ريفان : اهلا وسهلا 🤝✨
و سلمت
هوازن: سهم عبد العظيم برلوم و داير يدخل الجمعية .. طبعا ي سهم هي بتعرف رؤوساء الجمعية ف خليك لاصق فيها 😂🤝
سهم: اوكي شكرا 😂😂🤍
و على كدة اتفرقو و فعلا كان جوطة شديد و ريفان تتجارى يمين و شمال و تتكلم مع ناس التنظيم و تتكلم مع الناس ال داخلين البازار و مع الناس المشتركين و ببيعو فيهو و بترتب ليهم قعدتهم و هكذا
كان في حنك بتاع فيلم رعب كدة عملوهو في واحدة من القاعات و بتعرض في بروجيكتر القاعة عملوهو في اكبر القاعات في الجامعة و كان التنظيم ليهو موضوع بالجد و لانو الفيلم يعني كان من ضمن الافلام اللي م اتعرضت كتير في التلفزيون ف كان حاجة جاذبة للناس و عملو عرض ترويجي بطريقة حلوة شديد
كان معاهم زول مسؤول من الموضوع د ف عمل ليهم بي نفسو فيديو ترويجي من مقاطع في الفيلم 🔥🔥🔥🔥🔥و دي كانت حاجة درعة شديد يعني جذبت الناس ف قامو اشترو تذاكر انو يحضرو الفيلم و المقاعد ال قدام طبعا كانت للناس المهم و المسؤولين و ريفان و هوازن كانت من ضمنهم 😂😂🤝ف قعدو
ريفان عاينت على يمينها و لقت هوازن ابتسمت ليها و عاينت شمالها لقت ولد عاينت بي استغراب و قبلت على هوازن و عاينت ليها بي استغراب
ريفان: د شنو ؟؟ د منو؟؟ مش هنا مفروض يكون بس الشخصيات المهمة و المسؤولة !!
هوزان: م عارفة لكن تقريبا عندو واسطة ولا دفع كتير
ريفان: د شنو التهاون د !! 🙂و لي انا اخر من يعلم لو ولد سيد الجامعة زاتو يقعد مع الطلبة ورا 🙄
هوازن : خلاص خلاص خلينا نحضر 😂😂نحل المشكلة دي بعدين
و فعلا بدا الفيلم 😂😂يلا اثناء م الفيلم شغال جات لقطة حقيقي مخيفة شديد كان الوحش ج داخل فجاة و شكلو بالجد كان زي كانو طلع برا 😂😂😂و كمية من البنات ال صرخو و الاولاد ال اتهجمو
ف ريفان قاعدة و الولد اللي جمبها شهق شهقة حقت خوف كدة و ثبت في يد الكرسي ريفان طبعا كانت بتعاين و م صرخت ولا اتحركت شعرة منها ف قبلت بتعاين على الولد
ريفان(عاينت ليهو احساس انت جادي خوفت من د ): 🫤!!
و الولد اصلا م ركز كان مرطز شديد مع الفيلم
و فعلا فضلو يحضرو الفيلم و الولد مرة بنط مرة يشهق مرة و مرة و ريفان شوية تموت من الضحك و شوية تقول د مالو د 😂😂
المهم لغاية م الفيلم انتهى و و اليوم انتهى كلو على الساعة ٤ كدة الشغل خف كتير شديد من ريفان و اتجهت على الحتة ال هي بتكون فيها نفسها حقيقي 😂🤍
مشت على الكافتيريا جابت ليها سندوتش و عصير فراولة باللبن و مشت الحتة ال قاعدين فيها الناس الحلوين و القعدة الحلوة و القطيعة و الظابطة و كل الشمارات 😂😂
