مرت كم يوم ريفان ابتدت تجهز لي موضوع انهم مسافرين لي حسام ..
نايف و ياسمين كانو ح يسبقوها لانو تذكرتها هي بعدهم بي يومين ..و ابتدو موال التجهيز لي سفرهم ظبطت ليهم كل الوضع و لمت ليهم كل الحاجات ال ممكن يحتاجوها هناك ح يقعدو زي ٤ شهور
ريفان ح تلحقهم و ح ترجع قبلهم لانو الاجازة حقتها اقل من شهرين ..
ياسمين: كدة كل الحاجات !!
نايف: طيب انتي ح تقعدي وين ! هنا براك !
ريفان : انت ح تخلي القلق د متين ! ممكن اعرف !!
نايف : م عارف بس م حابي فكرة انو اصلا اي زول مسافر براو دي !
ريفان: زول !! انتو اتنين ي كضاب 😂
نايف: ياخ....
ريفان: بكشكم د م دايرين تخلوهو !! عرفناكم بتموتو في بعض لكن لي درجة تبقو زول !
حركاتكم كترت والله 🌚
نايف: عليك الله شوف زي دي !! بتكلم معاها في حتة و هي في حتة تانية خالص
ريفان: ياخ م تشيل هم ي نايف.
نايف: نايف!!!
ريفان: قصدي بابا بابا م تشيل هم انا الليلة بجهز حاجاتي بعد اوصلكم .. بشيلها و بقعد مع مزن لغاية م ياهو تجي مواعيد السفر بعدين كلها يومين !
نايف: م فكرت فيها لكن...
ريفان: بتحبني الحب د كلو🌚 !
طيب مالك بتدسو لمن اجي و اعبر عن حبي بتقعد تقول دايرة مصلحة و بتاع ..
و قلبت ليهو وشها كانها زعلت ..
نايف: ياخ انا بتكلم عن ...
ريفان: ياسمينة! م نفسك تقولي كلمة كلمتين تهدي الجو !! ولا بس الا شعللة !!
ياسمين: فلتت من يدي انتي دايرة ليك اعادة تاهيل ..نايف و ياسمينة!
ريفان وقفت بعيد منهم الاتنين ..
ريفان: خلاص خلاص حقكم علي .. ارح خلونا نطلع عشان نحن اصلا متاخرين ..
ريفان مسافة هم بقفلو في حاجاتهم مشت ظبطت امورها لبست بنطلون جينز بالبيجي تيشيرت ابيض فوق ليهو قميص كاروهات بني فاتح بي بيجي قسمت شعرها من النص و عملت ضنب حصان مرخي ..
...
.........
نقلو الشنط العربية و طوالي على المطار
رحلتهم م كان باقي ليها كتير مسافة خلصو كل الاجراءات و طوالي مشو على الطيارة ..
ريفان انتظرت لمن خلاص قالو انو الطيارة اقلعت بعداك طلعت ..
دورت العربية راجعة جاها اتصال كالعادة ..
سهم: اها خلصتو !!
