البارت ال١٧
سلمى: ينفع اجرب مكياج عليك
ليل بصدمه: نعممم
سلمى: ده عقابي
ليل: انتي هبله يا بت صح... مكياج عليا اي بس
سلمى: عشان خاطري يا لولي
ليل: صبرني يا رب... امري لله
سلمى: بجد
ليل: اه... بس هغسل وشي علطول
سلمى: ايوة طبعا
جابت مكياجه كله وطلعت صورة مكياج عروسه من عالتليفون وحطتها وقالت بأمر: اقعد هنا
ليل: ياصبر ايوب..
قعد وهي مسك البودره وهو غمض عنيه وقال في نفسه: ابو قلبي اللي حبك... ابو الذل ده... انا كان مالي انا كان لازم اخسر نفسي.. اشرب بقى...
سلمى بهزار:يافندم انت بشرتك لايقه عاللون الغامق علفكره
ليل: ده انا اللي هخليكي غامقه يا سلمى
قعدت تضحك وهو مبتسم ومغمض عينه وقال: سليمان لو شافني كده هيقول انت ولا ابني ولا اعرفك
قعدت تضحك وهو ساكت
بعد مده كبيره...
سلمى: خلصت يا ليل
فتح عنيه وقال: استر يا رب
وقالت: والله قمر
ليل: اسكتي احسن ليكي
حطت اديها على فمها
وهو قال: خايف اشوف نفسي
سلمى بتوتر: ملهاش لازمه تشوف شكلك
ليل: لاء هشوف
راح عند المرايا واول ما شاف نفسه قال: يلههووووييي... اي ده
سلمى: اهدى يا ليل
ليل: اهدى ايه... وليل ايه.. قولي ليلة
ضحكت على اللي قاله وقال: هروح اغسل وشي
سلمى: لاء لسه في حاجه
ليل: كده طلبين علفكره بس قولي
سلمى: ناخد صورة
ليل: هقول لفظ مش هيعجبك
سلمى: عشان خاطري يا لولي
ليل: انا لولي فعلا بالبويا اللي على وشي دي
سلمى: اسمها مكياج
ليل: سلمىىىى
سلمى: خلاص خلاص... هاه قولت اي
ليل: امري لله... بس الصور دي محدش يشوفها
سلمى: متخفش ياحبي محدش هيشوفها
ليل:مش مرتحلك... يلا خديها
طلعت كاميرا من الدولاب وصورته لوحده وهو كان واقف زهقان
سلمى: ياخلاثيي عالقمر
ليل: هديكي في وشك
قربت منه ورفعت الكاميرا واتصورت معاه وهو لما شافها مبتسمه وفرحانه ابتسم وهي اخدت الصورة وطلعت فونها وقعدت تاخد في صور على فونها
ليل: لازم الكاميرا والتليفون ما انتي صورتي من الكاميرا
سلمى: هقولك بعدين ليه
ليل: ماشي...
خلصت تصورير وقالت: طب والله الصوره حلوة
ليل بتريقه: اه حلوة اه..... اغسل وشي ولا طلبات تانيه
سلمى:لاء خلاص اغسله
دخل الحمام غسل وشه وهي قعدت ماسكه التليفون وبتبص للصور ومسكت الصور اللي صورتها بالكاميرا وجابت دفتر وفتحته وحطت الصور ولزقتها جمب صورة فرحهم وصورهم مع فهد.... طلع من الحمام وكان بيمسح وشه وبصلها وهي فاتحه الدفتر
ليل: لقيتيه فين ده كنت بدور عليه
سلمى: كنت حطاه في الدولاب عندي
ليل: اه.... عشان كده صورتي بالاتنين
سلمى: عليك نور ... هنملاه ذكريات حلوة
ليل: ان شاءلله
قامت وقفت قدامه وقالت بدلع: اسفه على اللي عملته فيك
ليل: ولا يهمك يا حبي... بس مش هتتكرر تاني... وبلاش تفضحيني خليها سر مابينا
سلمى: حاضر يا لولي..
غمض عنيه بعد ما قالت اسمه وفتح دراعه وهي دخلت في حضنه ووقع بضهره عالسرير وهي فوقيه وهي قالت: لو كنت انت اللي كسبت كان عقابك هيبقى ايه
ليل: كان هيكون ان الدوار ده كله يسمع صريخك
سلمى: صريخي ليه انت هتضربني
ليل: لاء مش هضربك.. بس هي حجات كبار وانتي صغيره عشان اقولهالك
سلمى: اممم... ماشي
ليل ضحك وقال: تعرفي الساعه كام
سلمى بتعب ونوم:كام؟
ليل: الساعه٤ونص الفجر
سلمى: الوقت جري بسرعه اوي اوي
ليل: ابعدي عني بقى كدا عشان هصلي الفجر
سلمى: هو مأذنش لسه
ليل: هيأذن دلوقتي هحضر نفسي... هتوضى ونتي ادخلي بعدي
سلمى بنوم: بس انا عاوزه انام
ليل: دي دقيقه يحبيبتي نصلي وهخليكي تنامي... انا كده كده مش رايح الشغل بكره وهخليكي تنامي براحتك
سلمى: هبقى اصليه الصبح
اتعدل وقعدها قدامه وقال:من انهارده هنصلي الفجر مع بعض
سلمى: ليه
ليل: كده... عشان ندخل الجنه مع بعض يا قلب ليل...
سلمى ببسمه من كلامه: حاضر...
وبعد وقت...
كان واقف وبيصلي وهي وراه قلبها كان بيدق بعنف فرحانه من حبيبها وقعدت تدعيله وسط سجودها وهو بيدعلها من قلبه..
بعد الصله...
كان قاعد وبيبصلها وقال: شفتي مخدناش دقيقه على بعضيها ازاي
سلمى: اه فعلا... صوتك حلو اوي في التلاوة هادي ومريح كده.... اول مره نصلي مع بعض على فكره
ليل: ان شاءلله علطول هنصلي مع بعض الوقت اللي ابقى موجود فيه والاذان يأذن هنصلي مع بعض
سلمى: تمام يحبيبي...
مسك اديها وقعد يسبح وهي بصتله بفرحه وقالت: انت بتعمل اي
ليل: بسبح على ايدك... عشان تنور يوم الحساب
سلمى بدموع: انا بحبك اوي اوي
ليل: وانا كمان... تعرفي انا بعد كل صله بحب اسبح شويه...
سلمى: ليه
ليل:مش هنخسر حاجه لو بعد كل صله قولت ايه الكرسي وقعدت تسبح شويه مش هتنقص بالعكس هنزيد... هنزيد في الحسنات وربنا هيغفرلنا ذنوبنا حتى لو قليل من الذنوب...
ابتسمت وهو قعد فترة كبيرة يسبح ومحستش بنفسها لما نامت وهو محسش بيها وبعد وقت لقاها نايمه ابتسم وخل*علها الاسدال وشالها حطها عالسرير وقعد يلعب في شعرها وقال: كان يومنا طويلل اوي.... باس دماغها ونام...
كان كله نايم ونور الصبح بدأ يطلع على استعداد ليوم جديد...
كانت ملاك نايمه حست بإيد بتحسس على جسمها وكان عز اللي كان سكران... اتخضت ملاك وقالت: في اي يا عز
عز بسكر: سلمى انتي وحشاني اوي... انا بحبك والله بحبك...
ملاك: سلمى مين... عز فوق... ايه ريحتك ديه.. وشهقت وقالت: انت بتشرب
عز بضحك: ههههه لاء مش شارب انا على طبيعتي خاااالص.. ههههه... انا فايق يا حبيبتي... قربي مني بس انا فايق...
ملاك: طب قوم معايا...
قام بعد معاناه وهي قالت: انت تقيل اوي يا عم
وفجأة كان عز شالها وقال بضحك: ههه اومال انتي خفيفه ليه.. وحطها عالسرير
جت تقوم اعتلاها وقرب يبو*سها وهي بتبعده وقال: فوق بقى... فوق.... انت لو عملت حاجه... هنندم انا وانت عليها...
بعد عنها وفرد جسمه جمبها ونام...
ضمت رجليها جمبها وبصتله وقعدت تعيط...
ولأول مره يصعب عليها قالت بزعل على حاله: حرام اللي انت بتعمله في نفسك ده... ربنا ميرضهوش كده هي امه وابوه سيبونه كده...
عز بنوم:سلمى والله لاخدك منه
قعدت تبصله وقالت: سلمى..!! هو ممكن سلمى مرات ليل... بس لاء مظنش
قامت غطته وراحت عند الكنبه ونامت....
تاني يوم...
صحى عز لقا نفسه عالسرير ومتغطي وهي عالكنبه مهتمش وقام لبس ومشي
في اوضه ليل...
قام ملقهاش جمبه قام دور عليها ملقهاش لبس هدومه وفتح الباب قبلته ضحى وقالت: صباح الخير.. هي سلمى صاحيه
ليل: صباح الخير... هي مش عندكم
ضحى: لاء.. هي مش عندك
ليل: لاء... حس بالقلق كانت زهرة ماسكه دياب في اديها بعد ما لبس وليل قال: صباخ الخير يامرت اخوي مشفتيش سلمى
زهره: صباح الخير... اه هي في اوضه فهد
اتنهد وقال: تمام... وسابهم وراح الاوضه
دياب بطفوله: بصي يا ماما طنط سلمى عملتي اي...بصت ضحى لشكله وهدومه المرتبه وشعرة المتسرح وابتسمت
ضحى: قمر يحبيبي.. ومسكت ايده وقالت: تعاله بقى خد شنطتك وشنطة فهد واحطلكم سندوتشتكم
دخل الاوضه لقاها بتعدل هدوم فهد ومبتسمه
دخل وقفل الباب وباين عليه الضيق وقعد على طرف السرير
فرب منها وهمس: قومتي من جمبي ليه... وصاحيه بدري كده ليه
سلمى بهمس: فهد صحاني عشان اجهزه هو دياب... انت عارف المدرسه بقى
ليل: ماشي...
سلمى لفهد وهي بتسرح شعره: عوزاك يا فهودي تخلص اكلك كله مش تيجي تحطه في التلاجه زي كل مره
ضحك فهد وقال: حاضر يا امي
سلمى: خلي بالكم من بعض انت ودياب وبلاش مشاكل...
فهد: متخافيش ياامي
سلمى: انا خلصت يلا...
وقفت وفهد فضل يبصلها عشان عاوز يحضنها وليل بصله بتحذير انه يقرب منها
فهد: امي عاوز اقولك حاجه سر
نزلت لمستواه وقالت: اي يا حبيب ماما سر اي
فهد بهمس: ينفع تحضنيني...
سلمى بهمس: بس كده حاضر... بس انت بتهمس ليه
فهد: انتي مش شايفه بيبصلي ازاي
ضحكت ولفت ل ليل اللي باصصلهم
شدت فهد لحضنها ومش واخده بالها باللي بيولع وراها... نزل فهد وقابله دياب واخدهم احمد الغفير عالمدرسه
ليل: هو انا مش قايلك حضنك بتاعي انا وبس
سلمى: ليل.. ده ابني...
ليل: ولو حضنك بتاعي انا وبس
ابتسمت وهو مسك اديها ونزل معاها
في الطريق للمدرسه...
كان ماشي فهد ودياب قدام احمد وهما بيهزروا
دياب: شايفك بتخاف من تحضن امك
فهد: ليه بتقول كده
دياب: عشان لما بتقعد جمبها او تقرب منها عم ليل بيقعد يبصلك وكأنه هيقوم يموتك
فهد: اه فعلاً... مانعني من حضنها
دياب: طب ليه ابوي مبيعملش كده معايا
فهد: بعيد عنك ابوي متملك شويه لأمي.. شويه اي... قول خمس شويات.. ست شويات
ضحك دياب وقال: خديجه ديما كانت بتقولي ان في قصه حب بين ابوك وامك
فهد: فعلا... امي حكتلي عليها
وصلوا المدرسه ودخلوا....
كان قاعد في اوضته وقعد بيخلص شغله عاللاب بتاعه فضل سرحان ومره واحده كلم حد في التليفون
ليل: ازيك يا عم حسين
حسين: اهلا يا عمده عامل اي
ليل: كويس... كنت عاوز منك خدمه
حسين: قول يا باشا انا تحت امرك
ليل: بما انك كنت صاحب ابوي اوي... تعرف واحد اسمه فهد الحسيني
حسين: اه اعرفه وكمل بحزن: الله يرحمه كان كله بيحبه.. بس بتسأل ليه
ليل: ده ابو مرتي
حسين: مرتك!!هو انت اتجوزت بنته سلمى هى سلمى دي بنت فهد
ليل:اه... انت اتعزمت على فكره بس عشان المهمه اللي جاتلك انت مجتش
حسين: اه صح... مكنتش اعرف انها بنته... بقولك..
ليل: ايه
حسين: انا كنت ماسك قضيه ل فهد
ليل: قضيه اي
حسين: فهد كان مروح لبيته مره وكان في الطريق سايق طلعت عليه عربيه من عكس الاتجاههياتأكدت انها حدثه مدبره بسبب ان مكنش حد في العربيه لما خبطه... كنت بدور على صاحب العربيه ومازلت بدور على مين اللي قتله.. هو اه ملف القضيه اتقفل من سنين بس انا بدور على حق صاحب عمري
ليل: يعني كانت حدثه مدبره
حسين: اه
ليل: تمام... لو عوزت حاجه انا موجود ولو عرفت حاجه قولي...
حسين: تمام يا ابني... سلملي على مرتك وبوسلي فهد
ليل: تمام...
قفل معاه وقعد يفكر في اللي قاله حسين دخلت عليه لقته سرحان
سلمى: حبيبي..
مردش عليها..
سلمى: ليل.. ليل..
ليل بإنتباه: اي يحبيبتي
سلمى: انت بقيت بتسرح كتير ليه؟
ليل: عادي بفكر في حاجه..
سلمى: عاوزه اطلب منك طلب
ليل: اطلبي وانا انفذ يا جميل
سلمى: كنت عاوزه ننزل انا وانت وفهد نروح نشتري هدوم في محل فتح جديد وعنده حلوة عجباني...
ليل: ماشي.. انتي شوفتي الهدوم فين
سلمى: ليلو قالتلي
ليل: تمام ياستي.. شوفي عاوزه ننزل امتى
سلمى: لوعاوز بكره ولا مش فاضي
ليل: مش هبقى فاضي بكره.... يومين كده
سلمى بفرحه: بجد... تمام ماشي
جت تقوم شدها ليل وبقت على رجله
ليل: انا لو عليا اخدك ونعمل شهر العسل حالا بس شغلي اخلصه... عشان مبقاش ورايا حاجه... انا عاوز لما اسافر ميبقاش عليا حاجه خالص ودماغي تبقى فاضيه... عشان هبقى مشغول في حجات مهمه...
ابتسمت بخجل وقرب منها يقب*لها غمضت عنيها خبط الباب نفخ بضيق وقال: اقسم بالله قلبي كان حاسس... مبعرفش استفرد بيكي خالص...
ضحكت على شكله وبعدت عنه وفتحت الباب وكانت سعديه
سعديه: ازيك يا هانم.... كنت عاوزه ليل باشا
سلمى: ازيك يا سعديه... اتفضلي
دخلت سعديه وهي فضلت واقفه تبصلهم
سعديه: ليل باشا... عمر عمل حادثه وعربيته ولعت وهو كان فيها
ليل: ونتي عرفتي ازاي
سعديه: الاخبار عالنت انهم لقوا جثته عالطريق الصحراوي وكانت متفحمه
ليل: تمام... كده شغلك خلص
سعديه: تقصد اي يا بيه
ليل: شغلك خلص خلاص
سعديه: يا بيه انا بصرف على عيالي
ليل: انتي ناسيه انك السبب في موت ابني وكنتي هتبقي السبب في ان مرتي تتأذي
سلمى: خلاص يا ليل
ليل بغضب: اسكتي انتي
بصتله بزعل لانه زعقلها ولبست حجابها ونزلت
ليل في نفسه: يلا اهيه زعلت... وانت ياعم ليل لازم تتعصب عليها بردو
وقال لسعديه: روحي شوفي شغلك في مكان تاني...
نزلت سعديه وهي بتعيط وهو نفخ ونزل لقاها في المطبخ وخديجه بتودع سعديه وسليمان فهم خديجه ان ليل هيمشيها وهيوديها شغل تاني
بعد وقت...
كانت بتعمل الاكل لقته دخل المطبخ فتح التلاجه طلع ازازه ميه وباصصلها بصتله وبصت للطبق قرب وقف وراها ومد ايده يحط الازازه على رخامه المطبخ وقال بهمس وهو بيتنفس عطرها: حسابنا في الاوضه
بلعت ريقها واتوترت
ليل بهمس: ليكي حق تتوتري ما اللي هعمله فيكي
وقعت الطبق من اديها من التوتر والخوف
بصت ليها خديجه وهي قالت: اسفه...
خديجه لحظت توترها وبصت ل ليل اللي مركز معاها جدا وقالت: في حاجه يا ليل واقف هنا ليه
ليل: كنت بشوف مرتي وبقولها حاجه
خديجه: وقولتلها بقى
بص ليها ليل وقال: اه
وطلع وسابهم....
جه فهد ودياب وقعدوا معاهم
عالاكل....
لاحظ سليمان توتر سلمى وهي قاعده جمبه وليل كل شويه يبصلها
زين بهمس ل ضحى: مالها صحبتك
ضحى بهمس: زعلانه من ليل اتخانقوا
زين بهمس: يتحسدوا دول عمرهم ما اتخانقوا
ضحى: مش عارفه بقى
زين: هصالحهم متقلقيش
ضحى: ازاي؟
زين : هتشوفي
خديجه: بطلوا همس وكلوا
زين: ايه رأيكم يا شباب نبقى نقعد فالجنينه نلعب دور كوتشينه
ليل: مش هبقى فاضي
زين: ليه وراك ايه
بص كله ل ليل اللي قال: حاجه مهمه
ضحك زين وقال: مهمه اه... عالعموم هنبقى فالجنينه
بعد الاكل...
كان كله في الجنينه وهما الاتنين طلعوا الاوضه...
كان في الحمام وهي قاعده متوتره من كلامه لقت تليفونه بيتصل وكان رقم غريب فتحت الخط
سلمى: الو
بنت اسمها مايا بدلع: هاي... مش ده تليفون بشمهندس ليل
سلمى: اه مين معايا
مايا: قوليلو مايا وهو هيعرف علطول نتي بقى اللي مين.. ليل معندهوش سكرتريات
سلمى بغيرة:..........
مايا بصدمه:.......
يتبع....
ياترى ايه اللي هيحصل ده🤔🤔🤔 اللي هنتعرف عليه الحلقه الجايه استنوناااا 💗💗💗
والسلام عليكم ورحمة الله وبركاته 💗💗🥰
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
