ခရမ်းစကားကြောင့်ဒေါ်နန်းခမ်းမေမှာသွေးတက်ပြီးဆရာဝန်ပါပင့်လိုက်ရတဲ့အထိပင်။
ခရမ်း အဖွားအခန်းရှေ့မှာမျက်နှာငယ်လေးနဲ့ရပ်နေတုန်းအခန်းတံခါးပွင့်လာပြီးတည်စေကအခန်းထဲကထွက်လာလေ၏။
ခရမ်းပြာပြာသလဲဖြင့်...
''အစ်ကို အမေကြီးဘယ်လိုနေလဲ''
''ဘာမှမဖြစ်တော့ပါဘူး အခုအိပ်နေတယ်''
''တော်ပါသေးရဲ့ ခရမ်းတောင်းပန်ပါတယ် ခရမ်းကသိပ်ပြီးသည်းခံနိုင်စွမ်းမရှိဘူး ကိုယ့်ကိုစော်ကားရင်နှုတ်နဲ့ပဲဖြစ်ဖြစ်ကိုယ်နဲ့ပဲဖြစ်ဖြစ်တုန့်ပြန်လိုက်ရမှ''
''စိတ်ထဲမထားပါနဲ့ခရမ်းရယ် ဘာမှမဖြစ်ပါဘူး နောက်ဆိုအဖွားနဲ့ဝေးဝေးသာနေသိလား ဖွားဖွားကလူတစ်ဖက်သားကိုနာအောင်အရမ်းပြောတတ်တာ ခရမ်းကသည်းမခံနိုင်တဲ့အခါပြဿနာတွေမကြီးသင့်ပဲကြီးကုန်မှာစိုးလို့''
''အင်းပါ ခရမ်းလည်းသည်းခံနိုင်သလောက်သည်းခံပါ့မယ် ဘာပဲဖြစ်ဖြစ်ခရမ်းကအပြင်လူပဲဟာ အချိန်တန်ရင်ထွက်''
သူမစကားဆုံးခင်တည်စေကသူမနှုတ်ခမ်းပေါ်လက်ညှိုးတင်ပြီး
''အဲ့စကားကိုလက်လွတ်စပယ်မပြောနဲ့လေ တစ်ယောက်ယောက်ကြားသွားလိမ့်မယ်''
ခရမ်းခေါင်းကိုအမြန်ညိတ်၍
''အင်းအင်း မေ့သွားလို့''
''အင်း နောက်တစ်ခါသတိထားနော်''
''အင်းပါ''
''အခုဖွားဖွားလည်းဘာမှမဖြစ်တော့ဘူးဆိုတော့ခရမ်းစိတ်အေးအေးထားတော့ ဟုတ်ပြီလား''
''ဟုတ်ကဲ့ပါ''
ခရမ်းသက်မလေးအသာချလိုက်၏။ဒီအိမ်ရောက်တာတစ်ပတ်မပြည့်သေးဘူး ပြဿနာကတက်နေပြီ။နောက်ထပ်ခြောက်လကိုဘယ်လိုသည်းခံရမလဲမသိတော့ပါ။
👑👑👑
ဒေါ်နန်းခမ်းမေတစ်ယောက်ဧည့်ခန်းထဲမှာလမ်းလျှောက်ရင်းပုတီးစိပ်နေတုန်းခရမ်းရောက်လာပြီး
''အမေကြီးကျွန်မကိုခေါ်တယ်ဆို''
''အေး ခိုင်းစရာရှိတယ်''
VOCÊ ESTÁ LENDO
ကျွန်တော်တင်မြှောက်တဲ့မိဖုရား[Completed]
Romanceအဖွားပေးစားတဲ့သူကိုမယူချင်လို့ကလောသူလေးတစ်ဦးကိုဟန်ဆောင်လက်ထပ်ခဲ့တဲ့သူ... အဖွားနဲ့ဇနီးဖြစ်သူကြားကပဋိပက္ခတွေအပြင် အဖွားသဘောတူထားတဲ့နီရဲရဲကပါအရှုပ်ထုပ်တစ်ခုဖြစ်လာပြီးသူတို့လေးဦးကြားကရန်ပွဲနဲ့ပြဿနာပေါင်းစုံ... FLကလုံးဝမဟုတ်မခံလေးပါနော်