"جابك الله في زحام العمر صدفة "

53

~~~ في بيت ابوسطام ~~~
ابومحمد : الله حييه النسيب شلونك شخبارك
ابوسطام : كنت بخير يابومحمد
ابوفهد : عسى ماشر ياخوي وشفيك الحين
ابوسطام : سلامتك وش له جايين
ابوعزام : تسمعون الي قاله
ابوفهد : سامع سامع بس انطل وراك
ابومحمد : وش هالسوال يابوسطام احنا متفقين قبل ومحددين الموعد
ابوسطام : ايه نسيت مثل مانسيتو موعد الخطبه تعرف كبرنا
ابوعزام : الرجال ماهو طبيعي
ابوفهد : وين سطام
ابوسطام : والله مايبي يجي
محمد : ليش اليوم ملكه اخته مايبي يحضرها
ابوسطام : اي كيفه كل واحد حر بنفسه يختار الوقت الي يبيه والانسباء الي يبيهم بعد
ابومحمد : مانطول عليك وانت اعرف سبب جيتنا المليك بيجي وانت تعرفه هو موذن حارتنا هنا وسامحنا عالقصور الي صار بنصير انسباء وعيالنا بيعرسون والحمدلله وعقبال سطام ودحيم ونخلص مره وحده ولا ياخوي
ابوفهد : صحيح صحيح كلامك اقعد يابوي محمد اليوم ملكتك مايصلح تصب
محمد : لا عادي ياعم
زامل : السلام عليكم
ابوفهد : جابكم الله هايل انقز صب القهوه
هايل : ابشر يبه اقعد يالعريس على ان ماودي تقعد
محمد : ههههههههههههههههههههههههههههههه صب صب
عبدالرحمن : يبه وين سطام ماهو المفروض هو الي يصب
ابومحمد : علمي علمك ياولدي يقول مايبي يحضر
~~~ في غرفه هديل ~~~
ام سطام : هديل وينتس
خوله : اهلين خاله
ام سطام : اهلين اسمعي ابوتس جاء وقال لي خلي هديل تنزل وتقول قدام ام محمد انتس مغصوبه وانتس ماتبين وابوتس الي غاصبتس
هديل : وش له هالحركات يايمه
ام سطام : عطيناتس العلم نفذيه وانتي ساكته يلا لاتتاخرين
خوله : الحين انتي مو قاهرتتس حركاتهم فيكم
هديل : الا
خوله : خلاص فرصه وجتتس ينقلع عنتس اذا هو قدام اخوتس قايل مايبيتس واهله الي غاصبينه دورتس تقولين انتي بوجهه اهله
هديل : اكيد بنزل ابوي قال شى لازم اسويه
خوله : سويه وانتي تضحكين بعد مايستاهلون شعره منتس
هديل : خلني امسح المكياج
خوله : حبيبتي انتي بيعوضتس الي احسن منه
~~~ فالصاله عند ام سطام ~~~
ام سطام : الله حييه ام فهد وبنتها الحلوه
عفراء : ياحبيبتي ياخالتي انا زوجه ولدها مو بنتها
ام سطام : بحسبه بنتها يامرحبا فيكم تو مانور البيت
ام فهد : بنورتس يله وين العروسه
ام سطام : وش عروسته بعد
ام فهد : هاو ياحافظ بنتس هديل اليوم ملكتها ولا احنا غلطانين يام محمد
ام محمد : لا اليوم ملكتهم بس شكل اهلها ضاربتهم شمس حاره
ام سطام : اي لاتواخذيني مااهتمينا للموضوع عشان كذا نسينا بتجي هديل الحين
ام محمد : تشوفينها شلون تسفهه فينا
شهد : خليها كيفها يايمه لاتخربين الملكه مثل الخطبه
ام محمد : بسكت وبشوف اخرتها معهم
هديل : السلام
عفراء : شهد تشوفين الي اشوفه
شهد : شايفه وشفيها هديل
ام فهد : ام سطام وشفيها بنتس طالعه كذا
هديل : وش جايين له
ام محمد : نعم
شهد : كيف تسالين هالسوال اليوم ملكتتس على اخوي
هديل : انا مابيه ومغصوبه عليه ابوي غاصبني لاجل انه ولد اخو ابوفهد ولا انا مابيه وقلت لاخوي سطام يقنع ابوي بس ابوي مارضى الين شاف سواد الوجهه من افعالكم وكلام ولدكم وجاء الرفض منه والحين لو سمحتوو اذا خلصت فناجيلكم ترا الباب يوسع جمل
ام محمد : وش هالكلام وليش ماقلتو فالجوال
هديل : ماقدرتو اهلي عشان نقدركم
ام محمد : والله اني عارفه انتس مانتي وجهه تاخذين ولدي ولدي ارقى من انه ياخذ وحده من مقامكم
هديل : صحيح صادقه دوري له وحده نفس مقامتس المنحط
ام فهد : خلاص ياهديل المراه كبر امتس عيب
هديل : والله ياخاله ام فهد الحشيمه لتس ولزوجه ولدتتس ولشهد ولا هي ماله حشيمه عندي من كلامها يوم الخطبه
شهد : مشينا يايمه البيت الي مايحشمتس مالنا دخله فيه
ام سطام : يله الي مايوسعه باب توسعه البوابه الله يسلم لسانتس على هالكلام الزين يابنتي
هديل : صدق قليله ادب وماتستاهل
~~~ في قسم الرجال ~~~
ابوفهد : يابوسطام صل عالنبي وش ماعندك لهم نصيب
ابوسطام : كلامي وعلمتكم فيه البيت ماتبيك وانا الي غاصبها من البدايه على ولدك لاجل ان ابوفهد طلبني ولا بنتي محجوزه لولد خويي ابوسعود وحياكم ملكتها الاسبوع الجاي
ابومحمد : هذا كلام تقوله قدامي وقدام المليك ويوم انك غاصبها وببالك ترفض ليش ماقلت قبل اجي للقريه
ابوسطام : والله يابومحمد الي مايحط لي قدر مانيب حاط له قدر وقيمه وجيتس لاتذلنا فيها واذا تبي تخطب بنات الناس لولدك علمه مايجي من وراك ويقول قدام اخو البنت انه مايببها وانك انت الي غاصبه يتزوج وانا وافقت فالبدايه رحمه على حفيدك الي ليل نهار ينضرب وابوه ماهو داري عنه
محمد : لاتحن ولدي وترفض ابوه ومن البدايه انا صدق مابي العرس وكنت بقولك بس لاجل خاطر ابوي مارحت لك ولاجل اني اعتبرك عمي واخوي لابوي مابغيت احرجك لكن بما انك غاصب البنت فانا مابي اخذ وحده مغصوبه علي وملكتها اول الحضور انا لاني مابيها مشينا يبه
ابوفهد : ماهقيتها منك يابوسطام هالحركه
ابوعزام : هالحركات حقت مراهقين ماهي مناسبه لاعمارنا ولايلعبون بعقلك صغار السن انت ضعيت احسن ولد
ابوسطام : زوجه بنتك طيب
عزام : لاترفع صوتك على ابوي واختي منستره ببيت زوجها ولله الحمدلله استر بنتك انت
سطام : اقطع واخس واذلف يله من البيت يله
ابوعزام : امش يولدي امش
ابوفهد : هذي حركه تسويها يابوسطام بيننا عشره عمر
ابوسطام : يابوفهد العتب ماهو عليك على اخوك وانت عارف بكل شى وش سوا
ابوفهد : ماتدقه بهالحركه قدامي
ابوسطام : من قدامك احسن ماهو من وراك اخوك مايستاهل يناسبني وان كانك بتزعل من زعل اخوك لاتزعلك عشرتنا اذا راحت
ابوفهد : انا واخوي ضد الغريب يابوسطام وبيتك مالي مجلاس ولا مدخال فيه
ابوسطام : ماهقيتها منك بس خل اخوك ينفعك
ابوفهد : ولاينفعني واحد غريب ويذلني عليها من بكرا
ابوسطام : لو بذلك كان ذلتك على مهر بنته الي دفعته لاجل غلاتك وغلاه عيالك
ابوفهد : خلاص يابوسطام الي ابي اعرفه عرفته ومعرفتك جت وانتهت
ابوسطام : اخوك الغلطان يابوفهد وماهو الحين بتعرف صدق كلامي بعدين
ابوفهد : الي يذل اخوي يذلني والي يكسره يكسرني انت ماعندك اخوان عشان تعرف قيمتهم
ابوسطام : وانت كسرتني يابوفهد اطلع برا بيتي
ابوفهد : تطردني يابوسطام
ابوسطام : اطلع برا بيتي دامك مع اخوك ضد خويك الي عدك اخوه
ابوفهد : طالع وعقبالك طلعتك من هالقريه
ابوسطام : مالك دخل ويله برا بيتي حسافه السنين الي عديتك اخ فيها
سطام : اهدا يبه
ابوسطام : خسرت اثمن صديق لي ياسطام لاجل بنتي خسرته
سطام : هو الي خسرك هو
ابوسطام : كسرني ابوفهد بنظرته وكلامه ومقصده ماهقيتها منه بعد ٤٠ سنه يكلمني بهالاسلوب
سطام : عندك اصدقاء غيره
ابوسطام : محد جاي مثله ياولدي محد شاركني حتى كسره الخبزه كبر معي وعلمته السواقه لاني كنت اكبر منه باربع سنين اشتغلت وشغلته معيي اهلنا جيران اهخ يابوفهد اهخ
سطام : الله ياخذه من خطبه كان خربت كل شى
ابوسطام : معليه يولدي كم اسبوع واحنا ماشين من هنا
سطام : هايل بيشتغل عند ابوسعود وبيقعد باستراحتنا
ابوسطام : هواش كبار ماعليكم منه
سطام : وين رايح يبه
ابوسطام : بنام يولدي بنام
~~~ فالعزبه ~~~
عبدالرحمن : وخر عني
هايل : تستهبل انت ووجهك تدخل نفسك بمشكله مالك دخل فيها
عبدالرحمن : وش مالي دخل فيها ذا ابوي واخوي وذا اهاننا ببيته تبيني اسكت واصفق له
سياف : محد قال لك صفق له بس ايه اسكت سوالف كبار لاتحشر نفسك فيها
عبدالرحمن : اذا الموضوع لابوك بشوف وش بتسوي وقتها ياسياف
سياف : ماقلنا شى يخوي تفاهم مع ولده ميخالف مع ابوسطام بس تبي تضربه وهو اكبر من ابوك
زامل : اهجد انت واهدا الحين ويحلها ربك محد فاك راسه غير فهد
هايل : انشهد
سياف : بروح لابوي اشوف وش صار معه تضايق مره تعرفون خويه من مبطي وانتبهو خلكم عند دحيم لايسوي شى
~~~ في مجلس ابوفهد ~~~
سياف : لاتنزل دمعتك يايبه دمعتك غاليه
ابوفهد : وابوسطام غالي غالي ياسياف
سياف : طيب يايبه انت عارف بخطا عمي ابومحمد ليش توقف بصفه
ابوفهد : ماقدرت اترك اخوي واروح صف خويي
سياف : الا ماتزين الامور لاتضيق صدرك
ابوفهد : هذي هي الدنيا ياولدي هذي هي
سياف : الله يخليك لنا ويطول بعمرك
~~~ في محل عبدالرحمن ~~~
عبدالرحمن : خلاص ياعيال بلا مبزره مانيب مسوي له شى
هايل : اسمع مني وتعال معي للشرقيه
عبدالرحمن : وش لي هناك
هايل : نشتغل هناك
زامل : ياعيال اليوم حلمت بجدي
هايل : الله يجعله خير وش
زامل : زعلان علينا كلنا وكان يشرهه ويعاتب ومعصب ومعطي ابوي ظهره يقول له عطهم حقهم وش تنتظر عطهم
هايل : ابوي يطلبه احد ؟ مستحيل ماعمره قال لنا
عبدالرحمن : وليش مستحيل يمكن فيه احد يطلبه وماقال لكم
هايل : مشينا لابوي ياعيال نقول له
~~~ بعد مرور شهر من حادثه هديل ومحمد ~~~
~~~ في بيت ابوسطام ~~~
ابوسطام : يله ياام سطام استعجلي
ام سطام : يله كنت اتاكد من كل شى اخاف ننسى شى
ابوسطام : وين عروستنا
هديل : جيت يبه
ابوسطام : بنرجع للشرقيه عساتس فرحانه انتي وسطام وام سطام
ام سطام : يوه بطير من الفرحه الحمدلله الي جاء هاليوم
سطام : والله اني مبسوط برجع للجدوله مع العيال
هديل : قصدك الدشره
سطام : شكلتس اشتقتي للهبد
هديل : اما انا يايبه فطالعه عليك عقل يقول الشرقيه احسن وقلب يقول القريه مارح تقدرين تفارقينها
ابوسطام : ههههههههههههههههههههههههههههههه ومن متى ابوسطام وبنته يسمعون لقلوبهم
هديل : صادق يالغالي
سطام : بدا دلع الاب لبنته
ام سطام : ياحبيب امك انت يلا شغل السياره
ابوسطام : شغلها وساعدني نركب الاغراض
سطام : ابشر
~~~ في مجلس ابوفهد ~~~
ابوفهد : شلون اقول له لاتروح
هايل : يبه عمتي فالطريق وعمي ابوعزام وابومحمد بيجون وش بغيت منهم
ابوفهد : ابريح ابوي في قبره وبريح ضميري وراسي ياولدي جهزوا القهوه ابطلع اتحراهم
زامل : يحسبنا صدقناه
سياف : وليش ماتصدقه
زامل : رايح يشوف ابوسطام وهو رايح يبيه لعل وعسى ينزل من سيارته ويسلم على ابوي
هايل : والله مالومه ودي لو اتبرع فيكم ولا يروح عمي ابوسطام
سياف : عمك ابوسطام فصل عزام وفارس وخلا ابوسعود يرفض يوظفك عنده ذا ابوسطام الي تبونه
هايل : هو صحيح سوا كل هالاشياء بس والله هو وابوي كانو غير
زامل : شهر كامل متحملين زين الي راح وفكنا
~~~ في سياره ابوسطام ~~~
هديل : مارح تنزل يابوسطام تسلم على صديقك وتودعه
سطام : يناظر لك يايبه لاتكسره
ابوسطام : لا اعرفه ولا يعرفني حرك اخلص
سطام : الي تشوفه
~~~ عند باب بيت ابوفهد ~~~
ابوفهد : كنت عارف
ابوعزام : من واقف تنتظر
ابوفهد : انتظركم
ابوعزام : شفت خوييك وش سوا شفته
ابوفهد : ماعاد بهو خويي ادخل الله يصلحك ادخل
~~~ في مجلس ابوفهد ~~~
ابوفهد : انا جمعتكم يااخواني عشان اقسم الحلال بيننا
ابومحمد : حلال وش يابوفهد
ابوفهد : حلال ابوي مايصير عشاني الكبير تخلون عندي كل شى ابوي ماهو راضي على هالشي لازم اقسم الحلال واعطي كل واحد وحقه وعاد كيفكم سوو الي تبون فيهم اهم شى يوصلكم وبما ان اختي جهير ماقدرت تجي فبعطيك يابومحمد حقها وتوصله لها وبذمتك الين يوصل لها
ابومحمد : لاتوصي حريص بس جت ببالي فكره وان شاء الله تعجبكم
ابوعزام : وش هي
ابومحمد : احنا عندنا حلالنا والله مكرمنا ولله الحمد غير حلال ابوي احنا عندنا شغل خاص ف وش رايكم بورث ابوي نقط ونسوي لنا مشروع ونخلي عيالنا يشتغلون فيه واذا جاب مكسب تجيبون عمال يساعدونكم في محلاتكم الي هنا شرايكم
ابوفهد : انا معك بس وش هو المشروع
ابومحمد : يابوفهد القريه ماعاد لك لزوم تقعد فيها شف كل جيراننا نقلو وحتى الحاره الثانيه طلعو كلهم اذا تخبر ابوخلف وجماعته كلهم طلعو بعد اخر سالفه لهم
ابوفهد : لا قريتي مااخليها وبعدين اذا على الي يطلعون ف تو ابد واحد جايب عمال ينزلون اثاث فالبيت الي جنبنا
ابومحمد : خلاص بكيفك اقعد هنا انت وابوعزام ومشروعي ماكان فالقريه دامكم بتقعدون فالقريه ف مانقدر نسوي المشروع
ابوعزام : وليش مانقدر انتي تبينا ولا تبي عيالنا الي يشتغلون
ابومحمد : مانتم سامحين لعيالكم يجون
ابوعزام : انت فهمنا مشروعك وش
ابومحمد : فيه رجال جاء كلمني قبل بشهر وقال لي شفت ولدك يقصد دحيم فاضي وماعنده شغل وهو هالرجال عنده مشروع بس الله مارزقه بعيال وعنده بنت وحده بس وتخبرون مافيه حريم يشتغلون بهالاماكن ف قال لي تشارك معي فالمشروع وجب ولدك يشتغل عندي والي نربحه نتقاسمه
ابوفهد : ووش يضمنك بالرجال
ابومحمد : الرجال ذا اعرفه كويس وارمل زوجته متوفيه وماعنده عيال والعمال يلعبون عليه بالمصاريف ف يبي احد ثقه
ابوعزام : واحنا وش بنستفاد
ابومحمد : انا اقولك هو الحين مشروعه محطه عنده محطه بنزين فالرياض على طريق مستشفى عرقه الي تخبرونه ابد محطته حوله ويوم خسر ماقدر يفتح باقي الاشياء
ابوفهد : وهو وش يبي يفتح
ابومحمد : فكرته يفتح بقاله ويبي يفتح ورشه حقت سيارات
ابوعزام : بس موقعه غلط
ابومحمد : بالعكس موقعه استراتيجي جدا لو احد مسافر وخربت سيارته ولا يبي يوقف لبقاله الين محطته هو فيه
ابوعزام : شرايك يخوي
ابوفهد : والله فكره زينه بما ان عيالنا عاطلين وشغل السوق سهالات احنا نمسكه ولا بقيه العيال ابد تم بس وش غير الورشه والبقاله والمحطه بيسوي
ابومحمد : انا من حلالي ببني مسجد لابوي وامي الله يرحمهم ومن ورث ابوي اببني حاجه ثانيه لي وللحين مافكرت وش هي وانتم بكيفكم ورثكم وانتم حريين فيه
ابوفهد : خلاص اجل الورشه علي انا بفتحه وبدفع تكاليف كل شى
ابوعزام : اجل انا البقاله
ابومحمد : خلاص الله يباركلنا بس الحين جيتكم للرياض بتكثر
ابوفهد : انتبه للعمال انت
ابومحمد : مقصد كذا المبنى نفسه جاهز يعني البقاله جاهزه بس تحتاج الاغراض الي داخلها والورشه جاهزه بس تحتاج اشيائها بس المسجد الي ماهو جاهز وانا بتكفل فيه
ابوفهد : طيب انت وش ربحك دقيقه الو جهير وينتس يابوي ماجيتي
جهير : اعذرني والله مالقيت احد يجيبني وش السالفه صاير شو
ابوفهد : لا كنت بقسم الورث وقسمناه وحقتس بيجيبه ابومحمد
جهير : انا مابي شى من الورث ياخوي خذوه انتم وابنوا فيه مسجد لامي وابوي ولا تصدقو فيه ولا سوو الي تبون فيه اهم شى خير لامي وابوي
ابوفهد : الله يرضالي عليتس ماتقصرين ياام خالد ولاتقطعينا
جهير : خيرك سابق يااخوي ابشر باقرب فرصه ابجي
ابوعزام : شف لك مشروع ثاني
ابومحمد : والله مدري ياخوك وش ينحط عند المحطات
ابوفهد : خلونا نشرب شاهي ونفكر الا مانطلع بشي هايل جب الشاهي

انتهى البارت

قراءه ممتعة يااصدقاء ❤️❤️❤️ اعتذر عن التاخير الي صار بس الواتباد رفض يدخلني طول هذيك المدة وكويس ضبط الحين شكرا لدعمكم الحلوو مثلكممم ، ومبروووك للحلوه الي كاتبه تبي تختم الروايه قبل تتزوج مبروكك زواجك والله يجعله زواجه الدهر 🤍🤍🤍🤍🤍🤍