الحلقه ال٧
لحد ما لقت رساله من عمر بتقول: عملتي اي حصل ما بينكو حاجه
سلمى: لاء محصلش حاجه ومش هينفع تكلمني تاني عشان ميشكش فيا
بعتلها وقال: اي ده يعني اي
سلمى: مش عاوزه مشاكل ومش هنتكلم لحد ما نطلق
عمر: تمام
قفلت معاه ومسحت الشات اللي مابينهم وعملت بلوك
قعدت وهي حسه بضيق قلبها بيقولها ده عمر حبيبك... وعقلها بيقولها انها بتخون جوزها
سلمى في نفسها: ماهو بيحب واحده تانيه وزمانه بيكلمها بس حاسه اني خاينه... فضلت سرحانه وتفكر لحد ما نزلت ليليان...
ليليان: اي ده العروسه قاعده هنا ليه وسايبه ليل لوحده
سلمى مفيش رد
ليليان: سلمى الو سلمى.....
سلمى: اي يا ليلو في حاجه
ليليان: في حاجه اي ومالك اتخضيتي كده ليه
سلمى: مفيش هو نتي هتا بقالك اد ايه كده
ليليان بمرح: يوووه من فترة طويله بس شكل الجميله سرحانه
سلمى: اه شكلي كده
ليليان: مالك قاعده لوحدك لي وسايبه ليل لوحده لي مش المفروض عرسان وتبقو مع بعض وكدا وغمزتلها
سلمى بكسوف: بس يا قليله الادب وبعدين نتي لسه صغيرة عالكلام ده
ليليان بقمص: صغيرة اي نا عندي 20سنه ونتي 24سنه يعني مش صغيرة اوي يعني
ضحكت وقالت: تمام بس عيب بردو
ليليان: ماشي
ليليان: نتي كويسه
سلمى: اه نا هطلع عشان عاوزه انام
ليليان: تمام ماشي
طلعت سلمى وملقتش ليل فالاوضه دورت عليه عرفت انو لسه فالاسطبل قعدت تعيط لحد ما اتصلت بضحى
ضحى بخوف: سلمى حبيبتي نتي كويسه حصل اي نتي كويسه عملك حاجه
سلمى بعياط: محصلش حاجه بس انا مخنوقه شويه وعاوز اتكلم معاكي
ضحى: طب مخنوقه لي احكيلي يحبيبتي
سلمى حكت ليها كل حاجه مضيقاها
ضحى: طب نتي زعلانه من عمر عشان مش معاكي وكان نفسك يبقى مكان ليل ولا نتي زعلانه ان ليل بيحب
سلمى: مش عارفه زعلانه على اي
ضحى: طب اهدي هي مامتك في اسكندريه
سلمى: اه سافرت مع اخويا بعد الفرح
ضحى: طب اهدي يحبيبتي متخافيش
سلمى: انا حاسه اني خاينه لما كلمت عمر
ضحى: هو نتي كده خاينه فعلا وصح اللي عملتيه
سلمى: طب بقولك ينفع تيجي تقعدي معايا شويه
ضحى وهي بتفتكر زين: لاء مش هينفع
سلمى: عشان خاطري يا ضحى عشان خاطري نا خايفه
ضحى: خلاص حاضر هقول لماما الاول وبعدين هتلاقيني عندك
سلمى: تمام ماشي
قفلت معاها وقعدت تعيط لحد ما نامت
*عند ضحى*
قعدت ضحى تعيط على حال صحبتها وكانت زعلانه عليها لحد ما جالها رساله من فونها وكانت من زين بس هي متعرفش
زين: اهلا يا عسل مساء الخير على عيونك يقمر
ضحى في نفسها والله لاطلع قرف اليوم كله عليك
وكتبت: مساء التوم على غراب الشوم يا مساء الهباب على عيونك الهباب
زين: اي ده اي كل ده
زين: حبيبك يا قمر.
ضحى: حبيبي مين حبك برص
زين: نتي لسانك طويل علطول كده
ضحى: اه يخويا
زين: طب نتعرف يقمر
ضحى: نت واحد سافل وقليل الادب ومش متربي ومعندكش دم اي معندكمش اخوات بنات سلخوك ورموك يا ابره مرميه في كوم قش مرميه
زين: اييييييي بلاعه واتفتحت
عملت ضحى بلوك وقعدت تشتم فيه
ضحى: معرفتش مين ده بردو اخخخخ منه
ضحى: اه صح سلمى
ضحى بصوت عالي: اماااا ماما ست الكل يماااااا
فيفي: اي يا بت بطني
ضحى: عاوزه اروح لسلمى
فيفي: يا بت خلي عندك دم البت لسه متجوزه وعروسه هتروحي فين
ضحى: مليش دعوه عاوزه اروح اقعد معاها وخلاص ومش مهم جوزها
فيفي: وده ازاي بقى
ضحى: هو كده انا عاوزه اروح
فيفي: طب اصبري اسبوع او اتنين البت لسه متجوزه
ضحى: بلا اسبوع بلا اتنين انا عاوزه سلمى انا مش متعوده وهي بعيد عني لاء واي مع جوزها واتجوزت تؤتؤ
فيفي: ما نتي لو سمعتي كلامي وفرحتي قلبي زي اخوتك كده مكنش زمانك قعده معايا
ضحى: في اي يا ماما ده اسلوب طرد بس بالزوق
فيفي وهي بتخلع الشبشب: نا قليله الزوق يا بت بطني الحق عليا انا اللي معرفتش اربي وموقفتكيش عن حدك وخليتك قريبه من البت دي وهي اللي بوظتك
ضحى بغضب: متقوليش عليها كده
سلمى اخت ضحى وهي شايله بنتها على اديها: اي يا ضحى وطي صوتك ونتي بتكلمي مامتك وبعدين مامتك عندها حق عاوزه تفرح بيكي وقبل ما تعنسي وتشوف عيالك زي انا مثلا اتجوزت وخلفت
ضحى كملت: واديكي بتتمسي بعلقه وتتصبحي بعلقه وبتيجي غضبانه كل اسبوع كل ده عشان اي عشان فلوس الجواز بيهين وبيذل وبيوجع ونا مليش فالكلام ده
فيفي: طبعا ده رأيها
سلمى: مكنش واحد اتخذلتي منه يعني هو اتجوز وخلف وعايش حياته
ضحى والدموع في عنيها: مين قال كده نا رافضه الجواز لاني ملقتش الراجل المناسب لسه والجواز ده قسمه ونصيب وبعدين اي اعنس ديه مين حط سن معين للجواز هاه..... وسابتهم ودخلت اوضتها
**عند زين في الشغل**
زين وهو قاعد ومتوقعش منها ان هي ترد عليه كده زين: يلهوي عليها بت اي ده
شكري العسكري: نت مروح يا زين بيه
زين: اه يا شكري
شكري: تمام يا باشا
زين: في حاجه ولا ايه
شكري: اه المعلومات عن الانسه اللي اسمها ضحى في الورق ده
زين ببسمه: امم تمام وساكت من الصبح
*****************
الساعه٢ روح ليل من الاسطبل وطلع اوضته لقاها نايمه بصلها شويه وراح غير هدومه وراح عالكنبه نام عليها
بعد اسبوع الاحداث زي ما هي علاقه سلمى وليل بارده وزين اللي بيفكر في ضحى وبيحاول يكلمها ومش عارف كنزي اللي بتحاول تقرب من ليل زي الاول وليل متجاهلها ومش عارف السبب وحاسس انو بيخونها عمر اللي مكلمش سلمى من ساعتها
**في يوم عالسفره **
سلمى: عم سليمان
سليمان: اي يا بنتي
سلمى: احمم لو سمحت ينفع صحبتي تيجي تقعد معايا شويه اصل وحشاني اوي
سليمان: تأنس وتشرف يا بنتي
زين بلهفه: هي صحبتك دي مين
سلمى: ضحى ما انت عارفها يا زين اللي كانت يوم الفرح واقفه جمبي
سليمان زين: اها تمام
ليل بصلها بطرف عينه وهي تجهلته
بعد الفطار
سليمان: ليل غير هدومك وتعالى عالشغل انا هسبقك
ليل: تمام يا بوي
سليم: نا هروح نا شغلي عاوزين حاجه يا جماعه اجيب حاجه ونا جاي للكل
يوسف وحازم: شيبسي وشوكلاته
ليليان: ونا كمان يا ابيه
زهرة: ونا يا سولي
سليم: عيون قلب سولي
زين: اوباا عالنحنحه
سليم: خليك في حالك
سليم:كده كله طلب هاه يا مرت خوي هتعوزي اي
سلمى بإستغراب: انا... بتسألني انا
سليم: هو في مرت اخوي غيرك قولي عاوزه اي ونا هجبهولك
سلمى بفرحه: بجد
سليم: اه قولي
سلمى: انا عاوزه....
ومكملتش كلامها لقت ليل قال: جوزها هيجبلها تشكر يا خوي
سليم: انا ونت اي يا خوي وبعدين دي اختي الصغيرة هاه عاوزه اي
سلمى بصت ل ليل اللي بصلها بطرف عينه ابتسمت وقالت: ليل هيجبلي اللي عوزاه مش كده
ابتسم ليل وقال: اه عاوزه اي بقى
سلمى: شوكلاته
ليل: بس كده
سلمى: اه مش عاوزه غيرها
ليل: حاضر لو عوزتي حاجه كلميني
سلمى بإستغراب من طريقته: ح.. حاضر
خديجه وهي بتهمس ل سليمان: ماله ليل متغير كده ليه
سليمان: مش قولتلك دي اللي هتغيره...
بليل...
روح ليل وطلع لقاها قاعده مستنياه على غير العاده ولابسه بجامه محدده جسمها وتفاصيله ومسيبه شعرها
ليل في نفسه: يابووي اي الصارووخ ده
سلمى: حمدلله على سلامتك... ووقفت قدامه
ليل وهو بيبلع ريقه: الله... يسلمك
سلمى: جبت الشوكلاته... وهي بتبص على ايده
ليل ببسمه لانها زي الاطفال وحب يدايقها: لاء
سلمى بحزن: اوكيه... عادي يعني مش مهم كنت عارفه... هروح اجبلك الغدا
ليل شدها ليه وقال: نتي بتتقمصي بسرعه كده ليه اهه يا ستي الشوكلاته
سلمى بفرحه: بجد يا ليل
ليل: اه بجد
سلمى اخدتها منه ونطت زي الاطفال وليل بيضحك على طفولتها...
سلمى بفرحه: حبيبي يا ليل ربنا يخليك ليا
ليل بصدمه:............
يتبع....
YOU ARE READING
عشقني ليل الصعيد
浪漫نظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
