"جابك الله في زحام العمر صدفة "

7

~~~ في بيت ابو محمد ~~~
فاتن : يلا يلا افتحيها
ميهاف : انتي متحمسه اكثر مني ؟
فاتن : اي نشوف حبيب القلب وش جايب لتس
ميهاف : حبيب قلب ايش انتي تعرفيني ماحب ذي الحركات
فاتن : انا اعرفتس بس ولد الناس مايعرفتس افتحيها اخلصي
ميهاف : اوف منتس يافاتن
فاتن : دقيقه دقيقه هذول وش جابهم في جوالي
ميهاف : من تقصدين
فاتن : صور هذولي ؟ كتذكير "عبدالرحمن صور بجوال فاتن ونسى انه جوالها ولما جاء يحاول يحذفها هي جت طلبت جوالها "
ميهاف : هاتي اشوف اي هذا اخوي شهد صح
فاتن : للاسف اي دقيقه يمكن مصور حبيب قلبتس
ميهاف : اي اي جد شوفي ووريني
فاتن : فز قلبتس اشوف
ميهاف : خلاص لاتوريني
فاتن : ايوه ميهاف هذا هو الي عطاني الهديه
ميهاف : وريني اشوف
فاتن : هههههههههههههههههههههههههههههه هذا هو
ميهاف : قولي والله ماتمزحين علي
فاتن : ليه امزح عليتس اي والله هو
ميهاف : الحين افتح هديته
فاتن : أخيرًا
ميهاف : اهخ سوارتييييي فاتن سوارتي طلعت معه
فاتن : اوه اختار وقت مناسب يعطيك اياه اقري الكرت وش مكتوب
ميهاف : شكله شاعر كاتب "انتي قصيدة حبرها ماجف من اول يوم شفتك فيه"
فاتن : اوهه طلع رومنسي الولد
ميهاف : اهم شى لقيت سوارتي
فاتن : اي وش مخططه تعطينه
ميهاف : ليه اعطيه ذي سوارتي مايعتبر عطاني شى يمكن بس اشكره
فاتن : عطاتس حلاوه يالناكره
ميهاف : هو الي اقولك عيونه زايغه ويناظر
شهد : من قاعدين تتكلمون عنه ؟
فاتن : ولا شى
شهد : تكذبون علي وتخبون علي افا ؟
ميهاف : السالفه ومافيها
قاطعتها فاتن : لقيت صور عيال بجوالي
شهد : ومن هم !!
فاتن : اخوتس
شهد : وكيف جت صورته بجوالتس
فاتن : انا عطيته جوالي يصور وشكله نسى انه جوالي وصور هو وعيال عمك الباقين
شهد : اها ذي السالفه احسب شى حماس
ميهاف : ليه ماخليتيني اقول لها
فاتن : مدري خلي هالشي بيننا يمكن تزل وتقول لامها وامها تفضح الموضوع
ميهاف : ماتسويها شهد
فاتن : كل شى متوقع حبيبتي يلا نلبس ونروح للمستشفى
ميهاف : اي يلا
~~~ في بيت ابو محمد من جهه ثانيه ~~~
هايل : معقوله خذتها فتحتها وش رده فعلها طيب احس اني تسرعت بس خايف تروح لغيري
سياف : من تكلم
هايل : اكلم نفسي يعني حتى نفسي ماتخلوني اتناقش معها
سياف : خل نفسك ترتاح ونام ترا بكرا بنمشي للقرية
عبدالرحمن : تبون شى ياعيال
هايل : بوقتك وين بتروح
عبدالرحمن : بوصل الدكتورات للمستشفى
هايل : وانا جيعان عالعشاء حق الملكه نوصلهم وناخذ سحور
سياف : هيه جيبو لنا انا وزامل والعريس صح وين فهد
زامل : راح مع محمد ماتلاحظون انه ساحب علينا وصاير مع محمد وعبدالرحمن ساحب على محمد وصاير معنا
هايل : انا ملاحظ صاير محمد حافظ اسرار اخونا
عبدالرحمن : يلا ياهايل
هايل : اي يلا بلبس زبيرياتي
عبدالرحمن : عسى ماتاخرت عليكم
فاتن : لا تونا نزلنا
عبدالرحمن : اي زين يلا
~~~ في السيارة ~~~
ميهاف : كيف بشكره الحين
عبدالرحمن : بناخذ سحور تبون
ميهاف : لا يعطيك العافية
فاتن : ليه تقولين لا خلينا نناخر عالمستشفى
ميهاف : تستهبلين نتاخر واحنا اصلا مقفلين حق القريه وجايين ترا لو عرفوا بنودع درجاتنا
فاتن : بس تراني جوعانه
ميهاف : نطلب هناك اهجدي
عبدالرحمن : ارجع لكم اذا خلصتو
فاتن : لا مشكور ابوي يجينا ومره ثانيه اذا تبي تصور ركز بالجوال الي بيدك
ميهاف : شكرا هايل لانك لقيت سوارتي
هايل : ياروح هايل هالصوت
عبدالرحمن: هيه ولد اثقل مو كل درب امشي فيه تلحقني
هايل : وش دربك
عبدالرحمن : لا بس اقول اثقل وش ناخذ سحور
هايل : كبسه
عبدالرحمن : لا بجيب برست لنا
هايل : اليوم انا مروق جيبو الي تبون بكيفكم كل شى بكيفكم
عبدالرحمن : السر بالبنت ها
هايل : حرك حرك وشغل لنا اغاني
عبدالرحمن : رمضان اقعد بس اجل لاتحبون الا الابل
~~~ في المستشفى ~~~
فاتن : قرب العيد وطبعًا يعطونا اجازه بدايته شرايك نسافر
ميهاف : وين نسافر تستهبلين انتي ابوي مو مثل ابوك
فاتن : ابوي وابوك اصحاب انا بقول لابوي نروح للشرقيه واخليه يقنع ابوك تكفين بدال القرية والله مليت منها
ميهاف : حتى انا مليت منها بس ودي اجرب اعياد القرى
فاتن : لو اجازتنا طويلة عادي نجرب بعدها نروح بس حدها ثلاث ايام
ميهاف : بس فيه اجازه نهايه رمضان
فاتن : اي نسافر فيها يلا ميهاف انتي ماطفشتي من القريه
ميهاف : الا الا طفشت
فاتن : خلاص بكلم امي من الحين وبقنعه لان اجازه شهر رمضان باقي ثلاث ايام عليها
ميهاف : دقي وشوفي ابوتس وش يقول
فاتن : هلا يبه عسى م ازعجتك
ابو فاتن : لا لا يبنتي جالس بالعزبه سمي فيك شى تبين شى
فاتن : سلامتك يالغالي بس بقول لك شى
ابو فاتن : اي قولي
فاتن : شرايك يبه بالاجازه حقتنا نسافر
ابو فاتن : وين بتسافرين
فاتن : احم للشرقيه يعني قريبه تاخذ خمس ساعات كذا ونوصل وناخذ خويتي وعائلتها
ابو فاتن : شوفي ي اما نسافر باجازتكم الي برمضان ونرجع ونعيد بالرياض او اجازتكم هذي الي بتجي تكملونها بالرياض مع اول يوم عيد وبعدها نسافر اختاري
فاتن : ليه تبي نعيد بالرياض
ابو فاتن : الرجال توه حلف علينا ان اول عيد عنده بالقرية وكلنا قلنا تم وجالس اقنع بابو خويتس
فاتن : خلاص نسافر باجازتنا هالشهر ونعيد عندهم
ابو فاتن : على خير يبنتي اذا خلصتو شغلكم علموني اجي اخذكم
فاتن : تمام اوف اوف سبقنا شايبهم
ميهاف : ههههههههههههههههههههههه ها شقال ابوتس
فاتن : بنسافر بهذي الاجازه الي حدها خمس ايام والعيد بنعيد بالقريه
ميهاف : وابوي وش فيه
فاتن : مايبي يعييد بالقريه لان جد هذوليك حالف عليهم وصدق انا احسدتس على ابوتس
ميهاف : لا تحسدين ولا شى عاد من زين عيدنا الي بالمدينة زوجه ابوي تروح لاهلها وانا اقعد كذا لا عيد ولا شى
فاتن : هذاك زمان ياحبيبتي الحين انا معتس المهم بطلب سحور صراصير بطني قامت تطلع اصوات
ميهاف : اي اطلبي
~~~ في العزبة ~~~
ابو عبدالعزيز : صقر ابغاك بموضوع
صقر : هلا اخوي امر وش بغيت
ابو عبدالعزيز : ولدي كبر وانا ودي ازوجه
صقر : اي زوجه وشفيها
ابوعبدالعزيز : انا ابغى القرب منك ومارح القى احسن من نسابتك
صقر : اي والله اتشرف بعبدالعزيز احسن العيال وانا مربيه مثل ولدي بس تعرف يااخوي لازم اقول للبنت واخذ رايها
ابو عبدالعزيز : اي بس لاتتاخر علي ياخوي
صقر : والله شف البنت عندها تطبيق بالقريه باقي لها كم شهر وتخلص التطبيق اذا خلصته اخطبوا وابد مايصير خاطرك الا طيب
ابو عبدالعزيز : اجل اعتبرني حاجزها وماتروح لاي واحد غير ولدي
صقر : الشور شورها يبوعبدالعزيز بس الله يكتب الي فيه الخير
~~~ في بيت محمد ~~~
محمد : وشفيك يافهد كان صدرك ضايق
فهد : وش اقول وش اخلي يولد العم انا صحيح شفت البنت ومابها خلاف كويسه بس والله قلبي يتقطع لاني بظلمها معي
محمد : وليه تظلمها
فهد : لاني مابيها ليش محد راضي يفهم مابيها انا احب وحده ثانيه
محمد : فهد انا تزوجت هدى وانا مابيني وبينها شى واصلا كنت كارهه الزواج بس لما تزوجنا تغيرت نظرتي انت الي ليش مو راضي تفهم
فهد : مادري يامحمد مادري بس انا مابيها ومستحيل اشوفها كزوجه
محمد : استهدي بالله وصدقني بعد ماتتزوجها بيتغير كل كلام واذكرك ويلا قم نفطر
~~~ في بيت ابو محمد ~~~
ابو فهد : اسمعيني يابنتي بعدين وين فهد
ام فهد : راح ينام عند محمد
ابو فهد : دق عليه يادحيم
عبدالرحمن : ابشر ياعم
ابو فهد : يبنتي يافرح الحين انتي متزوجه وبتسكنين هنا بالمدينة بس لاتقطعينا وغير كذا عرستس بالقريه واذا تبين تتقضين روحي من الحين
فرح : ابشر يبه خلاص بروح اليوم بس م ادل شى هنا
شهد : ازهليني دحيم تعال
عبدالرحمن : قولي اسمي زين شتبين
شهد : اسمع انا بجمع البنات وانت جمع العيال وننزل السوق مع بعض انتو مع فهد وخالد واحنا مع زينب وفرح
عبدالرحمن : وش مطلوب مني الحين
شهد : طول عمرك فاهي وغبي ابيك تجمعهم
عبدالرحمن : اي بس كذا بسيطه تم
شهد : يلا بنات بقول لهدى وزينب وانا وندى وفرح
ندى : حلوو يلا تدلين انتي هنا
شهد : اي شدعوه
هايل : بتجي ميهافي
عبدالرحمن : من ميهافك
هايل : لاتقول اسمها لافرد ضلوعك هنا
عبدالرحمن : من هي طيب عشان نجيبها يالغثيث
هايل : الدكتورة مارح اتحرك الين تجيبونها
سياف : على اساس بتروح تتمشى معك هي
هايل : وجودها يكفي
سياف : اقول انت من جيت هنا وعلومك خربانه مير ارفع علومك
زامل : ارفعها لاخلي ابوي يرفعها وانت تعرفه
هايل : انتو ليش ناطلين اذانيكم وانت رح قل لاختك هايل يقول كذا
عبدالرحمن : ترا وجودك مثل عدمك بيروح يبلع هناك ابو بطين
شهد : هلا دحيم
عبدالرحمن : ولد عمتس الملحوس يقول مارح يجي غير تجي ميهافه
هايل : شقلت لك ماقلت لاتقول اسمها
شهد : من ميهافه عاد
عبدالرحمن : الدكتورة ذي هي وخويتها
شهد : اي ذكرتني فيهم هم اهم عنصرين يعجبني ذوق فاتن
عبدالرحمن : حتى انا يعجبني
شهد : وشو بروح اعلم امي
عبدالرحمن : اهجدي ولا والله ماخليهم يجون للسوق
شهد : خلاص ازهلني سرك ببير بدق عليهم
عبدالرحمن : خلاص امش بيجون
هايل : الحين اقوم
ابو فهد : وين كلكم على خير
سياف : بنروح للسوق مع فهد
ابو فهد : خذو اغراض لكم بعد
هايل : يمدي اخذ بشت
ابو فهد : لا مايمدي وبروح معكم انا وعمكم ناخذ لنا اغراض
ابو محمد : اي يلا ماعندي مشكله
ابو فهد : هايل قل لامك تتجهز خلهم يروحون مره وحده بكرا بنمشي للقريه
زامل : ماكنك استعجلت يبه فرح عندها اغراض كثيره ولازم تاخذها
ابو فهد : يمديها بيومين
سياف : لا مايمدي ترا
ابو فهد : يمدي هذا اذا ماعند زوج عمتكم وقال العرس هنا
ام فهد : اي يلا يام محمد جايينكم
عفراء : وين رايحين بجي معكم
ندى : تعالي الله يعينا عليتس
~~~ في المستشفى ~~~
فاتن : هلا شهد وش بغيتي
شهد : نبي نروح نتقضى لفرح وزينب وقلت لازم تشاركونا ذي اللحظات وغير اني احب ذوقكم
فاتن : اي الله يوفقهم والله ودنا نجي ونشارككم بس مشغولين
شهد : لا عاد تكفين تعالو
فاتن : لاتقولين تكفين خلاص بنجي بنحاول نخلص الشغل الحين وبنجي
ميهاف : من تكلمين
فاتن : شهد متصله علي تقول تعالو للسوق بيروحون يتقضون لفرح وزينب وان لازم نشاركهم ذي اللحظات وانا رفضت بس اصرت علي ووافقت
ميهاف : ليه يحاولون يدخلونا معهم احس مدري
فاتن : والله انا ماهمني كذا ولا كذا بخلص تدريبي وارجع عند ابوي
ميهاف : وتتزوجين وتتركيني صح
فاتن : م اظن قاعده على قلبتس حبيبتي المهم خلينا نخلص الشغل بدري عشان نروح
ميهاف : تهقين اخذ هديه لهايل بس محتاره ابغى شى يبقى معه
فاتن : انتي وش تحبين عطيه
ميهاف : شكل بالنهايه بعطيه ورد عشان يضل يسقيه ويهتم فيها
فاتن : فكره حلوه عطيه
ميهاف : لاتسلكين لي
فاتن : م اسلك بس والله مشغولين بعدين نفكر
ميهاف : اي قولي كذا بدون تسليك
~~~ في السوق ~~~
فهد : ليش جايبيني
هايل : بنسوي لك عرضه هنا بين الاوادم
محمد : عمي يقول ان العرس بالقرية وان خوذو اشيائكم من هنا ومافيه وقت غير اليوم ننزل
فهد : ابوي ليه مستعجل العرس قلنا الشهر الجاي
سياف : اقول شقتك وش ناقصها
فهد : ماعندي شقه
سياف : تستهبل ابوها يبيك تسكنها هنا بالمدينة
فهد : وانت مصدق الفندق بحطه عندها وبعدها برجع للقريه هي صارت حرمتي والشور شوري
هايل : اي تمرجل عليها هذي عوايدكم المرجلة عالحريم
زامل : خلونا من كل شى انت وين بتاخذها شهر عسل
فهد : مافيه شهر عسل
محمد : لا هنا ستوب ترا هي متزوجه عشان تنبسط مو تحبسها بعدين شذنب البنت اذا انت ماتبيها شذنبها
فهد : لا تحطون اللوم علي وانتو خابريني ماعندي شهر عسل ولا بصل
زامل : اقول تعدل لايوصل العلم لابوي بتوديها لشهر العسل وبتنبسطون وبترجعون وخل تفاهتك يافهد بعدين ترا اللحظه ذي مره حلوه
عبدالرحمن : اسكتوا اسكتوا اخوها جاء
خالد : السلام عليكم ليه سكتوا لما جيت
هايل : كنا نمدحك يالنسيب وين مهاجر مع ذا الاغراض
خالد : وين ترا لسى م اخذت حاجه هذي بس اخذت فازات وتحف وورد مجفف عشان ارتب قسمي انا وفروحي
زامل : صار اسمها فروحي تفضل تعلم
خالد : فهد وين حاب نحجز الفندق عندك مكان معين تبي نحجز فيه
فهد : انا لو علي حطيتها بمجلس القريه
محمد : قصر صوتك احم لا ياخالد انت احجز على علمك فهد ماله خبره بذي الاشياء
خالد : على خير ان شاء الله ليه للحين م اخذتوا شى
هايل : اول مره يجيب لي طاقه إيجابيه
عبدالرحمن: اسمعوا بما ان خالد ماعنده اخوان ف بنروح معه انا ومحمد وعزام وانتو ي اخوان فهد روحو معه
فهد : محد يفهمني الا محمد عطوني اياه وخذو هايل
هايل : شقصدك يعني م افهمك
فهد : تفهمني تفهمني بس انت جني وتعاند ف رح معهم
هايل : مردوده بس عشانك عريس
سياف : اقول الله يعينك على هذره خالد عاد يوه لقى موضوع مارح يسكت
هايل : احسن من اخوك معطي وضعيه حياه الفهد
عزام : حلوه ههههههههههههههههههههههههههههههه
~~~ من جهه ثانيه فالسوق ~~~
فرح : ياشهد افهميني انا ابي لبس لصباح العرس يكون هادي هذا مره اوفر
هدى : ماله داعي فستان يبنت الحلال ترا علطول بياخذتس للسياره وبتسافرون
فرح : لا حبيبتي مرسل لي اليوم وقايل ترا صبحيه الزواج بنطلع نفطر وبعدين بنروح للقريه نسلم على اهلك واهلي وبعدين نروح للمطار
زينب : اوه عاد يحظتس اخوي رومنسي
ميهاف : طيب اسمعوني كذا بنمشي حبه حبه ومابنخلص والليل قصير شرايكم ننقسم نص مع فرح ونص مع زينب
ندى : خلاص انا وهدى وعفراء وشهد مع فرح وميهاف وفاتن وسلمى مع زينب
سلمى : اي طيب يلا ترا رجولي اوجعتني
فاتن : زينب ماودتس نتقاسم المهر ونسافر
زينب : م اقول لا ههههههههههههههههههههههههههههههه
ميهاف : اول شى نحجز فستان عرسك سجلي ياسلمى واذا خلصنا نحط صح
سلمى : وين اسجل
ميهاف : مامعك جوال ؟
سلمى : لا
فاتن : ازهلوني انا بسجل
ميهاف : يلا اسمعوا انتو بنرجع نتقابل هنا تم
هدى : تم
زينب : بنات انا عندي ملابس بالبيت بس اشتري فستان عرس والاشياء الزايده والي مو عندي وخلاص
ميهاف : حبيبيتي هذا زواج يبيلك كثير اشياء وبعدين بتسافرون ولازم ملابس مناسبه
زينب : مصدقه بيسفرني اعرفه ذاك
سلمى : وراتس على ولد عمي ترا خير الرجال ومحظوظه
زينب : خذيه
فاتن : اسمعي تبين ميكب ارتست وحقت الشعر تجيتس للفندق تزينتس
زينب : ماله داعي
فاتن : عاد الى هنا وبس وش كله ماله داعي تستهبلين
ساره : أخيرًا حصلتكم
ميهاف : ليه جيتي هنا
ساره : هذوليك المجموعه نفخو قلبي من كثر الهواش
زينب : ياحبيبتي هنا اكثر
خالد : اوه اختي هنا
زينب : وش جابكم هنا
خالد : جايين نتقضى حتى زوجك هناك
عبدالرحمن : يليل ذا النشبه وراي وراي
فاتن : من يقصد ذا
سلمى : شكله يقصدتس
فاتن : اقول عيونك قدام وانتي امشي كانك اول مره تشوفين اخوتس
ميهاف : شرايتس ناخذ لتس ورد
فاتن : اجتمعوا ميهاف وزينب وش يحركهم
سلمى : لو جايبين عمتي جهير مشتهم
زينب : ضايق خلقتس منا روحي تراتس مو مجبوره
سلمى : م ادل شى هنا المشكلة
ساره : طيب الحين بتمشون ولا رحت مع اخوي ؟
فاتن : بنمشي بنمشي يلا يازينب اختاري فستان
زينب : مدري انتو شرايكم
ميهاف : انتي العروس راينا مو مهم
زينب : وش تشوفون مناسب علي خذوه
~~~ في بيت ابو محمد ~~~
ابو فهد : شلون تسمحين لهم يروحون بدون واحد كبير معهم بايعه عقلتس يامراه
ام فهد : ماديت انهم بيروحون لحالهم عساس كلنا مع بعض بس هم خططو بينهم وراحوا
ابو محمد : استهدي بالله ياخوي الحين نروح احنا ماصار شى ولا قامت الدنيا بناخذ الحريم الكبار ونوديهم
ابو فهد : الا يطلعون عن كلمتي ويسوون اللي ببالهم بس الشرهه على التيوس الي انا جايبهم
ابو محمد : يلا يام محمد وام فهد اجهزوا وناخذكم ونمر جهير ناخذها
ام محمد : اي يلا يلا بس سالم وين احطه
ابو محمد : خذيه معتس
ام محمد : اي زين بنلبس ونجيكم
~~~ في السيارة ~~~
ابو فهد : انت شلون تسمح لهم يروحون بدون جهير
ابو خالد : وانت شدخلك عليك من بنتك وولدك انا واثق بذوق عيالي بدوني وبدون امهم
ابو فهد : وش شدخلني بنتي وولدي الي بيعرسون
ابو خالد : والله شف يابو فهد كانك مستعجل فانا مو مستعجل وانا ناوي احط اعرس لعيالي ماصار ولا استوى وانت اذا تبي تحط عرسك بالقريه وتعاندني ف خذ بنتك وولدك وحط عرسهم بقريتكم
ابو فهد : انت الي معصبك اني قايل بحط العرس بالقرية صح
ابو خالد : اي صح وان كانت فكرتك تضحك علي وتسكن بنتي بالقريه بحكم انها صارت زوجه ولدك فغلطان بنتي وراها سند يحميها ويحمي لها مكانها ماهي ساكنه بقريتكم الخايسه تخدمك انت وعيالك
ابو فهد : ذا اخر كلام عندك يبو خالد
ابو خالد : اي ذا اخر كلام عندي ويا انا يا انت
ابو فهد : اجل خذ العلم العرس بيصير بالقرية وغير القريه مانيب جايب بنتي وولدي لمكان واعلى مافي خيلك اركبه وخل يقعدون عيالك بتبسدك محد ماخذهم
ابو محمد : استهدو بالله بتصيرون انساب وتتهاوشون عالعرس وين
ابو فهد : انا عطيته العلم والحين تدق على ولدك يرجعون كلهم ولحد يتقضى الين تلين الحطبه الي براسه و يا انا يا هو
~~~ في بيت ابو خالد ~~~
جهير : ليه تقول يارجال احنا مالنا دخل الشور للعرسان
ابو خالد : انتي لاتدخلين محد اقنعني اقبل بولد اخوتس غيرتس ولا انا وش ابي اعطي بنتي لولد قرية
ابو عزام : والله يالنسيب الولد ينشرى بطيبه وباخلاقه مو بفلوسه ومسكنه وكانكم للحين معاملين عيالكم بزران وانتو الي تنظمون حياتهم فالغلط منك ومن اخوي لان كلهم كبار وعارفين وش يسوون وبحركاتكم ذي بتخربون النصيب الي جمع عيالكم وانت يبو خالد شرطت شروط واخوي قبلها بصدر رحب يوم جت عليه وشرط شرط واحد رفضت وقومت الدنيا وشفيها لو صار العرس بالقريه وانت تخبر ضيافه اخوي مايقصر ولا يسود الوجهه
ابو خالد : انت لاتتدخل يبو عزام ماسمعت اسلوب اخوك كانه مغصوب وكان عيال منطولين له
ابو عزام : انا عم عيال اخوي وخال عيالك كانك ناسي وانت يبو خالد الي تبي تمشي كل شى على رايك ومو عشانه اخوي ادافع عنه انا مع الحق بس انت مناسبتك قشرا يلا يام عزام شيلي عفشنا مالنا قعده ببيت واحد يتطاول علينا
ابو خالد : وين الحق الي أنت دائمًا تقوله اصلا من زين نسابتكم ولاني راضي بنتي تاخذ ولد اخوك ولا ولدي ياخذ بنت اخوك عيالي يتمنونهم الاحسن من كذا واختك الي خلتني أوافق وحشمه لها مارح اطردكم
ابو عزام : نيتك وصلت يبو خالد ماقصرت وريتنا تربيه اهلك يلا يام عزام انتظرتس برا
جهير : الله يهديك يبو خالد زين كذا تسوي تزعل اخواني
ابو خالد : كانتس بطرفهم هذا اخوتس بيروح روحي معاه
ام عزام : وراهم تهاوشوا
ابو عزام : ابو خالد ردي يعامل الناس وكانهم خدم عنده ويبون نسابته
ام عزام : الله يصلحهم كان من بدايه هالعرس وانا عارفه انه شر
~~~ في السوق ~~~
خالد : كيف تقول كذا لخالي يايبه كيف تقررون بدون راينا
ابو خالد : هالزواج بيتكنسل والحين خذ خواتك وارجع للبيت بسرعه
زامل : شوفي ابتسامه فهد مو مصدق انه بيتكنسل كل شى
سياف : اي اشوفه محد مبسوط غيره
خالد : يلا يازينب وساره بنمشي
زينب : شصاير
خالد : ابوي تهاوش مع خالي وكنسلو كل حاجه
زينب : صادق
خالد : اجل امزح معاك عارف رح تنصدمي انا اعتذر لك بالنيابه عنهم
زينب : ياحبيبي انت لاتعتذر ولا شى لعلها خيرة
عبدالرحمن : بنرجع للقريه الحين
ابو محمد : اي اخلصوا ارجعوا للبيت عشان انت تروح ولا انا مارح ارجع للقرية
عبدالرحمن : طبعا هم يتهاوشون وانا اكلها
محمد : معقوله هم صادقين ؟
فهد : اي تبي ابوي وزوج عمتي يمزحون
هايل : الحين صار اسمه زوج عمتي
فهد : اي خلاص بيتكنسل كل شى ويرجع كل شى لمكانه
سياف : وانت مبسوط عشانك بتاخذ حبيبه القلب
فهد : اكيييد بس برجع القريه معكم اساند ابوي
زامل : الله يعين محد بياكلها غيرنا
هدى : محمد رح نرجع
محمد : اي والله بنرجع للبيت كنسلو كل شى
فرح : ليش ابوي يسوي كذا مسترخص فرحه بنته وولده
فهد : انتي لحالتس فرحانه انا مو فرحان
فرح : ماله داعي سماجتك الحين يافهد
ندى : أخيرًا بنرجع لقريتنا
هايل : اشتقت لنياقي
ندى : حتى انا اشتقت لهم
عزام : يلا مشينا نرجع حتى ابوي تهاوش مع زوج عمتي
سياف : والله شكل الموضوع كبير
فاتن : احم بتصل على ابوي يرجعنا
ميهاف : يكون افضل لان مواضيع عائلية
فاتن : اصلا مالي خلق اسمع لسوالفهم
~~~ في القرية ~~~
ابو فهد : فرح تعالي
فرح : ماسويت شى انا
ندى : روحي روحي ابوي مستحيل يهاوشك مالتس دخل
فرح : هلا يبه
ابو فهد : انتي تبين خالد
فرح : حتى الحين بتسال خلاص صرت زوجتة
ابو فهد : بس ابو الولد مايبيتس
فرح : الي تشوفه انت افضل
ابو فهد : والله يابنتي ماكانت نيتي اخرب زواجكم بس هو طول لسانه ولا احترمني وجلس يقلل منكم
فهد : لاتزعل يبه وانا من طرفي مستعد بكرا اروح للمحكمه واطلقها
ابو فهد : ههههههههههههههههههههههههههههههه انت تبيها من الله
فهد : اي والله يايبه قلت لك مو مناسبين لنا واجبرتني
ابو فهد : الا ماتزين نصيب اختك مانخربه
فهد : ليش مارفضتي ليه ساكته تبين واحد ابوه يهينتس
فرح : ماقلت شى انا حطيت الامر بيد ابوي
فهد : ابوي يبيهم يبينا ناخذهم وانا مابي لو رفضتي تطلقنا
زامل : تستهبل انت عشانك تحب وحده وضامن نفسك تجبر اختك تطلق
فهد : م اجبرتها بس ابو خالد مايبينا هي غصب بتاخذه
هايل : شدراك انه مايبيها هم عشانهم تهاوشو
فهد : الا ادري وواضح
فرح : مالك دخل بحياتي ماتبي زينب طلقها
فهد : ابوي رابطني فيتتس بتروحين الحين وتقولين لابوي مابيه وبنتطلق بسرعه قدامي
سياف : لاترفع صوتك عليها اذا هي تبي خالد رح تاخذه غصب عن الكل تخليها تطلق عشان انت تاخذ الي تبيها وشذا الانانيه ذي
ندى : أتركوا الشر لايسمع ابوي
فهد : اسمعيني يافرح تعرفيني م ارضى عليتتس بس هي كلمتين رح تروحين تقولين لابوي مابيه ورح تطلقين ويجون يخطبوتس غيرهم
زامل : فرح مارح تقول كذا لابوي رح انت وقل لابوي كذا كان فيك رجوله رح انت وواجهه ابوي وقل له
فهد : انت لاتتدخل وامسك حرمتك وانتي تعالي للمجلس وقولي له
فرح : مارح اجي
فهد : لاتعاندين وتخليني امد يدي عليتس
هايل : ماعاش الي يمد يده على خواتي وانا موجود وخلنا محترمينك عشانك الكبير ولانتطاول على بعض
فهد : والله يافرح لو يتم ذا الزواج وماخذ البنت الي احبها لاخلي خالد يطلقتس بطريقتي ولاتنسين انا باخذ اخته
فرح : خلاص سياف وهايل وزامل وخرو بروح اقول لابوي وخلوه ياخذ الي يحبها انا مابغى اتزوج
زامل : لاتصيحين يافرح وتصيحينا معتس فهد رخمه مايقدر يسوي شى ودام احنا وراتس مايقدر يلمستس
فرح : الله يخليكم لي
هايل : يلا مسحي دموعتس وترانا اشتقنا لطبختس
سياف : ابو بطين ذا مايخلي طبعه
هايل : ابي اضحكها بس
زامل : اخوكم ذا انهبل رسمي
سياف : ماندري من نتحمل طاقتي خلصت عليكم
هايل : هزتني دمعتها وعيونها وهي منصدمه من الكلب فهد والله لو يسوي شى يضر فرح لانسى اخوتنا وافرد ضلوعه
زامل : اهدا انت بعد فهد من البدايه مايبي ذا الزواج وجته فرصه الحين ولا يبي يضيعها فعشان كذا رفع صوته عليها ولاترفعون فهد مو من عوايده يسوي كذا
سياف : اي بذي صادق كنت انت الجني بيننا
زامل : امشوا امشوا عند ابوي بس
~~~ في بيت ابو خالد ~~~
خالد : يايبه تكفى مانبي اطلق ليه مسترخص علي فرحتي
ابو خالد : رح تروح ولا انا بروح اطلقها
خالد : زينب قولي شى
زينب : انا من البدايه مابيه
ابو خالد : والله انا غلطان غصبت بنتي ولا هي جت وقالت لي
خالد : يافرح يا مابتزوج ابد
ابو خالد : لاتتزوج قال ايش يافرح يا لا
~~~ في بيت ابو فاتن ~~~
فاتن : اسمعي ماودتس تعرفيني على ولد عمتس
ميهاف : ولد عمي ؟؟؟
فاتن : اي شفته جاء يسال عنتس بالمستشفى وعندتس ذا الزين كله وماقلتي لي
ميهاف : امه ماتحب امي ويعني ماتحب امي ماتحبني فعشان كذا انا بكبري مااشوفه
فاتن : يوه اجل فاتتس
ميهاف : مافاتني الا الشر مابيه اصلا
فاتن : من تبين اجل
ميهاف : بما انتس تعرفين كل شى فمروض عارفه من ابي
فاتن : ولد القريه هايل ؟؟؟
ميهاف : اي يعني مو حب حب يعني احس بديت اعجب فيه
فاتن : اخيراااا تعالي احضنتس
ميهاف : يمه علامتس
فاتن : اخيرا حبيتي اخيرا اعترفتي كنتي اخر انسانه اتوقعها تحب
ميهاف : اي والله حتى انا منصدمه من نفسي بس ابيه بالحلال
فاتن : من قده بياخذ اختي مني
ميهاف : الولد للحين مايدري وش ياخذني منتس
فاتن : اي مو اذا اخذتيه تنسيني
ميهاف : لا افا عليتس بجيبتس عندي
فاتن : هذي الصديقه
~~~ في القرية ~~~
عبدالرحمن : شصار عسى زانت اموركم
هايل : لاتسال يادحيم فهد انهبل
عبدالرحمن : ليه وش مسوي بعد ؟
هايل : تعال للمزرعه عندنا وأعلمك
عبدالرحمن : اي يلا امش
~~~ في بيت ابو فهد ~~~
ندى : وشفيها يمه لو شريت جوالي هذا كل اخواني وفرح شرو جوال
فرح : خالد الي جابه لي
ندى : يلا يمه تكفين قولي تم
ام فهد : للحين انا على قراري عاد بعدين يمكن
ندى : لا لا مافيه بعدين ابي قرارتس الحين
ام فهد : انا من عندي موافقه وابوتس مارح يقول شى بس قولي لاخوانتس يجيبون لتس
ندى : يا احلى عائله بالدنيا انتو بقول لهايل يجيب لي
عفراء : شعندها اختس مستانسه
فرح : وانتي شدخلك
عفراء : طايل لسانتس كان فيتس حره حطيها بعمتتس وزوجها مالنا دخل
ام فهد : انتي ماعندتس زوج وعيال تهتمون لهم
عفراء : والله ياخاله زوجي وعيال مالتس دخل فيهم
ام فهد : الله يصلحتس على طوله لسانتس
~~~ في بيت ابو عزام ~~~
عزام : يبه يمه بقولكم شى
ام عزام : الله يستر ياوليدي وشفيك
عزام : لاتخافين يالغاليه ذا القرار حلو وبيعجبكم
ام عزام : الله يارب بتتزوج
عزام : لا انا لما كنا بالمدينة رحت دورت وظيفة ولقيت
ابوعزام : الله يبشرك بالخير يولدي بس شلون تروح لحالك
عزام : هناك فيه سكن خاص لموظفين الموسسة نفسها حاليا حاطين لي سكن مشترك بس لو انا متزوج يحطون لي سكن خاص
ام عزام : وش يعني سكن خاص ومشترك
عزام : يعني شقه مع مجموعه عيال يشتغلون معي بالموسسه
ابو عزام : طيب حلو ابد يولدي رح دربك خضر والحلال انا امسكه
ام عزام : ماودك اخطب لك
عزام : يايمه لانستعجل محد بيوافق يزوجني وانا ماعندي وظيفه حكوميه
ام عزام : دامك مقتنع ومتحمس رح بس تواصل معنا لاتقطع
عزام : افا يالغاليه ماقطع وصالكم باخذ لسلمى جوال واصير اكلمكم منه
ابو عزام : استودعناك الله يولدي متى بتروح
عزام : ابمشي بعد المغرب للمدينة ومن بكرا اباشر بالشغل
سلمى : بشتاق لك ياعزام
عزام : عاد انا مارح اشتاق لتس
سلمى : حتى انا بس جب الجوال بسرعه
عزام : مصلحجيه طول عمرتس ياسلموه
~~~ في المستشفى ~~~
ميهاف : فاتن بكرا بنرجع للقرية
فاتن : والحين بنروح لمكتب المدير عشان يهاوشنا كالعادة
ميهاف : يوه مالي خلق محاضراته اليومية
فاتن : مجبورين امشي امشي
ميهاف : احم السلام عليكم
المدير : وعليكم السلام ادخلو ادخلو
فاتن : طلبتنا نجي لمكتبك فيه شى
المدير : فيه اشياء واجدة كيف تتركون مركز صحي كامل وتجون هنا اسبوع كامل
ميهاف : كانت عندنا حاله طارئه واظطرينا نروح معها
المدير : وعلى اي اساس تروحون معها تطلبون اسعاف تاخذها وتقعدون بالمركز
فاتن : صح احنا اخطينا
المدير : رح اخصم من مكافأة التدريب ولو سويتوها مرة ثانيه رح اكتب فيكم واوقف تطبيقكم عُلم؟
ميهاف : تمام على خير اول واخر مره
المدير: خلصت كلامي تقدرون تطلعون
فاتن : مسوي منظم على روسنا رح اكتب فيكم ورح اخصم يخصم وش يبقى
ميهاف : احنا غلطانين رحنا وتركنا مركز كامل زين بعد حقين القرية مارفعوا خطاب
فاتن : لان محد يمرض عندهم
ميهاف : ههههههههههههههههههههههههههههههه
~~~ في القرية ~~~
هايل : يازين ريحة القهوة عزالله انها ترد الروح
ابو فهد : اي صبها لاسحب روحك
هايل : ابشر يايبه
ابو عزام : السلام عليكم
ابو فهد : هلا هلا بالعضيد اقلط اقلط
ابو عزام : ياهلابك شصار على ابو خالد
ابو فهد : ماصار شى وراسه يابس وانا ايبس
ابو عزام : والله ماعجبني كلامه وحركاته مسترخصك
ابو فهد : معليك برجعه لمقامه
ابو عزام : تسوي خير
عزام : ياعيال البشارة
سياف : بتعرس؟
عزام : ههههههههههههههههههههههههههههههه لا لا بتوظف
زامل : اخيرا مبروك يشيخ مابغيت
هايل : بنفتك من فلسفتك
عزام : اي اي بتفتكون وظيفتي بالمدينة
عبدالرحمن: الله يوفقك ومحظوظ افتكيت من القريه
عزام : اي والله انك صادق بس برضو بشتاق لها
سياف : م الومك قريتنا ماينمل منها
هايل : يلا مبروك وعقبالي
زامل : بعد تبي تتوظف
هايل : اي والله يازامل بخاطري اتوظف
سياف : تلقى تلقى ان شاء الله

"انتهى البارت"
____________________________________
اعتذر عن تاخير التنزيل بس مشغولة بالجامعة واعتذر عن الاملاء صححته ، قراءه ممتعة
🤍🤍.