ميهاف : تخيلي شصار فاتن : شصار ميهاف : جاء ولد هدى سالم الصغير وعطاني حلاو وتخيلي شقال فاتن : ياكثر الخيالات وش قال ميهاف : قال هذي من هايل فاتن : شهقت هايل من هايل حلو شفتيه كلمك ميهاف : بسم الله علامتس انتي تصارخين لاتفضحينا فاتن : وش صار بعدها ميهاف : م فكيت الحلاو خليته فاتن : زين عشان اكله ميهاف : لو قربتي منه شبر واحد كسرت اصابعتس فاتن : اي عشان من هايل ميهاف : ترا للحين مدري من هايل بس لما جيت انادي ندى كانو اخوانها وقفين عندها وفيه واحد عيونه زايغه ماش ماجاز لي فاتن : يمكن هو هايل ميهاف : والله مدري فاتن : وكيف بنعرف ميهاف : مالنا غير الورع الصغير يعلمنا فاتن : ازهليني ميهاف : لاتفضحيني اهم شى فاتن : تعالي معي ميهاف : دقيقه فاتن فاتن : ها وشبلاتس بعد ميهاف : اسوارتي الالماس مادورناها اكيد انسرقت فاتن : يلا تعالي ندورها وبنفس الوقت نصيد الورع الصغير ونخليه يعلمنا ميهاف : محد سرقها صح فاتن : صح شهد : وين رايحين فاتن : ندور اسواره ميهاف شهد : بجي معكم فاتن : اسرعي بما ان كل الرجال بالمسجد يصلون تراويح شهد : اي يلا امسكوا الجلال ميهاف : يارب محد اخذها شهد : وين ضيعتيها ميهاف : عند بيتكم الي احنا ساكنين فيه شهد : عساها ماهي غاليه ميهاف : قصدتس انها اكيد انسرقت صح مقدر امسك دموعي فاتن : شاهقي بصوت خفيف لاتفضحينا بعدين ليه تبكين للحين ماوصلنا اذا وصلنا احكمي ميهاف : بس خايفه فاتن : الله صبرتس ياروح شهد : هههههههههههه فاتن حلوه وهي معصبه فاتن : وانتي اسكتي لاتزيدين الطين بله ترا ميهاف ام دميعه شهد : خلاص بسكت فاتن : يلا مشينا ندور شهد : الله يستر الوضع يخوف فاتن : اسمعوا اذا مالقيناها لاتصير الروحه بدون فايده نمر بقاله ونخم كل شى فيها شهد : كل شى فيها !! فاتن : اي ميهاف : تهايط لانهم نزلوا لنا مكافأتنا فاتن : يلا يلا قولو اي شهد : لا لا يافاتن مايصير فاتن : تكفين ياخي شوفو الاجواء حلوة وكل شى مفتوح يلا قولو اي شهد : ها شرايك ميهاف ميهاف : ذي م اسمع كلامها الا انكب فاتن : لا معليتس عندي ميهاف : يلا الشكوى لله بزر كل شى تبيه فاتن : يس هايل : الله يتقبل ابو فهد : منا ومنك يولدي شهد : كل التراب دخل في يدي مالقيت شى ميهاف الي نزلت دموعها وحزنت وتبي اسوارتها الي بقت من امها وفاتن الي حزنت لانها وعدت ميهاف ومالقت اسوارتها ولانها تعرف شكثر ميهاف محتفظه بذي السواره وتحبها وشهد الي منصدمه من تعلق ميهاف بالاسواره فاتن : ميهاف لاتزعلين بس والله مالقيناها ميهاف : كنت عارفه اني مارح القاها شهد : يلا امشوا نوريكم بقاله الديرة ميهاف : واسوارتي شهد : تسلم عليتس فاتن : يلا امشي نتمشى شهد : ذي البقاله فاتن : ريحه اجدادنا شهد : انتي من ذي القريه فاتن : اي بس ترا اول مره اشوفها كانوا ساكنين اهلي فيها قبل شهد : والحين شرايك بقريتنا فاتن : للحين ماش شهد : ليه فاتن : فيها حيه لازم تموت شهد : يوه قصدتس سلمى ترا هذي هي نكديه من يومها معليتس منها ميهاف : الحين متى نرجع لبيتنا شهد : ليه مو عاجبكم بيت عمي ميهاف : لا لا مافيه قصور بس احس ضايقناهم شهد : لا معليتس كم يوم ونرجع لبيتنا فاتن : يلا خلونا نقش حلويات شهد : يلا صقر : وين بنتي وصديقتها اشوف المركز مقفل زامل : وانا شدراني ابو فهد : عند الحريم وش تبيها تقعد بمجلسنا صقر : خل احد يناديها لي بشوفها هايل : من حبك لها عاد ابو فهد : هايل رح قل للحريم يعطون بنته خبر هايل : حلات من دعس هالشايب تحتي عبدالرحمن : رح وخل التحلطم هايل : ندى ندوشه سلمى : هلا هايل : احم وين ندى سلمى : بناديها ندى تعالي هايل يبيتس ندى : طيب جايه هلا هايل هايل : شسمه ذا صقر يبي بنته ندى : من بنته هايل : تستغبين ذي الدكتوره ندى : عندنا ثنتين اي وحده تقصد هايل : ميهاف الله يلعنتس ندى : اي يعني عارف اسمها هايل : عارف نواياتس اخلصي خليها تجي ندى : ميهاف مو موجوده هايل : شلون مو موجوده وين راحت هي بعد ندى : تدور اسوارتها هايل : يوه بس سوارتها معي ندى : ايش هايل : ولا شى ادخلي ندى : طيب لاتنافخ هايل : سياف عبدالرحمن تعالو سياف : فيه مصيبه صح هايل : بنت الشايب ذا مو موجوده بالبيت سياف : وين رايحه هايل : تدور اسوارتها عبدالرحمن : امشوا نشوف بيتنا سياف : يلا شهد : من بيشيل كل ذا فاتن : مافيه عربيه سعيد : يختي ذي بقاله على قد حالها مو سوبرماركت خلف : السلام عليكم اوه شوفو يالعيال بنات وببقاله تبون مساعده ياحلوات فاتن : اي انت الي توصل خلف : ضحكتيني انا م اوصل بس اوصلك لعيونك فاتن : شوي بنات صدق عشاني بتوصل عطوني كيس المشروبات ميهاف : فاتن لاتسويين مشاكل تكفين فاتن : تفضل خذ هذي خلف : هاتي فاتن : فكت الكيس على رجله خلف جلس يصارخ من الالم وسعيد يضحك ومستانس لانه يعرف ان خلف حق حاجات مو كويسه ويحب الخراب وميهاف وشهد الي خايفين يسوي لفاتن شى شهد : يلا يافاتن امشي نرجع سعد : وين وين رايحين انتي وهي وانت بدال ماتضحك عطني ثلاث بكت دخان سعيد : يختي روحو بسرعه للبيت هذول حقين مشاكل فاتن : محد يخوفني هنا ميهاف : امشي لايعرفون ان المركز لنا ويصيرون عنده ٢٤ ساعه فاتن : كان يستاهل سعيد : اطلعوا من البقاله مارح اعطيكم شى خلف : اح يرجلي طلع الدخان اخلص سعيد : اطلعوا من البقاله سياف : وش نسوي الحين يعيال هايل : امشوا ندور بالحاره الثانيه عبدالرحمن : متاكد شهد معهم شهد : جالسين يتهاوشون فاتن : فكوني بفزع له ميهاف : اعقلي تكفين وش تفزعين هذولي ثلاثه عبدالرحمن : هذوليك بنات امشوا نسال سياف : وعند البقاله هايل : شف كم كيس ماخذين حسافه الفلوس بيديهم عبدالرحمن : شهد شهد : يمه عبدالرحمن عبدالرحمن : شتسوين هنا شهد : كنا ندور اسواره سياف : عرفنا تدورون اسواره البنت والبنت ابوها جاء عندنا ويدورها ؟ وبعدين تدورون اسواره وش وادكم عند البقاله فاتن : لاترفع صوتك عمى يعميك هايل : روحو ركض للبيت ابوك ينتظرك ياميهاف ميهاف : يمه ابوي وش جابه فاتن : طيب بما انكم عيال ساعدو حق البقاله هجموا عليه ثلاثه سياف : متاكد جماعه خلف خلف : وين راحت الفاسده الي طيحت على رجلي كيس هيه انتي وقفي شهد : لاتوقفون خلف : وقفي انتي وهي هايل : من تكلم انت خلف : وشدخلك انت وقفي يابنت انتي وهي عبدالرحمن : تكلم خواتي يالفاسد سياف : تعال تعال سعد : ماسويت شى والله وقامت الدنيا هواش بينهم وكل واحد يكفخ الثاني البنات خايفات مايدرون وش يسوون شهد : خلونا نمشي فاتن : نتركهم شهد : ابو ميهاف ينتظرها صقر : كانهم طولو محمد : ترا البنت ساكنه ببيتنا يعني يمكن راحت تاخذ لها كم غرض وتجي ندى : وين رحتو شهد : صارت بلاوي نعلمك بعدين ميهاف : كيف اروح لابوي الحين ندى : وين هايل ميهاف : يتهاوش ندى : مع مين شهد : خلينا ناخذ نفس عطينا ماء ندى : اي اي ثواني فرح : وشفيكم بسم الله فاتن : بعدين نقول لكم صقر : رح نادها محمد : ابشر ابو محمد : ذا على ايش شايفه نفسه ابو فهد : عشان ولدي هايل متهاوش معه ابو خالد : الله يعين على نسابه كذا فهد : زامل شلونك شلون عيالك زامل : بخير الحمدلله سمعت ان ابوي خطب لك بنت عمتي فهد : اي والله وترا فرح خطبها خالد زامل : تبادل اجل بروح ابارك لاختي وانتي مبروك يخوي فهد : الحين حسيت فيك زامل : بايش حسيت فهد : ابوي غاصبني انا مابيها زامل : افا وليه ماتبيها محمد : هذي هي جت بنتك اطلع كلمها هناك صقر : اي يلا جاي فهد : احب وحده ثانيه زامل : وليه ماقلت من قبل الله يهديك فهد : تبيني اقول لابوي اني احب وحده يلا تعال نخطبها ؟ زامل : توقعتك اذكى من كذا يمديك تقول انها اخت مديري وقال لي يبي قربي وش ماتعرف تفكر فهد : راحت من بالي زامل : انا بكلم ابوي بالموضوع وبقنعه عشانك فهد : رافض وحلف لو جبت الطاري لاني ولده ولا اعرفه زامل : بحاول لاجل عينك يخوي كل شى ولا زعلك وعاد اذا رفض الشكوى لله ترا مابتلقى بنت مثل ينت عمتي طبخها حلو فهد : همك بطنك محمد : لحق يايبه وياعمي سياف وهايل وعبدالرحمن داخلين هوشه كبيره مع جماعه خلف فهد : وشو ابو فهد : فكو بعض ووجع ابو خالد : فهد محمد زامل نبيكم تفكونهم تقومون تتهاوشون ابو محمد : فكو بعض خلاص ميهاف : يبه رح فك معاهم صقر : جعلهم بحريقه نادي خالتس قولي لها بنمشي ميهاف : وين صقر : لمدينتنا بعدين تعالي ليه مو فالمركز ميهاف : نفتح الصبح صقر : مو مفروض ٢٤ ساعه ميهاف : مافيه مرضى كثير صقر : ترا بالعيد باخذتس نزور عمانتس ميهاف : على خير صقر : خذي أجازة ميهاف : من عيوني صقر : تبين شى محتاجه شى ميهاف : لا سلامتك صقر : يلا سرينا يام عفراء ام عفراء : عاد م اوصيتس يام فهد انتبهي على بنتي ام عزام : خفت تقول حامل بعد ام محمد : هههههههههه حتى انا ماشاء الله كل سنه جايبه لها ولد ميهاف : يبه بسالك صقر : اسالي ميهاف : ليه تكرهه القريه صقر : سالفه طويلة ميهاف : يعني انت تكرهه القريه وابو فهد وكلهم صقر : اي ميهاف : طيب ليه صقر : اذا جيتس المره الجايه علمتس ميهاف : اشوفه يتغصب يجي ابو فهد : وش موديكم لهم هايل : خلوني اكمل عليه اربيه ابو فهد : هايل اص ولا كلمه هايل : بس يايبه ابو فهد : قلت اسكت شهد : صارت سالفه بسببنا فاتن : م توقعت تكبر عبدالرحمن : وين شهد شهد ابو محمد : شتبي باختك عبدالرحمن : ابيها شوي شهد : هلا عبد الرحمن : انتي تعرفين اني ما ارضى عليتس ومعطيتس على راحتس انا ومحمد وابوي تقومين تسوين كذا شهد : بس انا ماسويت شى محمد : ليه تروحين للبقاله لحالكم شهد : والله انا قلت لهم لا بس اجبروني عبدالرحمن : والي يجبرونتس بزر انتي ماعندي مشكله روحي انا واثق فيتس بس م اثق بهذولي كلامهم الي قالوه عنكم اكبر من كل شى شهد : هم الي بدو والله وانا ماسويت لهم شى فاتن هي الي طيحت المشروبات ع رجل خلف عبدالرحمن : انتي فتحتي لهم المجال فاتن : لاترفع صوتك عليها انا الي اجبرتها نروح وانا الي تهاوشت معه عبدالرحمن : بكلامتس ذا كانتس تثبتين كلامه شهد : تعال امسح الدم عبدالرحمن : الله يهديتس ياشهد هايل : والله ي اني دعست ع رجله فوق المه الاول توجعته زياده ميهاف : تعالو للمركز هناك الادويه فاتن : توقعت بتصير هوشه خفيفه وصلوها سكاكين عبدالرحمن : كانهم يدغدغون سياف : والله ياعطاني سعد وحده ميهاف : بيوجعكم شوي سياف : عطيني انا احط ميهاف : اي بكيفك وانت هايل : ماعرف للطب حطي انتي عبدالرحمن : هايل شفت سعيد يحول وهو يشوتهم بعلب الزيتون هايل : اي شفته انا مافزعت الا عشانه سياف : عشانه يعطيك مجانا هايل : اي والله ميهاف : طلع هذا هايل فاتن : هذا هو الي جاب لك الحلاوه ميهاف : اي قصري صوتي فاتن : بيوجعك شوي عاد تحمل وانت ساكت عبدالرحمن : هدوء خويتس يدرس فاتن : ادرسه انت عبدالرحمن : اح يوجع فاتن : يلا مانشوفون شر جروح بسيطه سياف : يعطيكم العافيه ميهاف : لا شكر على واجب هايل : ميهاف ميهاف : هلا هايل : لقيتي اسوارتس ميهاف : لا وش عرفك اني ادور عليها هايل : قالت لي ندى اسمعي سياف : يلا ياهايل ميهاف : وش اسمع هايل : بعدين اقول لتس فاتن : اوه ميهاف : معقوله شاف اسوارتي الجد محمد : شلونتس يبوي ندى : بخير ياجدي والله واحشنا خلك ساكن عندنا الجد محمد : بتسوون رغيفي وحليبي فرح : نسوي لك الي تبي بس ابقى الجد محمد : انتي بتتزوجين صح فرح : اي الجد محمد : وبتروحين للمدينه فرح : اي الجد محمد : ابوصيتس على خالد تراه قلبه رهيف وحليل حبيه مثل حبي لجدتس وانتي يازينب امنتس على ولدي فهد زينب : ابشر ياجدو ندى : شفت ياجدي كلهم تزوجو وبيخلوني الجد محمد : احسن لتس يصير الدلع لتس ندى : وين دلع وهايل وسياف ناشبين لي زامل : فرح فرح : زامل حضنته زامل : مبروك يابنت الحسن والدلال فرح : الله يبارك فيك زامل : عساتس راضيه فرح : اي بس فهد زامل : عرفت بسالفه فهد بس انتي ليه متضايقه فرح : خايفه تخرب حياتنا زامل : هذاتس ماتحبين خالد وبتاخذينه فرح : اي كلهم قالو ان الحب بعد الزواج زامل : صح الا انا فرح : ليه ماتحب عفراء زامل : لا فرح : هههههههههههه لا عاد تزعل ابوي وترا امي مشفوق قلبها تشوفها زامل : ناديها عفراء : فرح ذا زامل الي يكلمتس فرح : اي ويبي امي بس ام فهد : ولدي زامل زامل : يمه سامحيني ام فهد : ياحبيبي انت مقدر ازعل عليك زامل : الله يخليتس لنا ولا يحرمني منتس ام فهد : وشذا الجروح زامل : من الهوشه ام فهد : ليه مارحت مع اخوانك للمستشفى زامل : ماهي محتاجه بسيطه ابو فهد : زين كذا تتهاوشون كل يوم فشلتونا بالقريه سياف : بس يبه هم تكلموا عن البنات ابو خالد : وين اهله ذا خلف نعلمهم يمسكونه ابو عزام : امه وابوه شيبان وهو لقاها ودشر بهالشوارع فاتن : ميهاف شرايتس نصير نفتح المركز بعد المغرب ميهاف : فكره والله فاتن : والله نسوي شفت وحده الصبح ووحده بالليل ميهاف : بس اخاف يتهجم علينا احد فاتن : جنبك السوق وبيفتحونه بكرا مايمدي احد يسوي لتس شى ميهاف : يعني انا مسائي فاتن : لا انا ابي بالمساء انتي خلك الصبح ميهاف : تبين تنامين فاتن : اي اسمعي تفتحينه من ٨ الصبح ومتى تسكرينه؟ ميهاف : متى فاتن : الساعه ٣ العصر ميهاف : ومتى انام ان شاء الله؟ فاتن : اذا جيتي تنامين ميهاف : بس ابي اساعدهم فاتن : انا اساعدهم بدالتس ميهاف : لا بفتحه بعد اذان الفجر يعني الساعه ٦ كذا وبقفله الساعه ١٢ الظهر فتره العصر ارتاح بعدها انتي تمسكين فاتن : خلاص تم انا امسكه من الساعه ٦ المغرب الى ٤ الفجر ميهاف : تم اتفقنا ابو فهد : الحلال بكرا بينفتح هايل انت فالمزرعه هايل : اشتقت لنياقي ابو فهد : وانت ياسياف ابيك تروح من الصبح تجيب اغراض للمحل واغراض للمزرعه سياف : تم تبشر يبه ابو فهد : وانت يافهد تمسك المحل الصبح وانت يازامل تمسكه فالليل زامل : ابشر يبه فهد : على خير ابو خالد : متى نملك يابو فهد ابو فهد : فكرت بعد العيد ابو خالد : لا مايناسبني انا بجلس الين نص هالشهر وبعدها برجع للمدينه تعرف شغلي ابو فهد : خلاص نتفق الخميس الملكه ابو خالد : خلاص كذا تمام ابو محمد : عبدالرحمن ومحمد امسكوا الحلال مححد : انا بمسك المحل الصبح وانت ياعبدالرحمن فالليل عبدالرحمن : تم محمد : يبه تراني برجع للمدينه بعد كم اسبوع ابو محمد : وليه محمد : شغلي يايبه تعرف انا ظابط واجازاتنا ماهي كثيره ابو محمد : الي تشوفه يولدي شهد : هدى شصار عليك هدى : بطني للحين يوجعني شهد : متى بتقولين لمحمد هدى : بقول له عن حملي بس مرضي لا شهد : خلي فاتن وميهاف يكشفون عليك ويحولونك على مستشفى بالمدينة هدى : طيب جهير : يام فهد ترا ملكه العيال الخميس ام فهد : كانكم مستعجلين جهير : لان بنرجع للمدينه وابونا يقول مايرجع الا وهم مملكين عفراء : من بيتزوج ام فهد : فهد بياخذ الحلوه زينب وخالد بياخذ فرح عفراء : اوه مبروك وكلهم بيعيشون بالمدينه صح ام فهد : اي شغل ازواجهم بالمدينه عفراء : اي حظ الله يخلف وانتي سلمى باقي انتي وندى وشهد سلمى : تونا صغار ماعنسنا لسى ندى : اول مره تعجبني سلمى عفرا ء : والله محد يبيتس ندى : كانتس جايه بشرتس روحي لغرفتس وفكينا عفراء : لا قاعده على قلبتس اقول خالتي ام فهد : هلا عفراء : ضيوفنا مطولين ام فهد : يوه وخزياه عيب عفراء : وانا صادقه جهير : بيت اخوي وهو الي عازم الي متضايق يطلع ام عزام : يطول لسانها هالعوباء ام محمد : يبيله قص لسانها هدى : انتي كيفك ياعفراء عفراء : بخير الحمدلله ليه ماحملتي للحين هدى : مو سباق هو من تحمل اول عفراء : اي بس ولدتس صار كبير هدى : والله شوفي بما ان كلنا متزوجات خلني انصحك ترا الرجال مايحبون كثره العيال كذا وراء بعض حلو تجيبين واحد وتوقفين سنين تاخذون فتره نقاهه مع بعض تربون طفلكم الاول وتعطونه حنان وحب مو تجيبون واحد غيره وتسحبون عليه عفراء : عاد نصيحتس تونا نسمعها هدى : متسرعه انتي الله يهديك ام عزام : تعلمي كلامنا ام محمد : انتي شتبين ببنتي شهد : يمه تراني اغار ساره : انا والله الي ساكته ومتحمله هدى : حبيبتي ياخاله بتعلم ان شاء الله يام عزام ام محمد : بسم الله وشفيتس وين الدكتورات ام فهد : يمكن حامل ندى : وشفيها زينب : جيبو عبايتها نوديها المستشفى هدى : مايحتاج والله ام محمد : اقول امشي انتي مو على بعضك هالفتره هدى : يوه شهد : شوي شوي ابو محمد : وش السالفه وين رايحين بعد ام محمد : هدى تعبانه وبنوديها هدى : لا ياعمي هم يكبرون المواضيع مافيني شى محمد : هدى وشفيك هدى : مافيني شو اهه شهد : بشهقه هدى هدى حبيبتي قومي ام محمد : تعال شلها يامحمد محمد : بسم الله عليتس سالم : ماما وشفيها شهد : مافيها شى بس عشانها تصوم تعبت محمد : يادكتورات ميهاف : بسم الله وشفيه حطها حطها عالسرير فاتن : مو وقتي لما حطيت مناكير جو ميهاف : هدى فاتن : صادقه انتي اي والله هدى محمد : تكفون شوفي وشفيها ميهاف : اهدا وقل وش صار محمد : كانت تستفرغ واغمى عليها ميهاف : اجل مافيها شى ان شاء الله اطلع لو سمحت محمد : الي من خوفه على هدى هلت دموعه وطاح عالارض وحط راسه عالجدار وكان متاكد ان هدى فيها شى وماقالت له خايف يفقد البنت الوحيده الي يحبها سياف : شصار يامحمد محمد : مدري مدري ياسياف طلعوني ماخلوني معها عبدالرحمن : اهدا يخوي وشبلاك ان شاء الله الامور بسيطه ميهاف : نبضها ضعيف فاتن : ميهاف جالسه تنزف ميهاف : دقي على اسعاف تجينا وضعها خطر هدى هدى تسمعيني فاتن : طلبت ميهاف : عاندتيني ياهدى وشوفي وش صار لك فاتن : بركب لها مغذي هي ماتاكل شى ميهاف : خليني امسح الدم فاتن : مستودع المركز وراء مخلص من عندنا كل شى قشي وجيبي ميهاف : اي يلا محمد : شصار تكفين طمنيني ميهاف : طلبنا لها اسعاف تحتاج اشياء وهي مو متوفره عندنا وقاعده تنزف محمد : تنزف ليه تنزف ميهاف : لو سمحت خلني اروح اجيب الاغراض مححد : الغاليه بتروح ياعبدالرحمن عبدالرحمن : لاتقول كذا يامحمد خاف ربك سياف : الله يقومها بالسلامه ميهاف : لو سمحت تعال ساعدني هايل : اي ابشري شهد : ياربي شصار عليها عفراء : انا متاكده انها حامل جهير : الله يكون معها زامل : كانهم تاخروا فهد : الله يعين ياخوك خالد : انا خايف فهد : من وش خالد : يصير شى فهد : كل شى بيد ربي الله يكون معهم سالم : عمتي شهد : عيونها سالم : انا لما نمت قبل شوي حلمت بماما شهد : وش حلمت سالم : حلمت انها تبي تحضني بس ماسكينها ناس وكانت تصارخ وتقول مابي اموت ابي ولدي ساره : يمه خايفه ام محمد : استهدو بالله الامور بسيطه شهد : ياحبيبي يمه خليه عندتس ندى : ليه رحتي شهد : مقدر امسك دموعي ياندى ندى : حتى انا خايفه بسبب مرضها يصير فيها شى شهد : يارب هايل : ليه الاسعاف ميهاف : هذي هي الممرض : انتو دكتورات فاتن : لا ميكب ارتست وش تشوف الممرض : تعالو اركبوا ميهاف : اي يلا لو سمحت قفل المركز سياف : ابشري محمد : وين بتروحون ميهاف : للمستشفى الي بالمدينه محمد : سيارتي مفتاحها عبدالرحمن : لاتسوق يامحمد سياف : انا معه انتو الحقونا هايل : اي يلا فهد فهد : بسم الله هايل : وين مفتاح سيارتك فهد : ليه عبدالرحمن : الاسعاف خذت ام سالم ومحمد لحقهم واحنا نبي نروح ابو محمد : بنتي وشفيها هايل : ليه تقول لهم ياخي هدو مافيها شى ان شاء الله بس يحتاجون اشياء مو موجوده بالمركز وراحوا ابو فهد : طمنونا خذو جوال فهد معكم وبندق عليكم من رقم خالد هايل : ابشروا عزام : بنجي طيب احنا بعد هايل : الحقونا بعدين ابو محمد : اعذرني يخوي بمشي للمدينه ابو فهد : مافيها لا عذور ولا هي عيب كلنا بنمشي للمدينه فهد : انت يبه بتروح ابو فهد : اكيد يلا قولو للحريم يجهزون عفشهم بنمشي ابو خالد : غريبه الجد محمد : نمت اسوء نومه ابو فهد : ليه يايبه الجد محمد : حلمت حلم قشر يولدي ابو فهد : عساه خير ابو محمد : يلا مشينا ام محمد ندى : تمزحون صح فهد : فاضي امزح معتس اخلصوا بنروح فرح : بنشوف المدينه أخيرًا فهد : اي بتشوفينها ومنها تتقضين لعرتس فرح : يوه يالنشبه جهزوا السيارات وشناطهم متجهين للرياض والي اول مره ابو فهد يكسر كلمته ويطلع من قريته بس كان مجبور كانو حزينين على هدى وبنفس الوقت فرحانين بيشوفون المدينه وكل واحد يركض جهه ياخذ الي يبيه وكانهم بيهاجرون ابو فهد : كلكم كاملين ندى : اي يبه ابو فهد : يلا لاتنسون دعاء السفر مشينا زامل : فهد تاكدت من قفل البيت فهد : اي ميهاف : نبضه منخفض وهي ماتاكل الدكتور : كنتو تدرون صح ميهاف : اي الدكتور : وشلون ماتجيبونها فاتن : هي عيت الدكتور : مرضها خطير وتحتاج علاج والعلاج بياثر عالجنين ميهاف : والدم الي نزل وشو ؟ الدكتور : بتاكد من نبض الجنين فاتن : الله يكون معها هايل : اتحداك يالرياض البطله عبدالرحمن : حياه ثانيه هايل : ياكبر مستشفاهم مو مثل الي عندنا محمد : شصار تكفون طمنوني ميهاف : بدخل اشوف فاتن : تستهبل صح يادكتور دكتور : الي سقطته الجنين ميهاف : بس هي ماتتحرك الدكتور : يمكن من وراكم او يمكن زالقه فاتن : ليه ماقامت للحين الدكتور: بتقوم الحين ميهاف : هدى حبيبتي يوجعك شى هدى : وش صار فيني وذا مين ميهاف : خذيناك بالاسعاف هدى : ليه الدكتور : انتي طايحه او صاير لك شى هدى : اي فاتن : متى هدى : كنت انظف المطبخ مع البنات وزلقت ميهاف : وماتاكلين مجوعه الجنين الدكتور : انتي سقطي الجنين هدى : يربي سامحني ماقدرت احافظ عليه الدكتور : ومعك سرطان درجه ثالثه ولو اهلمتي نفسك زياده ومارضيتي بالعلاج رح تدخلين المرحله الرابعه وبتموتين هدى : كنت خايفه الجنين يجيه شى ميهاف : يالله صبرك انا بطلع اقول لهم فاتن : بحي معك محمد : ها طمنوني فاتن : وش جابكم كلكم هايل : يبه !! ابو فهد : شصار ميهاف : لو سمحتو ذا مستشفى ترا ابو محمد : طمنينا طيب وبنروح ميهاف : احنا بحاجتك يامحمد محمد : عيوني لهدى وش ميهاف : هدى كانت حامل وبالشهر تقريبًا الثالث محمد : كنت حاس عفراء ماقلت لكم حسيت ميهاف : وسقطت ندى : من طيحتها بالمطبخ تالمت مره وقلت لها قولي لهم وعيت محمد : الله يصلحتس ياهدى ميهاف : ربي بيعوضك ماخلصت للحين لازم توقع على عمليه الشفط الي بنسويها لها عشان نطلع الجنين محمد : يعني مات ميهاف : اي وهدى مريضه بالسرطان ام محمد : اهخ يراسي امسكوني شهد : يمه مو وقتك ميهاف : وبالمرحله الثالثه وتعتبر ماقبل الاخيره وهي كانت رافضه العلاج وللحين رافضه فابيك تحاول تقنعها هي خايفه تقول لك محمد : اهخ ياهدى اهخ فانن : اتمنى الحين تطلعون عشان مايجون الامن لانكم مسببين زحمه شهد : تكفون خلوكم معها ميهاف : ابشري ابشري بنكون معها وبطمنكم معك رقمي دقي شهد : تمام ابو محمد : م توقعت هدى يصير لها كذا ابو فهد : الله يشفيها قضاء وقدر سالم : ماما ابي اشوفها ميهاف : شوي واخليك تشوفها طيب تفضل محمد ادخل محمد : هلا بحبيبه الكل هلا باختي وزوجتي وبنتي وامي ليه تسوين كذا ياهدى ليه انا اخر واحد اعرف ومن الدكتور هدى : خفت تنصدم محمد : خليني انصدم يصير فيني اي شى بس انتي لا هدى : اسفه محمد : تبيني اسامحتس هدى : اي محمد : وافقوا تتعالحين هدى : بس خايفه يامحمد خايفه محمد : انا معتس بكل دروبتس هدى : اخاف يطيح شعري ويخرب شكلي وتكرهني محمد : انا احبتس انتي مو عشان جمالتس انتي لو حتى تتركيني وتروحين مستحيل اكرهتس تكفين عشاني وعشان سالم لاتقولين كذا هدى : يعني وعد تبقى معي محمد : وعد ليوم الدين انا معتس هدى : انتبه لولدي محمد : لاتقولين كذا انتي رح تتعالجين وتتشافين هدى : ان شاء الله محمد : انا بروح اوقع عالاوراق وكل شى مابي اشوفتس حزينه هدى : من عيوني فاتن : يلا ينتظرونك محمد : وين الاوراق الدكتور : هذي هي محمد : خلاص الدكتور : اي الله يقومها بالسلامه فهد : شصار ياعين اخوك محمد : انسكر ظهري ياعيال عمي انكسر عبدالرحمن : لاتقول كذا يامحمد محمد : لو صار لها شى وش حياتي بدونها وش هايل : خاف ربك وشذا الكلام وكل امرك بربي ومارح تخيب محمد : كنت اواسيها واكلمها وانا ابي من يواسيني احس بكتمه خايف عليها عزام : محمد يولد اصحى وشذا الكلام الرجال سند لحرمته هي تنتظرك توقف معها وتساندها وانت جالس تصيح هنا محمد : ماقدر ياعزام مقدر كلامها جرحني سياف : ان شاء الله هي بتتشافى ثق بربي محمد : يارب ابو محمد : الو ولدي محمد شصار طمنا محمد : يبه انا ضايق صدري وفي عيني احر الدموع
واتحرى ادناة فرصه عشان اهلها
فاقدٍ لي ضلع واحد وفي صدري ضلوع
لو رجع لي قلت هاكم ضلوعي كلها .
"انتهى البارت"
_____________________________
هذا البارت حاولت اظهر فيه قد ايش الاشخاص الي يتعبون لو حتى تعب بسيط كيف يكونون حساسين فما بالكم بالي تعبهم قوي فلما يجيك شخص يقول تعبان مثلا نفسيا لاتستصغر مرضه وبرضو هذا البارت دعم للاشخاص المريضين عشان مايفقدون الامل وانهم يثقون بربي ويتوكلون عليه ومابيرجعون خايبين ابغاكم تدعون لهم بالشفاء الله يشفيهم ويعافيهم ويقومهم بالسلامه محتاجين هم دعواتنا ، اعتذر عن التاخير بس اوعدكم اصير انزل بارتات بسرعه شكرا لدعمكم وكلامكم الحلو
أنت تقرأ
"جابك الله في زحام العمر صدفة "
الشعررواية "جابك الله في زحام العمر صدفة" ( احداث الرواية قديمة جدًا تعود لزمن قديم جدًا زمن العيش فالقرى والحياة البسيطه والروح الحلوة تعود حياة القرى التي تحكمها العادات والتقاليد الي البنت لولد عمها والولد لبنت عمه وغير القرايب ماناخذ عادات وتقاليد قد...
