My HaboOo Azhari, [2023-12-21 11:02 PM]
اعز العابرين في عمري
(22)
بقلم: يمنى منجد
بعد مرور اسبوع ***
حرفيا كان اطول اسبوع في حياة ريفان كلها هي و سهم م كانو بتلاقو كتير الا م ندر و م بيجمعهم حاجة الا الغدا بعد مرات او قهوة الصباح اذا مواعيدهم في وقت واحد بنومو في غرفة واحدة و في نفس السرير لكن كانهم م بعرفو بعض
بي جهة سهم**
ج داخل متاخر شديد و اتنفس الصعداء زي م بقولو لمن لقاها نايمة خت شنطة ال لابتوب و مشى طلع بجامة و كان داخل الحمام بس غير رايو و مشى وقف بعيد منها شوية و فضل يعاين ليها
(بينو و بين نفسو) :
" ح تفضل كدة كل يوم تجي تقيف و تعاين ليها!! متين ح تجيك الشجاعة عشان تتكلم !
خلي تتكلم تعتذر !
حرفيا كل الكلام ال قلتو جارح و وصلت فكرتي بي طريقة غريبة
لكن..
هي ال وصلتني للمرحلة دي .. لي م دايرة تتكلمي!
م كنت مفتكر انو راوي وراهو قصة كبيرة زي دي
متاكد انها م عملت حاجة غلط لكن ..
ح اجن بي فكرة انو شخصية راوي في عالمها و في عقلها للدرجة دي لمن بتحلم بيهو ! "
فجاة اتحركت فتح عيونو كبار من الصدمة و لف براحة و دخل الحمام
بي جهة ريفان **
كان تقريبا حاجة يومية سهم بجي بقيف الوقفة دي يعاين ليها و يمشي و هي كانت اول م تسمع صوت الباب بتعمل نفسها نايمة
(بينها و ين نفسها):
" طيب اذا الموضوع مؤثر معاك شديد كدة م تتكلمي ! شاكليهو
م تخلي ليهو صفحة يرقد عليها بعد كلامو الشين ال قالو قولي ليهو م دايراك
ولا صاح م بتملكي الشجاعة في المواقف ال زي دي ابدا صاح!
اول م الموضوع يكون بمس راوي و حياتك م بتقدري تعملي اي حاجة
ضعيفة "
اول م سمعت باب الحمام بتفتح رجعت عملت نفسها نايمة ..
______
صباح اليوم التاني ***
المنبه بتاع ريفان ضرب الساعة ٨ صحت و قضت امورها و لبست بنطلون جينز over size بالازرق الغامق و بلوزة قطنية بالاحمر و الابيض عملت شعرها ضنب حصان و طلعت بتسوي في قهوتها
سهم ج طالع من الغرفة
سهم: الساعة كم !
ردت من غير حتى م ترفع راسها تعاين ليهو
