الحلقه ال٢٣
سلمى بضعف: ليل ينفع تطلقني...
ليل: لاء نا مبطلقش
سابها ونام عالسرير راحت هي عالكنبه اتجاهلها لحد ما نامت وجبها جمبه وفحضنه...
تاني يوم صحيت لقت نفسها في حضنه بعدت عنه وقامت اخدت دش ولبست هدوم خروج ولمت هدومها
ليل: راحه فين....
سلمى: هروح عند ماما لحد ما تطلقني
ليل: مفيش مرواح عند حد... واخد الشنطه منها
سلمى: عشان خاطري طلقني انا تعبت معاك اوي
ليل: نتي اللي عملتي كده
سلمى بعياط: عشان كنت عاوزه اتأكد من حبك ليا ليل انا حبيتك حبيت قسوتك قبل حنيتك نا بجد بحبك لو عاوز تطلقني طلقني مش هزعل بس عاوزه اقولك اني اسفه وقعدت تعيط
ليل شدها لحضنه وهي عماله تعيط: تعرفي كان نفسي اسمعها منك
سلمى بعياط: طلقني....
ليل بحب: مش هيحصل
سلمى بادلته الحضن وقالت: تعرف انا خايفه منك
ليل: انا اسف بس اضايقت منك
سلمى: ونا كمان اسفه.... نت مش هطلقني يا ليل
ليل: لاء يا قلب ليل مش هطلقك
سلمى: ينفع متعملش كده تاني
ليل: حاضر
سلمى:يعني انت بتحبني
ليل بخبث وهو ماسك وشها بين ايده: تحبي اثبتلك
سلمى بكسوف: لاء مش محتاج
بدأ يقرب وهي بترجع ورا
سلمى بتوتر: فيه ايه بتقرب ليه
ليل وهو محاصرها: يرضيكي زين المعفن ده يخلف ونا لاء وسليم اللي التالت في السكه احنا ايه بقى
سلمى بكسوف: يعني عاوز اي
ليل : اللي كنت عاوزه امبارح... لو قربت هيبقى برضاكي
سلمى بكسوف: اه
ليل: انا بحبك....
مردتش وهو ابتسم...
ووووو....
بعد وقت...
كانت في حضنه وهو بيحرك ايده على شعرها وقرب وقال: نقول مبروك
سكتت بخجل وهو قرب من شعرها وقال: شعرك اللي بيجنني ومش قادر أشبع منه ولا قادر أشبع من صحبته...
إبتسمت وحركت إديها على وشه وقالت بخجل: انا بحبك...
ليل: وانا بعشقك... تعرفي انا فرحان اد ايه..
حاولت تهرب بعنيها بعيد عنه وقالت بخجل: وانا كمان فرحانه...
ليل: بتبعدي نظرك عني ليه... سكتت وهو قال: سبيني أتأملهم وأخيرها هتأملهم براحتي لأن لعيونك جمال فريد،عيونك اغرقتني في تفاصيلك، عيونك ارهقت كياني وهزت كبريائي فأبعدت نظرها عنه فأمسك وجه وقال: متبعديش النظر عني فأنا اريد تأمل تلك الجميلتان وحدي لأن عيناكي بحر وما كان الغريق الا انا...إبتسمت ومالت وباست خده براحه
إبتسم وباسها وقال: شوفتي اني برد الواجب ازاي
ضحكت وقالت: وانت هتقولي...
ليل: تعرفي عيونك الحلوين دول هيودوا اللي خلفوني في داهيه وانا بعشق الدواهي لو هروحها بسببك..
ضحكت وهو قال: ننام بقى... حركت راسها بالموافقه وهو ضمها لحضنه بعشق...
تحت...
خديجه: هو ليل منزلش ليه
سليمان: هتلاقيه نايم ولا حاجه
خديجه لسعديه: روحي ل ليل وشوفي هينزل يفطر ولا لاء
سعديه: امرك يا هانم
طلعت سعديه وخبطت عالباب
ليل بصوت نايم: ايه...
سعديه: احمم ليل باشا ست خديجه بتسأل هتنزل تفطر ولا لاء وهتروح الشغل ولا لاء
ليل: لاء مش هروح الشغل ومش هفطر
سعديه: وست سلمى كمان
ليل: اه ست سلمى كمان.... لما تصحى اعمليلها حاجه سخنه تشربها.... ومش عاوز ازعاج...
سعديه: حاضر يا باشا.
ونزلت.....
سعديه: بيقول مش هيروح الشغل ومش هيفطر لا هو ولا ست سلمى ومش عاوز اي ازعاج.... وعاوز لما يصحى الاكل يطلع فوق
خديجه: امم تمام
سليمان في نفسه: شكله حصل ولا اي
عند زين وضحى....
ضحى بزعيق: مين اللي بتكلمك دي
زين: اولا صوتك ميعلاش عليا.... ثانيا دي مسئوله عن قضيه معايا
ضحى: اممم وحلوه بقى
زين: اي دي
ضحى: القضيه...
زين: حبيبتي... نا بحبك ومن ساعت ما حبيتك ونا اي حاجه كنت بعملها من زمان بطلتها
ضحى: تمام ماشي..... نا خايفه على سلمى منزلتش من امبارح من ساعت المشكله اللي مابينها ومابين ليل
زين: ملكيش دعوه بيهم هما حرين مع بعض...
ضحى:صح... لما تنزل هبقى اسألها
زين: يخربيت فضولك..
ضحى: تعرف من شويه ليل طلب من سعديه الاكل يطلعلهم فوق لما يصحوا
زين: ونتي مالك؟
ضحى بتفكير: هو ممكن...
زين: ملكيش دعوة بقى...
تاني يوم....
صحي ليل لقاها نايمه ابتسم وباس خدها وبدأ يصحيها
سلمى بنوم: سبيني ياماما ونبي عاوزه انام تعبانه مش قادرة...
ليل ضحك وهي بصتله وابتسمتله وهو قال: صبحيه مباركه يا عروسه
اتكسفت وبصت في عنيه وهو قرب وفجأة.....
يتبع.....
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
