عشقني ليل الصعيد

الحلقه ال٨ ج١

الحلقه ال٨
ليل بصدمه: حبيبك...؟؟! انتي قولتي حبيبك؟
وقفت وبصتله وقالت بتوتر: احمم انا قولت شكرا يا ليل بس مقولتش حبيبي دي خالص...
قام وبدأ يقرب منها وهي بترجع ورا
سلمى: ليل ابعد لو سمحت ممكن تبعد
حاصرها وابتسم وقال:بس انتي قولتي حبيبك انا مش اطرش يعني
سلمى: لاء انا مقولتش حاجه
ليل: اومال انا سمعت اي
سلمى: انت اللي بتسمع غلط مش ذنبي
ليل: اممم يعني انا مسمعتش حبيبي يا ليل ربنا يخليك ليا
بصتله وغمضت عنيها وقالت: يووه بقى ابعد عني مش ذنبي انك بتسمع حلو
ضحك عليها وهي بصتله..
ليل: نتي بتقرري عليا يا بت فهد
سلمى:ماله فهد وبعدين اقر على جوزي
ليل: اممم تمام... على فكره صوتك كان عالي
كان هيبعد هي قالت: انت عينك حلوة اوي
قرب منها وقال: عيني حلوة ده انتي بتعاكسيني
سلمى: لاء مش بعاكس بس نت عينك حلوة
ليل: تمام... وبعد عنها
سلمى: هتنام
ليل: اه
سلمى: تمام
دخل الحمام وهي ابتسمت
بعد وقت..
طلع ليل من الحمام لقاها قاعده على الكنبه
بصلها بإستغراب وقال: نتي قاعده على الكنبه ليه
سلمى: انا شايفه اني بقالي كتير نايمه على السرير بقالي كتير كدا وديه اوضتك وسريرك ف يعني.....
ليل: لاء نامي على السرير عادي ومفيش حاجه اسمها كده انا الراجل انام على الكنبه ونتي نامي على السرير
سلمى: بس انت هتتعب وجسمك هيوجعك وهو اصلا وجعك..
ليل: لاء مش هيوجعني نامي نتي بس
سلمى: متأكد
ليل: اه متأكد ويلا نامي مش عاوز كلام كتير
سلمى: حاضر يا جدع ما نت كنت كيوت وماشي حلو
ضحك ليل وراح عالكنبه ونام
بصت سلمى عليه وقالت: يلهوي عليك ... وقعدت تاكل الشكولاته ولقت تليفون ليل جه فيه صوت رساله جالها الفضول تشوف اي بس كبرت دماغها
سلمى في نفسها: انا لو مسكت فونه وشوفت حاجه تخصه اكيد هيزعل وهيزعقلي وهيقولي انتي مالك وكدا... بس لاء هشوف... ولا لاء.. يووووه انا هنام
حاولت تنام معرفتش لحد ما قامت مسكت فونه ولقت رساله من كنزي اللي بتقول: وحشتني يا ليل من ساعت ما اتجوزتها ونت بقيت مبتكلمنيش يا ليل نت متغير ليه.... ليل.... ليل..... يا حبيبي
قفلت فونه وراحت على الحمام وقعدت تعيط
سلمى في نفسها: بتعيطي ليه هو بيحبها وهي بتحبه وده حقه..... كسر حقه ده جوزي والمفروض يحترمني زي ما نا احترمته وبحترمه.. وقعدت تعيط
بعد وقت...
غسلت وشها وطلعت بصت عليه لقته نايم... راحت عالسرير ونامت
تاني يوم...
صحى ليل وملقهاش على السرير
ليل بإستغراب: راحت فين دي
دور عليها ملقهاش نزل تحت لقاها قاعده مع زهره وليليان
ليل: نتي هنا ونا بدور عليكي
سلمى ببرود: وبدور عليا ليه في حاجه
ليل: لاء بطمن عليكي عشان مش من عويدك تصحي قبلي
سلمى: ماشي
ليل: صحبتك جايه امتى
سلمى: جايه خلاص نص ساعه ساعه كده لي في حاجه
ليل بإستغراب من طريقتها: لاء مفيش وطلع....
ليليان: هو في اي
سلمى: في اي في ايه
ليليان: نتو مكنتوش كده امبارح هو حصل حاجه ضيقتك منه
سلمى: لاء خالص مفيش حاجه
زهره: ايوة في حاجه
سلمى: لاء مفيش انا بس مصدعه شويه فأكيد ده السبب.
زهره بعدم تصديق: تمام ماشي
ليليان: ضحى دي بحبها من ساعت ما شوفتها وانا حبيتها مع اني متعاملتش معاها بس باين عليها طيبه
سلمى: هي فعلا طيبه ربنا يخليها ليا
ليليان بقمص: ونا اي يا سلمى
سلمى بحب: ونتي طبعا ربنا يخليكي ليا
ابتسمت وكانت فرحانه..
**فوق عند زين **
كان فرحان انها هتيجي وهيشوفها مش عارف يفسر مشاعره هو لحق يحبها يمكن معجب بيها بس هو بيفكر فيها كتير بالسرعه دي
زين في نفسه: هتيقى مرتي يا بت محمد غصب عنك سواء موافقه او لاء
...................
عند ليل كان مضايق مسح على شعره بضيق ومسك فونه لقى رسايل من كنزي.... فأتصل بيها
كنزي: اي يا حبيبي
ليل جه في باله سلمى لما قالتها ليه وكانت منها حلوة وكان مبسوط انها قالت ليه كده مع ان كنزي بتقولها على طول بس منها كانت مختلفه
ليل: متقوليش حبيبي دي تاني بلاش دلع ماسخ
كنزي بإستغراب: دلع ماسخ..... مالك يا ليل
ليل ببرود: مفيش
عيطت وقالت: ليل اوعى تكون حبيتها وقربت ليها
ليل: لاء مقربتش
كنزي: حبيتها يا ليل
ليل سكت شويه وبعدها قال: احب اي نتي عبيطه
كنزي: اومال سكت ليه
ليل: لاء مفيش..... مينفعش تكلميني تاني وتبعتي رسايل عشان متشكش في حاجه
كنزي بغيره: وليه بقى ان شاء الله خايف على مشاعرها اوي
ليل بحده؛ انا اقول ونتي تنفذي ومش عاوزه كتر كلام وبعدين مش عشانها عشان ضميري وابوي لو عرف حاجه هيخليني اقرب منها غصب عني يا هطلقها
كنزي: حاضر يا ليل اللي انت عاوزه بس باين عليك انك مش عاوز تطلقها
قفل معاها ونفخ بضيق
ليل بتفكير:هو انا لحقت احبها بالسرعه دي قصرت فيه انا كنت معجب بأسلوبها وطريقتها ورقتها بس لاء انا بحب كنزي..انا هضحك على نفسي ولا اي البت دي فيها حاجه غريبه... طلعت سلمى لقته سرحان تجهلته ووقفت قدام المرايا تعدل شعرها
ليل: سلمى....
سلمى: نعم...
ليل: نتي كويسه
سلمى: اه كويسه في حاجه
ليل: لاء مفيش
سلمى: تمام
ليل: عاوز الجلابيه الزيتي والعمه البيضه
سلمى : حاضر
فضل متابعها وهي بتحضرله هدومه ابتسم تلقائي وقام وقف وراها عند الدولاب وقال: عجبتك الشوكلاته
سلمى: اه شكراً
ليل: طيب يعني وانا جي اجبلك منها ولا نوع تاني
سلمى: لاء ضحى هتجبلي وهي جيه ولو عوزت هقول ل سليم او زين او هجبها انا شكراً
ليل بغيرة: ونا مجبهلكيش ليه
سلمى: عشان مش عوزه حاجه
ليل: هتبقى حلوة من زين وسليم يعني
سلمى: لاء بس لو عوزت هقول لحد فيهم يجبهالي هما بيبقوا في البيت كتير
ليل: ومتقوليش انا ليه هو مين اللي جوزك والمفروض تطلبي منه ويجبلك
سلمى ببرود: عادي
لفها ليه ومسك دراعها وضغط عليها جامد
سلمى بوجع: ااه... ليل نت بتوجعني
ليل بغضب: هو المفروض مين اللي تطلبي منه انا ولا هما
سلمى بوجع: ااه... سيب ايدي
ليل بغضب: ردي على السؤال
دمعت عنيها من الوجع وقالت: انت.. انت خلاص بقى سيب ايدي بقى
خفف الضغط بس فضل مسكها ..
ليل بهدوء: طب ليه متطلبيش مني
سلمى: مش عاوزه اتقل عليك
ليل بحنيه: تتقلي عليا نتي اي حاجه تعوزيها قوليلي
سلمى: حاضر
ليل: انا عاوز اقولك حاجه.... وهو بيقرب منها
سلمى: اي هي
ليل: احنا لازم.........
وفجأه الباب خبط نفخ بضيق وقال: ميييين
ليليان: انا يا ابيه ضحى صحبت سلمى جت بعدت سلمى عن ليل عشان تنزل مسكها ليل وقال: ماشي يا ليليان ثواني وهي هتنزل
سلمى: في اي
ليل: هتنزلي كده
سلمى: لاء هلبس الطرحه حاضر بس في اي
ليل: تمام.. مفيش حاجه
سلمى: كنت هتقول اي
ليل: كنت هقولك اني هجبلك اللي نتي عوزاه لما تطلبيه
سلمى ببسمه: شكرا يا ليل
............
عند ضحى كانت قاعده مستنيا سلمى
زهره: نتي بتشتغلي اي
ضحى: دكتوره زي سلمى بس هي اكبر مني بسنه
زهره: ما شاءلله باين عليكو تعرفوا بعض من زمان
ضحى: يااااهه من زمان اوي اوي اتعرفنا عن طريق النت وكانت بمعنى الكلمه الاخت دي العشق
جه زين......
زين: اي ده نتي جيتي
ضحى بضيق وقالت في نفسها: اووف عاليوم كان لازم اشوفك يعني
ضحى: لاء لسه مجتش جايه فالطريق
زين بمرح: ده ايه الظرف ده
ضحى: عارفه يخويا
زين في نفسه: يابووي يا ناااس
ضحى لزهرة: ماتقولي ل سلمى تيجي بقى يلا
زهرة: هي اكيد نازله ليليان كانت عندها
ضحى: تمام
زين: واهلك وخطيبك سيبينك كده تيجي الطريق ده كله لوحدك
ضحى: اولا اهلي موفقين... ثانيا مفيش خطيب اصلا..
زين: تمام حلو اوي
نزل سليم: صباح الخير يا جماعه.... اهلا يا انسه ضحى
ضحى: اهلا يا دكتور
سليم: عاوزك فوق يا زهره
زهره بضيق: تمام
طلع سليم وزهره وسابه زين وضحى لوحدهم
زين: نتي لسانك طويل علطول كده
ضحى: افندم
زين: اقصد نتي زي صحبتك اصل اول ما اتعاملت معاها لقتها زيك كده
ضحى: اه في حاجه.... وبعدين انت اتعاملت معايا فين قبل كده
زين: عالنت
ضحى بإستغراب: نت ايه
زين: يعني ينفع ظابط قمر زي يقع في بلاعه زيك
ضحى: هو انت اه منك.... وبعدين قمر اي ده نت قمر بالستر
زين: انا......
ضحى: اه اومال مين
زين: اومال... مكملش كلامه لما لقى سلمى نازله
سلمى وهي بتجري على ضحى حضنتها جامد
سلمى: وحشتيني يا ضحى
ضحى وهي بتبادلها الحضن: ونتي كمان يا قلب ضحىاهدي في اي نا جمبك اهه
زين: هو احنا كنا بناكلك يا سلمى ولا اي
سلمى: لا بس هي وحشاني بس
زين: حقك الصراحه
ضحى: مالك يسطا
زين: يسطا؟؟ انا هروح على شغلي احسن
مشي زين...... وسلمى وضحى قعدوا مع بعض
ضحى:مالك يا بنتي
سلمى: مفيش انتي بس كنتي وحشاني اوي
ضحى بحب: ونتي اوي يقلبي
سلمى: عامله ايه مع مامتك واختك لسه بيضيقوكي
ضحى: اه بس فكك منهم نتي عامله اي وجوزك ده عامل معاكي اي
سلمى: انا كويسه وليل كويس معايا اوي بيجبلي اللي عوزاه وقبل ما انزل قالي هجبلك شوكلاته وحكت ليها.......
ضحى: اممم هو حنين عليكي
سلمى: اه عادي
ضحى: سلمى هو نتي بتكلمي عمر
سلمى: لاء من ساعت اخر مره ونا مبكلمهوش بحس اني بخونه بس هو كمان بيخوني
ضحى: امممم ونتي زعلانه ليه
سلمى بإنفعال: زعلانه لانه مش محترمني زعلانه لانه بيحب واحده تانيه وبيكلمها ونا محترماه ومش بكلم حد حتى اخواته في حدود بينا في الكلام
ضحى: اممم نتي حبتيه
سلمى: لاء طبعا اي اللي بتقوليه ده
ضحى: اومال زعلانه ليه ده نتي غيرانه عليه
سلمى: انا غيرانه عليه مين قال كده
ضحى: عليا انا ده احنا حفظين بعض نتي حبتيه
نزلت دموعها وقالت: مش عارفه بحس انو طيب وحنين مع انه قالي كلام يخنق اي بنت بس مش عارفه انا يمكن معجبه بشخصيته او بحبه بس عمر اعمل في اي ده عمر بيحبني وقال هتطلقي وهنتجوز وليل قالي اننا هنطلق كمان كام شهر
ضحى بحزن عليها: بس بس يقلبي متزعليش نفسك متزعليش مني عمر مش بيحبك لان اللي بيحب حد مكنش سابك تتجوزي وبعدين ايه متخليهوش يقربلك دي ده صعيدي وده جوزك والصراحه حقه
سلمى: نتي شايفه كده
ضحى: اه بس نتي لو بتحبيه خليه يحبك لحد ما يعترفلك
سلمى: تمام ماشي
نزل ليل وبص عليها ومشي
**عند سليم وزهره **
سليم: زهره نتي كويسه
زهره: اه كويسه في حاجه
سليم: مالك يا زوزه
زهره بضيق: نت تعرف ضحى منين
سليم بإستغراب: ضحى كنت معاها فالمستشفى اللي في مصر كانت متدربه ونا كنت بشرف عليها لو فاكره اني كنت مسافر في مصر
زهره: امم ماشي
سليم بخبث: بقولك اي
زهره: اي
سليم: حلوة الغيرة دي
زهره: ونت فرحان كده ليه
سليم: عشان مرتي غيرانه عليا
زهره بدلع: طبعا غيرانه عليك مش جوزي
سليم وهو بيقرب منها: نتي هتخليني كده مروحش الشغل
زهرة بدلع: لاء روح شغلك
سليم: لاء فكك خليكي معايا...
.....................
في الشغل عند ليل..
كان قاعد وبيخلص شغله خبط الباب ودخلت كنزي
ليل: الله يخربيتك اي اللي جابك هنا
كنزي؛ وحشتني اوي قولت اجي اطمن عليك يا حبيبي
ليل بحده وغضب: مش قولتلك بلاش الدلع الماسخ ده وقولتلك مينفعش اشوفك اهنه واصل عشان ابوي
لفت اديها حولين رقبته وقالت بدلع: يا ليل انت وحشتني
بعدها وقال بحده: كنزي امشي من هنا...
كنزي: طيب همشي بس وانت عارفين انك شم خايف من سليمان اد ما انت خايف منها..
ليل بغضب: انا مش خايف منها انا الراجل اللي بيخاف من مرته انا بحترمها في فرق كبير بينهم مش بخاف انا بحترمها مفيش اكتر من كدا
كنزي: طيب يا ليل انا همشي.. مشيت وهو اتعصب وقعد وحط ايده على دماغه من العصبيه..
في البيت...
عالسفره كانت سلمى وخديجه وضحى وليليان قاعدين بياكلوا
خديجه: هي زهره فين
ليليان: عند ابيه سليم
خديجه: هو سليم مرحش شغله
ليليان: لاء ابيه سليم قلها تعالى عاوزك وهي طلعت معاه
خديجه: اممم ماشي
ليليان: اطلع اناديهم
خديجه: لا سبيهم على راحتهم
سلمى: احنا نخلص الاكل يابت ياضحى وبعديها هنقعد مع بعض
ليليان بغيرة: اممم ونا هقعد لوحدي
سلمى وضحى: لاء طبعا هتقعدي معانا
ابتسمتلهم ليليان
ليليان: نا قولت لابوي اني هنزل اجيب حاجه تيجو معايا
ضحى: اشطا انا معاكي
سلمى: مع نفسكم
ضحى: لي يا فقر
سلمى: مقولتش ل ليل وهيضايق لو مقولتلهوش
ضحى: خلاص قوليلو
سلمى: خلاص ماشي
وفجأه....