اليوم التاني اول م صحو ...
شربو ليهم كوبايتين شاي بي مزاج و لسة بتونسو و بضحكو ..
خلصو ريفان وصلت سمر لي بيت ناس جيهان و بعدها رجعت البيت ....
ريفان: ماما..
ياسمين جات طالعة مخلوعة ..
ياسمين: مالك قال! مش ممتحنين ...
ريفان جات عليها و جدعت اي حاجة شايلاها في الصفرة و حضنت ياسمين ..
ريفان: جيت عشان اشتقت ليكم اشتقت ليكم شديد ..
ياسمين : زحي ي بكاشة 😂 عارفاها انا حركاتك دي
نايف في نفس اللحظة ج داخل من برا ..
نايف: اي ياسمين دي يسلمو عليها و يحضنوها انا يجدعوني في الشارع اصلا وجودي م مهم زاتو
ريفان فكت ياسمين و مشت على نايف ..
ريفان: هو انا بلاك بكون! 🌚 زاتو لو انت ماف انا بموت و بتدردق في الارض دي
و بعد م سلمت عليهم مشت طوالي جابت كوباية موية و بتشرب نايف و ياسمين عاينو لي بعض و تاني عاينو ليها ..
نايف: عايني اختصري لينا الموضوع و ورينا دايرة شنو!
ياسمين : انا زاتتي قلت الجية دي م من فراغ😂
ريفان زحت الكوباية من وشها..
ريفان: غايتو ناس نكديين و مفتريين ال زول يديكم حب و حنان تدو شكوك
ياسمين: يعني حب و حنان فجاة منك د زاتو اخير عدمو لانو بتكوني جايبة ليك مصيبة بعدو
ريفان: مشششششششم كدة ! كدة ! بتجازو حبي بالطريقة دي م دايرة كلام معاكم ..
و عملت نفسها زعلت و ماشة على غرفتها ..
نايف: تعالي نازلة بعد شوية ح نخت الاكل 😂 دايرين ناكل لقمتين معاك
ريفان: م بتنفعو معاي بعد د 👋
و فعلا هي كانت جاية عشان مصلحة بس ح نشوف لي قدام ..
اخدت وقتها في غرفتها و جهزت حاجاتها ال شايلاها معاها لي بيت جيهان ختتهم في شنطة ..
و لبست بنطلون over size مخطط كحلي بي لبنى
و بلوزة رمادي كالعادة قطنية .. عملت شعرها كعكة مرخية و طلعت جارة الشنطة في يدها ..
ياسمين : انا زاااتي قلت الجية دي م منها خير😂
نايف رفع راسو عاين ليها و ضحك ..
ريفان: والله جاية اسلم عليكم و اشوف وشكم د مالكم انتو! اشتقت ليكم ياخ
نايف: كدي تعالي تعالي .. خلينا ناكل
و فعلا قعدت معاهم و بدو ياكلو و يتونسو نايف شبع و طوالي قام مشى سوى ليهو كوباية قهوة و قعد بقى بحضر في الاخبار ..
