عشقني ليل الصعيد

حلقه رمضانيه الحلقه ال١٢ ج٣

الحلقه ال١٢ ج٣
قعدوا يضحكوا عليهم حتى انتفضوا على صوت غليظ من وراهم وقال: انتو بتعملوا اي... لفوا وبصوا وكان شاب اكبر منهم بسنين مش كتير
تميم: خير
الشاب: انتو ايه اللي عملتوه في الولد ده..
تميم: امشي من هنا يسطا
قرب الولد خطوه يخوفهم فقال تميم: تعرف ان اننا فنان..
الشاب: لاء بجد..
مسك تميم ازازه ازاز من على الارض وكسرها وشاور نحية الشاب وقال:بعرف ارسم تيجي ارسملك خريطه على وشك المسمسم ده
خاف الشاب وادعى القوة وتميم قال: غور ياض بدل ما اشوهلك وشك
الشاب: طب خلاص كفايه عليهم
بص لأخواته وقال: اي رأيكم يا شباب نسيبهم
تيام؛ انا لو عليا خلينا للصبح
تايم: خلاص يا تميم عشان بابا اتصل بيا
تميم: طب يلا يا خواتي.... واخد اخواته ومشيوا...
بص الشاب ليهم بصدمه وقال: اي الولاد دول وبص لولاد خاله بسخرية...
في بيت ام سلمى...
ياسمين: هو الولاد فين يا بنتي اتأخروا اوي
ليل: لسه مكلمني وهما جايين دلوقتي...
محمد: اخبار شغلك ايه
مكنش مركز وكان مركز معاها وهي قاعده سرحانه
محمد: انت يا عم ما تركز...
ليل:كويس...
بص محمد للي بيبص ليل عليه وابتسم وقام قعد جمبها وحط ايده على كتفها وقال: مالك يا حبيبتي...
بصتله وبصت ل ليل اللي لف وشه واتنهد بقوة وعرفت انه مضايق وقالت بهمس: انت بضايقه ليه..
محمد بهمس: برتاح اوي...
زقته وقالت: امشي ياض...
محمد بتأثر مصطنع: كدا كل ده عشان ده...
ابتسم ليل وهي قعدت جمبه وقالت بهمس: متزعلش...
حرك حواجبه بمشاكسه وهي ابتسمت...
خبط الباب ودخل التوأم
ياسمين: كل ده يا ولاد ده التراويح خلصت من تلت ساعات..
تايم؛ دول كانوا ناوين يقعدوا للسحور...
ليل: طب نستأذن احنا بقى...
محمد: لسه بدري يا عم ما انتو قاعدين...
ليل: المره الجايه بقى يلا سلام عليكم... ودعتهم ومشيوا...
في الطريق...
ليل: عملتوا اي..
تميم: لعبنا لعب...
ليل: ربنا يسعدكم... هنروح نصلي العشا انا عديتها بمزاجي عشان بس تيتا ومصلتوش التراويح تصلوها في البيت...
حركوا راسهم بالموافقه...
تايم بصوت عالي: اما حتة يوم يا بابا...
ليل: وطي صوتك شويه مش شايف امك نايمه...
ضحك فهد وقال: علطول بتنام في العربيات...
ابتسم ليل وبصلها بحب وهي نايمه
بعد وقت...
حطها على السرير ولسه هيطلع مسكت ايده وقالت بنوم: بابا...
مال ليها وقال: قلب بابا..
بصتله وهي بتفرك عنيها وقالت: احنا وصلنا صح...
ضحك وقال: اه وصلنا..
فردت جسمها وقالت؛ طب انا عاوزه انام..
ليل: بتنامي كتير مش واخده بالك..
سلمى: مش مهم تعالى جمبي...
ابتسم ونام جمبها واتحسس حرارتها ولقاها طبيعيه لكنه كان حاسس بالقلق عليها..
في اوضه التوأم...
كانوا قاعدين على سجاده الصله وبيقرأوا القرآن...
تميم: انتو في الجزء الكام
تيام: انا في السادس ماشي مع الايام
تايم: انا في التامن وانت
تميم: انا في الخامس لسه...
تايم: انت متأخر ليه..
تميم: بكسل..
تايم: غلط كدا بابا قال ان اللي بيأخر صله او ورد عليه بياخد ذنوب..
تميم: ما انا ناوي اقعد لحد الفجر اقرأ..
قفل تايم المصحف وقال:انا خلصت هقوم اذاكر شويه...
قام تايم وبعد وقت قام تيلم وفضل تميم بيقرأ في المصحف..
عند تايم وتيام...
تايم: هاه فهمت..
تيام: لاء
تايم: يوووه انا زهقت ما انت لو بتركز في الشرح كنت فهمت...
تيام: انا عاوز ماما تشرحلي مليش دعوة..
تايم: روح قولها...
قام تيام وراح عندهم وخبط لكن مفيش ردخل لقاهم نيمين وليل حضنها بتملك وخوف...
قرب منها وقال بصوت واطي: ماما.... ماما..
فتحت عنيها وقالت: ايه يا حبيبي انتو كويسين انت واخواتك وبابا...
تيام بهمس: بابا جمبك واحنا كويسين ينفع تقومي تذكريلي عشان عندي امتحان...
اتنهدت وقالت: حاضر يا حبيبي روح وانا جايه وراك...
مشي تيام وهي بصت ل ليل اللي حضنها جامد وهي مش عارفه تتحرك حركت اديها على وشه وقالت: ليل... ليل ابعد..
قام بلهفه وقال: حبيبي انتي كويسه حاسه بحاجه...
بصتله بإستغراب وقالت: براحه يا حبيبي انا كويسه ليه كل ده....
ليل: الحمد لله
سلمى: طب قوم بس الولاد عوزني..
ليل: خليكي وانا هقوم انا..
سلمى: لاء خليك..
قام وقال: متقوميش ونامي وارتاحي انتي ولو قومتي هعلقك...
ابتسمت وقالت: حاضر...
رجعت تنام وهو راح اوضه التوأم...
دخل الاوضه وبص لكل واحد وقال: كنتو عاوزين امكم ليه...
تيام: عندنا امتحان قريب وكنت عاوزها تذاكرلي..
ليل: هاتوا الحاجه وتعالو اذاكرلكم...
بعد وقت...
ليل: فهمتوا..
حركوا راسهم التلاته بالموافقه..
تميم: الله يا بابا شرحك حلو اوي...
ليل: شكرا يا ابني... بقولكم ايه
صوله بإهتمام وقالوا: ماما تعبانه شويه تيجي نروق الشقه ونعمل السحور هاه اي رأيكم...
ابتسموا وقال تميم: طبعاً يا بابا مفيش مشكله دي ماما...
ابتسم ليل وقال: طب يلا نروق وبعدين اقعدوا شويه وعلى معاد السحور هنقوم نعمل السحور ونفجأها بس مش عاوز اي حد يصحيها او يعمل صوت عشان متقومش قبل ما نخلص بس...
حركوا راسهم بالموافقه وقاموا يروقوا الشقه...
بعد ساعات...
كانوا قاعدين مسكين التليفونات
تميم: يخربيت المسلسلات ايه الجمدان ده
شهق تيام وقال: انت بتابع مسلسل من ورانا
تميم: لاء يا عم الاعلانات مشوقه وانا ناوي في الاجازه اتفرج على كل مسلسل راح عليا...
كان قاعد تايم وبيقرا رواية من على التليفون قرب تميم منه وقال: بتقرا ايه..
تايم: بقرأ كام اسكربت كدا
تيام: اوعى يكون فيها حجات كدا..
تايم؛ لاء هي مش اوي هي رومانسيه وماما قرتها وقريت منها اقتباس عجبني وشوقني اقرأ الروايه...
تميم: بتتكلم عن ايه الروايه
اتنهد وقال: عن انتقام كانت البطله عاوز تنتقم من اهل البطل وهيحبوا بعض في الاخر ويخربيت الجمله اللي قلهالها
تميم: قال ايه
تايم برومانسيه: سأحبك حتى تملي مني... وان مللتي فأخبريني لأحبك من جديد ولا تخجلي...
تيام: تصدق مشوقه اسمها اي
تايم: هي في اسكربات وهي القصه ال١٦ تقريبا كدا
تميم: هي طويله
تايم: تمن حلقات بس بس ايه جامده انصحكم تقروها عيشوا اللحظه معاها..
تميم: هقراها بكره بقى لأني مش فايق...
على السحور...
كانوا بيحطوا السحور وتايم قال: انا هدخل اصحي ماما
تميم: لاء انا
تيام: طب محدش هيصحيها غيري
فهد وهو بياكل جزره؛ انا اللي هصحيها...
سبهم مشغولين في الخناق واتسحب وراح على اوضتهم...
كانت نايمه وهو قرب منها وقعد جمبها وطبطب على كتفها وقال: حبيبي اصحي يلا عشان نتسحر...
حطت المخده على وشها وقالت: امشي يا ليل سبني انام..
ليل؛ لو مقومتيش هشيلك واحطك تحت الميه السقعه..
سلمى: بجد مش قادره عاوزه انام...
شلها وهي قالت: طب خلاص والله خلاص..
نزلها وقال: صحي النوم يا عم ايه كل ده
فركت عنيها بنوم وقالت: اما حتت حلم يا ليل كان حلو اوي...
ليل: حلم ايه ده بقى اللي مفرحك اوي كدا
سلمى: حلمت اني زورت بيت ربنا واحنا كنا مع بعض هيححح كان حلم جميل اوي...
ابتسم وقال: ربنا يكتبهلنا يا رب.... وبصلها شويه وابتسم...
قربت منه وقالت: انت سرحت في ايه...
ابتسم ولعب في شعرها وقال: مفيش يا قلبي
سلمى: امم سرحان في مراتك التانيه..
بصلها بصدمه وقال: مرات مين يا بنتي ايه الجنان ده.
سلمى بغيظ: اومال سرحت ليه اكيد متجوز عليا وسرحان في جمال الشقرا قولي بقى هي حلوة واحلى مني وبتبسطك...
كان واقف ومصدوم من كلامها لكنه انفجر في الضحك وقال: دي هرمونات صح...
سلمى بغيظ:متضحكش ياض..
ضحك اكتر ومسك وشها بين كفيه وقال بحنان: انتي تصدقي اني ممكن اعمل كده انا عمري ما خونتك في عقلي هخونك في الواقع...
سلمى: بجد يعني متجوزتش عليا
ليل بضحك: لاء يقلبي...
سلمى: طب يلا نعمل السحور
ليل: طب عندي فكره احلى...
بصتله وهو قال: سرحي شعرك وظبطي حالك ونا مستنيكي هنا...
سلمى: ليه..
ليل: كده يلا بس...
طلع بجامه من الودولاب وقال: البسيه وسرحي شعرك الحلو ده وتعالي...
حركت راسها بالموافقه ودخلت الحمام وهو قعد على السرير مستنيها..
بعد وقت..
طلعت وشعرها مفرود ولابسه بجامه بسيطه ابتسم وقام وقال: اي الحلاوة دي
سلمى: بردو مفهمتنيش ليه...
مردش ومسك اديها وقال: بحبك..
سلمى: بقولك ايه مش ناقصه محن في ايه وعيطت وقالت: ليل انت اتجوزت عليا ولا ايه
ليل: بتعيطي ليه يا حبيبتي
سلمى: انت بتعاملني كده ليه
ليل: هو انا بضربك او بزقعلك ده انا بقولك بحبك...
مسحت دموعها وقالت؛ اومال ايه
ضحك وقال: انتي مجنونه والله
سلمى: اومال ايه بقى...
ليل: غمضي عينك ثانيه...
غمضت عنيها وقال: افتحي...
فتحت عنيها وهو كان نازل على ركبته وماسك بوكيه ورد كبير وفي البوكيه علبه قطيفه فيها خاتم.... ابتسمت وهو مسك اديها وباسها وقال: بحبك...
سلمى: وانا كمان بحبك
حضنته وهو قال بمشاكسه: هتعملي اي يعني لو كنت اتجوزت عادي
بعدت وقالت بغيظ: عادي جدا يا حبيبي السكانين كتير في المطبخ وكلهم انا سناهم والكياس السودا كتير في المطبخ..
بلع ريقه وقال: اي يا حبيبتي اهون عليكي
سلمى: اه تهون عليا عشان انا مقصرتش معاك في حاجه..
ليل: طب اهدي انا بهزر
سلمى: انت بتاعي انا كل حاجه فيك بتاعتي وليا انا اانا لو اطول اقتلك واحنطك ومحدش يشوفك غيري اعملها...
بصلها وقال بتعلثم: لاء طبعا يا حبيبتي مش هيحصل اصلا انا عمري ما اجرحك
سلمى: ومين قالك اني هتجرح ده انا هعيط دقتين وهقتلك انت وهي
ليل؛ انا خوفت منك...
سلمى: شوفت بقى اني بخوف...
ليل: سؤال بس هو انتي بتعملي كدا مع الولاد
سلمى ببرائه: لاء طبعا ده انا كيوت خالص
ليل: كيوت اه... يلا يا سلمى ناكل...
طلعوا الاتنين وهي بصت على البيت والاكل اللي على السفره
سلمى ببسمه: الله ايه ده
فهد: اي رأيك يا ماما
سلمى: تسلم اديكم يا حبايب ماما...
فتحت دراعها وجري التوأم عليها وهو واقف وبيبصلهم قرب فهد منه وقال بهمس: مراتك حد غيرك بيحضنها
ليل بغيره: اه ما انا شايف
سبتهم وقرب فهد منها وحضنها وباس اديها وقال: بابا صاحب الفكره علفكره... بصت ل ليل وهو قال: ايوة يعني بابا ياخد حضن حلو بقى
ضحكت وقرب منه وحضنته... بعدت وليل قال: يلا نتسحر بقى..
قعدوا وسلمى قالت: بت انا مش كنت بكلمك نت اول امبارح
ليل: الكارت كان هيخلص
_ نعم؟؟ هتخلي كارت فكه بينا يا سي لولي
خرجت الكلمه دي من "سلمى" وهي تنكز كتف ليل بدلال وهو رد عليها وقال: ما هو بردو مينفعش الكلام ده يا عيون سي لولك...
انهى جملته بغمزه مشاكسه خلاها تضحك بدلع...
_امك وابوك عندهم مراهقه متأخره باين..
قالها تميم بهمس لتيام وهو بيبص للثنائي ده بصدمه وقال تيام بصدمه هو التاني: سي لولك..؟؟!!
حمحم تايم وقال: ايه يا جماعه استغفروا ربنا ده احنا في رمضان عاوزين تعملوا اللي عوزينه خليها بعد العيد...
ضحكوا كلهم على كلام تايم وقعدوا يتسحروا وكل واحد من الثنائي ده بيحمد ربنا على وجود التاني...
بعد الفجر...
في البلكونه...
قفل المصحف وبصلها وشايفها بتبص على الشارع
ليل: مالك يا سلمى ساكته ليه مش من عويدك تقعدي ساكته انتي مضايقه من حاجه يا حبيبتي احكيلي انا سامعك
سلمى: مضايقه وزهقانه اوي
ليل؛ ياااه زهقانه ومضايقه كمان... وغمز وقال: فاكره زمان لما كنا بنزهق كنا بنعمل ايه
سلمى: اه فاكره كنا بنلعب بلايستيشن
ليل؛ هو انتي غبيه
سلمى: نعم!!
ليل: غمزتلك وقولتلك فاكره...
سلمى: اه فهمت... احنا صيمين هاه..
ضحك وقال: يعني فاكره
سلمى: خلاص يا عم بقى احنا كبرنا على الكلام ده
ليل: كبرنا ايه اا لسه شايفك سلمى الطفله اللي بتلعب مع العيال في الشارع والدكتورة مراتي لسه شايفك بتلعبي بالفرسه في الاسطبل
ابتسمت وهو قال: هما يكبروا واحنا هنفضل شباب...
ضحكت وقامت جمبه وسندت راسها على كتفه وقالت: انا كان قصدي اني زهقانه وحاسه بملل... العيال خلوني ام ولازم ابقى ام قدوة وعاقله وحازمه وانا اصلا جوايا طفله تافهه ومليش في الحوارات دي...
ضحك وقال: قدوة فعلا... بأماره من غيري تلعبوا بالسلك من غيري...
بصتله بغيظ وقالت: ليل متستفزنيش انا اصلا زهقانه لوحدي مش عارفه العب ولا اضرب صواريخ زي العيال ااووف بقى انا كان مالي بالجواز والقرف ده يا ربي ملها قاعده البيت جمب جيسي وكنت بقرأ رواياتي وبلعب في الشارع مع العيال عادي والدنيا فل ولا زوج ولا ولاد ولا ام عيال ولا اي حاجه...
انفجر في الضحك وضرب كفه بكفه التاني بيأس وقال: سلمى حبيبتي مهما عملتي هتفضلي تافهه
سلمى: مادام كدا عاوزنا نخلف تاني ليه..
ليل: عشان عاوز كدا
سلمى: لاء جاوبني بجد
ليل: عشان عاوز بنت مش يمكن تطلع عاقله زي ابوها
سلمى: اش ضمنك انها هتبقى بنت وقصدك اني غبيه يعني ولا اي
ليل: لو ولد مفيش مشكله هنفضل مكمليش لحد ما تجيلي البنت اللي عاوزها...
سلمى: لاء مش هقدر كدا كتير اوي...
ضحك على ملامحها وحضنها وقال: بصي يا قلبي موضوع الحمل والخلفه ده احنا متفقين عليه واتكلمنا اننا لما نجيب بنوته هنوقف خالص وكلم نفسه وقال:استغفر الله العظيم انا مش هقدر اوقف اصلا
سلمى: يا سلام ما ممكن اول ما نجيب البنت مش ممكن تحبها اكتر مني...
ليل: لاء طبعا هتكوني انتي وهي زي بعض...
سلمى: اممم مصدقاك... وكمان انت مش ممكن تقولي البنت مش هتبقى لوحدها ومحتاجه اخت...
ضحك وكلم نفسه: ما ده اللي هيحصل
سلمى: مادام ضحكت يبقى ده اللي هيحصل
ضحك وهط ايده على كتفها وقال: حبيبي مفيش احلا من قلة ادبي...
سلمى: لاء دي وحشه خالص احنا كدا عايشين حلوين
ضحك وقال: على العيد هنتكلم...
ابتسم وقال: تعرفي كنت خايف اتورط وقلبي يحبك لكن لما حبيتك يخربيت جمال التورط يا ناس...
ضحكت وبعدين اتقلبت ملامح وشها للغضب وقالت: احنا مش ناووين نتخانق بقى ولا ايه
ليل بصدمه: نتخانق؟؟ انتي بتتكلمي جد
سلمى: اه
ليل: اانتي ناويه نكد على المسا ولا ايه انتي اصلا باين عليكي غاويه نكد صح ولا غلط...
سلمى: لاء بس عاوزه اكشن كدا...
بصلها بصدمه وقام واتحرك وهبيليحاول يهدى عشان ميفقدش اعصابه عليه وكلم نفسه وقال: اهدى اهدى يا ليل دي سلومتك حبيبتك اهدى كدا عشان متجبهاش تحتك زي كل مره هي مش ناويه تعدي رمضان على خيى اللهم اغزيك يا شيطان كدا وعدي الليله دي على خير عشان مفطرش عليها...
كانت قاعده بصدمه وقالت: هو قام وسبني صح ايوة هو سبني انا تعمل فيا كدا يا ليل ماشي والله لأوريك...
قامت تجري على الاوضه وقالت: اخيرا هتسلى شويه وهنرجع نلعب زي زمان مع بعض...
دخلت الاوضه لقته نايم على السرير ومغمض عينه
سلمى بغضب مصطنع: انت ازاي تسبني وتمشي كدا اي الوقاحه دي للدرجادي مستهزيء بيا وبمشاعري... للدرجادي بقيت مش مهمه ليك
فتح عينه وبصلها بحده وقال بغضب: وضيفي بقى اني هطردك واوديكي لأمك... غوري يا سلمى اطلعي برا بدل ما افطر عليك واحنا مكملناش تلت ساعات بعد الفجر...
بصتله بدموع وقالت: انت بتكلمني كدا ليه خلاص انا هلم هدومي وهمشي ومش هتعرفلي طريق شكلي كدا بقيت تقيله على قلبك ومبقتش تحبني... واتحركت نحيه الدولاب واخدت هدومها...
قام بسرعه ومسك هدومها اللي بتحطها في الشنطه وقال بصدمه: اانتي بتتكلمي جد مش كان نفسك تتخنقي انا كنت هديكي اللي عوزاه..
ضربته بالقلم وهو اتصدم وقالت بعياط: ابعد عني متلمسنيش
ليل: انتي ضربتيني ليه انا عملت اي
قعدت على الارض وضمت رجليها وقالت: مكملتش السيناريو صح
بصلها بصدمه ومسك اعصابه وقال وهو بيجز على سنانه: سيناريو اه... سلمى انتي ضربتيني بالقلم...
قامت بسرعه وقالت: خلاص اضربني
ليل: نعم!!!
سلمى: ايوة اضربني عشان انفخك
ليل: حبيبتي انتي قريتي روايه صح
سلمى: صح..
مسكها من هدومها وقال: والروايه بقى هي ضربته بالقلم وهو ردهولها صح
سلمى: صح
ليل: وعمل فيها اي
سلمى: مش هقولك دي حجات كبار...
ضحك وقال: طب وخدي اللي صوابعك معلمه فيه ده ايه...
سلمى:طب سبني...
سبها وهي قالت: ما انت المفروض كنت شديت مني الشنطه وتصالحني..
حط ايده مكان القلم وقال بنبره مرعبه: ممكن اصالحك في حزام جديد لسه جايبه عاوزه اجربه تيجي اجربه عليكي وبالمره اصالحك وابقى زي ابطال رواياتك...
بعدت بخوف وقالت: لاء يا حبيبي وعلى اي تتعب نفسك... انا اتصالحت خلاص ومفيش حاجه والله...
مسكها وقال بحده: وصوابعك اللي على خدي دي ايه...
مسحت مكان القلم وقالت: يلهوي ده معلم اوي
ليل: الله يكون في عونكم يا ولادي
سلمى: ده انا نسمه..
ليل: نسمه اه... ده ايدك اتقل مني....
ضحكت وقالت؛ طب متزعلش..
ليل؛ غوري يا بت من هنا... وراح نحية السرير ونام عليه...
سلمى بغيظ؛ تصدق اني غلطانه اني بصالحك انا هطلع انام في الصاله
طلعت وهو كتم ضحكه ولسه هيقوم لقاها فتحت الباب تاني وقالت:ليل انت نمت...
مردش وهي قالت بخوف: الدنيا ضلمه والدنيا كدا شكلها هتشتي وانا خايفه فهنام جمبك برضو بس ده ميمنعش اني زعلانه بردو... وراحت نامت جمبه وحطت مخده في النص ما بينهم... كتم ضحكه وقال في نفسه: متجوز مجنونه...
شال المخده وشدها ليه
سلمى بغيظ: ابعد يا ليل..
ليل: نامي يا حبيبتي نامي ربنا يهديكي وبطلي فرك في السرير يلا نامي
سلمى: طب ابعد بس كدا عشان مضربكش ضربه في مقتل...
لفها ليه وقال: طب جربي كدا
بلعت ريقها بتوتر وقالت: طب خلاص يا عم هنام اهه...
غمضت عنيها وهو كتم ضحكه وحضنها ونام...
في بيت سليم...
في اوضه حازم ويوسف تحديدا في البلكونه...
كان واقف يوسف وهو بيبص على شوق اللي واقفه في البلكونه وبتبص على شروق الشمس
يوسف: مالك شوق
بصت فوق وقالت؛ مفيش يا يوسف الثناويه وحشه اوي وانا تعبت...
يوسف: متخافيش يا شوق انا كنت زيك كدا والحمد لله اهه في الكليه اللي عاوزها...
شوق: يعني انا ممكن ادخل الكليه اللي عوزاها...
ابتسم بحب وقال: ايوة طبعا ثقي في ربنا واللي ربنا كتبه هيكون عارف انها فتره صعبه لكل طالب ثناويه وخصوصا ان امتحاناتك كلها كام شهر بس متخافيش اعملي اللي عليكي وان شاء الله خير...
اتنهدت براحه وقالت: متعرفش كلامك ريحني اد ايه
يوسف بحب: انا جمبك يا حبيبتي...
شوق: انت مش صايم المفروض
يوسف: اه...
شوق: طب ما تتكلمش كدا
يوسف: مالك يا شوق ده انا يوسف.. يوسف اللي كنتي بتنامي في حضنه وبيجبلك الحاجه الحلوة حصل اي ايه اللي غيرك كدا
شوق: انا مش عارفه اقولك ايه بجد يا يوسف بس انت زي اخويا وانا لسه صغيره ولسه قدامي كليه وشغل وهقابل ناس كتير
يوسف بحده: اخوكي؟؟ هو في حد ولا ايه
شوق: لاء طبعا بس انا مش حاسه من نحيتك بحاجه كنا صغيرين ومكناش عارفين بنعمل ايه...
اضايق ودخل الاوضه وسابها وقفه مكانها وابتسمت وقالت: انا اللي عملته صح انا مش بحبه ايوة مش بحبه هو زي دياب وفراس انا مش بحبه...
عند يوسف...
كان واقف وحاسس بالنار من جواه
حازم: مالك
يوسف: هو ممكن فعلا شوق مش بتحبني...
اتنهد وقال: طنط سلمى كان عندها حق صح...
يوسف بحزن: اه.... بس انا بحبها من ساعت ما جت الدنيا...
حازم؛ عارف بس انت فاكر طنط قالتلك اي قالتلك متحبهاش ومتعلقش نفسك لانكم لما تكبروا واحد فيكم اكيد مشاعره هتتغير....
اتنهد بحزن وقال: طب يلا نام عشان عندنا محاضرات بكره..
تاني يوم الصبح..
في شقه ضحى..
كانت قاعده ضحى وسلمى وزهره وليليان...
ضحى: انا عمري ما اخلي بنتي تروق اصلا
انفجرت في الضحك وهي شايفه شوق في المطبخ بتغسل المواعين
سلمى بضحك: واضح واضح...
زهره: وانتي بقى يا سلمى بتخلي ولادك ما يعملوش حاجه..
سلمى: ايوة طبعا دول لسه صغيرين زي بسكوت نواعم كدا ولسه في بدايه شبابهم اجي انا واهلكهم لازم يعيشوا مرتاحين في بيت امهم وابوهم...
رن تليفونها وهي ردت وكان تيام..
سلمى؛ ايه يا قلب امك..
تيام: انا روقت الشقه ومسحتها ولمعتها وخلتهالك على سنجه عشره
سلمى: وتميم عمل الرز
تيام؛ عمل الرز وتايم بيعمل العصاير وهيدخل على السلطه وانا هكمل نشير...
سلمى: تمام يا قلب امك...
قفلت معاه وهما بصولها بصدمه وقالت: في ايه انتي وهي بتبصولي كدا ليه ايوة طبعا مش سلايفي اكيد مش طيقني مت هو ده شغل السلايف..
زهره؛ هو انتي بتعملي اي في ولادك
ليليان: انتي قاسيه كدا ليه
سلمى: ايه يعني مش عشان خليت تميم يعملي الرز والسلطه وتيام يمسح الشقه كلها وتايم يعملي العصاير ويغسل المواعين وفهد يروق الاوض كدا انا مفتريه...
ضحى بصدمه: يخربيتك ياسلمى كل ده وبتهنينهم...
سلمى: في ايه بربي ولادي
ضحكوا وليليان قالت: اومال انتي هتعملي ايه على الفطار مدام ولادك بيعملوا السلطه والرز
سلمى: هسخن الشوربه والفراخ بس...
بصولها بصدمه وهي قالت: في ايه...
ليليان؛ سلمى انتي ناسيه اننا معزومين عندك ولا ايه
سلمى: لاء مش ناسيه اعملوا حسابكم انكم هتغسلوا المواعين قبل ما تمشوا
ضحكوا وضحى مالت على زهره وقالت بهمس: دي لو مرات ابوهم مش هتعمل في عيالها كده
ليليان: براحه على ولادك شويه يا سلمى...
سلمى؛ عادي ولادي وعاجبهم اللي بعمله فيهم واللي مش عاجبه يقولي وانا اكسرله سنانه
ليليان بضحك: هو انتي طريقتك كدا مع ليل
سلمى؛ انتو عاوزين الراجل يطفش ويشوف واحده غيري
قعدوا يضحكوا وقاطع كلامهم تليفونها اللي رن وكان ليل ردت وقالت؛ الو يا حبيبي...
ليل: ايوة يا سمسم هتعوزي حاجه اجبها وانا جاي
سلمى بخضه: ايه انت جاي.. ليه انت جاي ليه اقصد يعني ايه اللي هيجيبك بدري اقصد يعني ده مش معاد رجوعك في حاجه ولا ايه
ضحك وقال بمرح؛ اهدي اهدي يا قلبي انا بس قولت اجي بدري عشان لو محتاجه مساعده في عزونت انهارده وكدا...
سلمى؛ اد ايه انت زوج حنين وطيوب توصل بالسلامه يا روحي...
ليل: يعني مش هتعوزي حاجه
سلمى: اممم بص هتلنا حلويات من العيله بتحبها على زوقك بقى يا ليل
ضحك وقال: من عيون قلب ليل... سلام يا قلبي...
قفلت ونطت برعب وقالت: يلهوي ده هيعلقني لو شاف ولاده كدا
وطلعت تجري وهما بيضحكوا عليها وقبل ما تطلع من البيت قالت:كل واحده تيجي بطبق كنافه او بسبوسه او اي حاجه حلوة ومتدخلوش فاضيين فاهمين اللي هيدخل فاضي هطرده...
ضحكوا وهي طلعت الشقه...
لقت البيت نضيف وتميم وتايم في الطبخ وفهد قاعد في الساله وبيرتب مفارش السفره وراحت البلكونه لقت تيام واقف وهدوم قدامه وكانت هتتكلم سمعته بيقول: ده ايه القمر اللي واقف ده يا ناس عود فرنساوي اصيل اموت انا في الحجات دي اي الحلاوة دي اي العسل ده اي المززه الجامده دي
سلمى: اي يا ابن بطني...
تيام؛ اي الوقاحه دي اي قله الادب دي ينفع البنات تطلع باللبس ده في البلكونه كدا كدا مفيش دين ولا اخلاق اي قله الادب دي...
مسكته من هدومه وقالت؛ انت شكلك فاطر ياض...
تيام؛ لاء والله....
ضحكت وقالت: واد تيام كفايه نشر غسيل يا عين امك تعالى ارتاح...
استغرب وقال: فشتي مش مرتحالك يما...
سلمى: تعالى بس ارتاح...
دخل وقعدته على الكنبه وقالت لفهد: تعالى انت كمانيا حبيبي ارتاح انت ثناويه عامه ومحتاج تذاكر وترتاح وندهت على تايم وقالت؛ حبيب ماما تعالى يا روحي ارتاح انت تعبت انهارده...
جه تايم وبصلها برفع حاجب وقال: ليه يا ماما انا عاوزه اساعدك
سلمى: وانا مش عوزاك تساعدني بس عوزاك ترتاح خالص اقعد جمب اخواتك يلا....
قعدوا الاربعه جمب بعض وبصولها بصدمه من تغيرها المفاجأ وراحت جابت طبق كبير فيه ميه وقماشه وبلتها بالميه وبدأت تمسح الارض بعد ما شالت السجاد...
همس تميم ل تيام: امك ملها ياض..
تيام؛ والله ما اعرف هي نزلت من عند طنط ضحى لقتها بتعاملنا حلو
بعد وقت...
فتح ليل الباب ودخل وبصلها بصدمه وهو شايفها بتمسح البلاط
جري عليها وقال: ايه ده يا سلمى... بتمسحي الارض وموطيه كدا ليه مش عندك مساحه عشان تمسحي بيها ضهرك كده يوجعك
اتعدلت وقالت بدموع مصطنعه ودلع: اتكسرت يا حبيبي اتفضل...
ليل بضيق: طب ماقولتليش ليه وانا اجبلك غيرها يا حبيبتي او كنت جبت شغاله تعمل شغل البيت بدل ماتتعبي نفسك كده
سلمى: الحمد لله يا ليل انا راضيه انت عندك اربع شباب وواحد ثناويه عامه وبتدفعله شيء وشويات والاربعه هيكبروا ويتجوزوا ومحتاجين مصاريف كفايه تبذير يا ليل احنا لازم نحوش قرشين للزمن..
بصلها بغيظ ومسكها من هدومها وقال: هو انتي متجوزه شحات احنا الحمدلله عندنا شركه في مصر وشركه بره مصر و... سكت وقال: والحمد لله مقتدر واقدر اصرف عليكم واجهز عشرين مش اربعه واقدر اجبلك شغاله...
سلمى بتوتر: اي يا لولي مالك كدا قفوش ليه... هيبتي كأم قدام الولاد يا ليل وبعدين انا بعمل كل ده لمصلحتك...
سابها وابتسم وبص لولاده بشر وقال: سايبين امكم تعمل لوحدها ومش بتسعدوها ليه
بصوا لبعض بصدمه وكانوا هيتكلموا لكنهم اتصدموا منها لما جريت على ليل وعيطت في حضنه وقالت؛ شوفت يا ليل ولادك عملوا فيا ايه اقولهم اعملوا معايا سعدوني انا تعبانه مش قادره يقولولي مش قادر ومش عامل وانا يا حبت عيني مش عارفه اخد معاهم لا حقوولا باطل وعشان العزومه بعمل وانت ساكته شوفت مراتك اتمرمتت ازاي بس عادي مش مهم حبايب قلب مامي من جوا انا مادام عايشه لازم اهنيهم
ليل بحب: ربنا يخليكي لينا يا قلب ليل ويديمك في حياتنا... وبص لولاده بشر وقال: قوم انت وهو ورجع السجاجيد دي مكامها وامسحوا ونضفوا عشان العزومه... بصوله بصدمه ومكنش حد فيهم عارف يكلم من نظراتها اللي ارعبتهم وبصت ل ليل وقالت: الدنيا نضيفه يا حبيب قلبي خليهم يريحوا شويه
ليل بحده؛ قوم ياض انت وهو روق.. قاموا وبصولها بنظره مرعبه مسكت في ليل وقالت؛ حبيبي ربنا يخليك ليا....
كانوا متبعنهم وليل قال: افرد السجاده يلا يا فهد وانت وهو اعملوا العصاير... شلها ودخل بيها الاوضه وسابوا الشباب في صدمتهم من اللي حصل...
تميم؛ انت فاهم حاجه
فهد: لاء
تيام؛ ليه حق بابا يا تثبت انا نفسي اتثبت....
تايم: طب يلا عشان ده هيعلقناا... بدأوا يعملوا وهما الاربعه بيفكروا في مقلب ليها...
في الاوضه...
نزلها على السرير وقال: اكيد تعبانه صح
سلمى بتعب مصطنع: اه وتعبانه اوي كمان... نزلت دموعها بتمثيل وهو مسح دموعها وقال: اهدي يا حبيبتي اهدي بس بتعيطي ليه جسمك وجعك اوي كده
سلمى بتمثيل: اه اوي يا ليل من ساعت ما كنت صاحيه معاك قبل ما تنزل وانا مقعدتش على رجلي وعماله اروق من سعتها واطبخ وانضف
طبطب عليها بحنان وقال: طب حقك عليا انت اسف
سلمى بتمثيل: وانت عملت ايه يعني انت ذنبك ايه
باس دماغها وقال: حتى لو معملتش حاجه بردو انا اسف... بصتله بهيام وقالت بحب: اد ايه انت زوج حنين رربنا يخليك ليا وميحرمنيش منك ابدا يا ليل...
ابتسم بحب وقال: ويخليكي ليا يا عيون ليل... هغير هدومي وهطلع اساعدك في الاكل اي رأيك
ابتسمت وقالت؛ ماشي... كانت هتطلع مسك اديها وقال: عبايه حلوة كدا وتبقى واسعه عشان معلقكيش
ضحكت وقالت؛ حاضر...
سبها وهي طلعت وراحت المطبخ ولقت ولادها الاربعه واقفين قدامها
سلمى: في ايه
سقف تميم وقال: لاء بجد شابوه يا سلمى
سلمى: بس اي رأيك انفع ممثله صح
فهد: الا ممثله ده انتي تاخدي الاوسكار في التمثيل
تيام: ثبتي الراجل وضحكتي عليه مش كده
مردتش وتايم قال: انا لو مكان ليل اتثبت ده كفايه لولي اللي بتقولها
بصتله وقالت: انت اتعديت من اصدقاء السوء دول لاء انا عاوزه ابني الكيوت فلذه كبدي
تميم: لو تعرفي امنا فين قوللنا.. اكيد اتبدلنا في المطار
ضحكت بمرح وقالت؛ انتو عندكم شك اني مش امكم ده كفايه تفاهتكم
كلهم في نفس واحد: عندك حق..
سلمى: وبعدين انتو هتتبدلوا ازاي وانتو اتولتوا في ام الطياره الفقر دي...
ضحكوا وسمعت اذان العصر وقالت: كله يروح يصلي ويقعد يذاكر واللي هيسيب كتابه وهضربه بالشبشب لحد ما اورمله جسمه...
جريوا على الحمام وحست ب ليل وراها ابتسمت وقالت؛ حبيبي...
ليل؛ ايه يا قلبي... لفت ليه وقالت: تليغونك فين
ليل: اشمعنى
سلمى: كدا هاتوا بس...
اداهولها وكتبت الباسورد مرداش يفتح بصتله بغيظ وقالت: غيرت الباسورد يعني اممم بتكلم مين بقى.. الباسورد ايه
ليل:اكتبي اسمك...
زغرطت وهو اتصدم وهي قالت؛ وربنا لأزغرطلك بكذا لغه...
ضحك وقال: في ايه المفروض تبقي متوقعه ان الباسورد حاجه تخصك
فتحته وقعدت تقلب في التليفون ملفتش حاجه بصتله وهو واقف بهدوء وقالت: يعني مش بتخوني
ليل بحب: انا عمري ما فكرت اخونك في عقلي هخونك في الواقع انا مبحبش حد غيرك انتي وانتي واثقه ومتأكده من كده صح ولا لاء
سلمى: صح... صرخت وبدات تعيط بسبب....
يتبع...