~~~ في بيت ابوعبدالرحمن ~~~
شهد : وهذا الشاهي وجهزته والفصفص يله خلونا نسولف بس ها قصرو اصواتكم تراهم نايمين
ندى : الحين ليه دايم امهاتنا ينامون قبلنا
قمر : متعودين عالنومه بدري
رغد : خلونا من ذاا كله الحين دحيم البزر ذاك ماخذ هالحلوه
شهد : ولا ازيدتس دكتوره بعد
رغد : وش تبي بالزواج وهي موظفه
ندى : نومتي ولدتس
فرح : اي الله يصلحه يله نام وش تسولفون فيه
قمر : بعروسه اليوم
فرح : اي سمعت رغد تقول ليه تاخذه وهي موظفه لو ماوافقت عليه كان تلقينه الحين يراكض بالشارع مجنون
قمر : ماخذين بعض عن حب !
شهد : اي انا اقولكم قصته وخلو فرح تقول قصه اخوها لانهم تقريبا مع بعض بكل شى وبنفس الشى بس بالنهايه لا
رغد : اوه واضح حماس يله قولي
شهد : هذا ياطويله العمر قبل سنتين بالضبط كنا احنا ساكنين هنا ياعايلتنا الا دحيم كان فبيتنا القريه لحاله ماسك شغل ابوي الي هناك وكان وقتها شهر ٨ واهل القريه كانو يتشكون ان ماعندهم مستشفى ومن هالكلام فجاه وبدون اي مقدمات انفتحت عياده عندنا وقالو ان الي فيه كم دكتوره عامه وكم ممرضه وماكان فيه اسعاف يعني تعبان تجي برجولك
رغد : على قد الحال يعني
شهد : ايوه المهم واحنا عندنا عاده كل رمضان نجي نصومه بالقريه ونتعيد بالديره بعدين نرجع يعني عند عمي ابوفهد وعمي ابوعزام حتى جدي ماكان فالقريه فالرياض واحنا جايين للقريه ابوي تعب واضطر يوديه دحيم للمستشفى فالبدايه عادي مايعرفون بعض وتعرفون لسان اخوي طويل يعني تهاوشوا بعدين ابوي قال لهم لابغيتو شى ترا ولدي يشتغل بمحل عقار جنب المستشفى ف صارو كلما يبون شى يسالونه وهو عاجبه الوضع شوي شوي وتعرفون يعني ندى حبتهم وعزمناهم وصارو برمضان يجون يفطرون عندنا طبعا احنا ماجرين لهم بيتنا الي بالقريه ومحرمهم اخوي دحيم وهكذا على هالحال الين هايل اخو زوجي حب الدكتوره شافها صدفه مع امه وحبها مابتكلم بموضوعه ماعرف تفاصيل كثر خواته بعدين صارت مشاكل وتعب اخو زوجي الكبير وزوجه اخوي وصرنا نزورهم يعني دحيم يزور وكذا وبعدين هو حب فاتن هي ماكنت تبيه وكانت تزعل لما تشوف خويتها تكلم هايل يعني تكلمه تاخذ ورقه وكذا ماهو سوالف لا ابدا هي لانها خايفه يصير مشاكل لان ابو صديقتها شري واختها كانت متزوجه اخو ندى وفرح ف بسرعه بتوصل العلوم لابو خويتها وماكانت تعطي اخوي وجه ابدا
قمر : ايي حسييت عليها متوتره وخايفه
شهد : اي ابداا ماتبيه وترفضه ويكتب لها رسايل وترميها يعني صاكه بوجهه كل البيبان هي تحسبه فالبدايه من العيال الي يتسلى بس ولانها ماتبي تعرس بعد ف قطعت الشر من بدايته يعني ماتعشم عالفاضي وبعد فتره اخذ رقمها من خويتها وصار يرسل لها ويزعجها كل هالفتره ماعلمها انه يحبها يبي يعني ياخذ ويعطي معها هو يحبهاا بس ماقال لها وكانت تبلكه وبعدين صارت مشاكل بين خويتها وولد عمي هايل وابتعدو وهي اتوقع هنا تاكدت انه كان يتسلى هو وخويه معهم وحتى طلبت نقل بس كان تدريبهم ٦ شهور اجباري مااخفيكم انه بملكتي شاف صورتها بالغلط بجوالي وحبها زود وهي نقلت لمستشفى الرياض وخويتها تزوجت غصب بسبب ابوها هنا هم خلصو تدريبهم ٦ شهور ونقلو للرياض وهي مبلكته
رغد : واضح ماهي خفيفه تعجبني
قمر : يعني معقوله كل هالفتره تختبره او فعلا ماتبيه او تحبه بس تكابر
شهد : جايتكم بالعلم وهو كان مكلم ابوها قبل ومسوي يخدمه وكذاا وخلا ابوه يكلم ابوها بس ابوه قال بشرط تتوظف وتعتمد على نفسك ووافق وتحمس بس ابوي وعمامي فتحو حلال وش اقولكم تعرفون بصحراء بالضبط وحطو اخوي وعيال عمه ثنين معه ومافيه نت والي ماسكهم شايب بس عصبي وشراني وهو يبي يعرف وش صار ابوه كلم ابوها ف قعد هناك تقريبا ٥ شهور او ٦ شهور او اكثر ناسيه بعدين جتهم اجازه من الشغل وراح لابوه ويوهه سوا مشااكل طلع ابوي ماكلم ابوها ليه لان امي ماكانت تبيها تبي ندى لاخوي وابوها صديق لواحد يعتبر عدو لعايلتنا وزوج عمتي الله يرحمها واخوي قوم الدنيا ماقعدها فابوي عشان يرضيه كلم ابوها قدامه وقال ابوه خلاص عطونا وقت نشاور البنت وتصلي استخاره ومن هالسوالف
قمر : احسس فيه شى بينتكس مو متطمنه
رغد : امتس كانت تبي ندى لعبدالرحمن وندى تبي عبدالرحمن اذكر
فرح : من مايذكر كلنا ندري بهالشي بس خلاص كل واحد نصيبه بجهه
رغد : ندى بعد بتتزوج
فرح : اي ملكتت على ولد عمي الثاني
قمر : ماشاء الله عايلتكم كبيره كملي شهوده
شهد : زين احسبكم نسيتو سالفتي هههههههه بعدين رجع لشغله ٧ شهور يمكن صار سنه وشوي وهو يعرفها وله شهور كثيييره خاطبها ومافيه رد من اهلي عليه ورجع اخذ اجازه وراح لابوي وش صار ووش ماصار قال والله البنت رفضت هنا اخوي انهار ليه وش السبب ابتوظف بكل مكان بس توافق انهار علينا
رغد : اي فعلا ليه ترفضه شدعوه
شهد : طلع مارفضت امي وابوي رفضو شرطها
قمر : ووش شرطها
شهد : تبي عبدالرحمن يسكن ببيت ابوها
رغد : وخزياه من متى
شهد : امها متوفيه ومحد عند ابوها يخدمه ف قالت هذا شرطها
قمر : ليه احسها قالته عشان تبيه يتراجع يعني ترفضه بطريقه ثانيه
شهد : ليومتس ذا مدري بس اتوقع كانت جاده وعبدالرحمن تهاوش مع ابوي وامي انا بسكن عند ابوها عندكم محمد اخوي الكبير يخدمكم فامي قالت بدال ماتبر بابوالبنت بر بآهلك هنا هو انتكس ومايبي يشتغل وجنن حق الشغل وعيال عمه ويحاول يرسل لها ويفهمها ان ماهو هو الي رفض بس هي مبلكته مرت فتره بعدين تعب هايل ودخل غيبوبه ٧ شهور وهو الي كان مرافق عنده معيي يتحركك
فرح : الله لايعيد ذيك الايام
شهد : امين المهم الصدفه ان الي مسك حاله هايل هي فاتن وحبيبته والي ساعد هايل يوم الحادثه زوج حبيبته
رغد : ياراسي ياراسي بدال مايقوم متفائل بترجع له حبيبته طلعت متزوجه
ندى : لا وازيدتس حامل
قمر : مابعد سمعنا موضوع هايل عشان نحكم ايوه
شهد : ف دحيم حس بالذنب ان خلاص انا وفاتن مستحيل نكون لبعض وفقد الامل نصفه خايف فاتن تتزوج واحد ثاني والنصف الثاني خايف يروح العمر وهي باقيه تنتظره
رغد : وليه مايأخذها ؟
شهد : هو معيي يعرس وولد عمه بغيبوبه ف راح لفاتن وقال اخاف يفنى عمرتس وانتي تنتظريني واخرها سرابب والله يستر عليتس ومن هالكلام
رغد : يالله يحزنون
شهد : ف هي فاجئته وقعدت تهاوشه قالت تتوقع اني ابيك تجي تخطب وتتزوج وتفرح وخويك فالغيبوبه الي مارضاه علي مارح ارضاه عليك وانا بنتظرك حتى لو يفنى العمر دام نهايته معك انا راضيه ومارح يكون سراب كانت تبي تعطيه امل ان هايل بيعيش
رغد : ليش احنا مادرينا انه تعبان وبغيبوبه
ندى : مامسكنا جوالات اخ كانت فتره صعبه يارغد
رغد : ياحبيبتي معليه راحت
شهد : وبعد ٧ شهور قام هايل ابوفاتن صار يضغط عليها ان تزوجي تعرفون يخاف يروح ويخليها وماعندها احد
قمر : امم الله يحفظها له يارب
شهد : اي ف هي كانت معصبه بوقتها الله يصلحها وشافت دحيم يصيح هو يصيح فرحه ف انهدت عليه ان هي ندمانه انها انتظرته وان فعلا سراب وهو يقوم وينهد عليها بالكلام كل واحد قال كلام اقوى من الثاني
قمر : يمكن تبيه يحس فيها انها مضغوطه
ندى : لا هي لسانها طويل ولا فيه مليون طريقه تبين له
قهر : يمكن يفهمون بعض بهالطريقه
ندى : لو يفهمون مارد عليها هو بكلام اقوى من كلامها
رغد : احم يبدو ندى للحين ماتخطت حبها لدحيم
فرح : اسكتيي لاتنهد علينا الحين
شهد : المهم ومتزاعلين وكذا ولما عرف هايل ان دحيم اجل كل حياته عشانه زعل منه وهاوشه وقال رح الحين حدد موعد معها ومع ابوها ورح اخطب وهو بيكون الشاهد وقول وفعل صار شاهد على ملكته المهم كان هو بيروح يكلمها هي فعلا تبيه وكذا وسمعها بالصدفه تكلم صديقتها او مدري من تكلم وقالت انها تبيه وتحبه ف كشفها وابد حدد موعد وها اليوم بعد حب سنتين تملكو
قمر : كانت تكااابر والله حسيت ههههههههه
رغد : ياحليلهم بس والله ذويق على ان البنت واضح عصبيه بس حليله
شهد : والله الله يستر امي ماتبيها مره يعنيي بس عشان دحيم
قمر : وليه
شهد : قلت لكم امي تبي ندى وشاكه ان شلون دحيم يبيها هالكثر وخايفه تاخد دحيم منا
قمر : امم الله يصلحها
رغد : كم عمرها
شهد : كبركم هي وخويتها وهايل ودحيم وانتي كبر بعض
رغد : حسيت نفس عقلي لانها كبري بس لحظه كلكم بتعرسون وانا بسولف مع مين ان شاء الله
شهد : انا بعد طفشانه اخو زوجي الكبير مختفي وحرمته ماتحبني ولا احبها والثاني مطلق حرمته وبياخذ وحده ثانيه بس بيروح للقصيم يشتغل وندى وفرح بيعرسون وانا بقعد لحالي
ندى : ياكذبتس بتروحين للرياض
شهد : صح اجل عندي فاتن
فرح : وانتي عندتس قمر يارغد
رغد : للحين ماعلمتكم الحبيبه
ندى : وشصاير
قمر : تعرفون تخصصي قانون ف جتني بعثه اكمل هناك ووافق غيث نروح وخالتي بعد
شهد : متى بتروحين
قمر : والله هالاسابيع رحلتنا
رغد : وامي الله يصلحها قالت ماعاد عندي غير اختي ام فهد ف جايين نسكن عندكم بالقريه
ندى : يامرحباا ههههههههههههههههههههههه
فرح : لاتزعلين نجي فالمناسبات بس ترا عفكره احتمال حتى اهلي ينقلون للرياض
رغد : مقصوده تبكيني صح
فرح : لا والله بس هايل مفكر يكمل جامعه ويقنع امي وابوي يكملون دراسه
رغد : مايحتاج انا اعلمهم مجانا
فرح : لو قلنا لهم بتخربين على هايل
رغد : لا ليش اخرب هايل نسبته كويسه ؟
فرح : لا والله ماهو يم الدراسه
رغد : يعني يمكن يقبلونه انتساب ويصير مسائي ومايجي الا وقت الاختبارات ويسوون مراجعات قبل
فرح : يعني يروح لهم اخر السنه
رغد : اي اي
ندى : فتح التقديم طيب
رغد : اي ومابقى شى ويقفل وينكم فيه
فرح : اصبري بكلمه تعرفين تقدمين
رغد : اي شدعوه خبره
ندى : يعني مافيه امل ينقبل نفسه نفس باقي الطلاب
رغد : انا بقدم له وعلى نسبه نشوف اذا كلامي صح ولالا
قمر : وش يبي هو تخصص
ندى : يقول اي شى سهل
قمر : ياحليله مافيه شى سهل
رغد : طبعا مافيه جامعات فيه كليات سنتين وهو متخرج
ندى : ويتوظف
رغد : عاد مدري هههههههههههههههه
فرح : اي اي
هايل : الله يصلحتس مقومتني من النوم تخرعيني
فرح : اقولك رغد تقول بيقفل التسجيل وش قلت
هايل : خلاص قدمو
فرح : ارسلي عالواتس بياناتك
هايل : طيب
فرح : ادخلي يله
رغد : يله طلعت التخصصات وش يبي ارتب له
فرح : الو وش تبي تخصصات
هايل : وش ذي اكله
فرح : بفتح سبيكر وش فاتح له
رغد : شكل اخوتس اخرته مدرس كل تخصصات تبع تدريس تاريخ جغرافيا عربي دين علم نفس
هايل : انا فيني نفسيه ادخل نفس
رغد : يعني وش الحين
فرح : رتبي بالي تشوفينه افضل
ندى : مافتح طب يتوظف بمستشفى ويعالجنا
رغد : لا ادبي هو
ندى : اي كلنا كذا
رغد : ياحبيبي والله وتبون طب خلاص رتبت له علميه حطيت عربي اول رغبه
شهد : اخاف ناسي حتى العربي
قمر : يدرس فالجامعه
ندى : الا رغد وش تخصصتس عرفنا تخصص زوجه اخوتس وانتي لا
قمر : رغد ماشاء الله تمريض
فرح : ماشاء الله اي سنه
رغد : مخلصه انتظر وظيفه
ندى : انتي مو كبر اخوي هايل شلون خلصتي جامعه
رغد : لاني دراسه بسنتي ماوقفت مثل اخوتس
شهد : ماعندتس تطبيق
رغد : الا بس تونا نبدا الترم الثاني
فرح : حلوو ماشاء الله ناويه اذا اعرست اكمل دراسه فالشرقيه
قمر : ايه ليه لا وش ناويه تدخلين
فرح : مادري يمكن شى فيه تدريس احب ادرس
شهد : نشوف عزيز تدرسينه ووش اسم ولد زوجتتس
فرح : تميم
رغد : لحظه لحظه شلون ولد زوجها ماهو ولدها
فرح : ههههههههه انا تزوجت قبل ولد عمتي اذا تذكرينها جهير
رغد : اي اي اعرفها الي طبخها يهبل
فرح : ايوه تزوجت ولدها خالد وبنتها زينب خذت اخوي فهد وانفصلنا كلنا عن بعض وجبت عزيز منه بعدين خطبني واحد من اصدقاء اخوي هايل وهو عنده ولد من زوجته بس منفصل بعد
رغد : ماشاء الله الله يوفقكم ويسعدكم وانتي ندى
ندى : انا ولد عمي عزام
رغد : يعع ليكونن الي معه شهاده جامعه قبل وغاثنا فيها
ندى : هو بزات نفسه
رغد : اذا اخذتيه قطعي شهادته ذا وجهي اذا توظف بها
ندى : لا ماتوظف اصلا تدرين مدري وش تخصصه محد يدري حتى اهله
رغد : اذكر عنده اخت اسمها سلمى كانت كريهه الله يستر عليها وين اختفت
ندى : وهه خبرتس عتيج تزوجت وجابت ولد ونقلت ديره مدري وش قالو عنها وانقطعت عنا
رغد : عشتوو عاد من ماخذه
فرح : اهم شى التهت بنفسها وبحياتها
ندى : وفكتنا محد كان متحملها الا فرح
شهد : اذكر ماتحبني ههههههههه
رغد : واخوكم ذاك الي دايما يشيل الثقيل سياف اظن وش صار فيه
شهد : احمم احممم اغااار تراا صار اسمه ابوهايل
رغد : اح انتي زوجته اسفه ههههه
شهد : لا عادي بس يعني المح لتس اني اغار ههههههههه
ندى : مايحتااااج مايحتاااج مايبي الا انتي ياامهايل
قمر : طول الملكه وانا ابي اسالك ياشهد من هذا الولد الي معك طلع ولدك اسمعك تنادينه هايل احسبه هو ولد خاله ام فهد
ندى : شلون عرفتي ان عندنا اخ اسمه هايل
قمر : رغد علمتني
رغد : ههههههههه لازم اعرفها عالعايله
فرح : اهااا ههههههههه
ندى : اخوي فهد الكبير صار عنده ولد من زوجته الاولى زينب اهخ لو انها فيه كان القعده ماينمل منها تجنن كل شى تفهم فيه وتعرفه واي شى تبينه تلقينه عندها او تعلمتس كيف تسوينه صراحه اعترف اخوي مايستاهلها
شهد : شقصدتس يعني انا ملوله ؟ وماعرف شى
فرح : لا عاد انتي عين السيح غييير مايحتاج نذكرتسسس قبل شلون جيتتس للقريه تسعد صدرونا
شهد : مدري هالندى عليها ملاحظات هالفتره
ندى : عاد انا اقول الي ابي انتي كيفتس افهميه باللي تبين المهم ف راح تزوج عليها وحده اهخ حسبي الله عليها قلبت اخوي علينا متخيلين لنا الحين قرابه سنه ماشفناه ! بس ماحملت ولا جابت منه شى
قمر : لعلها خيره
ندى : اي اكيد واخوي زامل كان متزوج عفراء تذكرينها يارغد
رغد : اي اذكرها جنيه
فرح : تغيبرت اخر فتره صارت تجنن ومستحيل تقعدين معها تحزنين مغير نضحك
قمر : ليه تطلقت
ندى : هي الله يصلحها عطت زوجه فهد زينب الجوال تدق على اهلها لان فهد معيي يطلق زينب يبي يتزوج عليها وهي على ذمته يعني يقهرها ويدق اهلها لانهم طلقو فرح من خالد فهي عطت زينب الجوال تدق وتطلقت زينب ف بعدين عرف اخوي زامل وطلقها الله يهديه يعني يقال انو هي السبب بطلاقهم
قمر : فهد مايبي زينب وزينب ماتبي فهد فالطلاق الحل الصحيح
رغد : يمكن كان يبيها من الله
ندى : اي هو زايمه كبده المهم عنده ولد وبنت وساكنين عنده وبيتزوج بنت خوي ابوي توها صغيره ولا قد تزوجت بس ابوها يعني تعبان ف صار النصيب بينهم وبينقل فالقصيم يشتغل
رغد : وراء كل واحد بديره
ندى : شالسوات وسياف ماخذ شهد وعندهم ولد يعني دريتو
شهد : مامدحتيني اشوف
ندى : وشوله وانتي هنا شافو خيرتس وشرتس
شهد : ندى اذا بخاطرتس تقولين شى قولي مايحتاج تنغزين من وراء التريلات
رغد : احمم ايوه
ندى : وهايل حب ذيك بس تزوجت ولد عمها والحين حامل وريتكم اياه بالحفله
قمر : اي ماشاء الله تجنن ليتها ماخذه اخوك
ندى : لا احسن ماخذته يجيه الاحسن ومعيي يعرس وانا باخذ عزام وفرح بتاخذ صالح وبس ذا الي فايتكم
رغد : ماشاء الله
فرح : الا قمر غريبه ماحملتي
قمر : ان شاء الله الله يكتب الي فيه الخير يارب انا طولت ماحب السهر ولا والله قعدتكم ماينمل منها
شهد : نوم العوافي فرشت لتس فراش
قمر : حبيبه قلبي تسلمين
فرح : احس قلت شى غلط وضايقها
رغد : فعلا هي صار لها فتره تعالج وصارت تتحسس من هالموضوع
فرح : ياعمريي والله مادريت
رغد : هي اصلا بتروح للخارج تعالج ماهي بعثه بس هم قالو لامي كذا عشان ماتتضايق
ندى : ياعمري ياخالتي
شهد : العوض فيتسس
رغد : بسم الله علي بس لاتقولون لاحد تكفون
ندى : معليتس يله انا بروح انام
شهد : فرشت لتس بعد بغرفتي
ندى : شكرا بنام عند امي
شهد : هذي شفيها تكلمني بطرف خشمها
فرح : اقعدي معها واساليها انا والله تعبت منها
رغد : لاحظت تتجاهل شهد
شهد : كله عشاني اخت عبدالرحمن وابي فاتن له طيب ياختي كم مره كرر اخوي انه مايبيها قال بوجهي انا وامي مابييي ندى انا اعتبرها اخت
رغد : عادي تكبر وتنسى
فرح : هي سمعت يوم قلتي لي خلي ندى عندها كرامه وتنسى دحيم وزعلت وانا بعد زعلت الصراحه
شهد : والله اعذريني يافرح تعرفين اني ماارضى عليكم الكلمه الشينه بس وقتها متاخرين وانا متهاوشه مع سياف لو هي قايله لي انها زعلانه راضيتها وحبيت راسها كمان لاني كنت بلحظه غضب وها ببوسك على راسك تعرفيني يافرح انتي وندى تعرفوني ماحب الي يزعل مني ولا احب ازعل احد لدرجه ماقد صارت مشكله بيني وبين سياف ماحب هالحركات اكبر عقلي بس انتي شايفه حركات ندى مره بزياده زودتها
فرح : والله صادقه ياعمري ياشهد انا فاهمتتس وعاذرتتس بس الشكوى لله خليها الين ترضى من نفسها
شهد : الله يصلحها والله ضيقتي صدري بروح انام
رغد : ياطيبه قلبها ياشهد ياحظكم فيها
فرح : وياحظتس ب قمر
رغد : اي والله كلنا محظوظين
فرح : واضح القعده انا وانتي بس عطيني سوالفتس اخبارتس ليه ماتزوجتي ليكون مثل تفكير هايل
رغد : وش تفكير هايل
فرح : مايبي يعرس تخيلي
رغد : وليه ان شاء الله
فرح : مادري عنه غير حبيبته مايبي متخيله يقول ان واقف على امل تطلق من زوجها وتجيه وراضي يربي ولدها
رغد : حسب تحليلاتي ان هالكلام يطلع بوقت عاطفه بس بالمنطق والواقع وصدقيني لو ترجع له حبيبته بيرفضها مثل الطريقه الي هي سحبت عليه فيها
فرح : والله ياليت المشكله حتى مايدعي عليها
رغد : ماحس توصل كلن ونصيبه بس سمعت بالراديو قصايده وواضح يقصدها صح
فرح : اتسذب لو قلت لا
رغد : وش اسمها هي
فرح : ميهاف بس ترا الي ينزل صوته وقصايده دحييم ولا هو مايبي
رغد : تخيلي يسمع القصايد زوجها
فرح : ماقال اسمها عادي وبعدين زوجها يدري ترا
رغد : اوح
فرح : انتم بتجون تسكنون فالقريه صح
رغد : صح بس انا وامي
فرح : باي بيت
رغد : اذكر قال اسمه غيث اظن البايع ابوسامي او شى زي كذا
فرح : اييي هذا الي بنته عفاف بتتزوج اخوي زامل
رغد : ياماشاء الله وهو وين بيروح
فرح : يمكن يروح للقصيم عند بنته زامل راضي وابوي راضي
رغد : اي عادي بالعكس يكسب البر ومن بيقعد عند خالتي وابوتس
فرح : هايل بس ياختي شايله هم من بيطبخ من بيساعد امي
رغد : ياعمري يافرح طول عمرتس ذي همومتس
فرح : شسوي اعرف هايل بيقوم يوم يومين ويمكن ستين سنه بس مايعرف
رغد : تستهبلين اقولتس احنا بنجي للقريه يعني بشوف خالتي وبخليها والله امي تعلق رقبتي بمدخل الرياض انا اصلا ماارضى
فرح : صدق يارغد يعني اوصيتس وانا مرتاحه
رغد : شدعوه مايحتاج توصيه افا عليتس بس
فرح : الله يخليتس يارب وش بتسويين يعني
رغد : امي قالت لي ان كل عصر بنتكي عند خالتي تعرفين رمضان قرب بنجهز له ونسوي تعزيل
فرح : لو ماتتضايقون كان تسكنون ببيتنا
رغد : شدعوه جنب بعض كاننا بنفس البيت بالعكس عشان لاطفشت خالتي تجي عندنا
فرح : اي صح صادقه
رغد : انتم متى بتعرسون
فرح : يمكن بعد العيد
رغد : يعني انتم فيه
فرح : اي بس انا قصدي اذا تزوجت
رغد : عرسكم مع بعض ولا
فرح : لا انا بتزوج قبل بعدين نحط عرس زامل بعدين ندى
رغد : احس غلط انتم سبق وتزوجتو مفروض ندى اول شى
فرح : عيييت هيي
رغد : هي تبيه ولالا
فرح : تبين الصراحه لا ماتبيه ماتبي الا عبدالرحمن بس ماتدرين يمكن تحبه بعدين هو والله ينحط عالجرح يبرى وونيس
رغد : يله بكراا تجي وتغثنا فيه اصبري عليها
فرح : ههههههههه صادقه
ام فهد : يله ليه مانمتو الساعه ٢
فرح : اي يله بنروح ننام امشي
رغد : مداهمه اصبري نغسل المواعين حرام شهوده تتعب
فرح : يله
~~~ الصبح ~~~
ابوفهد : يله يالشباب الصلاه يله وين مغير نايمين
هايل : شوي يبه
ابوفهد : اقول اخلص قم نبي نلحق نصليها جماعه فالمسجد يله اليوم جمعه ورانا صلاه الجمعه بعد بترقد فيها قم يله قم
عزام : شرايك فيني ياعمي قايم من بدري
ابوفهد : مااختار الا النسايب الصح
عزام : بعد راسي
ابوفهد : ابوك وينه
عزام : يسولف مع عمي ابومحمد
غيث : وطيت اصبعي ياولد
عزام : معليش ماشفت يله ابوسالم ابوتميم عمر سعود سطام هايل يله قومو وذاك الي جايين عشانه مانومنا بغرفته اوريك يادحيم عمي ابوفهد ترا دحيم ماقام
ابومحمد : وراه انا رايح له الحين
عزام : احسن
ابوفهد : قامو هذولي ولا ارجع لهم
عزام : يحتاج ترجع لهم
ابوسطام : ابوتميم ماهي من عوايدك
صالح : نايم متاخر يله قمت
~~~ بغرفه عبدالرحمن ~~~
عبدالرحمن : الله يصلحك يايبه توني بحلمي مبسوط
ابومحمد : قم اقول لصلاه الفجر
عبدالرحمن : الساعه ٥ يايبه مابعد اذن
ابومحمد : نبي نروح للمسجد نصلي جماعه قم اخلص
عبدالرحمن : ابشر يبه
ابومحمد : وانتي يام محمد نرجع الفطور جاهز
ام محمد : بالعاده احنا نفطر الساعه ١٠
ابومحمد : اخواني عندي وابي الفطور بعد صلاه الفجر بنطلع بعدها
ام محمد : ويين
ابومحمد : لسوق الغنم
ام محمد : خلاص ابشر بشغل عالقهوه والشاهي واصلي واحط الفطور
ابومحمد : الله يرضى عليتس لاتقصرين عالظيوف كم يوم وهم ماشيين
ام محمد : الله يحييهم العين اوسع لهم من المكان ظيوفك ظيوفي يابومحمد
ابومحمد : يله يادحيييم لااجيك الحين
عبدالرحمن : جييت جيت مافيه دلع للعريس
ابومحمد : اقول امش قدامي يله لاجلدك
عبدالرحمن : ابشر طال عمرك
~~~ في مجلس بيت ابومحمد ~~~
محمد : شلونك ياعمي طمني على صحتك
ابوفهد : بخير الحمدلله ياولدي عايشين نعبد ربي وناكل وننام ونشتغل ونربي ولله الحمدلله
محمد : ياعمي انا ودي اكلمك بموضوع ولاودي تردني خايب
ابوفهد : تم ياولدي وش فيك
محمد : انا والله هذا يعتبر اخر حل عندي شاورت ابوي والشباب كلهم ماحصلنا حل غير اني اجيك واقول لك
ابوفهد : عسى ماشر يامحمد وش صاير
محمد : فهد ياعمي
ابوفهد : مايهمني مواضيعه
محمد : انا في وجهك ياعمي تسمعني للاخير ثم بكيفك سوو الي تبي بس اسمعني انا فداك
ابوفهد : تكلم
محمد : ياعمي فهد ماهو بخير ماهو فهد هذاك الي تخبره ماسحبوه وبس سحبو عقله وشخصيته وحاله وفلوسه وحلاله ياعمي احنا ندري انه غلطان بس تكفى لاتخلي عقابه قبل مساعدته اول شى خلنا نرجعه على الطريق الصحيح بعدين عاقبه انت تعرف فهد اكثر مني هذا تربيتك
ابوفهد : وش افهم من كلامك
محمد : لازم نروح لبيته ونمسكه من يده ونصحيه ونوقفه عن اغلاظه هم خذو بيته وسيارته ومخلينه سواق عندهم يوصلهم ويجيب غداء وفطور وعشاء ومركبينه ديون ياعمي هذي ماهي النصيب الصالح
ابوفهد : لو يبي احد يساعده دق علينا قايم باهل حرمته وتاركن اهله ياولدي الي سواه فهد ماهو قليل ولاني مسامحه
محمد : لاتسامحه ولاتكلمه حقك بس خلنا نطلعه من هالزواج ياعمي فهد شفته قبل امس اكلمه فعالم ثاني وانت الوحيد الي تقدر تطلق حرمته منه
ابوسطام : اعذرني على التدخل يابوفهد بس كلام ولد اخوك صحيح
محمد : يسلم راسك ياعمي اقنعه
ابوسطام : يابوفهد كلنا ابوان ونعرف شعور الابوه صح مهما غلطو عيالنا بنسامحهم بس لازم نوقفهم عند حدهم لو ولدك يسوي هالاشياء بوعهه كيفه محد بيتدخل بس ماهو بوعييه
ابوفهد : وليه ماهو بوعييه انهبل يعني
ابوسطام : والله مادري وش فيه بالضبط بس لازم ناخذه عند شيخ يقرا عليه
ابوفهد : شغل سيارتك مشينا له نشوف وش علمه
محمد : الله يخليك لهم ياعمي يله سابقك
هايل : يبه وين رايح
ابوفهد : اركب وبتعرف العريس لاتجي
عبدالرحمن : شدعوه ياعمي
ابوفهد : ماودنا نضيق صدرك
سياف : يبه وين رايح
ابوفهد : محدن رايح الا انا وهايل ومحمد وابوسطام الاهل بامانتك يابومحمد وابوعزام
ابوعزام : لاتخاف وعلمنا وش بيصير
سياف : وين رايح ابوي ياعمي
ابومحمد : هد انت واخوك رايحين لفهد يشوفونه ويجيبونه
زامل : وتهقون بيجي
ابوعزام : العلم عند الله صب قهوه ياعزام
صالح : ليه وش فيه فهد
سطام : شكلك نسيت
صالح : اي تذكرت سالفته نسيته هو اصلا
عمر : من قل مانشوفه الله يصلحه
سعود : عمي ابومحمد بعد اذنك ودنا نروح نوسع صدر العريس قبل يعرس
ابومحمد : ابد روحو دربكم خضر لاترجعون الا عالمغرب
عمر : على هالخشم يله سياف وزامل وغيث مشينا
سياف : لا مابغى اروح بسلامتكم
سطام : قم بس قم طمنا ياعمي وش يصير
ابوعزام : ان شاء الله الله يصلحه هالولد وصل نفسه لهالمواصيل
ابومحمد : لو انه قاعد على بنت ابوخالد ابرك له اصب لك قهوه
ابوعزام : لا يابوي اقعد انا الاصغر انا اقوم اصب لك قهوه
انتهى البارت
قراءه ممتعه يااصدقاء 💞💞
YOU ARE READING
"جابك الله في زحام العمر صدفة "
Poetryرواية "جابك الله في زحام العمر صدفة" ( احداث الرواية قديمة جدًا تعود لزمن قديم جدًا زمن العيش فالقرى والحياة البسيطه والروح الحلوة تعود حياة القرى التي تحكمها العادات والتقاليد الي البنت لولد عمها والولد لبنت عمه وغير القرايب ماناخذ عادات وتقاليد قد...
