"جابك الله في زحام العمر صدفة "

11

~~~ في المركز الصحي ~~~
ام فهد : متى بيقوم فهد طمنوني تكفون
ميهاف : ياخاله هذي الاشياء علمها عند ربي والحين من عيوني الثنتين بروح اشوف فهد وبتجين معي عشان تطمنين عليه
ام فهد : ماقصرتي يبنتي ماقصرتي
ميهاف : واجبي
فاتن : اي اي حطيها بعيونتس واضمني مستقبلتس مع ولدها يالله فخوره بتربيتي
ام فهد : فهد يولدي تسمعني كانك تسمعنا قم ياعين امك خل تقر عيوني بشوفتك ليه تسوي بنفسك كذا يولدي ليه تخليني اصيح عليك ليل نهار خايفه تطيح بالحرام عشان ابوك غصبك ليه تروح للرياض وتتركنا وانت كبير هالعائلة وسندي وعضيدي ليه تغيرت يولدي من غيرك علينا كانك تذكر يافهد وعدتني تختار الزوجه الصالحه لك عشان ماتصير مثل اخوك زامل وزوجته والله يولدي انا ماني راضيه على زواجك ذا مابيك تنغصب مثل اخوك زامل بس ابوك الي غصبني اسكت واوافق تدري اخوك سياف يغيبوبه ماندري بيعيش ولا لا انكسر ظهري ياعيالي انكسر
ميهاف : اهدي ياخاله اهدي
ام فهد : لو ماقام ولدي لو ماتو لو صار لهم شى انا بدونهم مااعيش
ميهاف : ياخاله فهد بيصحى والله بيصحى بس انتظري عليه وسياف بعد بيصحى بس لازم ياخذ وقت خلتس صبوره ويلا تعالي نطلع ونترك فهد على راحته وتشربين ماء
ام فهد : حنونه مثل امتس ياميهاف
ميهاف : شفتي ياخاله اكبر دليل عالصبر عندتس انا ٢٢ سنه مادري ان عندي خوال او ان امي ميته ولما عرفت واستانست طلع بين ابوي وخوالي دم فقررت اصبر واشوف نهايه هالامر شرايتس بصيري ياخاله
ام فهد : اهخ يبنتي ياما حاولنا بابوتس يخليتس عندنا واربيتس مع ندى وفرح وعيا رفض وبعد خالتس ابو فهد عيا يقبل فيتس بيننا على قولته البنت على ابوها واختنا ماهي امها
ميهاف : كل هذا ماضي لو اقدر ارجع الماضي واعدله برجع اعيش عندتس واخليتس تربيني شرايتس
ام فهد : ياحبيبتي انتي وديني عند هايل
ميهاف : ابشري تعالي
زينب : شفتيها حبيبه فهد ههههههههههههههههههههههههههههههه
فاتن : اي شفتها ليه تضحكين
زينب : لاني مبسوطه
فاتن : دوم بس ليش
زينب : لانها وعدتني ماابقى مع فهد ولا اكون لفهد يعني بفتك منه
فاتن : انا اقول حافظي على فهد واقهريها ماجازت لي ترا
زينب : احافظ على شخص مايبيني ليش ان شاء الله خليهم قدر ولقى غطاه
فاتن : والله بكيفتس بس الي انا شفتها داخله تنتقم انتبهي
زينب : ماعليتس عندي امرها اسمها هيام
فاتن : وهي ماشافت الهيام
زينب : انا بروح للبيت تبين شى
فاتن لا سلامتك
زينب : هلا بدحيم شلونك شخبارك
عبدالرحمن : بخير انتي شلونتس
زينب : ماعلي
عبدالرحمن : عسى ماشر وشفيتس
زينب : تعرف بعد كم يوم زواجي على شخص مايبيني وماابيه
عبدالرحمن : هونيها يابنت العمه وتهون
زينب : ان شاء الله يلا عقبال نسمع خبر زواجك
عبدالرحمن: امين امين تبين اوصلتس
زينب : لا لا خلك هنا مع اخوك وامك
عبدالرحمن : درب السلامه وانتبهي على نفسك
زينب : ابشر يلا فاتن استودعتس الله
فاتن : بحفظ الرحمن ياحبيبتي
عبدالرحمن تكى بيده على طاوله فاتن ومتوتر يسال بس كسر توتره خوفه على فاتن : اسمعي جوعانه
فاتن بينها وبين نفسها بسم الله ذا كيف يحس فيني : لا مو جوعانه
عبدالرحمن : على قوله جدتي كلي الحين ترا مافيه شى تاكلينه بعدين لان المطاعم بتقفل
فاتن : هات هات الله يعين
عبدالرحمن : بترجعون البيت ولا بتبقون
فاتن : شايل همنا يعني
عبدالرحمن : لا اسال بس عشان مره وحده نرجع مع بعض
فاتن : لنا رجلين ترجعنا للبيت بعدين لا مارح نرجع اليوم بنمسك الشفت على مايجون باقي الممرضات
عبدالرحمن : فاتن عادي اسالتس سوال خارج شغلتس
فاتن : لا
عبدالرحمن : احم تمام
فاتن : الا عبدالرحمن بقولك شى عادي
عبدالرحمن : لا
فاتن : ههههههههههههههههههههههههههههههه وحده بوحده يعني
عبدالرحمن : اي بعدين انتي ليه ماتشتغلين حاطه كل الشغل على خويتتس
فاتن : مااشوفك تشتغل
عبدالرحمن : لاتجحدين اقول انا مخليني بالقريه اهلي ورايحين للرياض وينبسطون عشان امسك شغل ابوي هنا
فاتن : يعني انت من الرياض مو من هنا ؟
عبدالرحمن : اي
فاتن : غريبه مازوجوك عندكم هنا نظام قريتكم تتزوجون غصب
عبدالرحمن : غلطانه ذا نظام عمي ابو فهد بس ولا ابوي تاركنا على راحتنا وانا للحين مالقيت البنت الي احبها عشان اتزوج
فاتن : لاتدور امك لقت لك
عبدالرحمن : على كيفتس ماقالت لي شى
فاتن : الا صبح العيد جابتني وجلستني جنبها مالك دخل بذي الفقره بعدين جلسو يتكلمون عن الزواج وان متى تزوجين دحيم وقالت امك ان زوجه عبدالرحمن جاهزه بس نقول له ونخطب عاد الله يعينك شف من اختارت لك امك
عبدالرحمن : ماهو بكيفها توني مقنع ابوي مايزوجني ندى تجي امي بعد
فاتن : كانو يبونك لندى
عبدالرحمن : اي يبون شهد لسياف وندى لي بس انا رفضت
فاتن : وليه عاد ندى مره مناسبه لك
عبدالرحمن : انتو على كيفكم اي وحده تمشي تقولون مناسبه ذي ربيت معها انا وهايل مابي اقارب
فاتن : عاد لعلمك البنت مادرت عنك ولا تبيك محد يبيك اصلا
عبدالرحمن : انا القى لنفسي وحده تبيني
فاتن : اي وشكثر الخطابات دور لك
عبدالرحمن : من اليوم اقول لها باخذ عن حب تقول خطابات الشرهه على الي ضيع من وقته يسولف معتس
فاتن : انت الي ضيعت وقتي الثمين خل اروح اشوف وين اختفت ميهاف اوه تعال تعال شف خويك
عبدالرحمن : شتبين بعد اخس ياهايل لقى الفرصه يقابل حبيبته
فاتن : عاد تصدق حتى ميهاف تحبه ازعجتني فيه وبقصايده
عبدالرحمن : خلي الغيرة ودوري لتس واحد تحبينه ويغرقتس قصايد وفكينا
فاتن : انا كل احبابي ابوي مابغى احب بتزوج من اقارب
عبدالرحمن : لا ماهو على كيفتس انا ارفض الاقارب وانتي تبين
فاتن : وانت شدخلك فيني انت رفضت انا ارفض شايفني خفيفة مثلك اروح احب
ام محمد : ليش اصواتكم طويلة شصاير
عبدالرحمن : اصلا محد يبيتس ومحد بيحبتس يالنفسيه
فاتن : توكل عند اخوك لاطلع لك لساني الحقيقي واجمع اقاربك عليك هنا قال ايش قال على كيفك اجل على كيف من بمشي يالكريهه
ام محمد : شبلاك تتهاوش مع البنت
عبدالرحمن : مافيني شي هي نفسيه تكبر المواضيع
ام محمد : وانا بنيت مستقبلكم مع بعض طلعتو ماش
عبدالرحمن : فكيني يمه من الزواج بس ماتستاهلني
ميهاف في اسياب المركز بين غرفه محمد وسياف: احم هايل خذ هذي الرساله و اذا طلعت من المستشفى اقراها
هايل : مطمن راسه فالارض وعيونه يحاول ينزلها قال لها تمام وهو الود وده يسولف معها طول اليوم
ميهاف تضايقت من رد هايل توقعت انه متلهف يتكلم معها بس وقفت اوهام وقالت : انا بروح تركت كل شى على فاتن الحين تقوم الدنيا علي
هايل : وانا بروح لابوي لايفرد ضلوعي اهخ يامهياف وش سويتي فيني اهخ لو ان هالدقايق تصير ساعات واجلس اتاملتس
عبدالرحمن : واي انا اجلس اتهاوش مع خوياتها النفسيه
هايل : اتركنا من خويتها بكرا زواج فهد
عبدالرحمن : صاحين هذولي الولد للحين ماقام ابوك وزوج عمتك هذولي ماهم صاحين
هايل : الله يعين يرجال خلها على ربك هالعرس كله مقلوب من البدايه بس الشكوى على الله
محمد : يايمه ياحبيبتي ارجعي للبيت وارتاح وهذي حرمتي عندي
ميهاف : صادق ياخاله زوجته موجوده واحنا موجودين نكفي
ام محمد : احط عنده هالوجعانه بدال ماتسانده تطيح وهو يساندها
فاتن : شكلها ناسيه انهم زوجين وكل واحد يساند الثاني
عبدالرحمن : اقول اقلبيي وجهتس ولاتكلميني
فاتن : من الهوس الي فيك تحسبني اكلمك وانا جالسه اكلم نفسي
محمد : ماعليه يالغاليه عندي الدكتورات
فاتن : خلاصه الكلام الزياره انتهت تفضلو على بيوتكم
هايل : طرده محترمه ههههههههههههههههههههههههههههههه
فاتن : يلا ياخاله الحلوة روحي لبيتس واحنا عند ولدتس وزوجته
ام فهد : اجل يلا ياهايل مشينا ابسوي اكل واجيبه مع هايل لك يامحمد واذا قام فهد وىسياف عطوهم
ميهاف : أبشري أبشري
فاتن : وش كنتي تسوين مع ولد الديرة ؟
ميهاف : صرت حتى انتي تحاسبيني
فاتن : من حقي احاسبك انا وانتي الي نشتغل هنا ولو وحده فينا سوت اي خطا بتنظلم الثانيه ولا تنسين كلام ابوك ووعدك له
ميهاف : مانسيت ومابسوي اي شى خطا واضرك معاك
فاتن : حلو لان نيتي امشي من هالقريه وانسى كل الي فيها
ميهاف : عاد لاحظت الي اسمه عبدالرحمن يحبك
فاتن : يخسى خل يروح لبنت عمه ندى
~~~ في بيت ابو فهد ~~~
ابو فهد : والله يبو خالد العرس بكرا وكل شى بيتم
ابوخالد : محمد وصحى وفهد نصبر عليه بس سياف يبو فهد ؟
ابوفهد : ماهو كل عرس يصفون كل العيال سياف عذره معه وانا عزمت لي ناس اجوايد وماهي سهله ادق عليهم وانهي هالعرس
ابوخالد : بس فهد قالو عاموده الفقري متضرر
هايل : بس فيه احتمال يمشي ياعم
ابوخالد : انا والله من طرفي تأجيل العرس قرار صحيح بس الي تشوفه يبو فهد كويس بنمشي عليه
ابو فهد : ان شاء الله ان الله جعلنا من الحيين بكرا عرسهم ونخلص
ابو خالد : الي تشوفه يبوفهد
~~~ في بيت ابو فهد من جهه ثانيه ~~~
جهير : لاتصيحين يام فهد القرار اخوي خذاه وانا مدري ليه متسرع
ام فهد : شلون يهون علينا نفرح وولدي بغيبوبه
زينب : انا بعد رافضه يكون الزواج بكرة
ام محمد : طيب بدال ماتصيحين يام فهد امسكي زوجتس وكلميه يمكن يقتنع منتس
ام فهد : بجرب
شهد : انا مدري كيف يفكر عمي كيف يسوي كذا وسياف بغيبوبه وفهد للحين حتى ماصحى واحتمال مايمشي
ندى : والله لو اقدر اصلح افكار ابوي بصلحها له
فرح : والله مايصير الي بيتزوجون مالهم كلمه وواي هُزِلت
عفراء : تعرفون من ذي ؟
جهير : ياهلا ببنتي مضيعه
هيام : هذا بيت ابو فهد صح ؟
جهير : اي اي هذا بيت اخوي من بغيتي
هيام : بغيت خالتي ام فهد
عفراء : انت بنت اخت ام فهد
هيام : لا
جهير : تفضلي تفضلي
زينب : وش جابها ذي هنا ؟
شهد : تعرفينها
زينب : اي ذي حبيبة فهد
فرح : والله طاح فهد طيحه ممتازة بس لو ابوي شايفه كذا والله لو تنطبق السماء عالارض ماخلاه ياخذها
زينب : ليتها تاخذه وتفكني منه
عفراء : بروح استرق السمع
ندى : خذي القهوة معتس يالملقوفه
عفراء : هاتيها
ام فهد : هلا يبنتي وش بغيتي انا ام فهد
هيام : اول شى الحمدلله على سلامه عيالك انتي وام محمد وان شاء الله يقومون بالسلامه انا مديرة فهد بالشغل جيت للقريه ع اساس احضر زواجه عزمنا كلنا ياللي بالشغل معاه بس لما وصلت للقريه سمعت انه جاه حادث وجيت اتحمد بالسلامة
عفراء : اجل جيتس قشرا ليتس اخرتيها
شهد : صايره تعجبني زوجه اخوتس
ندى : انا متفاجئه انها تغيرت
هيام : لو المصايب تجي مع جيه الزوار كان رجعتك انتي وزوجك اكبر مصيبه
عفراء : انا اذكر الي يشتغلون مع بعض كل الي بينهم شغل انتي وراتس عارفه كل حياتنا
ام فهد : عفراء لاتتدخلين
هيام : اسمها عفراء وله وجهه تتكلم
ام فهد : ماقصرتي وخيرتس سابق
هيام : متى العرس بتحطونه
جهير : علطول ميانه ماشاء الله
ام فهد : هالامور الرجال الي يخططون لها ومثل ماعزمتس على عرسه قبل الحادث يزعمتس عالثاني بعد الحادث
هيام : اي صادقه الله يوفقهم
عفراء : يوه ياجهير لو تشوفون شلون خالتي ام فهد وخالي ابو فهد وخوات فهد شلون طايرين بزينب صدق انا احسد فهد على زينب كامله والكامل وجهه الله
جهير : عاد مايحتاج اوصيكم على بنتي
ام فهد : مايحتاج ياجهير حتى المعلقه مااخليها تشيلها زينب اعتبرها بنتي قبل تصير زوجه ولدي
ام محمد : يوه عاد ذي الغاليه تخيلي ياهيام من تجي للقريه وبيت ابو فهد مشتعل الصبح تقول بالدخون والفطور والقهوة والشاهي وطبخها تاكلين اصابعتس وراه وعاد ام فهد كل شوي تلحقها انتبهي لاتحترقين ابيتس لولدي فهد هذا الكلام قبل تنخطب لفهد
ام عزام : ولا فهد من وهم صغار يلعبون مع بعض ويطقون محمد
عفراء : تعجبوني الا هيام وش تشتغلين فيه
هيام : انا مديرة بنك
عفراء : عندكم شغل كثيير
هيام : اي يعني احيانا تجي فتره نكون مظغوطين فيها
عفراء : اي زين فيه شغل يشغلتس عن خراب بيوت الناس وسرقه ازواجهم
هيام : وش قصدك
عفراء : عاد تبين الصراحه ياهيام وبيني وبينتس كلنا ندري انتس حبيبه فهد
هيام : طولت عليكم انا بمشي
ام فهد : دربتس خضر يبنتي
عفراء : هفت قليط يع ثقيله دم مدري وش حبها عليه هالفهد
ام عزام : ياقوتس ياعفراء ماخليتي نغزه ماقلتيها لها
عفراء : تستاهل ماجاها
~~~ في سوق الغنم ~~~
عبدالرحمن : عمي ليه مستعجل
هايل : والله ياخوك مدري الوكاد خلنا نشوف لنا شى مناسب لعرس هذولي
عبدالرحمن : ياهالعرس القشر
هايل : يقول ياعبدالرحمن
سرحت مع الغنم لاجل انساك
ومع كل وجه عنز اتذكرك
عبدالرحمن : والله مالعنز الا انت وعرسكم هالي مارح يتم
هايل : لو بيدي خلصته من زمان وافتكينا
عبدالرحمن : اقول شرايك ناخذ نياقك ونحطها لهم
هايل : يخسى من يلمس نياقي
عبدالرحمن : اي لو ميهاف مشتهيه ناقه بعت نياقك
هايل : علطاري الحب ذكرتني عطتني رساله وحطيتها بجيب ثوبي بس غيرت
عبدالرحمن : الحين تلقى الكل قرا الكلام
هايل : ابروح للبيت وانت خذ على ماوصانا ابوي
عبدالرحمن : اي اي انكبوني بسوالفكم ذي والله محمد فك نفسه الا عزام توظف وهرب وش اختار الحين كلهم يناظروني ببراءة
~~~ في بيت ابو فهد ~~~
ندى : وشذا الورقه
فرح : ياندى انا خايفه من بيسوي المكياج لي والتسريحه تكفين عطيني حل
ندى : اخس اخس ياهايل طلعت تحب
هايل وهو يكح ومنفحم من الركض ولسانه انربط وتوتر لما شاف الورقه بيد ندى : انتي وش ذا اللقافه
ندى : حبيبي لاتنسى انا الي اغسل ثيابك
هايل : هاتي الورقه
ندى : مو قبل ماتعلمني من الي كاتب لك هالكلام
هايل : عطيني اياها ياندى
ندى : لا بروح اعطيها ابوي وخل يقرا ويشوف ولده يحب من
هايل يسكر فمها بيدة : اسكتي اسكتي بعلمك بكل شى بس عطيني اياه الحين
ندى : وعد رجال
هايل : وعد
فرح : ليه تتجاهلوني انا جالسه اتكلم واشكي وانتو تتهاشوون على ورقه استسلم منكم انتو الثنين لو سياف موجود استمع لي
هايل : للحين ماشين على خطه ننرفزها
ندى : اي بس ان شاء الله نصمل
هايل : لاتخربون شى هانت بكرا عرسها
ندى : الوعد اليوم بالليل تقول لي سالفه هالرساله
هايل : خلاص بقولك لك يالملقوفه يوه نسيت عبدالرحمن بسوق الغنم
ندى : اي اهرب اهرب لقيت شى امسكه عليه
فرح : شهد وش اسوي تسريحه ومكياج
شهد وهي تمثل انها معصبه وماشين على خطه هايل : وانا وش دراني روحي اسالي اختك ازعجتيني ترا
فرح : وش فيهم هذولي علي
زينب : تعالي قولي لي وش فيتس
شهد : زينب تعالي ابيتس
فرح : لا هذولي فيهم شى ليه بسوون معاي كذا
عفراء : وانتي بس تتنقلين من غرفه لغرفه امشي سوي شاهي لزوجتس وابوه
فرح : حتى انتي ياعفراء
عفراء : لاتتحنحنين عندي وقومي بشغلتس
فرح : طيب طيب اوريكم
سلمى : افا بكرا عرسك وتبكين وش صاير
فرح : ماتشوفين اسلوبهم معاي كل واحد يهاوش من جهه وكاني مسويه ذنب
سلمى : يوه ياكثر شكاويتس يلا كم ساعه ونفتك منتس ههههههههههههههههههههههههههههههه
فرح : انتي الي جايه تسالين وانا الي بفتك منكم
جهير : حرام عليكم تسوون كذا من اليوم وهي تمسح دموعها
ام فهد : والله من وراء قلوبنا
ام محمد : خطط هايل بتودينا بداهية
ام عزام : الا يام فهد صدق بتاخذون شهد لسياف
ام فهد : والله يام عزام ابو فهد قال لي كذا عاد تعرفينه كل شوي له راي
ام عزام : لو بتاخذون شهد لسياف يام محمد خذي ندى لعبدالرحمن
ام محمد : لو بينهم نصيب بيصيب وتونا على زواج عبدالرحمن توه صغير
جهير : خالد اصغر منه وتزوج
ام محمد : ماهو واجب كل عيالنا يصيرون مثل بعض
جيهر : اي بكيفتس لو تناقشنا معتس محد يفكنا من لسانتس
~~~ في المركز الصحي ~~~
ميهاف : دخلتي تشوفين وش صار لفهد وسياف
فاتن : لا ابروح الحين
ميهاف : ليش للحين ماارسلو موظفات
فاتن : صدق عاد احنا بحاجه موظفات يساعدونا لي يوم كامل مانمت وعيد ماتعيدت ولاشفت أبوي
ميهاف : مارح يجي لزواج فهد وخالد
فاتن : الي اعرفه ان ابوي وابوتس وعمتس وجد هذولي بعزبه وحده ولما جو يعيدون عند ابوفهد طردهم فمادري ابوي بيجي ولالا ابساله
ليه انتي ناويه تروحين
ميهاف : اي ليش لا زينب وفرح يستاهلون
فاتن : والله من الان اقول لتس انا مابي اروح
ميهاف : وليش ؟
فاتن : ماابغى اقابل ذي ام محمد ونجلس تنشب لي
ميهاف : الحين سؤال انتي ليه ماتحبين تعطين فرص طيب يمكن عبدالرحمن يحبتس بس انتي مو معطيه مجال له ؟
فاتن : حتى لو يحبني ويبي يخطبني انا مابي ابوي اهم ماعندي اجلس اخدمه
ميهاف: ابوتس لو يسمع كلامتس ذا مابيصدق كيف تقولون كذا حتى لو ماتاخذين عبدالرحمن لازم تتزوجين وابوتس يشوف عيالتس
فاتن : ميهاف انتي تعرفيني ماحب السوالف ذي وماعجبني كيف انتي تكتبين رساله وتعطينها ولد القريه وهو يكتب فيتس قصايد
ميهاف : انا اسفه يافاتن بس مالتس دخل بحياتي وحبنا انا وولد القريه على قولتس حب شريف ورح نتزوج
فاتن : متوقعه ابوتس يوافق يعطيتس ولد خالتس بعد المشاكل الي بينهم ؟ اصلا ابو ولد القريه بيرفض
ميهاف : مارح نفكر بالمستقبل ونسبق الاحداث وولد القريه له اسم هايل اسمه هايل
فاتن : والله الي عندي قلته وانتي بكيفتس بروح اشوف هذولي
هدى : لو سمحتي ميهاف
ميهاف : اي انتي خلتس دايما كذا انطلي الكلام وروحي
هدى : اسفه جيت بوقت غلط
ميهاف : لاعادي سمي وش بغيتي
هدى : فيه بطانيه لاني بردت
ميهاف : دقيقه اعطيتس
فاتن : اي انا انطل كلام وامشي صارت كلمه الحق ماتعجبهم يكون بعلمتس ياميهاف البدايات الي لاترضي الله نهايتها لن ترضيك قال ايش قال حب
فهد : خلينا من ميهاف وش صار على سياف ومحمد
فاتن : اوه انت قمت محمد بخير وصحى بس سياف
فهد : وش فيه سياف تكلمي يادكتورة
فاتن : سياف دخل غيبوبه وماندري متى يصحى
فهد : كله بسببي كله بسببي وش صار يافهد لو جلست بالقريه وش صار لو جيت بسيارتك وماكذبت انها خربانه كله بسببي
فاتن : ممكن تهدا لان كل شى ربي كاتبه وبعدين ليتك ماقمت
فهد : ليش
فاتن : عرسك بكرا للاسف وحبيبتك جت هنا اتوقع اسمها هيام؟
فهد : شلون ابوي يحط عرس وسياف بغيبوبه
فاتن : لو سمحت اهدا وابغاك الحين تقوم وتمشي علشان نشوف لو تضرر عامودك الفقري ولا لا
فهد : طيب بقوم اه ياظهري وخصري
فاتن : تقدر تمشي
فهد : اي بس اتالم شوي
فاتن : كويس بعطيك مهدى الحين وكمل نومتك
فهد : اذا جت هيام خليها تدخل علي
فاتن : قفلت مواعيد الزيارة للاسف اذا بغيت شى احنا موجودين قدامك العافية
فهد : تمام الله يعافيتس
ميهاف : فاتن الحقي صوت جهاز المريض
فاتن : يلا جايه
فهد : سياف فيه شى طمنوني ؟

"انتهى البارت"

________________________________
اعتذر عن القطعه الي صارت بس الواتباد قفل علي وجلست احاول اتوصل لحسابي والحمدلله ظبط اتمنى البارت يعجبكم وان شاء الله بصير انزل بارتات يوميا ، بالنسبه لتعليقاتكم الي هنا اشوفها بس مقدر ارد عليها اذا بغيتو شى تعالو انستا "فقط بخصوص الرواية" قراءه ممتعة 🔥🤍🤍.