الجزء 10:
ملاك تزعزعات من شنو كاتشوف كاتحاول تستوعب بلي هدا هو منتصر نفسو اللي لقاتو نهار اللول حدا مول الحانوت و حاط حداه شبيكة خضرة مليئة بالقطع النقدية حقا سبحان مبدل الأحوال لابس لباس باين وااااعر ضارب ماكانة ديال الفريع الفاروعي فيدو و لابس تيشورت لاصق على عضلاتو و زايد من فوق منو جاكيط ديال جلد ريحة عطرو تغلغلات فأعماقها طولتو هيبتو كلامو نظراتو سيارة اللي كان سايق هادشي كولو خلا ملاك تجمد فبلاصتها أواه منتصر صدق بصح ما ساهلش و واضح بلي إنسان فات ثراء الفاحش لهيه ملاك رغم انها كانت كاتقول انه فالمافيا و غايكون لباس عليه ما كانتش متوقعة كانت غير كاتقول و لكن اليوم شافت كلشي على عينيها و ما شافت غا صفر فاصلة صفر واحد من داكشي اللي عندو ...
منتصر تنهد و هو كيشوف فجمالها عن قرب عرفها متفاجئة و علاش اللي ما تصدمش و هي شافت الفلوس و الجمال و الأناقة منتصر قدر يعرف نقطة ضعفها و غايشدها منها ملاك و الفلوس و الثراء قصة عشق لا تنتهي و ملاك عايشة الفقر غا كاتبان لها هميزة صغيرة كاتغامر فما بالك منتصر اللي جاي عندها بالبورش طمع طااااااعون و ملاك ما كتبقاش تقشع ....
منتصر نطق بهدوء مبرد اعصابو على الآخر ...
منتصر : نزلي
ملاك بقات كتشوف فيه و وحيد و ليلى كلهم كايشوفو و مصدومين ..
ملاك: م..م ..منتصر
منتصر : أه منتصر هدا نزلي بعدا و نهضرو مزيان عندي شلا ما يتكَال لسيادتكم
ملاك حركات راسها بالنفي و شافت فوحيد و رجعات شافت فمنتصر ما عرفاتش علاش توترات فهاد اللحظة بدات كتخاف من منتصر واخا ما دايرة والو ..
ملاك : لا .... حنا غانمشيو لواحد القهوة نراجعو شوية لقيتينا مزروبين
وحيد و ليلى طرطقو فيها عينيهم بصدمة فحين منتصر ابتاسم باستهزاء و قال بكل برودة ...
منتصر : أهاه بحال المراجعة اللي درتو عاد دابا شوية اه نسيت [ حك جبهتو ] نتوما كتحفظو بعيساوة خاصكم الأومبيونس باش المعلومة كدخل لدماغكم مزيان الا ما خفت نكدب ياك أ ملاك
ملاك صرطات ريقها بصعوبة و هي كاتشوف فيه و مرة مرة عينيها كاتمشي لديك البورش اللي محطوطة أمامهم كأنها بدأت تدرك ان منتصر ما كيتفلاش و سيد بصح فالمافيا و سيد راه فشكل ماشي كيفما كانت كاظن ...
ملاك: لا قبيلة غير كنا كنساو الجو ديال القراية اما دابا غانمشيو نقراو
منتصر بقا كيشوف فيها ساكت فحين ملاك ابتاسمت ليه ابتسامة صفراء و نطقات ...
ملاك : غا سمح ليا ما نقدرش نهضر معاك دابا غا سير لقيتينا مزروبين حتى دوز عندي من بعد
منتصر بقا ساكت لعدة ثواني و فالاخير خنزر فيها و نطق بهدوء مخيف ...
ВИ ЧИТАЄТЕ
ملاك منتصر
Романтика-----------Romantic love Story ----------------- 🖤 ملاك منتصر 🖤 ✍️Fatima Zahra ouba ✨️ هي ضلعي الأعوج الذي بدونه لاتستقيم الحياة ✨️ ✨️إِتَخْذتُكَ ماءً، و نسيت أن الماء قد يَروي و قد...
