"جابك الله في زحام العمر صدفة "

39

~~~ في بيت ابوفهد ~~~
ام فهد : ليتنا مارفضناه يابوفهد ليتنا ماضيعنا نصيب ندى
ابوفهد : مايستاهلها واحد كلب مثل ذا
ام فهد : فهد جاي ومنهار وجلس يبتسي عند حرمته
ابوفهد : الخسيس قال قدامهم كلام ماينقال انا تعبت يام فهد تعبت ودي اروح لامي وابوي واختي
ام فهد : لاتتفاول على نفسك وفيه عيالك يبونك وانا وين تروح وتخليني
ابوفهد : تعبت تعبت واااجد اهخخ
هايل : بسم الله عليك يالغالي من التناهيت الله يطول عمرك وعمر امي وكلام سعيد الي قاله لايقدم ولا ياخر واحسن انك رفضته مايستاهل ندى
ابوفهد : الله يرضى عليك ياولدي
~~~ يوم جديد وصباح جديد ~~~
~~~ في بيت ابوسطام ~~~
ام سطام : وش جابهم بعد كل هالمده
ابوسطام : رجعو يخطبون تبين نرفض النصيب الزين
ام سطام : اجل ردنا نطول عليهم فيه بنتنا ماهي منطوله لهم
ابوسطام : ياام سطام كبري عقلتس
ام سطام : اجل اسمع مني هالكلمتين انا فكرت بالموضوع مليون مره بنتي حرام تاخذ شخص متزوج وعنده ولد
ابوسطام : تكلمنا عن هالمرضوع قبل وسكرناه هديل موافقة ليش نتدخل احنا
ام سطام : نتدخل لان مالقيناها عند مسجد تعبانين فيها اخر شى ذا نصيب بنتي
ابوسطام : يمكنه افضل من الشباب
ام سطام : حتى ولو مايستاهل بنتي ولد هذيك الي رافعه خشمها
ابوسطام : اي قولي ان قصدتس امه
ام سطام : اي امه واضح ماتبي بنتي
ابوسطام : وهديل وش عليها من امه بتعيش مع محمد هي
ام سطام : وانت مصدق الكلام الي قاله ابوه شقه محمد تقفلت من زمان وعلى ايام حرمته المرحومه والحين هو ساكن بقسم خاص ببيت اهله
ابوسطام : خلاص قسم خاص وش تبين اكثر
ام سطام : لاتعاند يابوسطام مستقبل بنتنا بيضيع
ابوسطام : اذا هديل قالت لا والله ثم والله مايمسك يدها
ام سطام : اي هذي كلمتك لانك ضامن ان بنتك ماراح ترفض عشان بزره مالت على حظتس يابنتي
هديل : وش فيكم يمه طالعه اصواتكم
ام سطام : ارفضي يابنتي ارفضي
هديل : ليش بعد قد تكلمنا بالموضوع
ام سطام : امه قويه يابنتي
هديل : بنتتس اقوى انا تربيتس
ام سطام : خلني اشوفتس داقه تتشكين
هديل : لا ماراح تشوفين رقمي حتى متصل تطمني
~~~ في قسم الرجال ~~~
سطام : هات يبه عنك انا احطه
ابوسطام : كانهم تاخروا
سطام : الله ياخرهم ويتكنسل كل هالخطبه
ابوسطام : وش عندك ماتبي اختك تعرس
سطام : ابيها تعرس بس بنصيب كويس مو مثل هذا
ابوسطام : ليش وشفيها محمد
سطام : مابه عيب بس اقصد حرام اختي تاخذ واحد متزوج وعنده ولد بالعقل يبه
ابوسطام : زوجته متوفيه واهله كويسين وهو كويس واختك وافقت عشان ولده هالمسكين محتاج حنان ام
سطام : متوقع بيتقبل هديل وينسى امه
ابوسطام : محد ينسى امه بس عالاقل اذا ابوه جاه بلاه تبقى عنده هديل
سطام : والله مدري وش هالنصيب بس الله يوفقهم ويهديك يايبه رحت ترفض خويي سعود ووافقت على ذا
ابوسطام : خويك ذا فلوسه بتغرهه ورافع خشمه عشان منصب ابوه ولا ابوه من ارجل الرجال بس البلاء بالولد الي يعامل الحرمه وكانها شغاله شاريها
سطام : وعساس زواجتها الحين ماهي نفس الشى
ابوسطام : انت لاتتدخل
سطام : شكلهم جو
~~~ فالشارع ~~~
محمد : ماكان له داعي جيتي يبه
ام محمد : تستهبل انت قل ماتبيها ونرجع الحين تعشمنا عالفاضي
ابومحمد : شلون مفروض ماتجي انت العريس يالغبي
محمد : طيب يلا ندخل
ابومحمد : اصبر بيجي عمك ابوفهد واختك
عبدالرحمن : حركات والله بتعرس واخيرا
محمد : ماهي اول مره اعرس ترا
عبدالرحمن : عقبالي يارب عليتس يافاتن
ام محمد : وش قلت
عبدالرحمن : اقول ان شاء الله عقبالي اتزوج
ام محمد : لو تموت ماخذيت لك وحده من القريه نقعد نطق خط عشان خطبه
عبدالرحمن : لا حتى انا مابي وحده من القريه
ام محمد : اي هذا ولد امه
عبدالرحمن : تربيتس يالغاليه
شهد : عساني ماتاخرت
عبدالرحمن : الا صفقتنا الشمس
شهد : انتظرت خالتي شسوي
ام محمد : وش جابها
شهد : عازمتها ام سطام وبعدين ليش ماتجي يايمه
ام محمد : بكل مشوار جايين
شهد : تطمني بس هي الي جايه
ام محمد : اي زين ماجابت حريم عيالها وبنتها تنقلها بكل مكان تبيها تنخطب
شهد : يمه وش هالكلام اسكتي تكفين لاتسمعتس
ام فهد : مبروك ياام محمد عقبال عبدالرحمن
ام محمد : الله يبارك فيتس وعقبال هايل
ابوفهد : يلا تاخرنا عالرجال
شهد : سالم حبيبي اشتقت لك
سالم : عمتي شهد وين رحتي
شهد : بعلمك بعدين بس تخليه سر بيننا
سالم : تم
~~~ عن باب بيت ابوسطام ~~~
ابوفهد : احم احم ابوسطام
ابوسطام : يامرحبا تفضلو تفضلو
ام سطام : من هنا مدحل الحريم ياام فهد
ام محمد : خلتس شاهده رحبت بخالتس وانا ام العريس مارحبت
شهد : الله يهديتس يايمه
ام سطام : يامرحبا وياهلا ومسهلًا بام فهد شلونتس شخبارتس نور البيت
ام فهد : ياهلا فيتس بخير الحمدلله
ام سطام : وينتس مختفيه لتس فتره
ام فهد : ترفعين وش صار اخر الايام
ام سطام : اي سمعت سمعت الله يعينكم وفككم الله منه هلا بشهد
شهد : هلابتس ياخاله شلونتس
ام سطام : بخير الحمدلله وين ندى ياام ماجبتيها بتطمن عليها
ام فهد : والله مرتاعه للحين وقعدت عند زوجه زامل
ام سطام : يابعد قلبي هي حافظي عليها ياام فهد هذي وصاتي لتس
ام فهد : وش قصدتس
ام سطام : قصدي واضح انتبهي لبنتنا
شهد : اوهه ههههههههههههههههههههههههههههههه
ام سطام : ياهلا ام محمد توني اشوفتس اعذريني احسبكم مابعد وصلتو
ام محمد : ياهلا
ام فهد : وشفيها امتس نفسها بطرف خشمها
شهد : مايحتاج اقول ياخاله انتي اعرف
ام فهد : ماتخلي حركاتها الله يهديها
~~~~ في مجلس الرجال ~~~
ابوسطام : يامرحبا صب القهوه ياسطام
سطام : ابشر يبه
ابومحمد : اعذرنا عن القطعه الي جت توني حصلت اجازه وجيت علطول
ابوسطام : حصل خير يابومحمد تقهوو تقهوو شلون ولدنا
محمد : بخير الحمدلله ياعمي انت شلونك
ابوسطام : بخير الحمدلله
عبدالرحمن : مسوي مستحي
محمد : لاتصور لاكفخك
عبدالرحمن : صب لي قهوه ياسطام
سطام : بكبها عليك الحين لو ماتسكت
عبدالرحمن : شكلك ماتعرف تمسك الدله
سطام : لا قم امسكها عني
عبدالرحمن : يقوم محمد خطبته هو ولا انا
ابومحمد : ابدخل بالموضوع احنا جايين نخطب بنتك على سنه الله ورسوله لولدي محمد وجايين نسمع الموافقه وان شاء الله الملكه الخميس
ابوفهد : وشفيك مستعجل يخوي
ابومحمد : نبي نخلص كل شى بسرعه لان والله تعرفون مشغول ونادر اجي للقريه واليوم الثلاثاء بكرا الاربعاء والخميس الملكه
ابوسطام : وبنتنا موافقه والله يوفقهم وابد تم الملكه الخميس
ابومحمد : الله يبيض وجهك مبروك ياوليدي قم سلم على ابوها
محمد : هات يدك ياعم
ابوسطام : مبروك ياولدي مبروك
محمد : الله يبارك فيك
ابوفهد : تعال سلم علي مبروك يابوسالم
محمد : الله يبارك فيك ياعمي
ابومحمد : مبروك ياوليدي
محمد : الله يبارك فيك يالغالي
عبدالرحمن : اخيرا بتذلف اشغلتنا
محمد : دواك بعدين
سطام : مبروك
محمد : الله يبارك فيك
~~~ في قسم الحريم ~~~
ام محمد : عطانا الموافقه ابوسطام يلا مشينا
ام سطام : لاتوكم مابعد مشو الرجال هديل ياامي جيبي القهوه
شهد : يمه اهدي وشفيتس
ام محمد : مابي امها مابيها اذا الام كذا شلون البنت
شهد : عكس امها ترا بتشوفينها الحين
هديل : السلام عليكم
ام محمد : بسم الله ماشاء الله كل هالجمال ومخبيته
شهد : شفتي يمه قلت لتس البنت تهبل
ام محمد : بس حتى واضح قويه
ام سطام : ترا انا الي مسويه القهوه بنتي ماتعرف تطبخ حتى القهوه ماتعرفها
ام محمد : وسالم وابوه بيموتون جوع
ام سطام : لا مايموتون وعندهم انتي معروف انتس طباخه
ام محمد : انا تبيني اطبخ وزوجه ولدي تنسدح
ام سطام : لا حشى ماقلت كذا قصدي علميها تراها مدلعه ببيت ابوها ان شاء الله ماتشوف تقصير ببيت زوجها
شهد : اي لا ماعليك ياخاله محمد بيدلعها
ام سطام : اي والله وافقنا شفقه لهاليتيم الي تعلق ببنتي
هديل : يمه خلاص
ام سطام : سمعتها تقول ماخذينها خدامه لحفيدنا اسكتي وخليني ادقها بالكلام
شهد : هديل تعالي ابيتس داخل
هديل : طيب
ام فهد : وش جاكم انتم قدام بناتكم بتصيرون نسايب ماتستحون انتم تدقون بالكلام وكل وحده فاهمه مقصد الثانيه
ام سطام : هي الي بدت ياام فهد محد يرضى عن بنته ينقال لها هالكلام وانا عن نفسي مانيب راضيه على هالزواج الا يوم شفت دموع سالم وهالبزر ماله دخل بفعايل جدته
ام محمد : والله حتى انا ماني راضيه على هالزواج
ام سطام : اجل قبل يتملكون كنسلو كل شى بنتي تستاهل نصيب افضل
ام فهد : الرجال موافقه انتم شدخلكم وبعدين ولدتس وبننتتس الي بيعرسون انتم لاتتدخلون بينهم
ام سطام : انا ماهمني خليها تدقني بالكلام لي لسان واعرف ارد بس بنتي اعرفها تحترم لان هذي تربيتها
ام فهد : من عندي ياام سطام دامها بتاخذ محمد ماهي واجسه الهم
ام سطام : العيب ماهو بالولد العيب باهل الولد
ام محمد : الى هنا وبس هالزواج مارح يتم يعني مارح يتم بنتي ترجع معتس ياام فهد
ام فهد : اكيد
ام سطام : باللي مايحفظتس وولدتس خليه بحظنتس مايستاهل بنتي
شهد : وش صاير
ام فهد : احنا نستاذن امسحيها بوجهي ياام سطام
ام سطام : ماقصرتي ياام فهد
ام فهد : امشي اعلمتس فالبيت
هديل : وش صار يمه طلعنا خمس دقائق وفجاه تطشرتو
ام سطام : خليها قليله الادب والحياء المفروض تربي نفسها والله مايمسك يدتس والله
هديل : وش صاير فهميني
ام سطام : تقول كلام كبر الجبال واكبر تحسب ماوراتس سند والله قلت الام قويه وعوباء خليها تخلي عليها عندها يحمضون
هديل : الله يهديكم
ام سطام : ترضين ينقال لتس خدامه وماخذيتس عشان ولده ترضين
هديل : لا ماارضى
ام سطام : قالت هالكلام لبنتها وسمع اذني قاصده تبي تسمعني بس والله مايتم هالعرس والحمدلله بان وجهها قبل الملكه الخسيسه يحصل لها نسابه مثلنل ينضفون سمعتهم
ابوسطام : وش صاير وشفيكم اصواتكم واصله عندنا والرجال تقامزو فجاه
ام سطام : العرس مايتم الا على جثتي اذبحني وزوجها اياه
ابوسطام : استهدي بالله يامراه
سطام : بسم الله عليتس يايمه بلاها هالزواجه
ام سطام : يرضيك يابوسطام نربي بنتنا احسن تربيه واحسن دراسه وافضل تخصص ووظيفه اخر شى ينقال عنها ماخذينها خدامه لولد لولدهم
ابوسطام : لا والله مارضى وماانقال هالكلام قدامي
ام سطام : انقال قدامي انا ونيتهم مبيتينها يخلون ولدهم يطلع ويروح ويجي وبنتي تنحكر تربي حفيدهم لا والله مايصير هالعرس
سطام : هذي نهايه الجميل الرديين
ابوسطام : وين رايح سطام لاتسوي شى بدون اذني عجبتس عصبتي الولد
ام سطام : خليه يروح يرجده الوصخين
ابوسطام : شرايتس يابنتي
هديل : كلمتي مانجي فوق كلمتك انت وامي الي تشوفونه سووه
ام سطام : تدق الحين الحين وتقول ماعندنا لكم بنت للزواج الي تربون عجوزكم
ابوسطام : ماهي من طبوعي اتكلم عن حريم بس انتي اهدي وابشري باللي يرضيتس بس اهدي
ام سطام : مارح اهدا ويرتاح لي بالي وتطفى النار الي بقلبي الا لما تدق وترفضهم قبل هم يدقون يرفضون
ابوسطام : ابد ابشري ابدق بس خلني اروح اشوف وين راح سطام لايسوي له مصيبه
~~~ فالسوق ~~~
هايل : ها نبارك ولالا
عبدالرحمن : والله مدري ياخوك امي جت فجاه وتقول مايتم هالعرس وطلعنا
محمد : لو علي انا مابي العرس من الاساس بس اهلي
سطام : يوم انك ماتبي العرس ليش تعشمنا ماهي حركات رجال تعشمون الناس واخر شى هذا كلامكم
محمد : سطام فهمتني غلط تراك
سطام : سمعت الي ابي اسمعه وفهمت الي ابي افهمه ويلا توكل ماعندنا لك نصيب رح رب ولدك لحالك
محمد : ولدي ماهو محتاج احد يربيه متربي
سطام : اجل خذ العلم ولدك جاي عند اختي ويصيح ويقول جدته تطقه وتلغاه وينك يالاب المثالي تكلم وين كنت
محمد : الزم حدودك ولا تجيب سيره امي
عبدالرحمن : رح ياسطام لبيتكم ولا تكثر هرج رح
سطام : ابروح بس والله مايتم هالعرس الا على جثتي
هايل : اهدا ياولد
ابوسطام : وين رحت انت
محمد : عمي وش صاير
ابوسطام : ماكان هذا العشم فيكم بتكلم مع ابوك امش ياسطام
محمد : وش صاير وشفيهم
عبدالرحمن : ماطلعت امي معصبه عبث
محمد : وانا وشدخلني بسوالف الحريم
هايل : يمكن الكلام كبير وعصب سطام تعرفنا شباب وطايشين
محمد : الحمدلله والشكر الله يعين عليه
هايل : بعد الي صار ماظنتي بينكم نصيب
محمد : فكه احسن فيه غيرها مليون
~~~ في بيت صقر ~~~
ميهاف : وينتس تاخرتي يختي
فاتن : بالطريق انتظري وش فيتس مستعجله
ميهاف : ارجع اذكرتس باقي يومين عالعرس وزوجه ابوي ناشبه براسي الا نروح الحين ومابي اروح معها لحالنا فاستعجلي
فاتن : ذكريني ناخذ لصاق فيران ونلصقها
ميهاف : طيب ههههههههههههههههههههههههههههههه
فاتن : عند الباب افتحي لي
ابوفاتن : اجيتس ببيتهم ولا فالسوق
فاتن : لا تعال لي فالسوق
ابوفاتن : على خير لاخلصتو دقي علي
فاتن : ابشر
ابوفاتن : استودعتس الله
ميهاف : كان ماجيتي
فاتن : زحمه الطريق وش تبيني اسوي
ام عفراء : ماله داعي جيتتس
فاتن : اهم منتس
ام عفراء : يلا بس يلا اركبوا

انتهى البارت

قراءه ممتعة 💙💙💙