Unicode
မြင့်မိုရ်ဦး သူ့ရဲ့ကားလေးကခရမ်းတို့အိမ်ရှေ့မှာဖြစ်သလိုထိုးရပ်လိုက်ပြီးကားပေါ်မှအမြန်ဆင်းကာအိမ်ရှေ့ကဘဲလ်အားအဆက်မပြတ်နှိပ်လိုက်၏။
တစ်အောင့်နေတော့အိမ်အကူမိန်းကလေးတစ်ဦးကထွက်လာပြီးခြံရှေ့ရောက်လာကာ
''ဘယ်သူနဲ့တွေ့ချင်လို့လဲ''
''ခရမ်းရင့်နဲ့တွေ့ချင်လို့''
''ရှင်ကဟိုနေ့ကအိမ်လာတဲ့တစ်ယောက်မလား မမလေးကအိမ်ပြန်မလာသေးဘူး ဆိုင်မှာပဲရှိဦးမှာ''
''ဘယ်ဆိုင်လဲ''
''××××shopping centreကသူ့အင်္ကျီဆိုင်မှာလေ ဆိုင်နာမည်က××××''
သူချက်ချင်းပဲကားပေါ်ပြန်တက်ပြီးနေရာမှမောင်းထွက်လာခဲ့လိုက်၏။
ဂျစ်တူးမအိမ်ထဲဝင်လာတော့ဒေါ်ပုလဲဝေက
''ဘယ်သူလဲဂျစ်တူးမ''
''ဟိုနေ့ကအိမ်ကိုအလည်လာတဲ့အန်တီရဲ့သားလေ သူကမမလေးကိုလာရှာတာ''
''ဪ ဘာများဖြစ်လို့ပါလိမ့်''
ထိုစဥ်ဧည့်ခန်းထဲကဖုန်းကမြည်လာ၍ဒေါ်ပုလဲဖုန်းသွားဖြေလိုက်တော့တစ်ဖက်ကဆက်လာသူကရတနာဖြစ်နေလေသည်။
''ဟဲလို ပုလဲ''
''ဪ ရတနာ ပြော''
''ငါ့သားနင်တို့ဆီလာလား''
''အေး ငါနဲ့တော့မတွေ့လိုက်ရဘူး ခရမ်းကိုလာရှာတာတဲ့''
''အေး ပုလဲ နင့်ချွေးမကငါ့သမီး''
''ဟင် ဘာ ဘာရယ် ခရမ်းကနင့်သမီး''
''ဟုတ်တယ် အခုနင့်ခမည်းခမက်တွေငါ့ဆီရောက်နေတယ် ငါသေချာအတည်ပြုပြီးပြီ ခရမ်းကငါ့သမီးလေးပဲ''
''ဟယ် ကံတရားကအဲလောက်ဆန်းကြယ်ရလား နင်နဲ့ငါကအခုအမျိုးတော်သွားပြီပေါ့''
အပေါ်ထပ်ကဆင်းလာတဲ့ဒေါ်နန်းခမ်းမေကဒေါ်ပုလဲနားရောက်လာပြီး
''ဘယ်သူလဲ''
ဒေါ်ပုလဲကဒေါ်ရတနာအား
''အေး ဒါပဲနော် ငါပြီးမှပြန်ဆက်လိုက်မယ်''
![](https://img.wattpad.com/cover/363229603-288-k231849.jpg)
YOU ARE READING
ကျွန်တော်တင်မြှောက်တဲ့မိဖုရား[Completed]
Romanceအဖွားပေးစားတဲ့သူကိုမယူချင်လို့ကလောသူလေးတစ်ဦးကိုဟန်ဆောင်လက်ထပ်ခဲ့တဲ့သူ... အဖွားနဲ့ဇနီးဖြစ်သူကြားကပဋိပက္ခတွေအပြင် အဖွားသဘောတူထားတဲ့နီရဲရဲကပါအရှုပ်ထုပ်တစ်ခုဖြစ်လာပြီးသူတို့လေးဦးကြားကရန်ပွဲနဲ့ပြဿနာပေါင်းစုံ... FLကလုံးဝမဟုတ်မခံလေးပါနော်