"جابك الله في زحام العمر صدفة "

80

~~~ في بيت ابومحمد ~~~
ابومحمد : عرسك بعد العيد وطرق يطرق خشمك وش قلت
عبدالرحمن : وليه بعد العيد يايبه ليه عطني سبب مانت قادر تقوم العرس ولا وش السالفه
ابومحمد : ولا هو عيد الفطر عيد الاضحى بعد واخوك محمد بنحط عرسه قبلك غير هالكلام ماعندي
عبدالرحمن : بس اخوي محمد هذا عرسه الثاني وبدال ماتحط له عرس حط لي انا صح ولالا يايمه قولي شى
ام محمد : والله الي غصبنا ناخذ البنت الي يبيها غصب عنه يمشي وراء كلامنا
عبدالرحمن : اي قولو كذا قولو من الاخر انكم تبون تطفشون ابوها ويكنسل كل هذا الحين بالله يايبه لو سالك ابوها متى العرس وش عذرك ؟ بتقول والله مانبي البنت عشان كذا ناخر
ابومحمد : ذا الهرج بيني وبين ابوها انت لاتتدخل وعرسك عالسنه الجديده ومابي كلام زياده ويله ورني عرض اكتافك
عبدالرحمن : والله يايبه ماتشوف وجهي انت وامي دام هذا كلامك
ابومحمد : اي عاد ان طولت غيبتك طلقتها ترا اقدر
عبدالرحمن : حتى هالعرس طلع من نفسي بتكنسلون كنسلو مايهمني
ام محمد : اي كيفك عاد ان اعرست على غيرك
عبدالرحمن : لو يهمتس ماسكتي على كلام ابوي
ابومحمد : شوي شوي عالباب عجزنا واحنا نراعي خاطره ماهو بزر هو
~~~ فالشارع ~~~
عبدالرحمن : الله يلعنها حاله وامحق عرس وامحق حب لاعادت
محمد : ارحب يالعريس
عبدالرحمن : رح من وجهي محمد تكفى
محمد : وش سالفته هيه شفيك
عبدالرحمن : بجن من امك وابوك ماعاد اتحملهم ابددد وقل لهم اني رايح لو بقلايع وادرين المهم ماشوفهم والله مارجع
محمد : تستهبل ياابزر وعرسك الي اشغلتنا فيه
عبدالرحمن : خلاص ماعاد ابي ياخوي طلعوها من خشمييييي هالسالفه
محمد : شفيه ذا يزابد يبه يمه
ام محمد : ها انت شعندك بعد من علم
محمد : وشفيه دحيم طالع زعلان
ابومحمد : بسالفته عرسه
محمد : ووش صاير بعد هالعرس الي ماظنتي بيتم
ابومحمد : وانت قلتها ابدق على ابوها وينتهي كل شى ومانبي يرجعون المهر حتى
محمد : لا يابومحمد وش هالكلام هذا زواج ماهو تحدي ودحيم يبيها ويحبها
ام محمد : تجي بنت ثانيه تنسيه هالحب
محمد : الحين وش الي ماتفقتو عليه ليه فجاه تغير رايكم
ابومحمد : ابحط عرسك قبله وعيا هذا كلام ينقال بالعكس المفروض يقول ابد اخوي الكبير وله حق عيب نحط عرس الصغير قبل الكبير
محمد : وليه عيب يبه اذا انا راضي وبعدين يالغالي هذا ماهو زواجي الاول هذا زواجي الثاني ومامن عرس لي عائلي البنت ماعندها جماعه الا قليل اقارب بس واحنا بعد صح ولالا ياام محمد لاتخربون فرحه دحيم انا في وجههكم وانا راضي ينحط عرسه قبلي ويروح شهر العسل واذا رجع احط عرسي
ابومحمد : وابو حرمتك يبي يسافر للجنوب ونبي نحط العرس قبل يمشي وش تبيني اسوي اقسم نفسي نصيين
محمد : خل عمي علي انا اتفاهم معه لو يبي العرس يصير بالجنوب انا راضي اروح هناك لو لحالي وش تبي غير كذا يايبه انا مابي عرس واغاني ورقص بس والله عشان خاطر البنت انها فرحتها الاولى
ام محمد : قل اسمها ليه ماتقوله بتكون ام سالم
محمد : ام سالم ماتت ومحد جاي مثلها ولا بيكون مكانها فانا يايبه ويايمه من الاخر مانيب حاط عرس الا عبدالرحمن معرس وانا بكلمه وبرجعه وبهدي الامور واتفقو على تاريخ العرس وعطو اهل البنت خبر والله هالعناد مامنه فايده يالغاليين
ابومحمد : حتى ولو يصارخ بوجيهنا ليه نربي ونكبر والكلام الزين للحرمه
محمد : اي بذي غلطان وبجيبه يعتذر وطرق على خشمه وعليه غسيل الموعين بعد شتبون اكثر
ام محمد : اهم شى يرجع للبيت ولا عادت من حب
محمد : على هالخشم بروح اجيب سالم من المدرسه وبجيب غداء لاتتعبين نفستس يالغاليه اليوم
ابومحمد : يله لاتتاخر عليه
محمد : ابشر طال عمرك
~~~ في مجلس الرجال بيت ابوفهد ~~~
سياف : اقول متى ناوي تعرس من الاخر
هايل : تصدق بقى انت ماسالتني هالسوال
سياف : ودام اني سالتك اياه عطني الجواب
هايل : والله انت المفروض اكثر واحد تعرف الجواب
سياف : اعرفه ومانيب مقتنع حاول تغيره عشان تقنعنا
هايل : خلني اقنع نفسي بالاول ياخوي
سياف : يعني انت فعلا الموضوع ماهو موضوع انك للحين تحبها وبتنتظرها
هايل : تهقى والله اني محتار حتى بشعوري
سياف : هذا ماهو حب ياهايل الحب يجي بعد العشره والعيشه السوا عالاقل كل هذولي مافيه عالاقل مواقف حلوه وقفه قويه موقف يخليك حاطه عذر وجدار انها مااخطت
هايل : فيه مواقف حلوه وحب حلوو بس عذر والخطا
سياف : العذر والخطا مايستبيح عند الحبيب اذا كان متعمد ياهايل وانت فالغيبوبه تهاوش معها عزام وهذي اول مره اقولها لك او نقولها كلنا لك عاتبها وقال انتي السبب وابعدي عنه ومن هالكلام تدري وش ردت ؟
هايل : وش مابقى شى يتخبى
سياف : قالت مايرجع على زواعه الا الكلب هذا شغلي وطلعت وازيدك بعد من الشعر بيت سمع اذن دحيم كانت تكلم خويتها وتقول انها بقايا شعوور الي تمر فيه الحين هي وان كل حبها لك كان وهم ماهو حب وهي شافت الحب الحقيقي مع زوجها ووش قالت لك اول ماقمت ؟ قالت شف حياتك انا مبسوطه بحياتي وحامل باركلي هذا هرج محبوب ولا هرج واحد يحاول يطفشك ؟ 
هايل : طيب انا حبيتها حبي ماكان وهم ولا مشاعري بقايا انا حبيتها ياسياف ومستعد اضحي بنفسي عشانها
سياف : كفيت ووفيت وبينت ولازلت تبي تبين ياهايل هي تحب زوجها وهذولي هم ينتظرون ولدهم او بنتهم تتوقع بتترك زوجها الي احتواها من ابوها وزوجه ابوها وبتجيك ؟ واحنا وابوها مغير مشاكل وزادها زامل وطلق بنتهم منطق ياهايل ماهي عيشه ذي ولا حب هذي سخافه ومانت محدد مشاعرك وشعورك تايهه ومتشتت انا ماقول تزوج ولا بيوم بجي وبقول تزوج عشان زوجتك تعوضك حبك وتنساها لا انا حبيت ياهايل وتذكر وش صار وتذكر شلون ضاعت البنت الي حبيتها من يدي تدمرت نفسيتي وتعبت وتغيرت ١٨٠ درجه وكلها انت تدري بها وكنت معي وانا غلطت غلطه مارح اخليك تغلطها انا تزوجت شهد لاجل ان ابوي وامي حطو براسي ان زوجتك بتعوضك عن الي تحبها فالبدايه يوه ياضميري عالبنت كنت شوي ووبقول لها اني اخذتتس عشان انسى حبيبتي بس شفت لا والله البنت فعلا عوضتني فعلا نستني خلتني اعرف ان مشاعري الاولى كانت فتره وفعلا قدرت انسى يعني حبيبتك ذي فعلا تخطتك وقدرت تنسى وزوجها عوضها
هايل : لاتخليني افقد الامل انا في وجهك
سياف : رح تتفاجئ مع الوقت ان محاولاتك سرابب وقل سياف ماقال بذكرك ياهايل
هايل : طيب وش اسوي برايك
سياف : انساها نقطه وانتهى
هايل : يعني معقوله انسى الحب والمواقف الحلوه والمشاعر الحلوه
سياف : اي رح تنساها ربي بيعوضك مثل ماعوضها ليه مانت راضي لهالشي
هايل : مابي اظلم بنت الناس معي عايش معها بس عقلي مع غيرها
سياف : عشان كذا انسى حبيبتك تماما ثم تزوج بنات الناس ماهم لعبه مع اني متاكد انك لو اعرست رح تنسى طوايفها
هايل : ذا حب ياسياف ماهي سوالف مراهقه
سياف : بذكرك
~~~ بغرفه فرح وندى ~~~
فرح : بسم الله وش فيتس شهد لونتتس منخطف
شهد : بنهار بنهار سمعت كل شى سمعتت
رغد : بسم الله عليك اقعدي واهدي
ندى : وش سمعتي لاتخرعينا
شهد : سوال واحد وجاوبوني بكل ذمه سياف قبل يتزوجني كان يحب ؟
فرح : وش جاب سوالف مراهقته عندتس
شهد : يعني اي كان يحب وخذاني عشان يتخطاها
ندى : دامتس عارفه ليه تسالين
شهد : ممكن تكونين برا الموضوع انتي وتخلين قله الادب
ندى : والله عاد مو عاجبتس اطلعي من الغرفه وروحي اسالي زوجتس
فرح : خلاص ندى خلاص شهد اي كان يحب وحده
شهد : وليه ماتزوجها علميني كل شى
فرح : من عيوني بس قبل كل شى اهدي سياف يبيتس ويحبتس ومارح يقدر يعيش بدونتس ومتاكده سمعتي هالكلام منه بس هذي لحظه غضب
شهد : تكلمي فرح الله يخليتس تكلمي
فرح : طيب كانت البنت يتيمه عايشه عند عمها وزوجه عمها تعرف عليها من بيتنا الي فالمزرعه كنا ساكنين فيه قبل تطلع لنا ارض هالبيت كانو جيراننا وتروح تحلب وترعى خرفان عمها وشافها سياف وعجبته يعني حبو بعض وهم يرعون الغنم وظل بينهم رسايل وانا وندى حمام زاجل بينهم وبس
شهد : وش اسمها وكم عمرها وليه ماتزوجها سياف وكم كان عمر سياف
فرح : تحقيق خلاص لاتعصبين بتكلم اسمها لينا وكان وقتها عمرها يمكن ١٦ وسياف ١٧ يتيمه وعايشه مع عمها وزوجته ليش ماتزوجها سياف ذي سالفه طويله
شهد : كملي كملي ليه
فرح : انا اقولتس هذا ياطويله العمر كان سياف مثل ماقلت عمره ١٧ ووقتها كنا بالمزرعه عايشين حبها اربع سنين ووقتها جاء لابوي شغل فالرياض وخذانا وهناك طولنا حييل قبلها هو وعدها انه بيرجع وبيخطبها رحنا للرياض وهي عمرها ١٩ وهو ٢٠ وطولنا هناك وسياف بكل مره يفتح الموضوع ابوي يسكره ورجعنا من الرياض وكان عمر سياف ٢٣ يعني مرت ٣ سنين لا خطب ولا حجزها حتى ولما رجعنا للمزرعه اكتشفنا ان عمها باع مزرعته لابوخالد زوج عمتي ومافيه اي خبر او اي اتصال عنها من كان عمره ٢٠ الى الحين مرت ٧ سنين تقريبا او ٨ بس كان يحبها من عمره ١٧ الين قبل ياخذتس
شهد : مو كان عمها جار عمي ؟ ليه مااخذ رقمه
رغد : بنهار وش هالقصه الحزينه
فرح : لا وقتها كان تلفون بيت مامع ابوي جوال
رغد : وطيب زوج عمتك ابوخالد مامعه رقمه
فرح : لا اقولتس تلفون بيت ثابت
ندى : بس كانت مزه
شهد : وانا اشوفه يقول اذا جبتي بنت سميها لينا واقول من وين جاب الاسم اهخ ياحسره عمري
رغد : بالنهايه من زوجته ؟ انتي خلاص لاتكبرينها وتخربين بيتتس
شهد : حتى ولو للحين يذكرها ويوم تكلم عنها عند اخوه جته غصه بس قال انه نساها واني فعلا عوضته
فرح : شايفه الحب لتس
ندى : عاد والله ياشهد كان يموت فيها يسرق من البقاله عشان يعطيها كان شخصيه ثانيه هالهادي الي تشوفينه
شهد : الحين شسوي اقوله له واتهاوش معه ولا وش اسوي
رغد : مايحتاج لاتخلينه يقول كلمه تضايقتس زياده خلاص انسي الموضوع
شهد : وان رجعت مثل حبيبه فهد شسوي بنفسي
فرح : لو تبي ترجع رجعت قبل هالسنين كلها تمر وبعدين عمها كان قاسي شوي وكلما تكلمو بموضوع الزواج قال البنت لولد عمها
شهد : مغبونه مغبونه من وين طلع لي بهالموضوع
رغد : يابنت الحلال تصير انتي بعد يمكن كنتي تحبين
شهد : كنت احبه هو لاعادت من حب
فرح : لا لا ياام هايل لايسمعتس سياف
شهد : مايهم والله مااسمي لينا لو ايش اوريه
رغد : كفوو
شهد : بجيب فراشي انا وولدي عندكم
ندى : ناقصيين يكفي عزيز
فرح : غرفه امه لاتنسين
رغد : لا اجل شكلي مضايقتهم
ندى : يضايقني جدار ولا انتي اتمنى لو اني ماتزوج عشان اتكي معتس
رغد : ادعم اقعدي
فرح : بنت لاتلعبين براسها اهجدو
رغد : اختتس فرح فوق جمالها عندها فصاحه بالكلام وكل شى تهبل تهبل محظوظ ابوتميم
فرح : اي حبيبتي هذا كله كلام بكرا لاكبرت هالندى بتقول ليتني تزوجت وانتي بعد
رغد : انا شكووو هلا هلا بشهد عطيني هايل
شهد : اوريك ياسياف
رغد : اول مره اشوف وحده معصبه كيوت
شهد : الي فيني مكفيني يارغد لاتتغزلين
رغد : من عينيا
~~~ في حوش بيت ابوفهد ~~~
ابوفهد : شايب انت تشرب شاهي الظهر وقاعد تحت الشمس
هايل : قاعد اخطط يابوفهد
ابوفهد : متى تعقل وتقول لي يبه وش تفكر فيه يالمهندس
هايل : افكر احط هنا كرسي وطاوله ومظله بكرا تصير من التحف القديمة
ابوفهد : ناقص نخليك تتحنط فيها تصير متحف اثري فكر بدراستك بس
هايل : على هالخشم شى ثاني
ابوفهد : واعرس
هايل : يازين شرب الشاهي ومقابل محبوبي
ابوفهد : الله يرفع عنك
هايل : يقول يابوفهد وانت الجليس الي لو اتكي معه
على اطراف الرصيف غدت روحي بعد الصحاري بساتين ورد
ابوفهد : صب صب لي شاهي وعطني المركى
هايل : ماودك بقصيده ثانيه
ابوفهد : عطني الله يشغلك
هايل : يقول انا عونك وانا كتفك وانا مركاك
وانا لك في مجالس الضيق سبحه يمناك
ابوفهد : ههههههههه صح لسانك جازت لي ذي
هايل : صح بدنك تعليمك
ابوفهد : جب لي شابوره شكلهم مطولين بالغداء
هايل : على هالخشم
ابوفهد : الله يعوضك ياولدي ويعطيك حتى يرضيك دحيم وش جابك هنا وعرسك بعد كم يوم جاي تتشمس
عبدالرحمن : هي باقي فيها زواج ياعمي قسم بالله طلع من عيني
ابوفهد : وش صاير امش اقعد وتكلم مثل الرجال وش سالفتك
عبدالرحمن : ابوي وامي يبون يحطون عرس اخوي محمد قبلي
ابوفهد : ووين المشكله
عبدالرحمن : ياعمي ماهو صيدهم انه اخوي الكبير هم يبون يطفشون البنت وابوها
ابوفهد : لا يابن الحلال ابوك منبسط يوم تملكت وبعدين خلاص البنت زوجتك لو تروح لحالك وتدخل عليها مامن مشكله
عبدالرحمن : اي بس منطق ياعمي محمد اخوي ذا زواجه الثاني وانا موضوعي ماهو حقد مابيه يعرس ولا يفرح بالعكس ودي اليوم قبل بكره عرسه وقلت لابوي خلاص حطه بعد اسبوع عرسه وانا اسبوعين قال تكاليف وليه وعرسك بيصير اخر السنه ذا ماهو تطفيش ياعمي ولالا
هايل : دحيم بسم الله متى رسبنت هنا
ابوفهد : صب صب له ماء اسمعني ياولدي الحق معك موضوع المماطله ذا مايصلح بس يمكن ودهم محمد يفرح ويحاول ينسى الي عاشه
عبدالرحمن : وانا بالطقاق اتحمل وتروح من يدي البنت انا ماهمهم محمد لا لازم نعدل نفسيته ونزوجه ونهتم بولده حتى ياعمي يوم كان بيعرس عرسه الاول حاطين له شقه بس زوجته رفضت وانا يقولون لي لا تعيش عندنا بغرفتك بعد بدون اثاث جديد ولا شى عشان البنت ماتاخذ عقلك وتنسانا هذا كلام ياعمي بالله عليك
ابوفهد : حقهم انت ولدهم يادحيم من حقهم يخافون عليك هم مايعرفون البنت كثر معرفتك انت فيها فانت احسن التصرف معهم عشان يتقبلون حرمتك صح ولالا الكلام
عبدالرحمن : صح
ابوفهد : انا اكلم ابوك وافهم منه ومتاكد ياولدي ان اخوك محمد لو عرف بيزعل ورح يبديك عليه ف صر انت احسن وخله يعرس ولو تقول للبنت بتقول لاتصير خسيس وخل اخوك قبلك محد طاير البنت زوجتك خلاص بس عشان حفله وبشت قلت بيطفشون ماهو كلام ذا انا عارف انك خايف بس لو البنت تبيك وتحبك مثل ماانت تحبها بتنتظر ماتروح تتزوج وتسحب على كل هالحب
سياف : صح لسانك يبه ذا الكلام الصح
ابوفهد : مثل ماوعدتك اترك هالموضوع علي وانبسط ياعريس
عبدالرحمن : الله يخليك لي ياعمي
ابوفهد : فك الشابوره لي وانت شعندك سياف جاي والضحكه بوجهك
سياف : جاني القبول بالوظيفه يبه بباشر الاحد
ابوفهد : والله الف مبروك ياولدي الف مبروك
سياف : الله يبارك فيك
هايل : مبروك يابوهايل
ابوفهد : ايه والشقه عساها خلصت
سياف : خالصه وتنتظرنا
ابوفهد : الله يبارك لك في وظيفتك وبيتك وعقبال القصر والترقيه
سياف : امين يارب بشرت امي والحين بشرتك ببشر ام هايل
عبدالرحمن : مبروك يالنسيب
سياف : الله يبارك فيك
ابوفهد : هايل دق دق على فهد وينه ماله حس وزامل بعد
هايل : ابشر الو فهد ابوي بيكلمك
فهد : سم يبه
ابوفهد : شصار
فهد : ابد امس كان عرس زامل ودخلته على زوجته وانا انتظر امور الطلاق تخلص واجيكم
ابوفهد : ليه مادق علينا يعلمنا هالخسيس
فهد : عريس لاتلومه
ابوفهد : وانت وش صار بموضوع طلاقك وش بقى لك
فهد : يحاولون صلح لان رافضين الطلاق ورح يعتبر خلع
ابوفهد : اهم شى تفتك منها
فهد : معليك بخلص اموري وامر بيت عمتي جهير واجي
ابوفهد : وش عندك هناك
فهد : ابشوف ولدي
ابوفهد : ايه زين زين سوو كبنششر له
فهد : هههههههه ابشر يبه
هايل : اسمه كابتشر يبه
ابوفهد : الي هو عاد خلاص يله قفل بوجهه
هايل : ههههههههه يله دزها يافهد
عبدالرحمن : السموحه ياعم قلطت عليكم
ابوفهد : ماهي اول مره قبلك عندنا اصلا هايل قم قل لاهلك يحسبون حسابه بالغداء ويحطون غدانا هنا
هايل : جازت لك قعدتي
ابوفهد : رح اخلص رح
هايل : ابشر
~~~ فالمطبخ ~~~
رغد : والله ياخاله ذا الي صار الله يصلحها سحبت فراشها وقعدت عندنا فالغرفه
ام فهد : وش جاب هالطاري يتكلم فيه سياف ويسمعها
ام رغد : يابنت الحلال يسولف على اخوهه مادرى انها سمعت
رغد : بس بيني وبينكم والله قصتهم حزينه ياخاله ليه ماخذاها
ام فهد : النصيب يابنتي وانا سمعت انها تزوجت وجابت عيال ماشاء الله وعايشه فالجنوب
رغد : من وين سمعتي ياخاله
ام فهد : زوجه عمها من زمان دقت على جهير تقول انها للحين حافظه رقم جوال الثابت وجهير للحين رقمها على ماهو عليه ماغيرته ودقيت عليها وعلمتها وش صار ويعني
رغد : من اخذت طيب
ام فهد : ولد عمها عمها شديد من هالناحيه تزوجت وهي عمرها ١٩ بس عندها ورث ويقولون عمها وده فيه ف زوجها وهي صغيره
ام رغد : هي كم عمرها يوم عرفت ولدتتس
ام فهد : اتوقع ١٧
رغد : لا فرح تقول ١٦
ام فهد : اي مابينهم شى ويعني يمكن انتظرت سياف يخطبها هالاربع سنين بس عمها من زمان معيي تاخذ واحد من برا جماعتهم
رغد : كل ذا عشان الورث
هايل : يمه يمه
ام فهد : ها ها لاتدخل بنت خالتك فيه
هايل : طيب ابوي يقول احسبو حساب عبدالرحمن فالغداء
ام فهد : عبدالرحمن من
هايل : ولد عمي ابومحمد
ام فهد : دقيقه ابطلع لك وش عنده جاي عبدالرحمن عسى ماشر
هايل : زعلان من امه وابوه عشانهم بيحطون عرس محمد قبله يحسبهم يبون يطفشون ابوالبنت والبنت
ام فهد : الله يصلح عمه وابوه على هالتفكير
هايل : الله يهدي النفوس يام فهد
ام فهد : خلاص بحسب حسابه ولاتنسى رح للبقاله جب لبن وببس
هايل : ابشري
ام رغد : وش يبي ولدتس
ام فهد : ولد عمه جاي ويبون نحسب حسابه عاد ماياكل تقل طير
ام رغد : ليه وش عنده ماهو الي حضرنا ملكته فالرياض
ام فهد : اي هو بس امه وابوه مجننيه
ام رغد : والله كنت حاسه ان امه ماتبي البنت واضح عليها
رغد : عاد والله فاتن تجنن مدري ليه خايفين منها
ام فهد : ام محمد كذا لو عليها مااعرسو عليها طلعت قرون براس هدى زوجه ولدها محمد الاولى الله يرحمها
ام رغد : ليه ماتت وش السبب
ام فهد : سرطان جابت له سالم بس وهذا هن بيتزوج الثانيه بنت ابوسامي
رغد : معليش بس دامها كذا خلاص لاتزوجهم
ام فهد : فيها شوفه نفس الله يصلحها وحتى يوم خطبنا شهد لسياف ماكانت راضيه مرهه يعنني ماهو من المقام
ام رغد : عشتو الله يرحم زمان يون كلهم عايشين على راتب زوجتتس ياوخيتي
ام فهد : اخوان مابينهم هالمواضيع الخطا عالحريم انا يوم جهير خطبت فرح هللت ورحبت فيها ولا قلت لا مقام ولا تشرطت ونفس الشى مع ام عزام الشور للبنات انا ليه اتدخل
ام رغد : اي صادقه احفري الكوسه زين رغد واحشيها زين لا يطلع منها الرزوقصري عالمرق
رغد : ابشري يمه
ام رغد : انا اخبر ان يوم انتم خطتو شهد لسياف هم خطبو ندى لعبدالرحمن
ام فهد : لا هذا فهد وفرح خطبنا زينب وقال مااعطيك زينب الا تعطيني فرح
ام رغد : استغربت وافقتو تزوجون الصغيره قبل الكبيره
ام فهد : والله مانيب راضيه انا اعرف ابوخالد فيه بعد شوفه نفس ولا يعجبه العجب بس قال كذا يبي يعجز ابوفهد بس صدفه رضت ندى تتزوج فرح قبلها وصار الي صار
ام رغد : يله يابنت الحلال تعوضت فرح بابوتميم الا هو وش اسمه
ام فهد : ههههههههه اسمه صالح
ام رغد : والله لو علي لاخذ فرح لولدي غيث بس قدنها اعرست قبل حتى اني زعلت عليتس ولا حضرت العرس
ام فهد : والله اني كنت رافضه وفهد رافض بس شسوي تعرفين ابوفهد
رغد : طيب الحين ياخاله ام فهد فهد من متزوج
ام فهد : تزوجت زينب وجابت له ولد وبعدين تزوج هيام وبيطلقها
رغد : يعني هو مايبي زينب يبي هيام
ام فهد : ايه والحين اعرفه بيحاول يرجعها بس على كلامها انها بتتزوج سلطان
ام رغد : ومن ذا سلطان بعد ياكثر قرايبهم
ام فهد : لا مايقرب لابو فهد واخوانه هو تاجر ماشاء الله وصديق ابوخالد وسلمى تخبرينها بس ابوعزام عم عيالي زوجها كان بياخذ بنت هالرجال بس رفضه لاجل انه على قد حاله واخر شى خطب زينب لولده
رغد : الحين سوال ياخاله لي ماتقولين بدال ابوفهد زوجي
ام رغد : يوهه تستحي وخيتي ماهي مثلكم يا هالجيل عوب
رغد : والله مدري يام غيث بس الي اذكره انتس ماقد قلتي لابوي الله يرحمه يابوغيث دايم تدلعينه
ام فهد : ههههههههه فضحتتس
ام رغد : قومي قومي جيبي القدر
رغد : الحين من اقترح نسوي محاشي
ام فهد : انا اشتهيتها
رغد : اي عاد طلباتتس اوامر ياخاله وياامي
ام فهد : والله بجيتكم ذي وسعتو صدري ياوخيتي لي فتره لا طلعت ولا عندي جيران ولا شى ضايق صدري
ام رغد : عاد اذكر اجيتس عشان جاراتس وين راحو
ام فهد : كل وحده بديره محد يقعد بالقريه غيرنا
ام رغد : حتى الحاره الثانيه
ام فهد : اي تذكرين خويتنا ذيك اهخ الله يذكرها بالخير
رغد : من هي علموني ها هذا القدر
ام رغد : هذا يابنيتي كنا ساكنين احنا فالقريه بعد ومابعد تزوجنا وكانت بنت جيراننا صديقتنا يعني بيتهم قريب الحاره الثانيه بس كنا نعتبر انفسنا جيران معنا بكل شى ومونستنا وامها سنعه تخيط وتطرز لنا فساتين تزوجت ام فهد والي خيط فستان عرسها ام خويتنا ذي وخالتتس كانت بتزوجها من كان ابوعزام ولا ابومحمد
ام فهد : ههههههههه ابوعزام ماكنت بخطبها هو كان يبيها وقال لابوفهد يقول لي اخطبها جهير كانت صغيره واختهم الكبيره كانت متزوجه صقر
رغد : دقيقه صقر من هم عندهم عمه غير جهير
ام فهد : ايه ام البنت الي كان يحبها هايل ميهاف
ام رغد : يعني ميهاف ذي الي يحبها هايل الي شفناها فالملكه حقت دحيم تقرب لكم
ام فهد : اي هايل يقول لها يابنت عمتي وهي تقول ياولد خالي بس ماعرفو الا عقب
ام رغد : المهم ويوم خطبتها ام فهد لابوعزام صارت المشاكل بين الحارتيين وصارو يضغطون على اهلها ترفض ومن هالكلام ورفضت وابوها زوجها لواحد من حارتهم وماعاد قدرنا نشوفها مم ذاك اليوم الى يومنا ذا ماندري وش حالها
ام فهد : ماتوقع للحين بالقريه عايشين لان امها ماتت وكان معلمتها الخياطه والاكيد راحت لمنطقه ثانيه عشان تترزق زوجها على قد الحال وجني مغير يطقها
رغد : الحين وش سبب هوشه هالحارتين
ام فهد : حارتنا يسمونها حاره ابوفهد وحارتهم حاره ابوخلف ابو ابوفهد وابو ابوخلف كانو اصدقاء يوم كانو شباب شفتو صداقه هايل ودحيم نفسها واكثر وكانت ام ابوفهد جارتهم بعد ابو ابوخلف حبها وقال لابو ابوفهد انه يحبها ويبيها وبيتوظف عشان يخطبها وانبسط له ابو ابوفهد وكل شى حلو الين شافها بالصدفه تطلع الزباله وانتم بكرامه وخلاص صارت بباله ويبيها وهو وقتها كان موظف وابو ابوخلف راح لقريه ثانيه يشتغل وبيرجع بيخطبها ويوم رجع لقاها متزوجه من ؟ خويه وصارت بينهم حرب ومشاكل وماسامحو بعض ليومكم ذا وتولدت هالمشاكل الين عيالهم والي زاد المشاكل ان ابوخلف خطب ندى لخلف يوم النفوس هدت ورفض ابوفهد ورجعت زادت المشاكل وعيالهم صارو يجون يتهجمون على عيالنا وحرقو مزرعتنا والحين خلاص لاهم يدخلون علينا ولا ندخل عليهم
رغد : يوهه صدق الموضوع يقهر بس الله يهدي النفوس
فرح : ماشاء الله ريحه الاكل تشهي
ام فهد : وين ولدنا
فرح : توه نام اساعدكن بشي
ام رغد : لا العروس ماتحط يدها بشي
رغد : لا تخافين انا بنكرف عنتس
فرح : اي ميخالف ههههههههه اجل بخلط عصير لكم
ام فهد : جهزي الصحن وصحون المرق وقطعي الجح والسفره والكيسان
فرح : ابشر يمه

انتهى البارت
قراءه ممتعه يااصدقاء 💞💞

ملاحظه :
بسبب التكرار على قصه الابطال القصه واقعيه سردها احد الاطراف لي ووضعتها في روايتي
قصه هايل وميهاف واقعيه
وقصه سياف ولينا واقعيه
وقصه جد هايل وجد خلف التي سردتها في هذا البارت واقعيه ايضا
"اختلاف اسماء فقط"