كانت حقيقي جلسة طويلة و كبيرة انتهت بي موافقة ريفان
نايف: ان شاء الله ربنا يكتب ال فيهو الخير ♡
ياسمين: اخيرا ح اشوفك عروس ♡
ريفان: لالا م تستعجلو لي الامور بالله و تشبكوني عروس و بتاع لالا
حسام(بي ضحك): مالك هسي م قلتي موافقة !! بتلاوزي لي !
ريفان: انت بس م تدخل شوفت تدخلاتك هي ال بتجيب المشاكل
حسام: قصدك شنو ي زولة ! ابوي عاين كمان دايرة تلغي كلام الرجال و تسوي امور البنات اخر زمن
ريفان(بي صدمة): ابوي انت ح تسكت !!
نايف : ارح ي ياسمين والله انا زاتي بقيت زول كبير امور زي د م بتنفع معاي
ريفان: م قادرة اصدق بتخليني في اكتر الاوقات ال انا محتاجة ليك فيها كويس .. بعدين تعال اشبكني اصلا بت واحدة و م بتحبني انط البحر و انط البير
ياسمين (بي ضحك): اخيرا اخيرا نطقتي تستاهل
حسام: دقيقة ي جماعة داير استشيركم بي صراحة في موضوع
ياسمين: اها ♡ م تقول لي انت كمان داير تعرس !
حسام: يمكن لكن م هسي
ياسمين : لي مالك ! م اهو هسي شغال و قاري و يعني ماف حاجة تاني مفروض تسويها
حسام: المهم ي امي
ياسمين: غايتو اها
حسام: انا دايركم تجو تعيشو معاي هنا
نايف(بي صدمة): شنو !! كيف يعني و كل حاجاتنا ال هناك !
حسام: والله هنا اي حاجة احسن من ناحية معيشة من ناحية اكل من ناحية مستشفيات و انا داير نتلم
ريفان: ايوااا تتلمو بعد م تعرسو لي ! تكونو هنا و انا اكون هناك !
حسام: اصبري انتي التانية م وقتك .
ريفان: م ساكتة ولا شي
حمر ليها مسافة و هي حمرت ليهو بعدها واصل كلانو
حسام: انا م عارف بس الفكرة في راسي بالجد و الموضوع بتاع مشية و جية ريفان م عاجبني كل مرة ماشة و جاية نقعد هنا مالو ! لغاية نظبط امرها و كدة نكون رحلنا و انا فتشت البيت المناسب و عملت اي حاجة م باقي الا موافقتكم و جيتكم
ياسمين: والله ي ولدي د موضوع حقيقي صعب و صعب شديد كمان نحن اتعودنا على العيشة و الحياة هناك و بانين كل حاجاتنا هناك د غير الاهل اي نعم هم م قراب لكن يعني الزيارات تتوالى من فترة لي فترة ولو حصلت لينا حاجة بكونو جمبنا
حسام: م مشكلة بننزل من فترة لي فترة لكن انا بالجد دايركم تجو هنا حقيقي حاسي بالانانية و حاسي انو انا عايش بي طريقة كويسة و انتو م معاي انتو تعبتو عشان انا اصل لل انا فيهو د و هي ج الوقت ال ارد فيهو الجميل د ♡
