خلصت من الدراما .. طلعت من البحر وقفت و عاينت للبوكيه و هو ماشي لي وسط البحر مسافة ... بعدها لفت و مشت ..
رجعت البيت هدومها كانت شبه رطبة و شعرها اتنفش شوية من الرطوبة بتاعت الموية وشها من الورم ح يقع .. فتحت باب البيت جاها راوي الصغير
راوي: ريفو ♡
ريفان(بي ضحك بسيط): د ياهو بس اللي علموك ليهو بالعربي !! ريفو حتى عمتو ماف ! منو كان بتصور اني ممكن ابقى عمة تعال ♡
قلعت الجزمة جمب الباب و دخلت حضنتو و قعدت اتكلمت و لعبت معاهو شوية و بعدها مشت على غرفتها ..
وقتها حسام كان واقف في المطبخ بسوي في قهوة بس هي م ركزت معاهو لمن مشت غرفتها كان داير يمشي وراها بس رجع عشان يعمل كوباية تانية
هي في المسافة دي دخلت استحمت و قضت كل امورها لبست ليها تريننق اسود و بلوفر اسود رفعت الطاقية و دخلتها ورا اضانها
( بالنسبة للناس ال م فهمو الحركة 😂 زي لمن نلبس الطرحة و ندخلها ورا اضانها ! بس نفس الفهم خلونا نرجع يلا )
شالت اللابتوب ختتو في السرير قعدت و ربعت رجلينها و بدت تشتغل حست بي صداع بسيط ختت يدها في راسها و ظهر الالم في وشها بس في نفس اللحظة جات على بالها ذكرى
________
فلاش باك
كانت راقدة في الكنبة .. لابسة بنطلون قطني بالبصلي و بلوزة بالابيض عليها نجوم .. خاتة يدها في وشها من غير م تحس دموعها جرت ..
(بينها و بين نفسها ):
" لي م قادرة اقوم !!
سهم ح يجي متين ياخ ! "
و في نفس اللحظة سمعت صوت المفاتيح في الباب .. دموعها نزلو زيادة ..
هو ج داخل و اول م شاف منظرها د الصدمة ظهرت في وشو و اتقدم عليها و نزل على ركبتو
سهم: ريفو !! في شنو !
ريفان(بي بكى ): سهم
سهم: وريني .. في شنو ! حاسة انك م كويسة ! في حاجة واجعاك !
ريفان: انا عندي وجع راس
ملامح وشو من خوف و صدمة اتحولت لي عدم اكتراث و نفاذ صبر
سهم: جادة انتي !!
ريفان(بي بكى) : م كنت قادرة اقوم من قبيل منتظراك لكن انت اتاخرت لي اتاخرت !
سهم: عشان عندي شغل ي ريفان
ريفان(بي بكى ): كمان كمان بتقول لي ريفان !!
قرب حواجبو بي استغراب و مرر يدو في وشو بي نفاذ صبر
سهم: طيب طيب خلاص معليش تاني ح اجي بدري عشان لو عندك صداع نشوف ليهو حل
