~~~ فالاستراحه ~~~
صالح : ياعيال كانهم تاخروا
سعود : العب زين يالهطف
عمر : قاعد العب
صالح : حتى هذول ماهم يمي وين سطام ياسطام من يكلم ورع وش تسوي
سطام : بسم الله ماتعرف تطق الباب
صالح : من تكلم
سطام : مااكلم احد
صالح : سامع صوت حرمه تتكلم من تكلم فالجوال
سطام : باقي تدخل في حلمي
صالح : لاترفع صوتك وقل من تكلم ولا والله لااعلم ابوك
سطام : لا شرايك انا ادق على ابوي وانت تكلمه
صالح : مااستهبل معك تكلم اخلص
سطام : اطلع اطلع والله ماودي اسوي لك شى وولدك معك
صالح : تتقاوا الحين ياسطام
سطام : ابوتميم اكسر الشر ورح احسن لك
صالح : هذي نهايتك تكلم لك حريم ومايندرى ليكون مسوي لهم شى
سطام : هذي تربيتك ماهي تربيتي
صفقه صالح وتعالت اصواتهم وصياح تميم
سعود : طف طف البلايستيشن صوت صراخ
عمر : صوت تميم قم ياعيال وش تسوون قدامه فضختو قلبه
سعود : وده للغرفه خل افكهم
عبدالرحمن : وش صاير ياعمر اصواتكم طالعه برا
سعود : استهدو بالله ياعيال ماتوصل
سطام : انقلع يلا نظف نيتك الوصخه مثلك
صالح : اقصر صوتك لارجع اكمل عليك
هايل : خلاص اهدو ياعيال وريحونا
سطام : اذا هو فالاستراحه مالي قعده فيها يانا ياهو
سعود : لاهي استراحتك ولا هي استراحته هي حقتي وانا سامح للكل
سطام : زين ياسعود هذي نهايتك انا ماشي
عبدالرحمن : ولد وين رايح من بيرجعنا للقريه حسبي الله على عدوك
هايل : وش فيهم
عمر : علمي علمك ماندري عن شى
صالح : وين تميم
عمر : حطيته بالغرفه اقعد تكلم وش صار بينكم
صالح : خلوه الملعون مهف قليط الله لايرده
سعود : طيب ممكن نعرف وش صاير
صالح : هالكلب جاي بساله عن عبدالرحمن وهايل يدق عليهم واسمع صوت بنت تتكلم معه دخلت وسالته وعيا يقول وحاولت فيه وجلس يتلفظ بكلام علي وماتحملت وصفقته
عمر : عشان هالسبب التافهه وماقال لي الكلب اشاركه
سعود : اكرمنا بسكوتك ياعمر وطيب ليش انت تساله
صالح : لان الي سمعته صوت بنت وتصيح وخفت انه مسوي لها شى ف سالت من باب خوفي عليه وعليها
هايل : ماعليه كم يوم ويهدا ويجي ويعتذر ويعترف بغلطه
صالح : وهالبنت الي تصيح عنده
عبدالرحمن : طيب يمكن مشغل مقطع او شى
صالح : سطام واعرفه لو انه مقطع كان لف ووراني اياه
عمر : وش السوات الحين
سعود : رح عند ولدك الحين ياصالح فضختو قلب الولد وانا بدق اقنع سطام يرجع ونساله ونستفسر منه
هايل : الله يهديه
عمر : وانتم وين اختفيتو السبب كله عليكم
عبدالرحمن : تجيك التهايم وانت نايم
عمر : لو تاخرتو عشان مايروح
هايل : الحين بلشنا نبي نرجع للقريه وهو مدري وين راح
سعود : افا عليكم لاتشيلون هم انا كذا ولا كذا رايح للقريه مع ابوي نروح سوا
عمر : حتى انا بروح معكم
سعود : امش نكمل لعب
عبدالرحمن : جيعان وش تعشيتو
سعود : مااكلنا شى كانك تعرف تطبخ ورنا ابداعك
عبدالرحمن : بحاول
~~~ صباح يوم جديد ~~~
~~~ في بيت ابوفهد ~~~
ام فهد : ماجت للحين زينب
ندى : جمعه مباركه يمه وين ابوي بعطيه البخور
ام فهد : فالمجلس يمكن يسوي القهوه والشاهي
ندى : زين تبخري يمه تبخري شهد تبخري عفراء
عفراء : عقبال نتبخر من عود عرستس
شهد : اهدي ياخاله الا مايجون
ام فهد : واذا جاء فهد وهي ماجت
عفراء : ياخالتي لاتشيلين هم اكيد بيتفاهمون بينهم انتي مالتس دخل
ام فهد : بس انا الي سمحت لها تروح بيت هديل مادريت نيتها تروح لعرس هذيك
شهد : خلاص يعني انتي مالتس دخل ارتاحي بس انتي وتقهوي
عفراء : بقوم اسوي الفطور عشان اذا رجعو من صلاه الجمعه يلقونه جاهز
شهد : وانا بساعدتس
عفراء : لا انتي اقعدي حامل نبتلش فيتس
شهد : كيفتس
~~~ في بيت ابوفاتن ~~~
فاتن : يلا بنات قومو عشان نرجعكم للقريه
زينب : قايمه تتوقعين فهد مارجع للقريه
فاتن : ماتوقع بذي السرعه ولاتخافين واحنا رايحين بنشوف اذا سيارته عند شقتكم ولالا
زينب : اوكي هديل برضو قايمه بس قاعده تصلي بنلبس عباياتنا ونجي
فاتن : زين يبه قمت
ابوفاتن : اي قايم ورحت اصلي صلاه الجمعه وانتم ماقمتو للحين
فاتن : قمنا قمنا يلا شغل السياره بنلبس وبنجي
ابوفاتن : يلا اتحراكم انا لاتطولون اسمعي البنت الي فالشرقيه وش نسوي بها
فاتن : بتنزل للقريه عند خويتها ومن بيت خويتها بيجون اهلها ياخذونها
ابوفاتن : اي زين مالي قوه على طريق الشرقيه
فاتن : اي لا معليك يالغالي طريقنا واحد للقريه
ابوفاتن : اي زين لاتطولون علي
فاتن : ابشر يبه يلا بنات خلصتو
زينب : اي اي خلصنا
خوله : قلبي مو متطمن
هديل : من وش نقول زينب عشان زوجها انتي لازوج ولا ولد
خوله : احساسي مايخيب وماقصد نفسي بس الله يستر
زينب : قوليها بصريح العباره اني المقصوده
خوله : الله اعلم
فاتن : امشوا بس نركب لانتاخر على ابوي
هديل : ليش مانمر على ميهاف
زينب : لا معليش اعذروني مروها لحالكم انا رجعوني للقريه كفايه مغامرات
فاتن : تلقونه جارها بيت اهله مايصلح نجيها
هديل : تمام تمام بكيفكم بسم الله
~~~ في شقه ميهاف وعبدالعزيز ~~~
عبدالعزيز : كويس قايمه اهلي حاطين الغداء عندهم تجهزي بنروح
ميهاف : ماله داعي المطاعم ماهي مقصره
عبدالعزيز : والله مارح ارفض عزيمه اهلي عشان مطعمتس تجهزي اخلصي
ميهاف : طيب
عبدالعزيز : لاتقلبين عاد وجهك عند اهلي لان انا الي ساتر عليتس
ميهاف : لاتذلني عشان هالموضوع ابوي وكل العالم صارت تعرف اني احب هايل هي واقفه عليك وعلى تضحيتك
عبدالعزيز : لاترفعين صوتتس وتخلين نقلب صبحيه هالعرس عزا وكنت ناوي نسافر بس ماشوف انتس تستاهلين
ميهاف : سفره معك مابيها
عبدالعزيز : اجل عناد فيتس بنسافر
ميهاف : سافر لحالك
عبدالعزيز مسك يدها بقوه وبعصبيه : اسمعيني زين حره بيت اهلتس لاتطلعينها عندي عنها خليني محترمتس ومقدرتس لاتخليني اوريتس وجهي الثاني
ميهاف : فكي يدي اقول اوجعتني
عبدالعزيز : اسف انتي تجبريني
ميهاف : الله يشفيك جد مريض وتحتاج علاج وخر عني
عبدالعزيز : المفروض انتي تطلبين فرصه مني عشان امسح كل الي سمعته ليله عرسي بس معليه انا الي بحاول لحالي عشان قلبتس
~~~ فالاستراحه ~~~
عبدالرحمن : يلا ياعيال بنمشي للقريه
صالح : يلا جهزت كل شى
هايل : بتجون معنا
عمر : اي عاد ماخبرناكم تردون الضيوف
هايل : لا لا الله يحيكم بس استغربت
صالح : على كثر مدحكم لقريتكم تشوقت اشوفها وذي فرصه مارح تتكرر يكفي ان رئيسي بالشغل ابوسعود يعني فرصه لازم انتهزها صح
عبدالرحمن : ههههههههههههههههههههههههههههههه الله يحييكم اي والله بيتي مفتوح لكم
عمر : اذا وصلنا رحب فينا
سعود : يلا شغلت السياره
صالح : مارد عليك سطام للحين
سعود : تطمن يابوتميم ولاتشيل هم سطام واعرفه كم يوم وبيرجع لنا
صالح : الله يهديه
تميم : بابا وين بنروح
صالح : بنروح مكان حلوو
تميم : بس جاني النوم
صالح : نام على رجلي واذا وصلنا بقومك
تميم : طيب
عبدالرحمن : الله يخليه لك
صالح : امين وعقبال نحضر عرسك استعجل عاد قبل اشيب
عبدالرحمن : موجوده بس اصبر ارتب اوضاعي ونخلص من اخوي الكبير
صالح : الله يسهلها
سعود : بوقف عند بقاله ولمره وحده تبون شى انزلو وخذو
عبدالرحمن : مارح تنزل هايل
هايل : لا مانيب مشتهي شى
صالح : انتبه لتميم
عبدالرحمن : لازم ينكد على نفسه
صالح : باخذ له معي
عبدالرحمن : طيب طيب
عمر : مالي دخل لو الحساب وصل ٥٠٠
سعود : ليه بتوكل اهل القريه كلهم
عمر : استهبل معك يالقعيطي
سعود : اسمعني ياعمر وياعبدالرحمن واحد منكم يطب وراء
عمر : اكيد ماهو انا
عبدالرحمن : طيب ليش
سعود : ابوي بيجي معنا
صالح : يكفي عندي انا وهايل شخصين مايحتاج وراء شناطنا حاطينها
سعود : الله وعاد شناطكم
عمر : خلاص كفانا المكان
عبدالرحمن : لا والله ضيق
عمر : اقعد وراء مع الشناط يلا
عبدالرحمن : تخسي متكي هنا امسك هايل جبت لك مشروبك وشبسك الي تحبه
هايل : خله معك مانيب مشتهي شى
عبدالرحمن : شكلي ببدا اغصبك ولا بعلم عليك عمتيي ام فهد
هايل : ههههههههههههههههههههههههههههههه الله يوصلنا بالسلامه
عمر : صالح اجدع ولدك وراء ضايقنا
صالح : وش ضايقك فيه انا المتضايق حاطه فوقي
سعود : هاته عندي قدام
صالح : مايحتاج
سعود : اقول هاته بحطه بحضني
صالح : خذه
ابوسعود : السلام عليكن ماشاء الله السياره مليانه
عمر : كلنا مخاوينك ياعم للقريه
ابوسعود : اشوف فيه ناس جديده
سعود : بعلمك عنهم يبه بالطريق اركب
ابوسعود : يلا بسم الله وين ولد ابوسطام
سعود : راح لحاله من امس
ابوسعود : وش اسمهم العيال الجدد
سعود : عبدالرحمن وهايل من القريه الي تبي تروح لها الحين
ابوسعود : اجل وصلت خير انتم عيال ابوفهد صح
عبدالرحمن : لا يكون عمي وهذا اي ولده
ابوسعود : وش فيه مايتكلم
عبدالرحمن : هايل ياولد يكلمك الرجال
هايل : هلا عمي شلونك
ابوسعود : بخير ياولدي انت ولد ابوفهد
هايل : اي ياعم انا هو ليش وش بغيت منه
ابوسعود : ابتعرف عليه من كثر مايتكلم عنه ابوسطام
هايل : فنجالك اجل عندنا اول مانوصل
ابوسعود : ههههههههههههههههههههههههههههههه بيض الله وجهك يولدي
هايل : الله يحييك
عبدالرحمن : وش فيك انت مغير هواجيس
هايل : لاتسال عن الحال وانت اعرف
عبدالرحمن : ارحم نفسك وش بتسوي امك اذا شافتك بذي الحاله تكفى فكر فيها ياهايل
هايل : معليه هذي هي الدنيا مسرات وجروح محد ياصاحبي يحقق كل ماتمنى
عبدالرحمن : وبما انك عارف هالشي خلاص حاول تتخطى
هايل : ان شاء الله
ابوسعود : شكلك ماسك خط علطول للقريه
سعود : اي والله يايبه هذي هي نيتي
ابوسعود : لا وش معجلك ترا تونا الظهر وقف عند مطعم نتغدا اكيد اخوياك ماحطو لقمه بحلقهم
سعود : وقفنا عند بقاله قبل نجيك
ابوسعود : وتسمي هالبساكيت اكل لاتسمن ولا تغني من جوع
سعود : الي تشوفه يالغالي ياعيال ترا بنوقف عند مطعم
عمر : زين حس جيعان
صالح : والبقاله الي شريتها وين راحت
عمر : على قوله عني ابوسعود هذي الاشياء لاتسمن ولاتغني من جوع
عبدالرحمن : عاد كلك على بعضك عظم وين يروح هالاكل
صالح : اسكت لاتجيب طاري النحف والسمنه ياكلك بقشورك
عمر : اي حذره قبل اعصب
عبدالرحمن : يوه خفت منك انتبه لضغطك بس
عمر : واضح ان يبيني استقعد له
صالح : الله يعينه بس
~~~ في بيت ابوفهد ~~~
ام فهد : وينتس انتي وينتس رحتي واختفيتي
زينب : اعذريني ياخاله
ام فهد : لو جاء فهد والله محد يفكتس منه
زينب : اسكتي تكفين ياخاله يوم وقفنا توه موقف معنا
ندى : ايوه بتقلبون هالليله مارح تمر على خير
فهد بعصبيه : زينب
ام فهد : مالي دخل لاتناضريني
زينب : هلا
فهد : امشي للغرفه بسرعه
ام فهد : وين رحتو
هديل : اعذرينا ياخاله رحنا امس للعرس وحلف علينا ابوفاتن مانرجع لحالنا وجلسنا وشوفه عينتس تو رجعنا
شهد : فااااتن ياهلا والله ومرحبًا
فاتن : هلابتس
ندى : هلا فاتن
فاتن : هلابتس
عفراء : وريني وريني صور ميهاف والعريس فاتني العرس
فاتن : مافاتسس الا الشر
خوله : امشوا بقول لكم وش صار امس
شهد : الله يستر وش صار
~~~ في غرفه فهد وزينب ~~~~
فهد : من وين جايه
زينب : مع ابوفاتن
فهد : ماسالت مع من جايه قلت من وين جايه
زينب : بقول بس لاتعصب
فهد : يعني غلطانه صح
زينب : غلط صغير
فهد : تكلمي وش
زينب : رحت الرياض امس
فهد : وشوووو مع مننن
زينب : ابوسطام وبنته وخويتها ودانا وحضرت عرس بنت صقر وكنا بنرجع بس عيا ابوفاتن ورجعنا الحين
فهد : ومن عطاتس الاذن تروحين تكلمي من
زينب : محد رحت من نفسي
فهد : تتعمدين تسوين كذا صح
زينب : لا بس افتح جوالك وشف كم مكالمه متصله عليك عشان اقول لك بس مارديت اسال نفسك يومين وين كنت وين مختفي ليه مقفل جوالك ماسالت عن امك وابوك حتى نقول انا ماتهتم لي ولااهمك حيه ميته بس امك وابوك ها يالكبير يالي بتشيل البيت بعدهم ولا بس حيلك علي انا
فهد : انا رجال والي ابيه اسويه بدون مااشاور احد بس انتي مكانتس البيت وحتى لو مارديت ماهو عذر لتس عشان تروحين
زينب : لا عاد الى هنا وبس ابوي واخوي ماتدخلو لذي الدرجه بتدخل انت ولا شكوك بنفسك وحبيبتك وصلني ركز انا بنت ابوخالد ماعندي حركات الحب الي سويتها انت وابوك زوجك عشان يستر عليك
فهد : طايل صوتتس "وصفقها" كنتي تنتظريني امد يدي عليتس عشان تاخذينه عذر وتروحين لبيت اهلتس صح
زينب : فكني يالمريض والله لافضحك عند اهلك
فهد : والله لاقص لسانتس
~~~ فالصاله ~~~
ام فهد : طقها طقها شسوي شسوي
ندى : ماعليتس منهم يمه اثنينهم غلطانين
فاتن : شكل ذا كان احساستس
خوله : أي فعلًا
هديل : ياخاله لاتخلينه كذا يمد يده عليها فكيهم
ام فهد : محذرتها ماتروح محذرتها امري لله بحاول افكهم لايسوي فيها شى فهد يولدي فكها وتعوذ من الشيطان
فهد : وخري يمه عن وجهي تكفين هذي ماتربت ببيت اهلها انا اربيها هنا
زينب : علم نفسك يالناقص وهذا قدام امك ولدتس ياخاله قدامي يكلم حبيبته
فهد : سكري افمتس احسن لتس يمه تكفين ابعدي خليني اكمل عليها
ندى : اطلعي اطلعي لايكمل عليتس
ام فهد : اهجد انت بعد وبعدين كل يوم مشكله ياانت ياخوك
فهد : ماتطلع بدون اذن مني اكسر رجولها
ام فهد : قم غسل وجهك ورح لابوك فالمجلس ولي قعده ثانيه معك
فهد : والله لامسكتس والله
~~~ عند باب شارع ابوفهد ~~~
ابوسطام : وصلو يابوفهد وصلو
ابوفهد : شغل عالقهوه
زامل : ابشر يبه
ابوسطام : ياهلا ومرحبا بابوسعود وأخيرًا ياخوي شفتك
ابوسعود : انتي الي رحت ومارجعت
ابوسطام : ياهلا بك ياخوي هذا ابوفهد
ابوسعود : واخيرا شفناك يابوفهد ابي اعرف من سحر ابوسطام
ابوفهد : ههههههههههههههههه يامرحبا بابوسعود
زامل : قريتنا ياعم الي يجيها مايقدر يتركها بسهوله
ابوسعود : هذا بعرفه بالايام الجايه
ابوفهد : هذا ولدي الكبير فهد وهذا الي تحته زامل وهذا سياف والي معك هايل
ابوسعود : ولدك الصغير يبيله قرصه على هالهدوء
ابوفهد : تراه بس قدامك صاير هادي ولا محد محرك جن هالقريه غيره
هايل : ههههههههههههههههههههههههههههههه لاتشوه سمعتي يابوفهد
ابوفهد : ها شفت بس قدامك مسوي خجول
ابوسعود : الله يخليهم لك يارب
ابوفهد : امين ويخلي لك سعود
ابوعزام : السلام عليكم
ابوسطام : وعليكم السلام هذا ابوعزام اخو ابوفهد
ابو سعود : يامرحبا والله
ابوفهد : تفضلو تفضلو
سياف : شعندك ساكت
هايل : مافيني شى
سياف : وش صار امس حضرت العرس
عبدالرحمن : خله مارح يرد عليك انا بعلمك بكل شى بس تخلص هالعزيمه
سياف : طيب طيب
انتهى البارت
قراءه ممتعة اعتذر عن التاخير بس الواتباد احيانا يرفض اني ادخل وانزل بس ان شاء الله بصير انزل لكم بشكل شبهه يومي وشكرااا لدعمكم الحلوووووو💙💙💙💙.
ВЫ ЧИТАЕТЕ
"جابك الله في زحام العمر صدفة "
Поэзияرواية "جابك الله في زحام العمر صدفة" ( احداث الرواية قديمة جدًا تعود لزمن قديم جدًا زمن العيش فالقرى والحياة البسيطه والروح الحلوة تعود حياة القرى التي تحكمها العادات والتقاليد الي البنت لولد عمها والولد لبنت عمه وغير القرايب ماناخذ عادات وتقاليد قد...
