البارت ال١٨
سلمى بغيرة: انا المدام يا عروسة المولد
مايا بصدمه: مراته؟؟.. هو ليل متجوز
سلمى بعضب: اسمه بشمهندس ليل علفكره مش ليل
مايا بدلع وهي قاصده تضايقها: بس ليل مقاليش انه متجوز انا اعرف انه هو سنجل وكنت يعني...
سلمى بغيرة: كنتي اي يا عنيا
مايا: كنت هشوف فرصتي اصل مهندس زي ده وراجل شهم وجدع وجينتل مان اوي وصعيدي يعني غيور اكيد يعني...
سلمى بمقاطعه: بت انتي اتظبتي كده انا مراته والكلام اللي بتقوليه ده ل مراته
مايا بدفع : اوه سوري يا مدام مش قصدي اكيد انتي متفهمه
سلمى بزعيق: لاء مش متفهمه ومش هتفاهم انتي عاوزه جوزي في اي
مايا: شغل.. عوزاه في شغل مهم اوي اوي
طلع ليل على صوتها وقال: في اي صوتك عالي كده ليه
ادته التليفون بعنف وقالت: خد يا بيه رد على حبيبت القلب
ليل بإستغراب: حبيبت القلب مين؟.... الو
مايا بدلع: ليل ازيك
ليل: مين معايا
مايا بدلع: انا مايا مش فاكرني
ليل: اه اه... ازيك يا مدام مايا
بصتله سلمى وقالت: افتح الاسبيكر
بصلها انها تسكت سلمى بزعيق: افتح الزفت
بصلها بغضب وقال ل مايا: هكلمك تاني يامدام
وقفل معاها وبصلها وقال: اي اللي بتعمليه ده
سلمى بغضب: اه مضايق وبدافع عن الست هانم بتاعتك
ليل: بتاعتي مين وقرف اي انتي قصدك مايا
سلمى بغضب: متقولش اسمها
مسك اديها وقال بغضب: صوتك يا مدام ميعلاش عليا
سلمى بزعيق: لاء هعلي صوتي عشان عروسه المولد اللي عماله تدلع عليك دي وقال ايه جينتل مان... واخد فرصتي... هو كل شويه واحده تطلعلي كده... كنزي والله يرحمها... وفاطمه اللي عنيها عليك وانا بتقطع وانا شايفه نظرتها ليك وست مايا دي كمان... انت بتشتغل معاها اي هاه
ليل: كنت بشطب ليها الڤيلا بتاعتها انا وابراهيم
سلمى بزعيق: اممم ڤيلا اه... اللي سافرتها من ورايا صح
ضغط على اديها اكتر وقال: قولت صوتك الحلو ده ميعلاش بدل ما اخرسك بطريقتي
سلمى بغضب: هتعمل اي يعني
ليل: تحبي تشوفي
سكتت وقالت: سيب ايدي
ضغط اكتر وقال: ولو مسيبتش
غمضت عنيها بوجع وقالت: انت بتوجعني... سيب ايدي
ليل: صوتك هيعلا تاني
سلمى بوجع: لاء مش هيعلا تاني بس سيب ايدي
سابها وهي مسكت اديها بوجع وبصتله بعتاب وهو مسح على شعره بضيق
ليل: سلمى...
سلمى: ملكش دعوة بيا من انهارده فاهم ولا لاء
ليل: انا بس...
قاطعته وقالت: متبررش حاجه انا مش عاوزه اسمع منك حاجه
كان هيتعصب عليها فتح الباب وقفله جامد ونزل لقاهم قاعدين الرجاله في الجنينه بيلعبوا...
راح قعد معاهم واخد ابنه في حضنه...
عند سلمى...
كانت واقفه زعلانه من اللي حصل اتنهدت ولبست حجابها ونزلت...
راحت عند البنات لقتهم قاعدين بيتفرجوا عالتليفزيون قعدت معاهم...
جه دياب وقال: عم سليمان بيقول عاوزين شاي وتعالو اقعدوا معانا
سلمى: هعمل انا الشاي يا ديجا روحوا اقعدوا انتو وانا جايه
خديجه: تمام يا بنتي
قاموا البنات ومكنش موجود غير سلمى وضحى ودياب
سلمى: تعالى يا ديبوا هقولك حاجه
دياب: اي يا طنط
سلمى: هو عمك ليل مضايق
دياب: اه متعصب
سلمى: هو بيعمل اي دلوقتي
دياب: بيلعب معاهم
سلمى: اوكي... انا مسألتكش على حاجه
دياب: عيب يا سلومه
ابتسمت وهو جري عندهم
في الجنينه...
ليل كانت عنيه بدور عليها بعنيه عرف انها اللي بتعمل الشاي قعدوا الستات عالكراسي اللي الرجاله حطتها وقالت زهره: يا سلام عالقاعده الجميله دي
ابتسم سليم وقال: احنا هنلعب يلا... واي حكم يتقال هيتنفذ
الكل: تمام
ليل بهمس ل دياب: سألت عليا مش كده
دياب: اه...
ليل: هي زعلانه
دياب: اه جدا
ليل: تمام... روح انت
في المطبخ...
ضحى: في اي يا بت اعترفي
سلمى: اعترف على اي
ضحى: انتو متخنقين مش كده
سلمى: اه... وقعدت تحكيلها
ضحى: صلحيه يا سلمى انتي غلطانه
سلمى: انا غلطانه وست مايا...
ضحى: انتي مستنتهوش يشرحلك فغلط كده
سلمى: طب اصلحه ازاي بقى
ضحى بغمزه: اللي بالي بالك
سلمى بكسوف: لاء طبعا
ضحى: هو في غيرة ارقصيله... بقالك اد ايه مرقصتلهوش
سلمى: من فرح ليليان
ضحى: يلهوي بقالك سنين مرقصتلهوش حرام عليكي... انا لو مكان ليل أخليكي ترقصيلي كل يوم
ضحكت وقالت: خلاص يا ستي بقى امري لله هرقصله... روحي اقعدي معاهم يلا
راحت ضحى عندهم وهما بدأوا يلعبوا...
ضحك زين لما كسب ليل وبعت رساله ل ضحى وكان مكتوب فيها اتفرجي هعمل اي..
زين: اجهز للحكم يا حلو
ليل: قول يا روح امك
زين: بوس مرتك
ليل: نعم يا حيلتها
زين بضحك: اي يا بطه مكسوفه..
ليل: لاء.. بس...
ضحك وقال: اي يا ليل انت مش قد الحكم ولا اي انتي مكسوفه يا بطه
ضحك سليمان وبص ل ليل
قام اتعدل وشافها فرصه يصالحها ليل: والله لأخليك تقلع ملط يا روح امك
كان هيروح المطبخ لقاها جت وهي ماسكه الشاي
ليل في نفسه: انتي ايه اللي جابك دلوقتي بس كنت هبقى في الدره
زين بضحك: ههههه يا فضيحتك
استغربت وحطت الشاي وقالت: بألف هنا
كانت فاطمه وعز قاعدين ومستنيين ليل هيعمل ايه
زين: يلا يا خوي... مش خدها فاهم يا ذكي
ليل: يا ابن ال****
ضحكوا وهي واقفه مستغربه كانت هتقعد وقف قدامها وبصلها
سلمى بإستغراب: في اي يا ليل
حط ايده على رقبته وبصلها وقالت: يا لي....
مكملتش كلامها لما باس*ها وهي مصدومه ضربته على صدره وهو بعد عنها وبصت ليهم وطلعت تجري عالمطبخ
ضحك زين وقال: لاء بس طلعت جامد ... اي خدمه
ليل: والله لأخليك تقلع ملط واحطك على باب الدوار كده واخليك عبره.. انا لو قتلته يا ضحى هتزعلي
ضحى: طبعا هزعل ده زينو
زين: حبيبتي يا ضحضوحي... عارف لو كنا متخانقين كان زمانها قالتلك لاء مش هزعل
ضحكوا وزين بعت ل ضحى رساله وقال: اي رأيك
ضحى: البت مش هتنزل لمده اسبوع من الكسوف... سلمى خجوله جدا وانت عارف
زين: ههه مشفتيش شكلها وهي بتجري ولا هي مصدومه وهو بيشدها يبوسها
قفلت معاه المحادثه
وليل ابتسم وقال: احمم هقوم اشرب وجي
زين: تشرب بردو ههه... برحتك ياعم
ليل: بس يا ابن ال***
راح المطبخ وهما كملوا لعب
كانت واقفه وهو حضنها من ضهرها وقال: انتي عامله زي الفراوله كده ليه مكنتش بوسه يعني
سلمى بكسوف: عجبك.. اللي عملته ده
ليل: عملت ايه
سلمى: مكنش ينفع تعمل كده قدامهم
ليل: ده حكم وكان لازم اعمل كده
سلمى بزعل: يعني مكنتش بتصالحني
ليل: لاء مكنتش بصالحك
سلمى: تمام... ابعد عني
ابتسم وقال: حقك عليا يحبيبتي عارف اني اتعصبت عليكي واطاولت معاكي
سلمى: لا يا شيخ المفروض اسامحك كده
بعد عنها ووقف قدامها وليل قال: متزعليش بقى
سلمى: حاضر بس انا زعلانه منك عشان مشيت سعديه وزعلانه عشان مايا وزعلانه عشان زعقتلي ووجعتني
اتنهد وقال: تعالي نتكلم فوق
سلمى: ماشي
وقبل ما يطلعوا السلم سليمان قال: اي يا ليل رايح فين
ليل: هنام يا بوي تعبان
ضحك زين وقال: سلامتك يا ليل من التعب
ليل: سكته بدل ما اجيله
سليمان: اسكت يا زين... براحتك يا ليل بس اعمل حسابك في شغل بكره مش زي انهارده كده
ليل: حاضر.... اومال العيال فين
زهره: طلعتهم اوضهم عشان يناموا
ليل: تمام... وسابوهم وطلعوا
في الاوضه...
سلمى: مين مايا دي بقى
ليل: بصي يا ستي مايا دي لما سافرت انا وابراهيم عشان نعملها الڤيلا بتاعتها ومافيش بيني وبينها اي حاجه
سلمى: وهي بتتصل بيك ليه بقى دلوقتي
ليل: وانا لحقت اتكلم معاها
سلمى بغيرة: وانت كنت عاوز تتكلم معاها كمان
ليل وهو قاصد يضايقها: اه كنت عاوز اكلمها فيها اي يعني
مسكت ازازه ازاز جمبها وقالت: قولت اي يا عنيا
ليل: اهدي يا حبيبتي دي ازاز يعني عاهه
سلمى بغضب: ده انا هخليك نفسك كلك عاهه
وجريت وراه وهو بيضحك وهي بتجري وراه وفجأة كانت محصراه في الحيط وهو رافع ايده بإستسلام
سلمى: كنت بتقول اي
ليل: كنت بقول عنيكي حلوة
ابتسمت وقالت: متثبتنيش ياليل
غير الوضعيه وبقت هي اللي متحاصره
سرح في عنيها وهي قالت: سعديه خلاص كده مشيت
ليل: ودتها شغل تاني
سلمى: بجد
ليل: اه
ليل: زعلانه لسه
سلمى: لاء مش زعلانه
ليل: سألتي عليا يعني
سلمى: سألت عليك؟؟ عرفت منين
ليل: دياب حبيبي قالي... انا كمان سألت علفكره
سلمى: بجد
ليل:اه.... ننام بقى عشان نصحى نصلي الفجر واروح شغلي واجي نقعد مع بعض ويعدي اليوم ده على خير وبعديها ننزل انا ونتي وفهد نروح نجيب اللي عوزاه
سلمى: اوكيه...
نام عالسرير واخدها في حضنه سلمى: لولي
ليل: امم
سلمى: هو عمر كده مات
ليل: اه.. كنتي خايفه مش كده
سلمى: اه
ليل: متخافيش طول ما انا جمبك
سلمي: حاضر... وضمها جامد وناموا.....
بعد ساعات...
كان كل اللي في الجنينه كانوا في اوضهم
عند ضحى وزين...
قعد زين يضحك وقال: اديهم اتصالحوا
ضحى: اتصالحوا اه لكن سلمى مش نازله من الاوضه لمدة سنه قدام
قعد يضحك وقال: ليه ان شاءلله مكنتش بو*سه
ضحى: انت مش عارف سلمى محدش يعرفها اكتر مني برغم انها شديده وشخصيتها قويه لكن هي خجوله جدا وبتتكسف من اقل حاجه
زين: وانتي مبتتكسفيش زيها ليه
ضحى: انا بتكسف على فكره لكن مبحبش اظهر
زين: اممم تمام ...
عدى يومين...
كانت واقفه في المطبخ بتعمل الاكل لقت حد حضن ضهرها بصت في الطبق وهو با*س خدها وقال: يامساء العسل
سلمى: مساء الخير ياحبيبي...
ليل: بتعملي اي
سلمى: الاكل.. عاملين صنيه بطاطس باللحمه المفرومه مقولكش هتاكل صوابع وراها
ليل: يابووووي... تصدقي كان نفسي فيها
سلمى: عشان كده انا بعملهالك
لفها ليه وحط ايده على وسطها وقال: متجيبي بو*سه
سلمى بكسوف: بس يا ليل
ليل: بو*سه واحده بس ومش عاوز حاجه تانيه
سلمى بكسوف: بس ليل احنا فالمطبخ
ليل: وماله المطبخ ده احلى ما في المطبخ اللي احنا بنعمله ده
ابتسمت بخجل وهو قال: طب اداهالك انا
مال يبو*سها ومره واخده دخل سليمان وقال: بتعمل اي يا روح امك
شهقت وجت تبعد عن ليل مسك فيها
ليل: ببو*س مرتي
ضربته على صدره براحه وبصت فالأرض من سليمان ونظراته وسليمان ابتسم وقال: يارب اسمع خبر حلو قريب بس عالله يجي بفايده اللي بتعمله ده
مال يشيلها وقال: ادعيلنا انت بس ياحج وهتلاقي كوم عيال حواليك
سليمان: بدعيلكوا والله... مش دلوقتي يا روح امك سيب البت تخلص اللي بتعمله وبعدين خدها واعمل اللي عاوزه
نزلها وقال وهو بيجز على سنانه: حبيبي ياحج
اتكسفت منهم وسليمان قال: تعالى عاوزك في موضوع
ليل بضيق: حاااضرر
طلعوا من المطبخ وهي كملت تحضير الغدا
ليل: في اي يابوي
سليمان: عاوزك انهارده بليل نروح مشوار كده
ليل: مشوار ايه
سليمان: عاوز اشتري هديه للبنات
ليل: لازم انهارده يعني
سليمان: اه لازم ليه
ليل: نازل انا وسلمى نشتري حجات
سليمان: خلص معاها وتعالى نروح
ليل: تمام... انتو ليه بتيجوا فالأوقات المهمه دي
سليمان: اظبط نفسك مش كل شويه اقفشك كده
ليل: ياجماعه مرتي وده حقي اعمل اللي عاوزه
سليمان: اعمل اللي عاوزه في اوضتكم مش فالعلن... ده امك كانت جايه المطبخ شافتك معاها رجعت وقالت للبنات محدش يروح المطبخ
ضحك ليل وقال: امي دي ست الكل... وانت اللي جيت تبوظ اللحظه مش كده
سليمان بضحك: اه... احمد ربنا انه مش زين كان فضحك.... قعدوا يضحكوا...
بليل...
كانت واقفه بتختار ل فهد هدوم وهو واقف ومش مركز معاها خالص
سلمى: حلو ده
مردش عليها
سلمى: يالييييل
ليل: اي يا حبيبي
سلمى: ركز معايا بقى
ليل: ما انا مركز اهه
سلمى: حلو ده لفهد
ليل: اه حلو
سلمى: انا مش فاهمه مخلتهوش يجي معانا ليه
ليل: عادي
قعدت تختار في هدوم كتيره وهو واقف بيبصلها ومبتسم وهي عماله تقول: هيحب ده... طب اشتريه ولا لاء...
بعد ساعات كان واقف وهي وقفه قدامه وهو شايل الحاجه وقالت: كده خلصنا... متأخرناش
ليل بصدمه: نعمم... متأخرناش ايه ده احنا بقالنا ساعتين
سلمى: معلش يحبيبي... طب خلاص يلا نروح
كانت عنيها عند محل وهو اخد باله وبص للي هي بتبص عليه ابتسم ومسك اديها وقال: نروح قبل ما نشتري حجات ليكي
سلمى:لاء اللي انا عوزاه مش هلاقيه هنا
ضحك وقال: لاء هنلاقيه ده حتى قدامنا اهه
دخل معاها وبص البنات اللي فالمحل ل ليل
كان ماسك اديها وقال: هاه
سلمى بكسوف: ينفع تطلع وانا لما اخلص هجيلك
ليل: ليه بس بنختار مع بعض... ده حتى ذوقي حلو
سلمى: لاء اطلع
طلع وهو ماسك حجات فهد ومبتسم وقبل مايطلع قال بهمس: حلو ده الفستان ده... وسابها وطلع
قعدت تشتري في الهدوم وهو واقف من برا وباصص ليها ومبتسم طلع تليفونه وركز فيه...
بعد وقت...
خلصت واشترت الهدوم وطلعت واخد منها الكياس وهي مشيه جمبه بصمت
ليل بمشاكسه: ذوقي جامد مش كده
سكتت وهو ضحك وقال: اللي جبتيه ميتلبسش لحد مانسافر
سلمى: حاضر.... علفكره ذوقي احلى منك
ليل: هو فعلا ذوقك جامد اوى باللي جيباه ده فكراني مش شايف الحاجه اللي جيباه استغليتي اني مش مركز مش كده علفكره انا مركز وواخد باللي منك وبزياده وركزت فاللي اشترتيه...
سكتت وبصتله وهو حرك حواجبه وغمز وهي ابتسمت ومسكت دراعه وحطت راسها عليها وهو بصلها وابتسم....
ليل: هروحك وبعدين هروح مع سليمان هيعوزني في مشوار كده
سلمى: طب مش هتشتري حاجه ليك
ليل: مره تانيه بقى
سلمى: انت فين وفين عما بتاخد اجازه
ليل: معلش يحبيبتي
سلمى: لاء عشان خاطري اشتري اي حاجه ليك
ليل: خلاص ماشي بس بسرعه عشان سليمان
سلمى بفرحه: حاضر والله بسرعه...
بعد وقت...
كانت واقفه عماله تقوله: ده شكله هيبقى احلا عليك
بص في الساعه وقال: اي حاجه ياستي
سلمى: لاء مش اي حاجه
كان فرحان بإهتمامها بيه وانها مهتميه بيه ومهتمه بتفاصيله زي فهد
بعد وقت كانوا مروحين وقال: عجبك كده ادينا اتأخرنا ساعه على سليمان
سلمى: معلش بقى
ليل: تمام... هروحك وبعدين هروح مع سليمان ابقى عيني الحجات بتاعتنا وابقي فرحي فهد بالهدوم....
سلمى:حاضر.. طب هتتأخر
ليل: شويه
سلمى: هستناك يحبيبي
ابتسم وقال: تمام ونا هحاول اخلص مع سليمان واجي علطول
سلمى: تمام
بعد وقت...
دخلت وهي عماله تنط من الفرحه وهو وراها ماسك الاكياس ومبتسم عليها
طلعت الاوضه وهو حط الاكياس عند الباب وقال: هروح انا بقى عاوزه حاجه
سلمى: لاء يا لولي.. سلام... معلش تعبتك معايا انهارده لفينا كتير اوي
حط ايده على خدها وقال: لاء متعبناش كله يهون للقمر بتاعتي ومال وبا*س خدها ونزل
ابتسمت وبصت للأكياس وشالتهم ودخلت وقفلت الباب....
كانت واقفه فاطمه شايطه وقالت: خلاص هانت كلها كام يوم واخلص منك
وراحت اوضتها...
كان ليل بيسوق العربيه وسليمان جمبه
سليمان: كل ده ياليل موقفني
ليل: معلش يابوي..انا كان زماني عندك من بدري
سليمان: وايه اللي اخرك
ليل: سلمى اللي اصرت انها تشتريلي حاجه.. انا قولتلها تجيب ليها ول فهد بس عشان منتأخرش
سليمان: عادي ياليل... ربنا يسعدكم... هو مفيش خبر يفرح كده
ليل بحزن: لسه... هو قرص العلاج بتاعها قرب يخلص وان شاءلله ربنا يكتب الخلفة
سليمان: ان شاءلله
بعد وقت...
كانوا واقفين عند محل ذهب اشترى سليمان غويشه لكل واحده من مرتات ولاده ولمراته
ليل: خلصت يا بوي
سليمان: اه..
ليل:تمام...ووجه كلامه لحسام الجواهرجي: عاوز اللي قولتلك عليه يا حسام يكون جاهز في اسرع وقت
حسام: حاضر يا ليل من عنيا
في الطريق...
سليمان: حاجه اي اللي عاوزها جاهزه بأسرع وقت
ليل: حاجه كده هجبها ل سلمى
سليمان: اه... انت تاعب نفسك في الشغل ليه
ليل: عشان ناوي اسافر قريب انا وسلمى يعني عشان ميبقاش بالي مشغول بالشغل
سليمان: تمام... ناوي تسافر امتى كده
ليل: شهر.. شهر ونص كده
سليمان: تمام... معلش ياولدي تعبتك
ليل: ايه اللي بتقوله ده يابوي.. تعبك راحه وبعدين انت تؤمر
ابتسم سليمان
بعد وقت كانو في البيت...
كانوا كلهم قاعدين ماعدا سلمى
كان هيطلع لقا فهد جري عليه وحضنه وقال: انا بحبك اوي يابوي
نزل لمستواه وقال: وابوك بيحبك اوي
فهد: شكرا عالهدوم يابوي ماما قالتلي ان ديه فكرتك
ابتسم ليل: انت تؤمر يا استاذ فهد... هي امك فين
فهد: كانت تعبانه ونامت
ليل بقلق: تعبانه!! ليه في اي
فهد: مش عارف بطنها وجعتها فنامت شويه
ليل في نفسه: معاد الدوا نسيت اديهولها..
وقال: تمام هطلع اشوفها...
راح عالمطبخ وكان بيجيب كوبايه ميه لقى حد بيحسس على ضهره وكان.....
يتبع...
VOUS LISEZ
عشقني ليل الصعيد
Roman d'amourنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
