ريفان: د ال اتعودت عليهو من يوم شوفتك!
سهم: اقعد!
ريفان: يعني لو قلت لا م ح تقعد!
سهم عمل حركة الابتسامة ال بالقلبة دي و رفع حواجبو ..
سهم: بوينت برضو ..بس اذا م مرتاحة ممكن امشي ..
ريفان: it's ok اتفضل ..
سهم جر الكرسي و قعد عاين مسافة بالقزاز و في المسافة دي ريفان كانت فتحت المسلسل و واصلت في ال بتعمل فيهو ..تاني قام عاين ليها .. ريفان لمن حست انو بعاين ليها وقفت المسلسل شالت كوباية القهوة و بقت بتشرب و بتاكل و بتعاين ليهو م اتكلمت و هو م اتكلم رفعت ليهو حواجبها احساس في شنو !؟ سهم ضحك ضحكة خفيفة ..
سهم: عندك مانع اذا لقيتك هنا اجي اقعد معاك !!
ريفان: لي يعني + انت ناوي تتلح المكان كتير !
سهم: لي يعني ..عشان لمن يكون معاك زول حتى لو في حالك يعني كدة احساس انو معاك زول زي م بقولو نكون رفقاء في الوحدة !!
ريفان: انا م وحيدة لكن ..
و اشرت على مزن ال كانت شبه مركزة معاهم ..
اول م سهم عاين ليها طق طوالي عملت نفسها مشغولة بي حاجات تانية 😂
سهم ضحك بعداك رد : م قصدي كدة قصدي انو يعني حاليا قاعدة براك ف ممكن انتي تسوي حاجاتك و انا اسوي حاجاتي لكن نكون في نفس التربيزة !
ريفان: من غير م تضايقني بي اي اسالة !
سهم: اسالتي بتضايقك! 😳
ريفان هزت راسها شوية ..
ريفان: يعني في البداية م كان عندي مشكلة بس اذا في الاوقات دي تحديدا بقيت تسالني ح اتضايق ..
سهم: لي يعني !
ريفان: شايف ! لي داير تعرف كل حاجة !
سهم: م بي معنى داير اعرف كل حاجة بس نقول داير اعرف ال زول ال قدامي !!
ريفان ضيقت عيونا و فتحت خشمها كانها عاوزة تقول حاجة بس بتراجع فيها بعداك واصلت
ريفان: شبه اقنعتني تمام م مشكلة بس من غير اسالة كتيرة سؤال سؤالين بس !
سهم: م عندي مشكلة ..هسي ح تجاوبي !
ريفان: على !
سهم:الاوقات دي تحديدا!!
ريفان : يعني عادة انا بكون مشغولة بي حياة الناس اكتر من حياتي .. ف باخد الوقت د ك بريك من اي حاجة ..
سهم: و م عندك مشكلة تكوني براك !
ريفان عملت حركة الابتسامة ال بالقلبة و رفعت اكتافها ..
ريفان: م عندي مشكلة كبيرة بالعكس بحب اكون براي بكون مرتاحة ..
سهم: طيب يلا بسم الله ..
