"جابك الله في زحام العمر صدفة "

19

~~~ في بيت ابو فهد ~~~
ندى : يبه يبه يبه
ابوفهد : الله يخلف العدو وشفيتتس انتي تصارخين
ندى : يبه بيت عمي ابو سطام مشغله لمباته
ابوفهد : بسم الله الرحمن الرحيم وابوسطام نقل للشرقيه وماهو راجع هنا
ندى : والله يايبه وفيه سيارتهم عند الباب
فهد : وانتي وش عرفتتس طالعه للشارع
ندى : من شباك المطبخ شفت بيتهم
ابوفهد : صادقه ياندى محد فاضي لهبالتس من الصبح
ندى : والله يايبه صادقه واطلع وشف بنفسك
ابوفهد : امش يافهد نشوف
~~~ في بيت ابو سطام ~~~
ابوسطام : سطام يولدي قم يلا
ام سطام : خله يكمل فطوره
ابوسطام : يكمل فطوره وهو ماخذ سيارتي ومابقى تراب مالطخ فيها قم نغسلها
هديل : قم يلا قم
سطام : ابشر يبه يلا
ابوسطام : بسم الله اصبحنا واصبح الملك لله يولدي شرايك نفتح بنك هنا
سطام : والله فكرة يايبه وبالذات ان هالقريه فاضيه مافيها شى
ابوسطام : شغل الماء وافتح البايكه
ابوفهد : اي والله يافهد انفتحت بايكتهم
سطام : هديل جيبي الصابون
هديل : ومالك رجلين تجيبهم انت
ابوسطام : اخوتس قال جيبي تجيبين يلا بسرعه
هديل : طيب يبه تبشر
هايل : يبه وش تسوي هنا
فهد : اسكت اسكت لقى صديقه
ابوفهد : ابوسطام وش جابك هنا
ابوسطام : ابوفهد ياهلا ومسهلًا والله
سطام : يعرفون بعض
فهد : اي اصدقاء من قبل لايجيبونا
هديل : امسك الصابون يمه من وين طلعوا هذولي
سطام : الله يخرشتس من اخت
هايل : والله طلع عند عمي ابو سطام بنت حلوة
ابوفهد : وينك انت اختفيت كم سنه مرت يبو سطام
ابوسطام : امسدح دمعتك يبوفهد مافاتنا شى هذاني رجعت وماودي اقول انها فترة وبرجع للشرقية
ابوفهد : يامرحبا فيك تعال تعال حياك الله ف بيتي هايل جهز القهوة
ابوسطام : وش جابك وراي
سطام : بجي معك
ابوسطام : اقعد نظف السيارة يلا
فهد : هات هات اساعدك
سطام : الله محييك وش اسمك
فهد : انا فهد
سطام : انت الكبير المخدوم مثلي
فهد : والله عند ابوي محد يقوم والثاني مرتاح فكلنا مخدومين
سطام : انتم ساكنين هنا ولا مثلنا فترة وبترجعون
فهد : لا احنا ساكنين هنا من انولدنا بس انا شغلي فالرياض ففترة ابجلس هنا وبرجع
سطام : حلو ماشاء الله
ام سطام : من كان يكلم ابوتس ووشفيتس جايه تركضين بنت اكلمتس
هديل : هلا يمه وش قلتي ماسمعت
ام سطام : من كان يكلم ابوتس برا
هديل : مدري رجال غريب اسالي سطام كان معه
ام سطام : وانتي وش فيتس جايه تركضين من هناك وياله تتنفسين
هديل : ها لا لا مافيني شى بروح اغسل الموعين
ام سطام : وشفيها هالبنت انهبلت عطيني جلالي ابطلع اشوف وش صاير
~~~ في بيت ابو فهد ~~~
ابوفهد : الله يحيك يبوسطام والله ان شوفتك رجعت روحي وايامي
ابوسطام : ماعليك زود يخوي وانت وينك ماتجي للشرقية
ابوفهد : ابد والله جالس بقريتي وعاداتي ماتغيرت مجلسي مفتوح
الجد محمد : هلا هلا بابو سطام شلونك يبوي شخبارك وشلون ابوك
ابوسطام : هلا بعمي بخير جعلك بخير وابوي عطاك عمره من كم سنه والله يرحمة
الجد محمد : الله يرحمه هم السابقون واحنا اللاحقون
ابوسطام : اي والله انتو شلونكم وش صار بالقرية بغيابي
ابوفهد : على حطه يدك
الجد محمد : انا بروح مع زامل نفتح المحل
ابوفهد : انتبه لابوي يازامل
زامل : ابشر يبه
ابوفهد : هايل رح شف الحريم وش محتاجين وجبه ولاتنسى مر على دحيم ومر على اخوك سياف شفه سقى النياق والغنم والخيول
هايل : ابشر يبه واضح ابوي يصرفنا فيه شى مهم
ندى : هايل تعال طلع صدق عمي ابو سطام فيه
هايل : اي طلع صدق جاي للقريه
ام فهد : مر على ولده وقل له يجيب امه تكفى مشتاقه لها
هايل : على خشمي وش محتاجين عشان اجيب معي
ندى : فواكه ولبن بس
هايل : تبشرين يلا انا رايح
عفراء : هايل ولا عليك امر جب حليب وحفايض لعيالي
هايل : ابشري ياام عبدالله
ندى : نسيتي شلون شيشتي زامل على هايل الحين شوفي من يجيب لعيالتس الاغراض
عفراء : عم بالاسم
زينب : صباح الخير اسفه ياخالتي توني قمت
ام فهد : لا عادي يبنتي عساتس نمتي زين
زينب : ظهري تكسر وين النومه الزينة
ام فهد : ليه وش فيتس
عفراء : مايحتاج ياخاله تسالين
زينب : يازينتس وانتي ساكته امس كله نايمه عالارض وقمت ظهري يوجعني
ندى : نواياتس خبيثة
عفراء : اي يعني مارح تسووين شى وبتروحين تكملين نومتتس
زينب : لاتخافين ماني رفله مثلتس ابغير وبجي اليوم الغداء انا بصلحه ياخاله
عفراء : اي زين اجل بروح اعطي عيالي من حناني
ام فهد : مارح نخلص من مناقره هذولي
ندى : اي والله يايمه شرايتتس نهرب
ام فهد : جهزي القهوة بس وتكشخي ترا ام سطام عندها ولد وعندهم حلال زين والولد ماسك حلال ابوه كله بنوك ومحلات فالشرقية
ندى : تبين الفكه مني ياام فهد ؟
ام فهد : روحي سوي الي قلته يلا
~~~ في بيت ابو سطام ~~~
هايل : السلام عليكم
سطام : ياهلا وعليكم السلام
هايل : للحين ماخلصتو تنظيف سيارة
فهد : خذتنا السوالف وشعندك انت
هايل : سطام قل لاهلك يجون لاهلي عازمينهم
سطام : ابشر ابقول لهم مشكور يافهد ابغسلها بالماء الحين وبدخلها فالبيت يعطيك العافية
فهد : الله يعافيك الجيران لبعضهم ياسطام
هايل : امش امش نمر على دحيم وبعدها نروح نجيب الاغراض الي وصتني امي عليها
فهد : ومن بيخدم ابوي فالمجلس
هايل : إي دائمًا تلقى لنفسك عذر رح لابوي يلا
فهد : يلا انا رحت لاتنسى شى وصوك فيه
هايل : ياربي انا متى افتك من هالقرية لازم ادور لي حجه واهرب مثل عزام
~~~ في المركز الصحي ~~~
محمد : ها وش تحس فيه اليوم
عبدالرحمن : احس ان اعضائي تطلب الرحمة
محمد : وليش ان شاء الله وشفيهم وش مضايقهم
عبدالرحمن : تستهبل لي يومين وانا منسدح على بطني انغفصت معدتي مع الكبد مع المعدة يارجال وانت تقول وشفيهم
محمد : عاد شنسوي لك سدحناك من كل الاتجاهات
عبدالرحمن : ابي اطلع من المستشفى ارتاح فالبيت اكثر
محمد : الي تشوفه ابطلع أخلص إجراءات الخروج اذا انت صامل
عبدالرحمن : اي صامل رح
سالم : عمي هايل جاء
فاتن : اي قطع
ميهاف : فاتن اهجدي مااسمح لك ترا
فاتن : اي قالوها الي لقى احبابه نسى اصحابه
هايل : هلا هلا بحبيبي سالم ها شلونك حرصت المكان مسكت الحرامي
سالم : لا ماجاء احد ابشرك
هايل : اي شافوك خافو وهربوا وين ابوك وعمك
سالم : بالغرفة وانا جالس عند حبيبتك
هايل : الله يفضحك اسكت السلام عليكم
ميهاف : وعليكم السلام
هايل : شلونتس
ميهاف : بخير
فاتن : هذا مستشفى ماهو ملتقى المحبين
هايل : كم رقم غرفه دحيم
ميهاف : تعال اوديك لها
محمد : اوه هايل وشعندك هنا جاي احد فيه شى
هايل : لا لا ابوي وصاني امر على دحيم لو محتاج شى
محمد : لا الحمدلله مو محتاج شى ابطلعه الحين مايبغى يجلس ماهو خطر عليه صح يادكتورة
فاتن : لا ماعليك هو قط بسبع ارواح
محمد : وشفيها ذي منفسه وتتكلم كذا
هايل : خلها خلها اذا شافتني كانها شايفه جني ابدخل اشوف دحيم
عبدالرحمن : اوه هايل جايني شعندك اعترف مشتاق لي اهخخ وش تسوي يالمطفوق
هايل : اشيك على ظهرك ليكون فيه شى مااكشفوه
عبدالرحمن : وبتكشفه انت وخر عن ظهري ترا يوجعني
هايل : ويوم انه يوجعك ليه تبي تطلع
عبدالرحمن : طفشت من المستشفى والله شسوي
هايل : بتروح للبيت بين اربع جدران وبتجلس نفس الشى
عبدالرحمن : لا لا ان شاء الله اطيب واقوم لاني تعبت من السدحه ذي الي بدون فايدة
سالم : كذاب عمي عبدالرحمن عشان الدكتورة مااعطته وجه قال بيرجع للبيت
هايل : شهد شاهد من اهله وش يفكك منه الحين ليش وش قايله الدكتوره له علمني قل لي
عبدالرحمن : سويلم اسكت حاطينك عندي مراقبة
سالم : ماقالت شى له بس مااعطته وجهه وفهمك كفايه
هايل : اكلك اكلك تخاويني ناخذ مقاضي للبيت
سالم : اي يلا طقت روحي من المستشفى
عبدالرحمن : اوريك ياسويلم
هايل : تبي شى ولا اروح
عبدالرحمن : لا لا رح دربك خضر بس مرني فالبيت تسليني
هايل : ابشر يلا انا رحت
عبدالرحمن : يالسفيه لاتحط يدك على ظهري عجزت اعلمك
هايل : اعاند ههههههههههههههههههههههههههههههه
محمد : وين ياهايل
هايل : ابوي موصيني على اشياء بروح اجيبها واخذت سالم معي
محمد : بيزعجك
هايل : لا معليك سالم رجال مايزعج احد صح
سالم : صح
محمد : خلاص اجل تلاقني اما فالبيت اما فالمحل
هايل : على خير يبو سالم توصين شى
ميهاف : لا سلامتك
فاتن : الله يصبرني بس
هايل : استانس اذا خويتتس انقهرت انتبهي لنفستتس
ميهاف : حتى انت انتبه لنفسك ولسالم
هايل : من عيوني يلا مشينا يبومحمد
سالم : يلا باي ياحبيبه عمي هايل
ميهاف : ياساتر انفضحنا
عبدالرحمن : بتشتاقين لي عارف بس طفشت من مستشفاكم
فاتن : يوم السعد انك تنقلع يلا اخلص بدخل الممرضه تنظف الغرفه
عبدالرحمن : الحين ذا وداعتتس
فاتن : من قال اودعك انا ابيك تنقلع من البدايه
عبدالرحمن : ترانا ساكنين بنفس البيت لو ناسيه بذكرتس
فاتن : مانسيت ولايحتاج تذكرني كلها ثلاث شهور وانا مفتكه منكم
عبدالرحمن : حتى انا بفتك منتس
محمد : يلا يادحيم السيارة جاهزه امش
~~~ في بيت ابو فهد ~~~
ام فهد : يمرحبا يمرحبا بام سطام شلونتس يااختي شخبارتس
ام سطام : بخير يوخيتي والله مشتاقين لكم مره شلون حياتتس
ام فهد : لو تدرين شصار بغيابتس اقعدي اقعدي
هديل : السلام عليكم
ام فهد : هلا هلا هذي بنتتس صح
ام سطام : اي تشبهني صح
ام فهد : اي والله تشبهتس اول مااخذتي ابو سطام
ام سطام : كنت اصغر منها يوم اتزوج ابوها
هديل : وانا وش دخلني انتو مستعجلين
ام فهد : اوه حتى لسانها طويل مثلتتس الله يخليها لتس وتفرحين فيها
ام سطام : امين امين علميني شصار بغيابي
ام فهد : ندى خذي هديل وخلي زينب تجيب القهوة
ندى : ابشري يمه تعالي هديل
هديل : ليش مايخلونا نقعد معهم
ندى : اذا طردونا كذا يعني فيه سالفه مهمه انا ندى وانتي هديل صح
هديل : صح عندكم تلفزيون امي قطعت مسلسلي علي عشان اجيكم
ندى : عندنا بس بمجلس الرجال
هديل : اشوا جايبه الابتوب حقي امشو اقعدو هذا مسلسل رعب لن يتكرر جيبي لنا فصفص وشاهي
عفراء : حبيتها واضح قويه مثلي
هديل : من انتي
عفراء : انا زوجه زامل
هديل : زامل من
عفراء : ام فهد وابوفهد جايبين اربع عيال وبنتين العيال فهد و زامل وسياف وهايل والبنات ندى وفرح وفهد وزامل متزوجين وانا وزينب زوجاتهم وفرح بعد متزوجه وسياف بيخطبون له قريب يعني بقى هايل وندى عزاب
هديل : ندى اكبر من فرح
عفراء : اي فرح خذت اخو زينب وزينب اخذت اخو فرح
هديل : وليش ندى ماتزوجت
زينب : النصيب للحين ماجاء
هديل : عايلتكم كبيرة وكثيره احنا بس اخوي سطام وانا
عفراء : متزوج
هديل : لا للحين محد فينا تزوج
ندى : احسن حياه العزوبية افضل
هديل : سمعت ان عندكم مزرعه وتربون خيول صح
ندى : اي ازعجنا هايل بالخيول حقته حبيبته تحبهم
زينب : احم احم ندى جيبي الشاهي
هديل : حتى انا احب الخيول ومحتارة مدري وين احط خيلي بما ان بنجلس فترة هنا
عفراء : كم يعني هالفترة
هديل : انا لو هي رجعت للشرقيه الحين بس الكلمة لابوي وعاد لقى صديقه والله مانتحرك
زينب : ياحبيبتي ههههههههههههههههههههههههههههههه
هديل : اي انتو عندكم عيال
زينب : انا توني متزوجه من كم اسبوع
هديل : مو فهد اكبر من زامل
عفراء : اي بس زامل تزوج قبل فهد
هديل : ماشاء الله متبادله عائلتكم
ندى : الشاهي والفصفص جاء
هديل : يلا اجلسوا وطفو اللمبات بشغل الفلم
عفراء : يخوف مره ولا شوي
هديل : شوي شوي مو مره شوفيه بعدين احكمي
~~~ في المركز الصحي ~~~
ابوعبدالعزيز : عبدالعزيز وقف هنا ابنزل اسلم على بنت عمك
عبدالعزيز : ابشر يبه
ام عبدالعزيز : السلام عليكم شلونتس ياامي ميهاف
ميهاف : هلا بخالتي وش هالمفاجاة الحلوة مارجعتو للرياض
ابوعبدالعزيز : لا والله يبنتي بنجلس فترة هنا الين نظبط امور عبدالعزيز
ميهاف : الله يوفقة يارب
عبدالعزيز : شلونتس ميهاف
ميهاف : بخير
ابوعبدالعزيز : ماتعرفين حقين العقار متى يفتحون
ميهاف : حق العقار طايح وظهره منكسر بس فيه اخوه يمكن يفتحون بعد شوي
فاتن : وانتي شعرفك متى بيفتحون عمك غبي يسال هالسؤال
ميهاف : شسوي قلت له اي شى
~~~ في سوق الخضار ~~~
سالم : عمي هايل
هايل : هلا
سالم : جب فراوله مشتهيها
هايل : ابشر يبومحمد
سعيد : هلا والله بهايل شلونك شخبارك وينكم لكم يومين مو موجودين بالقريه
هايل : هلا والله ياسعيد والله بخير شلونك كنا فالمزرعه ياخوك وانشغلنا بضيف وطلع نذل مايستاهل
سعيد : قصدك ابو متعب
هايل : اي والله كسر بخاطر فارس
سعيد : على طاري فارس شفت ابوه وهو ومعهم اهله رايحين لبيت عمك ابوعزام
هايل : والله ماعندي خبر انت شلون بقالتك شصار عليها
سعيد : رجعت مثل ماكانت وترحب فيك وفرت كل شى تحبه ومجانا تعال انت والعيال
هايل : اوه عروض مغريه ابشر جايينك يلا استاذنك تاخرت على اهلي
سعيد : الله معك
~~~ في بيت ابو فهد ~~~
ندى : وش بيسوي فيها
هديل : انتظري نشوف ليش مسبقين الاحداث
عفراء : اوجعني فمي من الفصفص
زينب : هي غبيه وراها ماتلف وتنتبه
هديل : مسلسل حبيبتي زينب
هايل : ندى ياندى وينها ذي اكيد منسدحه ماشاء الله مطفيه اللمبات شغلها سالم وش تسوون
هديل : الله حسيبك عطوني شى اغطي نفسي فيه
ندى : ليش مدرعم كذا عندنا هديل بنت ابوسطام
هايل : بسم الله وانا وش دراني انها عندكم ناديتتس ماتسمعين وش اسوي اكثر
ندى : اوف منك خربت اللقطه كنا متحمسين شتبي شتبي
هايل : اقول اهجدي ولاتخربتس ذي ترا بعلم ابوي عليتتس
ندى : اقول شتبي اخلص
هايل : جبت الفواكه بالمطبخ وركزي بالساعه اذا غداكم خلص حطوه
ندى : اقول ماودك فيها تراها تحب الابل والخيول والشعر وكبرك بعد
هايل : فكيني من سوالفتس الخايسه ذي انتي تعرفين اني احب ميهاف
ندى : اي عرفت خلاص متى تتزوجها وتفكني
هايل : اي ادعي تكفين
هديل : يحب وحده عساس انا ميته عليه بعدين انتي ليش تفضحين كل شى
ندى : احارشه بس ولا انا اعرف انه يحب
عفراء : يحب اختي
زينب : متى صارت اختتس
عفراء : امي متزوجه ابوها وش تبون اكثر
هديل : تشوقت اتعرف عليها عاد انا ياحبي للسوالف
زينب : والمسلسل متى نتابعه
هديل : مارح اتابعه بدونكم بعد الغداء نكمل
عفراء : تمام يله قومو نستاعد نحط الغداء
هديل : انا ماحب اطبخ ولا المطبخ
زينب : قومي اقول قومي واذا تزوجتي وش بتسويين
هديل : من قال بتزوج انا مخططه ازوج سطام وانا امسك حلال ابوي اصير مديره بنك واوضفكم شرايكم
عفراء : عشان زامل يحش رجولي
ام سطام : ترا هديل ماتعرف شى لاتعطونها شى بتخرب غداكم
ام فهد : عاد انتي طباخه ياام سطام غريبه ماعلمتيها
ام سطام : والله مقدر اجبر بنتي على شى هي ماتحبه
ام فهد : الله يخليتتس لها ويخليها لتس
ندى : تعلمي ياام فهد
هديل : يلا يلا اشتغلي ههههههههههههههههههههههههههههههه

"انتهى البارت"
| قراءه ممتعة 💙💙|