزلني
ليل: يعم؟ نزلها وقال: انتي ناسيه انهارده اي
سلمى: اي
شدها ووداها عند مكان كان فيه شموع وبالونات وتورته
ليل: كل سنه ونتي طيبه يا عشق ليل وكل سنه ونتي معايا ومنوره حياتي وملياها حنان وسعاده
بصتله بحب وهو قال: فاكره من ست سنين او اكتر يوم ما قولتي انك حامل انا من يومها وانا قررت اعملك عيد ميلاد ومفجأة غير كل سنه ومفجأة زي اللي عملتيهالي وقولت عيد ميلادك يبقى مختلف السنه دي
نزل على ركبته ومسك علبه كانت عالكرسي وفتحها كان طقم ألماظ كامل
بصتله بدموع وكانت هتعيط هو قال: بالله عليكي متعيطي متخليش الليله دي نكد
ضحكت وقعدوا في جو رومانسي قعدوا لحد بليل يتكلموا ويتصوروا....
مسك اديها وقال: انا محتاج انام يلا... ابتسمت وحركت راسها بالموافقه...
في البيت عند سليمان...
كان قاعد فهد زعلان وضحى بتحاول تصالحه
ضحى: خلاص بقى يا فهد متزعلش نفسك كلها اسبوع او اتنين وهيرجعوا..
فهد: لاء مش هستنا اسبوع او اتنين انا عاوز امي وابوي
شاله زين وحطه على كتفه وقال:ولاا متقرفنيش مش كفايه ابوك قرفني في حياتي.
ضحك فهد وزين قعد يلعب معاه وبصله دياب بقمص راح عنده وشاله على ايده وقعد يلعب معاهم......
عند بيت ملاك...
كانت بتتصل بيها كان تليفونها مقفول اتصلت بضحى
ضحى: اي يا لوكا يا وطيه كده متسأليش بقالي شهر ولا عارفه اوصلك ولا اي حاجه كده ينفع
ملاك: معلش يا قلبي... بقولك هو سلمى فين
ضحى: مسافره ليه..
ملاك: كنت عاوزه اطمن عليها بس
ضحى: اوكي يا حبيبتي احنا اهلك اي حاجه تعوزيها كلمينا
ملاك: اكيد طبعا.... سلام
قفلت معاها وقعدت فرحانه انها اطلقت منه وانه مقربش منها
كانت سرحانه دخلت مامتها وقالت: عارفه انك زعلانه ان جوزك مات متزعليش يا بنتي
ملاك: لاء انا مش زعلانه... انا عاوزه احكيلك حاجه
مروة: احكي يا بنتي
ملاك حكت ليها على سبب جوازها من عز وانه كان بينتقم منها بس
مروة: يلهوي يابنتي كل ده ومتحكليش
ملاك: انا محكتش لحد غيرك انتي وسلمى
مروة: سلمى مين؟ مرات ليل
ملاك: اه.. دي طيبه اوي وغلبانه احلى حاجه فى الموضوع اني اتعرفت عليها
مروة: يعني انتي بنت لسه
ملاك: اه الحمد لله
مروة بخبث: وليد ابن خالك جاي بكره
قلبها دق بعنف وقالت بتسرع: بجد
مروة: اه مالك ايه الفرحه دي
ملاك بتوتر: فرحه... فرحه ايه... ولافرحه ولا حاجه
مروة: اممم.. انا عارفه انك بتحبيه وهو عرف انك اطلقتي واتقدم
ملاك: بجد يا ماما
مروة: بجد يا قلبي والله انا مكنتش موافقه على عز ده لولا ابوكي والله
ملاك: الحمد لله اديني خلصت منه
تاني يوم...
جه وليد واتكلم معاهم ومروة حاكتله على اللي ملاك قالته وهو كان فرحان ان عز مقربش منها وهو اتفق على معاد وانه هيتقدم فيه
عند سلمى وليل...
كانت نايمه في حضنه وهو صحي ابتسم وهو شايفها نايمه باس خدها وقال: اد ايه كنتي وحشاني.... بدأت تتحرك وتصحى اتصنع النوم وهي فتحت عنيها بصتله وهو حضنها وقامت بعدت عنه....بعد وقت...طلعت لقته نايم بصتله وطلعت من الاوضه راحت وقفت على السطح بتاع اليخت مسك تليفونها وبصت على صورهم واتصلت ب ملاك اللي لقتها متصله بيها
سلمى: اي يا لوكتي
ملاك: اي يا بت اخس عليكي كده مترديش عليا
سلمى: معلش قفلت تليفوني امبارح قبل ما انام
ملاك: عامله اي دلوقتي ونفسيتك عامله اي
سلمى بفرحه: ميه ميه كله تمام
ملاك: في خبر عاوزه اقولهولك
سلمى: قولي
ملاك: وليد عاوز يتجوزني
سلمى: بجد... وليد مين
ملاك: اللي حاكتلك عنه
سلمى: اه افتكرته... قولتيلو اي
ملاك: بصي انا حكتله على كل حاجه من ساعت عز وهو فرح اوي
سلمى: ربنا يتمم على خير
ملاك: هتيجي الفرح مش كده
سلمى: مش عارفه والله ليل مش هيرضى
ملاك: لاء انا عوزاكي جمبي..
سلمى: مش عارفه يا ملاك والله
ملاك: لو عرفتي تيجي تعالي... اه صح ضحى قالتلي انك مسافره
سلمى: اه مسافره اسبوع كده
حست بجسمه حضن ضهرها ابتسمت وهو همس وقال: شهرين مش اسبوع
بصتله وملاك سمعته واتحرجت وقالت: احمم طب سلام انا اسيبك مع جوزك
وقفلت معاها وليل قال: اسبوع مين يا أم اسبوع احنا هنقعد شهرين
سلمى: مش كده كتير وشغلك... وفهد.. وضحى.. والعيله
ليل: كبري دماغك... وبعدين هما موجودين اهه هيروحو فين وكمان ده شهر عسل هنقعد فيه اسبوع
سلمى: اسمع ان شهر العسل بيقعدوا فيه اسبوع اتنين اما شهرين دي اول مره اسمع عنها
ليل: احنا نختلف عن الاخرون يحبيبتي
سلمى: احنا هنقعد هنا الشهرين
ليل: لاء هنتفسح هنروح كل الاماكن اللي نفسك فيها
ابتسمت وقالت: انا جعانه
ليل: ثانيه واحده والفطار هيبقى جاهز
سلمى: هعمله انا
ليل: لاء خليكي... انا هعمله...
راح وقعد يعمل في الاكل وهي قاعده وبتشم ريحة الاكل... راحت نحيه المطبخ لقته بيحط الاكل على صنيه حضنته وغمضت عنيها وقالت: اول مره اعرف انك بتعرف تطبخ
ليل: كلي مفاجآت
ابتسمت وهو قال: ناكل بره احسن مش كده
سلمى: اه..
قعدوا بره وقعدوا ياكلوا ويهزروا ويضحكوا وهو بيقولها يومهم هيبقى ازاي
سلمى: ليل...
ليل: اي يا سمسم
سلمى:انت نسيت تديني الدوا امبارح
ليل: دوا اي
سلمى: الدوا اللي كنت بتدهولي
ليل: خلاص قرص العلاج خلص
سلمى بفرحه: بجد... يعني انا اتعالجت.. وبقيت كويسه...
ليل: الحمد لله
سلمى: انت مصلتش الفجر علفكره
ليل: اه كنت تعبان امبارح مقدرتش اقوم...
سلمى بطفوله: انا صليته
ابتسم وقال: شطورة حبيبت بابا
ليل: قومي غيري عشان نتفسح
سلمى: حاضر.. وجريت على الاوضه تلبس
كان واقف ومبتسم لقا سليمان بيتصل بيه
سليمان: ازيك يا ولدي عامل اي
ليل: بخير يا بوي انت عامل اي
سليمان: كويس... كده تمشي قبل ما نسلم عليكم
ليل: معلش يا بوي والله قولت قبل الدنيا ماتضلم احنا وصلنا اصلا على بليل
سليمان: ولا يهمك.... هي عامله ايه
ليل: كويسه بحاول اعمل الحجات اللي تسعدها وانسيها اللي حصل
ليل: ربنو يباركلك يا ولدي... هقفل انا واسيبك معاها....
قفل معاه واتحرك باليخت.....
بعد وقت....
كانو ماشين عالبحر وهو ماسك اديها وبيتكلم معاها
ليل: تحبي نروح فين
سلمى: الملاهي
ليل: ماشي...
بعد وقت...
كانو راكبين لعبه وهو قال: مش شايفه ان اللعبه دي عاليه شويه
سلمى: لاء مش عاليه... انت خايف ولا اي
ليل: لاء مش خايف... خايف عليكي لتتعبي
سلمى: انا متعوده على الالعاب دي عادي....
ليل:تمام....
بعد وقت....
كانت ماشيه جمبه وهو مساندها ليل: مش قولتلك اللعبه عاليه وهدوخي
سلمى بدوخه: لاء... مش.... هدوخ.. خالص
ليل: اومال اللي انتي فيه ده ايه
سلمى: لاء مافيش
قعدت على كرسي وهو قاعد قدامها وبيبصلها
ليل: كفايه لعب بقى انتي لعبتي كل الالعاب ومش شايفه نفسك عامله ازاي
سلمى: يحبيبي انا كويسه متخفش انت بس
ليل: تمام
سلمى: اخدنا شويه صور اما اي... ناقصها فهد بس
ليل: السنه الجايه ان شاءلله نجيب فهد معانا
سلمى: ان شاء....
مكملتش كلامها لما جت بنت عليهم وو
البنت:.....
يتبع....
ياترى ايه اللي هيحصل 🤔🤔🤔🤔ده اللي هنتعرف عليه الحلقه الجايه استنونااااا💗💗💗
والسلام عليكم ورحمة الله وبركاته 💕💕💕
VOUS LISEZ
عشقني ليل الصعيد
Roman d'amourنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
