سهم في نفس اللحظة ال هي قالت فيها سهم هو ضحك ..
ريفان اخدت مدة عشان تستوعب انو د شنو !؟ هو ال جابو هنا شنو !
مزن: بتعرفيهو!!
ريفان هزت راسها بي معنى اي و لسة بتعاين ليهو بي استغراب ..
قام من حتتو هناك اشر ليها انو اجيك ريفان تنت راسها بالجمبة و قالت في راسها ..
ريفان: " د خلف د ولا شنو ؟؟! مالو بضاحك ؟؟"
قامت بعداك هزت ليهو راسها بي معنى تمام في لحظتها قام جايي عليهم ..
مزن سلمت بي راسها بس و مشت ..
سهم اول م قعد م لحق حتى يخت الكوباية ال ماسكها في يدو..
ريفان: ال جابك هنا شنو!!
سهم: ي الله و عليكم السلام .. كانت فرصة جميلة انو الاقيك انا كمان
ريفان: المقدمات السخيفة م بتاكل معاي 😒
سهم: غريب امرك
ريفان: اوكي م حاجة جديدة اها ..
سهم قعد عديل و خت الكوباية بتاعت القهوة قدامو و فتح خشمو كانو ح يقول حاجة بس تاني قرر لا ف قفل خشمو و قعد يعاين ليها ..
ريفان: بلعت لسانك!!
سهم: لي اللماضة !!
ريفان: عشان كانو كانو بس فجاة لقيت زول من جامعتنا هنا و انا بعرفو و هو اصلا م اعتقد بعرف المكان د صاح !
سهم: يعني جيت المرة الفاتت الصراحة و لمن كنتي شايلة الكوباية بتاعت القهوة حسيت اني داير اجربها ف جيت و هسي ياهو صادفتك ..
ريفان حست بالاحراج كدة انها كانت اندفاعية
ريفان: لانو حقيقي كانت ح تكون حاجة غريبة شديد ..
سهم: طيب ممكن اسالك من حاجة اغرب!!
ريفان تنت راسها بالجمبة
ريفان: فجاة!!
سهم عمل حركة الابتسامة ال بالقلبة دي
سهم: يعني في حاجات كتير نفسي اسالك ليها!
ريفان: لي يعني !!
كانت بتتكلم و بتعاين ليهو جوا عيونو كانو تحدي !
سهم: لانو كدة حاجات غريبة بالنسبة لي ..
ريفان: لكن انت برضو غريب بالنسبة لي
سهم: يبت !! هي لماضة و خلاص !!
ريفان: م لماضة يعني لكن م اعتقد انو ضروري اجاوب ليك على اسالتك عشان انت شايف اني غريبة ..
سهم: خلاص تمام السؤال لو حسيتي انو م عاجبك ممكن م تردي عليهو عادي
ريفان: امممممم تمام..
